প্রধানমন্ত্রীগী লোইশঙ
ঙসি তর্কিদা য়ুহা হাবদা খুদোংথিবা নংলবশিংদা মতেং পাংনবা প্রধান মন্ত্রীনা পাউতাক পীরকপদগী, খুদক্কী ওইনা মতেং পাংনবা খন্ননবা পি.এম.ওদা মীফম পাংথোকখ্রে
তর্কি সরকারগা পাউ ফাউন্দুনা তর্কিদা মী কনবা অমসুং থিনবা কাংবু, মেদিকেল তিমশিং তেংবাং পোৎলমশিংগা লোয়ন্না থারগনি
Posted On:
06 FEB 2023 2:34PM by PIB Imphal
ঙসি তর্কিদা য়ুহা হাবদা খুদোংথিবা নংলবশিংদা মতেং পাংনবা প্রধান মন্ত্রী শ্রী নরেন্দ্র মোদীনা পাউতাক পীরকপদগী,খুদক্কী ওইনা মতেং পাংনবা খন্ননবা প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা সাউথ ব্লোক্তা মীফম অমা পাংথোকখ্রে। এন.দি.আর.এফকী মী কনবা অমসুং থিনবা কাংবুশিং অমসুং তেংবাং পোৎলমশিংগা লোয়ন্না মেদিকেল তিমশিং খুদক্তা থাবা হায়না মীফম অদুদা ৱারেপ লৌখ্রে।
অখন্ননা ত্রেন তৌরবা হুইশিং অমসুং দরকার ওইবা খুৎশু-খুৎলায়শিং য়াওরবা মীওই ১০০না শাবা এন.দি.আর.এফকী তিম অনি মী কনবা অমসুং থিবগী থবক পাংথোক্নবা য়ুহা হাবদগী শোকহল্লবা মফমদা পাইনবা থৌরাং তৌরে। ত্রেন তৌরবা দোক্তরশিং অমসুং পেরামেদিকশিং অমসুং তঙাইফদবা হিদাক-লাংথকশিংগা লোয়ন্না মেদিকেল তিমশিংশু থারগনি। তর্কি সরকার অমসুং অনকারাদা লৈবা ইন্দিয়ান এম্বেসি অমসুং ইসতানবুল লৈবা কন্সুলেত জেনেরেলগা পাউ ফাউনদুনা তেংবাং পোৎলমশিং থারগনি।
মীফম অদুদা কেবিনেত সেক্রেতরি, হোম এফেয়ার্স মিনিস্ত্রি, এন.দি.এম.এ, এন.দি.আর.এফ, দিফেন্স, এম.ই.এ, সিবিল এভিএসন অমসুং হেল্থ অমসুং ফেমিলি ৱেলিফিয়ারগী মীহুৎশিং শরুক য়াখি।
*****
(Release ID: 1896620)
Visitor Counter : 109
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam