ঙসি সংসদতা বজেত ২০২৩-২৪ পুথোকপদা ফাইনান্সকী য়ুনিয়ন মিনিস্তর শ্রীমতি নির্মলা সিতারমন্না হায়খি সরকারগী ৱাঙুলোন সবকা সাথ সবকা বিকাসনা পুন্না চাউখৎমিন্নবগী খুদোংচাবা পীরে। অমনা অমগী মতেং পাংন্নবা অমসুং অমৃত কালগী মতমদা ‘সাপ্তরিসি’ ওইনা থবক তৌনবা য়ুনিয়ন বজেতনা মরুওইবা থবক ৭ পায়খৎলে। সরকারনা মরুওইনা লৌরিবা থবকশিংগী মনুংদা পুন্না চাউখৎমিন্নবা হায়বসি অমনি অমসুং অতৈ লেমহৌরবশিংদি হকশেল, লাইরিক-লাইশু তম্বা অমসুং স্কিল লৈহনবনি।

ওজাশিং ত্রেনিং পীবগী মরুওইবগী মতাংদা, ফাইনান্স মিনিস্তরনা হায়খি অনৌবা পেদাগোজি, করিকুলম, মখা তানা শীনফম অসিদা লৈরিবশিং ফগৎহনবা, সর্ভেশিং অমসুং আই.সি.তি শীজিন্নদুনা ওজাশিংগী ত্রেনিং অমুক হন্না ফগৎহনগদবনি। মসিগীদমক অফবা ইন্সতিতুৎশিং লৈহন্নবা দিস্ত্রিক ইন্সতিতুৎস ওফ ইজুকেসন এন্দ ত্রেনিং শেমগৎকদবনি।

সবজেক কয়াগী অফবা লাইরিক কয়া ফংহন্নবা অঙাংশিং অমসুং ইনখৎলক্লিবশিংগীদমক নেসনেল দিজিতেল লাইব্রেরি অমা লিংখৎনবা মিনিস্তরনা লাউথোকখি। মহাক্না হায়খি পঞ্চায়াত অমসুং ৱার্দকী থাক্তা লাইব্রেরিশিং লিংখৎনবা রাজ্যশিং পুক্নিং থৌগৎকনি অমসুং নেসনেল লাইব্রেরি রিছোর্সশিং ফংনবা দরকার ওইবা মচাকশিং পীগনি।

মিনিস্তরনা হায়খি লাইরিক পাবগী হৈনবী লৈহন্নবা অমসুং লাইচৎ মনুংদা লাইরিক তম্বা ফংদবগী মাঙখিবা অদু মেনখৎনবা ফিজিকেল লাইব্রেরিশিংদা নেসনেল বুক ত্রস্ত, চিন্দ্রেনস বুক ত্রস্ত অমসুং অতোপ্পা সোর্ছশিংনা করিকুলারগী নত্তবা লাইরিকশিং লম-লমগী লোনশিং অমসুং ইংলিসতা ফংহন্নবা পুক্নিং থৌগৎকনি। মসিগী শরুক অমা ওইনা এন.জি.ওশিংগা থবক তৌমিন্নগনি।

শেন-থুমগী থবকশিং মীয়ামদা খঙহনবগী মতাংদা য়ুনিয়ন ফাইনান্স মিনিস্তরনা হায়খি

হায়রিবা লাইব্রেরিশিং অসিদা চহিগা চুনবা পানবা লাইরিকশিং পীনবা ফাইনান্সিএল সেক্তর রিগুলেতরশিং অমসুং লুপশিং পুক্নিং থৌগৎকনি।

*****