بھارت ماحول دوست صنعتی اور اقتصادی  تبدیلی میں  پنچ امرت اور   2070 ء تک  کاربن کے صفر اخراج کے لئے پوری مضبوطی سے آگے بڑھ رہا ہے ۔ یہ بجٹ  بھارت کی ماحول دوست ترقی پر توجہ مرکوز کرتا ہے ۔ یہ بات آج پارلیمنٹ میں خزانے اور کارپوریٹ امور کی مرکزی وزیر محترمہ نرملا سیتا رمن نے مرکزی بجٹ 24-2023 ء پیش کرتے ہوئے کہی ۔

ساحلی  جہاز رانی

 سبز ترقی یا ماحول دوست  ترقی کے خطوط پر اظہارِ خیال کرتے ہوئے ، محترمہ سیتا رمن نے تجویز  پیش کی کہ   پی پی پی طریقۂ کار کے ذریعے مسافروں اور مال برداری  ، دونوں کے لئے  کم توانائی اور  کم خرچ  ٹرانسپورٹ  ، ساحلی جہاز رانی  کو فروغ دیا جائے گا ، جس کے لئے عمل درآمد کی خاطر دستیاب فنڈ  میں کمی کو پورا کیا جائے گا ۔

 موٹر گاڑیوں کی تبدیلی

وزیر خزانہ نے یہ بھی کہا کہ ریاستوں کو پرانی موٹر گاڑیوں اور ایمبولنس گاڑیوں کو تبدیل کرنے کے لئے مدد بھی فراہم کی جائے گی ۔  ریاست کے لئے 50 سالہ قرض کے ایک حصے کے طورپر  کیپٹل اخراجات کو  پرانی سرکاری موٹر گاڑیوں کو اسکریپ کرنے  سے بھی مربوط کیا گیا ہے ، جو 7 مقاصد میں سے ایک ہے ۔ محترمہ سیتا رمن نے مزید کہا کہ پرانی آلودگی پھیلانے والی موٹر گاڑیوں کو تبدیل کرنا ہماری معیشت  کو ماحول دوست بنانے کا ایک اہم حصہ ہے ۔ بجٹ 22-2021 ء میں  دی گئی موٹر گاڑیوں کو اسکریپ کرنے کی پالیسی کو آگے بڑھاتے ہوئے ، مرکزی حکومت کی پرانی موٹر گاڑیوں کو  اسکریپ کرنے کی خاطر مناسب فنڈ مختص کئے گئے ہیں ۔

۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔۔۔۔۔۔۔۔۔۔۔۔۔۔۔۔

( ش ح ۔ و ا ۔ ع ا  ) 

U.No. 1077