ਮਹਾਨਦੀ ਕੋਲ ਫੀਲਡਸ ਲਿਮਿਟਿਡ (ਐੱਮਸੀਐੱਲ), ਜੋ ਕੋਇਲਾ ਮੰਤਰਾਲੇ ਦੇ ਤਹਿਤ ਪ੍ਰਮੁੱਖ ਸੀਪੀਐੱਸਈ ਹੈ ਵਾਤਾਵਰਣ ਦੇ ਅਨੁਕੂਲ ਅਤੇ ਟਿਕਾਊ ਮਾਈਨਿੰਗ ਪ੍ਰਥਾਵਾਂ ਦੇ ਰਾਹੀਂ ਲਗਾਤਾਰ ਕੋਇਲਾ ਉਤਪਾਦਨ ਵਿੱਚ ਨਵੀਆਂ ਉਚਾਈਆਂ ਹਾਸਿਲ ਕਰ ਰਿਹਾ ਹੈ। ਇਸ ਦਿਸ਼ਾ ਵਿੱਚ ਐੱਮਸੀਐੱਲ ਦੀ ਨਵੀਨਤਮ ਉਪਲਬਧੀ ਓਡੀਸ਼ਾ ਦੇ ਝਾਰਸੁਗੁੜਾ ਸਥਿਤ ਈਬ ਵੈਲੀ ਕੋਲ ਫੀਲਡਸ ਵਿੱਚ ਔਰੀਐਂਟ ਏਰੀਆ ਦੀ ਖਾਣ ਸੰਖਿਆ-4 ਵਿੱਚ ਚੰਦਰਸ਼ੇਖਰ ਆਜਾਦ ਈਕੋ-ਪਾਰਕ ਅਤੇ ਕੋਇਲਾ ਮਿਊਜ਼ੀਅਮ ਦਾ ਵਿਕਾਸ ਹੈ। ਇਹ ਈਕੋ- ਪਾਰਕ ਝਾਰਸੁਗੁੜਾ-ਰਾਯਗੜ ਰਾਸ਼ਟਰੀ ਰਾਜਮਾਰਗ 49 ਦੇ ਕਿਨਾਰੇ ਗੰਦਘੋਰਾ ਪਿੰਡ ਵਿੱਚ ਸਥਿਤ ਹੈ।

ਇਸ ਪਾਰਕ ਦੇ ਅੰਦਰ ਸਥਿਤ ਕੋਇਲਾ ਮਿਊਜ਼ੀਅਮ ਭਾਰਤ ਵਿੱਚ ਕੋਇਲਾ ਮਾਈਨਿੰਗ ਦੇ ਇਤਿਹਾਸ ਅਤੇ ਵਿਰਾਸਤ ਦੀ ਇੱਕ ਆਦਰਸ਼ ਝਲਕ ਹੈ। ਭੂਮੀਗਤ ਅਤੇ ਓਪਨ ਕਾਸਟ ਮਾਈਨਿੰਗਾਂ ਵਿੱਚ ਇਸਤੇਮਾਲ ਹੋਣ ਵਾਲੀ ਵੱਖ-ਵੱਖ ਮਸ਼ੀਨਾਂ ਅਤੇ ਵਾਹਨਾਂ ਦੇ ਵਰਕਿੰਗ ਮਾਡਲ ਪ੍ਰਦਰਸ਼ਿਤ ਕੀਤੇ ਗਏ ਹਨ। ਪ੍ਰਦਰਸ਼ਿਤ ਕੀਤੇ ਗਏ ਕੋਇਲਾ ਮਾਈਨਿੰਗ ਉਪਕਰਣ/ਮਸ਼ੀਨਾਂ ਵਿੱਚ ਸਰਫੇਸ ਮਾਈਨਰ, ਡੰਪਰ, ਕ੍ਰੇਨ, ਟਿਪਰ, ਡੋਜਰ, ਬੇਲਟ ਕਨਵੇਅਰ, ਕੋਇਲਾ ਕੱਟਣ ਦੀ ਮਸ਼ੀਨ, ਡਰਿਲ ਮਸ਼ੀਨ ਅਤੇ ਬੈਕਹੋ ਆਦਿ ਸ਼ਾਮਲ ਹਨ।

ਓਡੀਸ਼ਾ ਦੇ ਸੁੰਦਰਗੜ੍ਹ, ਝਾਰਸੁਗੁੜਾ ਅਤੇ ਅੰਗੁਲ ਜ਼ਿਲ੍ਹਿਆਂ ਵਿੱਚ ਕੋਇਲਾ ਮਾਈਨਿੰਗ ਗਤੀਵਿਧੀਆਂ ਵਿੱਚ ਸ਼ਾਮਲ, ਐੱਮਸੀਐੱਲ ਨੇ ਹੁਣ ਤੱਕ ਘੱਟ ਤੋਂ ਘੱਟ 2000 ਹੈਕਟੇਅਰ ਪੁਰੀ ਤਰ੍ਹਾਂ ਨਾਲ ਉਪਯੋਗ ਕੀਤੀ ਗਈ ਭੂਮੀ ਨੂੰ ਵਾਪਸ ਭਰ ਦਿੱਤਾ ਹੈ ਅਤੇ ਉਸ ਦਾ ਮੁੜ ਸੁਰਜੀਤ ਕਰ ਦਿੱਤਾ ਹੈ। ਟਿਕਾਊ ਮਾਈਨਿੰਗ ਪ੍ਰਥਾਵਾਂ ਦੇ ਅਨੁਰੂਪ ਸਾਲ ਜਲ  ਸੰਭਾਲ ਲਈ ਕਈ ਮਾਈਨਿੰਗ ਨੂੰ ਜਲ ਸੰਸਥਾ ਵਿੱਚ ਵਿਕਸਿਤ ਕੀਤਾ ਗਿਆ ਹੈ।

********

ਏਕੇਐੱਨ/ਆਰਕੇਪੀ