ঙসি প্রধান মন্ত্রী শ্রী নরেন্দ্র মোদীনা দিল্লিগী কারিয়াপ্পা পেরেদ গ্রাউন্দদা পাংথোকপা চহিগী এন.সি.সি পি.এম রেল্লিদা ৱা ঙাংখ্রে। চহি অসিদা, এন.সি.সি লিংখৎখিবগী ৭৫শুবা মপোক কুমওন থৌরম পাংথোক্লি। থৌরম অদুদা প্রধান মন্ত্রীনা স্পিসিএল দে কোভর অমা অমসুং এন.সি.সি চহি ৭৫ মপুংফারকপগী অখন্নবা লুপা ৭৫গী শেনয়েক অমা ফোঙখি। কন্যাকুমারিদগী দিল্লি ফাওবা পুরকপা অপুনবা শক্তমগী মৈরা প্রধান মন্ত্রীদা খুৎশীন্নখি অমসুং মৈরা অদু কারিয়াপ্পা গ্রাউন্দা থানখি। রেল্লি অদু নুংথিল অমসুং নুমিদাংগী মতমদা পাংথোকখি অমসুং ‘এক ভারত, শ্রেস্থা ভারত’ হায়বা থিমদা কলচরগী থৌরম অমসু পাংথোক্কনি। বসুধাইভা কুতুমবকম হায়বা ভারতকী অশেংবা ৱাখল্লোন অদুদা, মপান লৈবাক ১৯গী ওফিসার  অমসুং কেদেদ ১৯৬ থৌরমশিং শরুক য়ানবা চেবাউ পীখি।

রেল্লি অদুদা ৱা ঙাংবদা, প্রধান মন্ত্রীনা হায়খি চহি অসিদা ভারত অমসুং এন.সি.সি অনিমক চহি ৭৫শুবা মপুংফারকপগী থৌরমশিং পাংথোক্লি। লৈবাক শেমগৎপদা এন.সি.সিনা অচৌবা থৌদাং লৌরি অমসুং মসিগী শরুক অমা ওইরি। এন.সি.সি কেদেদশিং অমসুং লৈবাক অসিগী নহারোলশিং লৈবাক অসিগী ‘অমৃত মীরোল’গী মহুৎশীল্লি অমসুং লাক্লিবা মথং চহি ২৫দা লৈবাক অসিদা অনৌবা থাকশিংদা পুখৎকনি অমসুং বিক্সিৎ অমসুং অত্মানির্ভর ভারত অমা শেমগনি। নোংমদা কিলোমিতর ৫০ চেন্দুনা নুমিৎ ৬০নিদা কন্যাকুমারিদগী দিল্লি ফাওবা মখোয়না অপুনবা শক্তমগী মৈরা পুরকপদগীদমক প্রধান মন্ত্রীনা কেদেদশিং থাগৎলদুনা হায়খি মৈরা অমসুং নুমিদাংৱাইরমগী কলচরগী থৌরম অসিনা ‘এক ভারত শ্রেস্থা ভারত’কী ৱাখল্লোন মপাঙ্গল কনখৎহল্লে।

প্রধান মন্ত্রীনা হায়খি অহানবা ওইনা কর্তব্যা পথতা পেরেদ পাংথোক্লে। এন.সি.সি কেদেদশিংনা নেসনেল ৱার মেমোরিএল, পুলিস মেমোরিএল, লাল কিলাদা নেতাজি সুভাস চন্দ্র বোস মিউজম, প্রধান মন্ত্রী শংগ্রালয়, সরদার পতেল মিউজম অমসুং বি.আর অম্বেকার মিউজম য়েংগদবনি অমসুং পুন্সি অসি চাউখৎনবা মখোয়না ইথিল অমসুং থৌনা ফংগনি।

প্রধান মন্ত্রীনা হায়খি লৈবাক অমা হিংবদা নহারোলশিংগী শক্তি অসি মরুওইবনি। মঙলানশিং থবক ওইনা ওন্থোকপা মতমদা অমসুং মদুগীদমক পুন্সি অমা কৎথোকপা মতমদা, শোইদনা মাইপাকই। হৌজিক্কী মতম অসি ভারতকী নহারোলশিংগীদমক অনৌবা খুদোংচাবশিংগী মতমনি। ভারতকী মতম লাক্লে হায়বা মফম খুদিংমক খুদম লৈরে। মালেম পুম্নমক্না ভারতকী মাইকৈদা য়েংলক্লি অমসুং মসি ভারতকী নহারোলশিংনা ওইহনবনি। জি-২০গী প্রসিদেন্দ ওইবা মতম অসিদা নহারোলশিংগী থৱায় য়াওবা অদুদা প্রধান মন্ত্রীনা চাউথোকচবা ফোঙদোকখি।

প্রধান মন্ত্রীনা হায়খি নহারোলশিংগী থৌনা অমসুং থৱায় য়াওবগা লোয়ন্না লৈবাক অসি শেমগৎপা মতমদা, লৈবাক অদুগী মরুওইবা অদু মতম পুম্নমক্তা লৈবাক অদুগী নহারোলশিংনা ওইগনি।নহারোলশিংগী মফম অমা পীনবা সরকারনা পায়খৎলিবা থবকশিং অসিনা মখোয়গী মঙলানশিং মঙফাওনবদা মখোয়গী মতেং পাংগনি। দিজিতেলগী অওনবশিং, স্তার্দ-অপকী অওনবশিং নত্ত্রগা ইন্নোবেসনগী অওনবশিং য়াওনা লৈবাক অসিগী সেক্তর কয়া নহারোলশিংগীদমক হাংদোক্লে। মসিগী কান্নবশিং ফংলিবশিং ভারতকী নহারোলশিংনি। এসাউল্ত রাইফলশিং অমসুং বুল্লেত প্রুফ জেক্কেতশিং মপান লৈবাকশিংদগী ভারত্তা পুশিল্লকখি। দিফেন্স সেক্তরদা অওনবা পুরকপদগী ঙসিদি ভারতনা ঙাক-শেনগী খুৎলায় চা কয়া শারে। ঙমখৈগী শরুক্তা মচাক-মথুম কয়া শেমগৎলে অমসুং মসিনা ভারতকী নহারোলশিংগী অনৌবা খুদোংচাবা কয়া পীরগনি।

প্রধান মন্ত্রীনা হায়খি ভারতকী স্পেস সেক্তরদা মাইপাকপা অসি নহারোলশিংগী তৌবা ঙম্বশিং থাজবদগী ফংলকপা অফবা ফলশিংনি। স্পেস সেক্তরগী থোং নহারোলশিংগী হৈথোই-শিংথোইবগীদমক হাংদোকপদা, অহানবা ওইনা লনাই সেতেল্লাইত থাগৎপা ঙমখি। মসিগা মান্নবা মওংদা, গেমিং অমসুং এনিমেসন সেক্তরদা ভারতকী নহারোলশিংগী হৈথোই-শিংথোইবগী খুদোংচাবশিং হেনগৎলক্লি। হরাও-কুহ্মৈ, লোজিস্তিক্স অমসুং লৌউ-শিংউগী লমদা দ্রোন তেক্নোলোজিনা অনৌবা থবক কয়া পাংথোকপা হৌরে।

প্রধান মন্ত্রীনা হায়খি ঙাক-শেনগী ফোর্সশিং অমসুং এজেন্সিশিংদা লৈবাক অসিগী নুপীমচাশিংগী অচৌবা খুদোংচাবা কয়া লৈরবা মতম অমনি। হৌখিবা চহি ৮দা পুলিস অমসুং পেরামিলিতরি ফোর্সশিংদা নুপী মশিং শরুক অনিদা হেনগৎলে। আর্মদ ফোর্স অহুমদা নুপীশিংগী লম্বী শেম্লে। অহানবা ওইনা নেভিদা নুপীশিং সেলরশিং ওইনা থবক লৌবা হৌরে। আর্মদ ফোর্সশিংদা নুপীশিং খুৎলায় পায়দুনা লান য়াওনবগী থৌদাং লৌবা হৌরে। নুপী কেদেদশিংগী অহানবা বেতচ এন.দি.এ পুনেদা ত্রেনিং হৌরে। অহানবা ওইনা সৈনিক স্কুলশিংদা নুপীমচাশিং চংবা য়াবদগী, সৈনিক স্কুলশিংদা নুপীমচা ১৫০০ মিং চল্লে। হৌখিবা চহি ১০দা এন.সি.সিদা নুপীশিং শরুক য়াবা হেনগৎলকপা উরে।

য়ুব শক্তিগী থৌনাগী মতাংদা প্রধান মন্ত্রীনা হায়খি লৈবাক্কী ঙমখৈশিং অমসুং সমুদ্র মপানগী লমশিংদগী কেদেদ লাখ অমা হেন্না থবক হাপ্লে অমসুং লৈবাক্কী চাউখৎনবগীদমক করিগুম্বা অসিগুম্বা মশিং য়াম্লবা নহারোলশিং অমতা ওইরবদি, ফংবা ঙম্লোইদবা অমতা লৈরোই। কেদেদশিং মশামক অমসুং ইন্সতিতুৎ অমা ওইনা লৈবাক্কী চাউখৎ-থৌরাংগীদমক মখোয়গী থৌদাং পাংথোক-চাউথোকহনগদবনি। নিংতম ইহৌ মতমদা থৌনা ফরবা মীওই কয়া লৈবাক্কীদমক মখোয়গী পুন্সি কৎথোকখি অদুবু ঙসিদি লৈবাক অসি অনৌবা থাক অমদা পুখৎনবা লৈবাক্কীদমক হিংগদবনি।

মীয়াম মরক্তা শিংচেপ থাবগী থবকশিংগী ময়োক্তা চেকশিন্নবা ৱাফম থম্লদুনা প্রধান মন্ত্রীনা হায়খি অসিগুম্বা থবক কয়া পাংথোক্লবশু ভারতকী মীয়ামগী মরক্তা কৈদৌঙৈদা খেন্নবা লৈরোই। মহাক্না হায়খি ‘ইমাগী খোম্লাংদা কৈদৌঙৈদা তোখাই তাহনবা ঙম্লোই’। মসিগী অপুনবগী লাইৱা অসি অমতা ঙাইরবা হিদাক্নি। অপুনবগী লাইৱা অসি ৱাশক অমনি অমসুং ভারতকী থৌনানি। মসি ভারতনা মাইপাকপা ঙম্নবগী অমতা ঙাইরবা লম্বীনি।

লোইশিল্লকপগী ৱারোলদা প্রধান মন্ত্রীনা হায়খি মসি ভারতকী অমৃত কাল খক নত্তনা, ভারতকী নহারোলশিংগী অমৃত কালনি অমসুং ভারতনা মনিংতম্বা ফংলকপা চহি ১০০শুবা থৌরম পাংথোকপা মতমদা, নহারোলশিংগী মাইপাকপা মতোল লোমগনি। ঐখোয়না খুদোংচাবা অমতা মাঙহল্লোইদবনি অমসুং ভারত অনৌবা থাকশিংদা পুখৎনবা মাঙলোমদা চংশিনগদবনি।

থৌরম অদুদা দিফেন্স মিনিস্তর শ্রী রাজনাথ সিংহ, দি.জি এন.সি.সি, লেপ্তনেন্ত জেনেরেল গুরবিরপাল সিংহ, চীফ ওফ দিফেন্স স্তাফ, লেপ্তনেন্ত জেনেরেল অনিল চৌহান, চীফ ওফ আর্মি স্তাফ, জেনেরেল মনোজ পান্দে, চীফ ওফ নেভি স্তাফ, এদমিরেল আর হরিকুমার, চীফ ওফ এয়র স্তাফ অমসুং দিফেন্স সেক্রেতরি শ্রী গিরধার অমামানে শরুক য়াখি।

Addressing the NCC rally in Delhi. We are proud of the determination of the cadets. https://t.co/9QkgIrXELa

— Narendra Modi (@narendramodi) January 28, 2023

India is extremely proud of the determination and spirit of service of the NCC cadets. pic.twitter.com/mS78KOUiys

— PMO India (@PMOIndia) January 28, 2023

Yuva Shakti is the driving force of India's development journey. pic.twitter.com/6Cj4DZDxL2

— PMO India (@PMOIndia) January 28, 2023

हर तरफ एक ही चर्चा है कि भारत का समय आ गया है, India’s time has arrived. pic.twitter.com/GK7BPvifb4

— PMO India (@PMOIndia) January 28, 2023

New sectors are being opened for the country's youth. pic.twitter.com/hgIPiAqMBm

— PMO India (@PMOIndia) January 28, 2023

*****