জি-২০গী মখাদা অসামগী গুৱাহাতিদা ফেব্রুৱারি ৬-ফেব্রুৱারি ৮,২০২৩ ফাওবা অহানবা য়ুথ-২০(ৱাই২০) ইন্সেপসন মীতিং পাংথোক্কনি। মীফম অদুদা আই.আই.তি গুৱাহাতিগী কেম্পসতা পাংথোক্কনি। মীফম অদুদা অদুদা মখোয়গী খোল্লাউশিং মালেমগী মীয়ামদা খঙহন্নবা খুদোংচাবা অমা মহৈরোয়শিংদা পীগনি।

য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুরনা ৱাই-২০ দেলিগেদশিংগা লোয়ন্না ‘য়ুথ দাইলোগ’ অমা পাংথোক্লবা মতুংদা তোঙান-তোঙানবা থিমশিংদা হ্বাইত পেপর পুথোক্কনি।অসামগী চীফ মিনিস্তর শ্রী হিমান্তা বিশ্বা শর্মানা অসামগী মহৈরোয়শিং অমসুং অখঙ-অহৈশিংগী রিছর্স পেপরশিং পুথোক্কনি। মসিগী মথক্তা, আই.আই.তি গুৱাহাতিদা তেক্নিকেল সেসনশিং অমসুং খন্ন-নৈনবশিং পাংথোক্কনি; শক্নাইরবা ৱাঙাংলোয়শিংগী মনুংদা জেনেরেল ভি.কে সিংহ, শ্রী জি.পি সিংহ, হিমা দাস য়াওরি। মখা তানা, ৱাই-২০ দেলিগেদশিং শকখঙ-মাইখঙনবগী থৌরম ব্রাহ্মাপুত্র সেন্দবার আইলেন্দতা পাংথোক্কনি অমসুং শক্নাইরবা শৈশকপা পেপোনগী ঈশৈগী থৌরম পাংথোক্কনি।

নুমিৎ হুম্নিগী মীফম অদুদা জি-২০ লৈবাকশিংদগী নহারোল দেলিগেদ ১৫০ হেন্না শরুক য়াগনি। হায়রিবা থৌরমশিং অদুদা কোলেজ/য়ুনিভর্সিতিগী মহৈরোয় ১২,০০০ হেন্না শরুক য়ারবা য়ারি। জি-২০গী মরমদা অমসুং থৌদাংগী মরমদা স্কুলশিং ৱাখল তাহন্নবা অসামগী অৱাংবা থাক্কী মহৈলোয়শঙশিংনা অনকপা স্কুল ১০তা থৌরমশিং পাংথোক্কনি।

মতম অসিগী থৌদোক-ৱাথোকশিংগী মতাংদা মখোয়না খল্লিবশিং পুখৎনবা নহারোলশিংদা মফম অমা পীনবা ৱাই-২০না পান্দম থম্লি। ভারতনা জি-২০গী প্রসিদেন্ত ওইরবা মতম অসিদা ৱাই-২০গী থৌরমশিংগী থৌরাং তৌনবা অসামগী গুৱাহাতিদা ফেব্রুৱারি ৬-ফেব্রুৱারি ৮,২০২৩ ফাওবা অহানবা য়ুথ-২০(ৱাই২০) ইন্সেপসন মীতিং পাংথোক্কনি।

ৱাই-২০গী থিমশিংদি তুংলমচৎকী থবক: ইন্দস্ত্রি ৪.০, ইন্নোবেসন অমসুং ২১শুবা চহিচা; ক্লাইমেত চেঞ্জ অমসুং অমাং-অতা থোকপা হন্থহনবা: পুন্সিগী লম্বী অমা ওইনা তুংকোইনা চৎনগদবা থবকশিং পাংথোকপা; শান্তি পুরকপা অমসুং ৱাখল তামিন্নবা: লান লৈতবা যুগ অমা লৈহনবা; তুংলমচৎগীদমক: গনতন্ত্র অমসুং লৈবাক ঙাকপদা নহারোল; হকশেল, নুংঙাই-য়াইফবা অমসুং শান্নবা: নহারোলগী পান্দম হায়বা অসিনি।

জি-২০ মীফমশিংগী নহারোলশিংগী মীফম অমা ওইরিবা ৱাই-২০ অসি ২০১২দগী হৌদোকখি অমসুং মসি নহারোলশিং জি-২০গা থবক তৌমিন্নবা য়ানবা নহারোলশিংগীদমক ওফিসিএল ওইনা শকখঙলবা অমতা ঙাইরবা মফম্নি। মসি জি-২০গী মখাদা ওফিসিএল ওইনা থবক তৌবা লুপ ৮গী মনুংদা অমনি।

জি-২০গী প্রসিদেন্ত ওইরিবা লৈবাকশিংনা নহারোলশিংগী মীফম পাংথোকপগী থৌদাং লৌই। মসি মহৌশানা নহারোলশিংগী অনিংবশিং খঙদোক্নবা অমসুং মখোয় মশাগী থৌশিলশিং শেমজনবা মখোয়গী পাউতাকশিং লৌনবা জি-২০ মীফম পাংথোক্কদবা চয়োল খরগী মমাঙদা পাংথোকই। মসি জি-২০ সরকারশিং অমসুং মখোয়গী নহারোলশিংগী মরক্তা মরী অমা শেমগৎনবা থৌরাং অমনি। নুমিৎ হুম্নিগী ৱাই-২০ ইন্সেপসন মীতিং অসি ফেব্রুৱারি ৮,২০২৩দা লোইশিনগনি।

*****