মমাংগী চহি খরসিদা পাংথোকখিবা বেলেন্স শিত ক্লীন-অপ তৌবগী থবকশিংনা ফাইনান্সিএল ইন্সতিত্যুসনশিংগী লেন্দিং তৌবা ঙম্বগী মতিক হেনগৎহল্লে অমসুং ফিভম অসি এপ্রিল ২০২২দগী হৌনা সেদ্যুল কম্মর্সিএল বেঙ্ক (এস.সি.বি.)শিংগী নন-ফুদ ক্রেদিত ওফতেক্কী গ্রোথনা দবল দিজিত ওইখিবসিদা উবা ফংই। ৱাফম অসি ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা পুথোকখিবা ইকোনোমিক সর্ভে ২০২২-২৩দা ফোংদোক্লি।

বেঙ্ককী হেল্থী ওইবা বেলেন্স শিত, এন.বি.এফ.সি.শিংগী মপাঙ্গল হেন্না লৈরবা কেপিতেল বেজ অমসুং দোমেস্তিক ম্যুচুএল ফন্দগী এসেত অন্দর মেনেজমেন্ত (এ.য়ু.এম.)কী অচৌবা শাহৌনা তেংবাংদুনা অফবা ইনভেস্তমেন্ত সাইকল অমা লাকহন্দুনা অমৃত কালগী পান্দমশিং ফংহনবদা ফাইনেন্সিএল সীস্তেম অসিনা অচৌবা থৌদাং য়াগনি হায়না সর্ভে অসিনা ফোংদোক্লি।

মনিতরী দিভেলপমেন্তশিং

চাউখৎপা অমসুং চাউখৎলক্লিবা শেন্মিৎলোনশিংদা ইং ২০২২দা ইনফ্লেসন হল্লকপনা মতম অমত্তদা মনিতরী পোলিসী লাকশিল্লক্লিবনি হায়না সর্ভে অসিনা ফোংদোক্লি।

আর.বি.আই.না পাউখুম ওইনা এপ্রিল ২০২২দা মনিতরী তাইতনিং সাইক্লিং তৌবা হৌখি অমসুং দিসেম্বর ২০২২ ফাওবদা পোলিসী রেতপু অপুনবা বেসিস পোইন্ত ২২৫দা হেনগৎখি, মসিনা দোমেস্তিক ফাইনেন্সিএল কন্দিসন লাকশিনখি, অমসুং ফিভম অসি মনিতরী এগ্রিগেতকী শাহৌ নেম্বসিদা উবা ফংখি। থৌওং অসি ইফ্লেসনবু তার্গেত রেঞ্জকী মনুংদা লাকশিন্নবা থমদুনা শেন্মিৎলোনগী শাহৌ লৌবদা তেংবাংনবগীদমক্তা পাংথোকখিবনি।

লিকুইদিতীগী ফিভম অমসুং মনিতরী পোলিসী ত্রান্সমিসন

“শেনবা চহি ২৩দা আর.বি.আই.গী পোলিসীগী খোঙফমদা অহোংবা লৈবনা সর্প্লস লিকুইদিতী কন্দিসন অসিবু কা হেনবা ওইহনখিদে অমসুং ফিভম অসি লাইচৎকী চহিশিংদা লেংদনা লৈখি” হায়না সর্ভে অসিনা মখা তানা ফোংদোক্লি। শেনবা চহি ২২গী লুপা করোর লাখ ৬.৭কা চাংদম্নবদা শেনবা চহি ২৩গী মনুংদা (দিসেম্বর ২১, ২০২২ ফাওবদা) নোংমগী নেত লিকুইদিতী এব্জোর্প্সন্না লুপা করোর লাখ ২.৫গী চাংচত্তা লৈখি।

শেনবা চহি ২৩গী মনুংদা বেঙ্কশিংগী লেন্দিং অমসুং দিপোজিত রেতনা পোলিসী রেপো রেত হোংবগা মান্ননা হেনগৎখি। অপুনবগী ওইনা, অনৌবা অমসুং আউতস্তেন্দিং রুপী লোনশিংগী ৱেতেদ এভরেজ লেন্দিং রেত (দবল্যু.এ.এল.আর.)না শেনবা চহি ২৩দা (নবেম্বর ২০২২ ফাওবদা) মথংশিৎনা বি.পি.এস. ১৩৫ অমসুং ৭১দা হেনগৎখি। দিপোজিত তৌবগী ওইনদি, আউতস্তেন্দিং দিপোজিতকী ৱেতেদ এভরেজ দোমেস্তিক তর্ম দিপোজিত রেত (দবল্যু.এ.দি.তি.দি.আর.) ইসি শেনবা চহি ২৩ (নবেম্বর ২০২২ ফাওবদা)দা বি.পি.এস. ৫৯দা হন্থখি। অনৌবা লোন্দা দবল্যু.এ.এল.আর. হেনগৎপগী মতৌনা পব্লিক সেক্তর বেঙ্কশিংগী মতাংদা হেন্না ৱাংখি, অদুগা আউস্তেন্দিং দিপোজিতকী দবল্যু.এ.দি.তি.দি.আর. অমসুং আউস্তেন্দিং লোনগী দবল্যু.এ.এল.আর. অসি প্রাইভেত বেঙ্কশিংগী ওইনা ৱাংখি।

জি.-সেক মার্কেতকী ফিভম

গবর্নমেন্ত সেক্যুরিতিজ (জি.-সেক) মার্কেত্তা বোন্দ য়িল্দশিংনা ইনফ্লেসন ৱাংবা অমসুং পোলিসী রেত হেনগৎপগী মতুং ইন্না জুন ২০২২ ফাওবদা মথক কাখি হায়না সর্ভে অসিনা ফোংদোক্লি। য়িল্দশিং অসি নবেম্বর অমসুং দিসেম্বর ২০২২দা ময়াই ওইরপ ওইখি, মসিগী মরমদি ক্রুদ ওইল মমল নেম্বা, রেত হেনগৎপগী খোঙজেল তপ্পা অমসুং মালেমগী সোভরেন বোন্দ য়িল্দ ময়াই ওইরকপদগীনি।

বেঙ্কিং সেক্তর

রেগ্যুলেতরী অমসুং সুপর্বাইজরী ফ্রেমৱর্ক মপাঙ্গল লৈহনবা, রিকোগনিসন, রিজোল্যুসন, রিকেপিতেলাইজেসন অমসুং রিফোর্মগী আর.৪গী থৌওং পায়খৎপগুম্বা নিংথিনা নৈনরবা পোলিসীগী খোঙথাংশিং পায়খৎপগী মতাংদা আর.বি.আই. অমসুং সরকারনা হোৎনরিবশিংনা চহি কয়াসিগী মনুংদা রিস্ক এব্জোর্প্সন কেপাসিতী হেন্না ফগৎহল্লে অমসুং এসেত ক্বানিতিতীগা মরী লৈননা বেঙ্কিং সীস্তেমগী অফবা বেলেন্স শিত অমসু লৈহনবা ঙমখি হায়না ইকোনোমিক সর্ভে ২০২২-২৩না ফোংদোক্লি।

এস.সি.বি.শিংগী গ্রোস নন-পরফোর্মিং এসেত রেসিও (জি.এন.পি.এ.) অসি মার্চ ২০২০দা ওইরম্বা ৮.২%দগী চহি তরেৎকী মনুংদা খ্বাইদগী নেম্বা ওইনা সেপ্তেম্বর ২০২২দা ৫.০%দা হন্থখি। “রিকোবরী, অপগ্রেদ অমসুং রাইত-ওফ তৌবগী খুত্থাংদা স্লিপ্পেজ নেম্বা অমসুং আউতস্তেন্দিং জি.এন.পি.এ.শিং হন্থবদগী ফিভম অসিদা তারক্লিবনি”, সর্ভে অসিনা হায়রি। আর.বি.আই.গী স্ত্রেস তেস্তিং ফ্রেমৱর্ক্কী বেজলাইন সিনারিওগী মতুং ইন্না, জি.এন.পি.এ. রেসিও হন্থবগী ফিভম অসি মখা তাথবা য়ারি অমসুং মার্চ ২০২৩দা মখা তানা ৪.৯%দা তাথরকখিগনি হায়না পানরি। মসিদা নত্তনা, জি.এন.পি.এ. তাথরকপগা লোয়ননা, প্রোবিজনিং কবরেজ রেসিও (পি.সি.আর.)সু মার্চ ২০২১দগী তপ্না তাথরক্লি অমসুং সেপ্তেম্বর ২০২দা ৭১.৬% য়ৌখি।

ক্রেদিত গ্রোথ

শেনবা চহি ২২দা শেন্মিৎলোনগী থবকশিং ফগৎলকপগা লোয়ননা বেঙ্ক অমসুং কোর্পোরেতশিংগী শেল-থুমগী ফিভম ফগৎলকপগী মতৌনা জুন ২০২১দগী হৌনা নন-ফুদ বেঙ্ক ক্রেদিত পাকথোক-চাউথোকহনবদা তেংবাংখি। নন-ফুদ বেঙ্ক ক্রেদিতকী ৱাই.-ও.-ৱাই. গ্রোথ অসি য়াম্না হেনগত্তুনা দিসেম্বর ২০২২দা ১৫.৩% য়ৌখি”, সর্ভে অসিনা পাউদমখি। হোম লোনগী অপাম্বা হেন্না লৈরকপগী মরম্না মরু ওইবা ৱাফম ওইদুনা রিতেল ক্রেদিতনা গ্রোথ লৈহনবগা লোয়ননা ক্রেদিত গ্রোথ অসি সেক্তর পুম্বগী ওইনা পাক চাউখি।

লৌউ-শিংউ অমসুং মরী লৈনবা থবকশিংগী ক্রেদিতপু সরকারগী কন্সেস্নেল ইন্সতিত্যুস্নেল ক্রেদিত অমসুং লৌউ-শিংউগী ক্রেদিত তার্গেত অৱাংবা পান্দম থম্বনা শৌগৎখি। ইন্দস্ত্রীএল ক্রেদিত গ্রোথপু ইমর্জেন্সী ক্রেদিত লাইন গেরেন্তী স্কিম (ই.সি.এল.জি.এস.)না তেংবাংদুনা এম.এস.এম.ই.দা ক্রেদিত পীবা হৌরকপগী মতৌ অমসুং কেপাসিতী শিজিন্নবগী থৌওং ফগৎলকপনা অফবা ফিভমদা লৈহল্লি। সর্ভিসকী ক্রেদিত গ্রোথ অসিবুনা এন.বি.এফ.সি., কম্মর্সিএল রিএল ইস্তেত অমসুং ত্রেদ সেক্তরশিংদা ক্রেদিত পীবদা রিকোবরী লাকপনা মশক থোক্না তেংবাংলি।

এন.পি.এ. রেসিও নেম্বা অমসুং হেন্না চাউরবা কোর্পোরেত সেক্তর ফন্দামেন্তেলশিংনা নিংথিনা কেপিতেল থাদরবা বেঙ্কিং পথাপ অসিনা ইন্তরেস্ত রেত ৱাংখৎচরক্লবসু বেঙ্ক ক্রেদিতকী থৌওংবু কান্নগদবা ইনভেস্তমেন্তকী খুদোংচাবদা লেপ্তনা ওন্থোকখিগনি হায়না সর্ভে অসিনা মখা তানা পল্লি।

এন.বি.এফ.সি.শিংগী রিকোবরী মখা তানা চত্থবা

এন.বি.এফ.সি.গী ক্রেদিতনা লেপ্তনা হেনগৎলকপা অসিবু জি.দি.পি.গা মান্নবগা লোয়ননা এস.সি.বি.না পীবা ক্রেদিতকা মরী লৈনৈ হায়না ইকোনোমিক সর্ভে ২০২২-২৩না হায়রি। পোলিসীগী তোঙানবা খোঙথাং কয়ানা তেংবাংদুনা, এন.বি.এফ.সি.শিংনা লাইচৎনা থোকহনবা মার্কেতকী চৈথেংশিং মাইয়োক্নবা ঙমগনি। মখোয়না শেনবা চহি ২২গী মনুংদা শেল-থুমগী অফবা ফিভম শেমগৎখি অমসুং মতৌ অসিবু বেলেন্স শিত কন্সোলিদেত তৌবা, এসেত ক্বালিতী ফগৎহনবা, কেপিতেল বফর অমসুং শেন্দোং লৈবগী মতৌ হেনগৎহনবগী থৌওংদা ৱাফমশিং অসি মমি তাখি।

এন.বি.এফ.সি.গী জি.এন.পি.এ. রেসিওনা লাইচৎকী অনিশুবা ৱেবতা রেকোর্দ তৌখিবা খ্বাইদগী ৱাংবা ৭.২%তগী লাইচৎ মমাংগী থাক্তা নকশিল্লক্তুনা সেপ্তেম্বর ২০২২দা ৫.৯% য়ৌদুনা হন্থরকপগী ফিভমদা এসেত ক্বালিতীনা লেপ্তনা ফগৎলকপগী ফিভমগী মমি তাখি।

এন.বি.এফ.সি.না পীবা ক্রেদিতকী মোমেন্তম হেনগৎলক্লি অমসুং এগ্রিগেত আউস্তেন্দিং এমাউন্তনা সেপ্তেম্বর ২০২২ ফাওবদা লুপা করোর লাখ ৩১.৫ য়ৌখি। এন.বি.এফ.সি.না মখোয়গী বেলেন্স শিত্তগী ইন্দস্ত্রী সেক্তর, মথংদা রিতেল, সর্ভিস অমসুং এগ্রিকলচর সেক্তরদা ক্রেদিত য়াম্না পীবগী থৌওং মখা চত্থখি।

ইন্সোল্ভেন্সী অমসুং বেঙ্ক্রপ্সী কোদকী মখাদা লৈবা প্রোগ্রেস

শেনবা চহি ২০২২দা এস.সি.বি.না আই.বি.সি.গী মখাদা রিকোবর তৌবা অপুনবা শেনফম্না মান্নবা মতমসিদা লোক অদালত, সারফেসী এক্ত অমসুং দি.আর.তি.গুম্বা অতোপ্পা চেনেলশিংগা চাংদম্নবদা খ্বাইদগী য়ামখি হায়না সর্ভে অসিনা ফোংদোক্লি।

দিসেম্বর ২০১৬দা আই.বি.সি. হৌদোকখিবগী মতুংদগী মসিনা ইজ ওফ দুইং বিজনেস হেন্না ফগৎহনখি। সেপ্তেম্বর ২০২২গী অরোইবা ফাওবদা কোর্পোরেত ইন্সোল্ভেন্সী রিজোল্যুসন প্রোসেস (সি.আই.আর.পি.) ৫৮৯৩ হৌখি অমসুং মসিগী মনুংদগী ৬৭%তি লোইশিনখ্রে। সেপ্তেম্বর ২০২২ ফাওবদা, হৌজিক চত্থরিবা সি.আই.আর.পি.গী ৫২%না ইন্দস্ত্রীগী ওইরি, সর্ভিস সেক্তরনা ৩৭% লৈদুনা তুং ইল্লি হায়না সেক্তরশিং নৈনবা মতমদা খঙবা ঙম্লে হায়না সর্ভে অসিনা ফোংদোক্লি।

কোরপোরেত দেবতর (সি.দি.)শিংগী মরক্তা বিহেবিয়র চেঞ্জ লাকপগী খুদম অমা ওইনা, লুপা করোর লাখ ৭.৩গী অন্দরলাইয়িং দিফোল্ত লৈবা সি.দি.শিংনা সি.আই.আর.পি. চত্থবা হৌনবা সেপ্তেম্বর ৩০, ২০২২ ফাওবদা থাজিল্লকপা এপ্লিকেসন ২৩,৪১৭ অসি সি.আই.আর.পি. চত্থবা হৌখিবা মতমদা সি.দি. মথক্তা লৈরম্বা কন্ত্রোল মাঙগনি কিবদগী মখোয়বু সি.আই.আর.পি.দা মিং চন্দ্রিঙৈদা লোইশিনখ্রে।

*****