জনুৱারী ২৭ – ৩১, ২০২৩ ফাওবা মুম্বাইদা, নেস্নেল ফিল্ম দিভেলপমেন্ত কোর্পোরেসনগী খুত্থাঙদা ইনফোর্মেসন এন্দ ব্রোদকাস্তিং মন্ত্রালয়না সংহাই কোওপরেসন ওর্গনাইজেসন ফিল্ম ফেস্তিবেল পাঙথোক্কদৌরি‍। এস.সি.ও. ফিল্ম ফেস্তিবেল অসি ভারতনা এস.সি.ও.গী প্রেসিদেন্সী পায়রিবা অসিগা মরী লৈনননা পাঙথোক্কদবনি‍।

ফেস্তিবেল অসিগী মরমদা মীদিয়াদা ৱা ঙাঙলদুনা, এদিস্নেল সেক্রেতরী, মিস নীর্জা সেখরনা ফেস্তিবেল অসিনা এস.সি.ও.দা য়াওরিবা তোঙান তোঙানবা লৈবাকশিংগী মরক্তা সিনেমাতিক পার্ত্নরসিপ শেমগৎনবা অমদি নাৎকী ওইবা থোং অমা ওইনবা পান্দম থম্লি‍। মসিনা অপুনবা সিনেমাতিক এক্সপরিএন্সকী থৌওংনা এস.সি.ও. মেম্বরশিংগী ফিল্ম ফ্রেতর্নিতীদা পুন্না চৎমিন্নবগী ইহুলসু শেমগৎকনি‍। এস.সি.ও. ফিল্ম ফেস্তিবেলসিদা উৎকদৌরিবা, এস.সি.ও. স্তেতশিংনা পুথোকপা ফিল্মশিং অসিনা তোঙান তোঙানবা কল্চরশিং অয়েংবশিংদা খঙহনগনি অমদি ফিল্মশিং অসিনা এস.সি.ও. লৈবাকশিংগী মীয়ামদা অমগা অমগা হেন্না মমুৎ তানা খঙমিন্ননবা থোঙনাউসু ওইগনি হায়না মহাক্না মখা তাখি‍।

ফেস্তিবেল অসিগী কম্পিতিসন অমদি নন-কম্পিতিসন স্ক্রীনিংদা এস.সি.ও. লৈবাকশিংদগী ফিল্মশিং উৎকনি হায়না মিস সেখরনা পাউদমখি‍। উৎকদৌরিবা ফিল্মশিং অসিগী মথক্তা, ফেস্তিবেল অসিদা মাস্তর-ক্লাসশিং, ইন-কন্ভরসেসন সেসনশিং, লৈবাক্কী অমদি স্তেতশিংগী পেবিলিয়নশিং, ফোতো অমদি পোস্তর একজিবিসন, হেন্দিক্রাফ্ত স্তোলশিং, অমদি অতৈ অতৈ থৌরম কয়া য়াওরি‍।

এস.সি.ও. ফিল্ম ফেস্তিবেল অসি ভারতনা এস.সি.ও.গী প্রেসিদেন্সী পায়রিঙৈ মনুংদা পাঙথোকপা ওইবনা ফেস্তিবেল অসি ভারতকী ফিল্ম অমগী ৱর্ল্দ প্রেমিয়র অমগা লোয়ননা হৌদোক্কনি‍। হৌদোকপগী থৌরম জনুৱারী ২৭, ২০২৩দা মুম্বাইগী জমসেদ বাবা থিএতর, এস.সি.পি.এ.দা পাঙথোক্কনি‍।

ফিল্ম ফেস্তিবেল স্ক্রীনিংশিং মুম্বাইগী মফম অনি, পেদ্দর রোদতা লৈবা ফিল্ম দিবিজন কম্প্লেক্সকী ওদিতোরিয়ম ৪ অমদি ৱর্লীদা লৈবা নেহহরু প্লানেতরিয়ম বিল্দিংদা লৈবা এন.এফ.দি.সি. থিএতর ১দা পাঙথোক্কনি‍।

কম্পিতিসন সেক্সন অসি এস.সি.ও. মেম্বর স্তেতশিংখক্তগীনি অমদি বেস্ত ফীচর ফিল্ম, বেস্ত এক্তর (মেল), বেস্ত এক্তর (ফিমেল), বেস্ত দিরেক্তর (ফীচর ফিল্ম), স্পিসিএল জুরী এৱার্দনচিংবা তোঙান তোঙানবা লেমজনিংঙাই ওইরবা মনাশিং য়াওরি‍।

নন-কম্পিতিসন সেক্সন অসিনা মখাদা পীরিবা কাঙলুপশিং অসিদা এস.সি.ও. লৈবাক পুম্নমক্কীনি হায়বদি মেম্বর স্তেশিং অমসুং ওবজর্বর স্তেৎশিং অমসুং দাইলোগ পার্ত্নর স্তেৎশিংসু য়াওরি –

ক.     এস.সি.ও. কন্ত্রী ফোকস ফিল্মশিং অসি ফেস্তিবেল অসিদা এস.সি.ও. লৈবাকশিং মহুৎ শিন্নবা খনগৎলবা ফিল্মশিংনি‍। অসুম্না, তোঙান তোঙানবা লৈবাকশিংগী মরক্তা এক্সচেঞ্জ য়াহল্লি অমদি সংহাই কোওপরেসন ওর্গনাইজেসন মেম্বরশিংগী কলচরশিংগী মরক্তা থোং অমা ওইনা থবক তৌই‍।

খ.     দাইরেক্তর ফোকস ফিল্মশিং অসি মমিং লৈরবা এস.সি.ও. লৈবাক্তুগী দাইরেক্তর অমগী, মখোয়গী সিনেমাগী লম্বীদা লৈরিবা ক্রাফ্ত অমদি লাইনিএজগীদমক ময়াম্না ইকায়খুম্নবা, লৈবাক অদুগী হেরিতেজতা থৌদাং য়ারিবা মীয়াম্না থাগৎনবা ভেতেরন অমগী ফিল্মশিং ওইগনি‍।

গ.     চীলদ্রেন ফোকস ফিল্মশিং অসিনা খঙবদা লায়বা অদুগা নহা ওইরিবা অয়েংবশিংদা তাকপি তম্বিবগা লোয়ননা নুংঙাইহনদবা ফিল্মশিংনি‍। অসুম্না নৌরিবা অঙাংশিংগী ইন্তরেস্ত শেমগৎলি অমদি মখোয়গী পুক্নিং ৱাখলবু মখোঙ শোম্বি‍।

ঘ.     সোর্ত ফিল্মশিং অসিনা মিনৎ ২০দগী হেন্না শাংদবা তশেং তশেংবা ৱাখল্লোনশিং পান্দুনা অয়েংবশিংগী পুক্নিং চিংশিনগদবা আর্তিস্তিক অমদি সিনেমাতিক ওইবা মীৎয়েঙদা মমুৎ তানা উৎপা ফিল্মশিংনি‍।

ঙ.     ইন্দিয়ন রিস্তোর্দ ক্লাসিক – ফিল্ম ৫ উৎকদৌরি‍।

এস.সি.ও. ফিল্ম ফেস্তিবেল অসিদা এস.সি.ও. লৈবাকশিংদগী পুন্না ফিল্ম ৫৭ উৎকনি‍। কম্পিতিসন সেক্সন্দা ফীচর ফিল্ম ১৪না চাংদম্নরি অমদি উৎকনি, অদুগা নন-কম্পিতিসন সেক্সন্দা ফৎল্ম ৪৩ উৎকনি‍।

কম্পিতিসন সেক্সনগীদমক পুন্না ফিল্ম ১৪ নোমিনেৎ তৌরে‍।

• মেম্বর স্তেৎ ইন্দিয়াগী ওইনা নিখিল মহাজন্না দাইরেক্সন পীবা মরাথী ফিল্ম ‘গোদাবরী’ অমদি পান নলিন্না দাইরেক্সন পীবা গুজরাতীঈ ফিল্ম ‘দি লাস্ত ফিল্ম সো’ খল্লে‍।
• মেম্বর স্তেৎ কজাখস্তানগী ওইনা এ জাইরোব, এম. মমিরবিকোবনা দাইরেক্সন পীবা রসিয়ন ফিল্ম ‘মোম, আই এম অলাইব!’ অমদি বাইরাকিমোব অলদিয়ারনা দাইরেক্সন পীবা ‘পেরালিম্পিয়ন’ খল্লে‍।
• মেম্বর স্তেৎ কির্গিস্তানগী ওইনা বকীৎ মুকুল, দাস্তান ঝপর উলুনা দাইরেক্সন পীবা কির্গীজ ফিল্ম অকীর্কী কোচ (দি রোদ তু ইদন) অমদি তালাইবেক কুলমেন্দীবনা দাইরেক্সন পীবা উই সত্যলৎ (হোম ফোর সেল) খল্লে‍।
• মেম্বর স্তেৎ চাইনাগী ওইনা য়িহুই সাওগী ইতালিয়ন অমদি চাইনিজ ফিল্ম ‘বি ফোর ব্যুজী’ অমদি সিয়াওঝী রাওনা দাইরেক্সন পীবা চাইনিজ ফিল্ম ‘হোম কমিং’ খল্লে‍।
• মেম্বর স্তেৎ রসিয়াগী ওইনা লিউবোব বোরিসোবা সখানা দাইরেক্সন পীবা রসিয়ন ফিল্ম ‘দোন্ত বরী মি ৱিদাউত ইভান’ অমদি ইভজেনী গ্রিগোরেবনা দাইরেক্সন পীবা পোদেলনিকি (দি রাইয়ৎ) খল্লে‍।
• মেম্বর স্তেৎ উজবেকিস্তানগী ওইনা দি. মসাইদোবনা দাইরেক্সন পীবা উজবেক ফিল্ম এল কিস্মতী (দি ফেৎ ওফ এ ৱুমেন) অমদি হিলোল নাসিমোবনা দাইরেক্সন পীবামিরোস (লিগেসী) খল্লে‍।
• মেম্বর স্তেৎ তাজিক্স্তানগী ওইনা মুহয়িদ্দিন মুজফ্ফরনা দাইরেক্সন পীবা তাজিক ফিল্ম দোব (ফোর্চুন) অমদি মহমাদ্রবি ইস্মোইলোবনা দাইরেক্সন পীবা ওখিরিন সায়দি সয়োদ (হন্তর্স ফাইনেল প্রেব) খল্লে‍।

এস.সি.ও. ফিল্ম ফেস্তিবেলদা ভারতকী ফিল্মশিং –

নিখিল মহাজন্না দাইরেক্সন পীবা খ্বায়দগী শিংথানরিবা মরাথী ফিল্ম গোদাবরী অমদি ওস্কারগী বেস্ত ফোরেল লেঙ্গুএজ কাঙলুপ্তা ভারতকী ওফিসিএল এন্ত্রী ওইখিবা গুজরাতী ফিল্ম ছেলো সোল দি লাস্থ ফিল্ম সো হায়নসু খঙনবা অনি অসি কম্পিতিসন সেক্সন্দা উৎকনি‍। মসিগা লোয়ননা সূজিৎ সরকারগী সর্দার উধম, এস.এস. রাজামৌলীগী পিরিয়দ ফিল্ম আর.আর.আর. এস.সি.ও. কন্ত্রী ফোকস্তা উৎকনি‍। সঞ্জয় লীলা ভন্সালীগী গঙ্গুবাই কথিয়াৱরীনা দাইরেক্ত ফোকস্তা, মৃদুল তূলসিদাসকী তূলসিদাস জুনিয়রনা চীলদ্রেন ফোকস্তা, অমদি চেতন ভকুঞ্জকী জুগলবন্দিনা সোর্থ ফিল্মদা উৎকনি‍। মসিগী মথক্তা রিস্তোর্দ ক্লাসিক মঙা – সত্রঞ্জ কে খিলারী (১৯৯৭, হিন্দী), সুবর্নরেখা (১৯৬৫, বেঙ্গলী), চন্দ্রলেখা (১৯৪৮, তামিল), ইরু কোরগুল (১৯৬৯, তামিল) অমদি চিদম্বরম (১৯৮৫, মলয়ালম) ফেস্তিবেল অসিদা উৎকনি‍।

এস.সি.ও.গী ওফিসিএল লোল হায়বদি রসিয়ন অমসুং চাইনিজনা ফিল্ম ফেস্তিবেল অসিগী ওফিসিএল লোল ওইগনি‍। মসি ভারত্তা পাঙথোকপা ওইবনা ইংলিসপুসু ফেস্তিবেল অসিগী ফংস্নেল লোল ওইনা হাপচিনগনি‍। উৎকদৌরিবা ফিল্মশিং অসি জুরী অমদি লমদমসিগী অয়েংবশিংগী নুংঙাইনবগীদমক ইংলিস লোলদা দব তৌবা নৎত্রগা সবতাইতল থাবা মথৌ তাগনি‍।

‘মাস্তরক্লাসশিং’ অমদি ‘ইন-কন্ভরসেসন’ সেসনশিং ভারতকী ফিল্ম পর্সনেলিতীশিংগা লোয়ননা ফেস্তিবেল অসিদা শরুক য়াগদৌরিবা এস.সি.ও. লৈবাকশিংদগী মমিং লৈরবা ফিল্মমেকর অমদি এক্তরশিংনা শরুক য়াগনি‍। ইন্দস্ত্রী এক্সপর্তশিংনা এনিমেসনগী পুৱারী খোঙ্গুল লীবগী অমদি এনিমেসন অমসুং ভিজুএল ইফেক্তশিংগী মতেঙগা লোয়ননা ‘সোৎ শেম্বগী’ লোইনাইদ্রবা ওইথোকপা য়াবশিংসু পুথোক্তুনা খন্নগদবা সেসনশিং লৈগনি‍। ফিল্ম দিস্ত্রিব্যুসনগী হোংলক্লিবা ফীভম অমদি নৌনা থোরক্লিবা তেক্নোলোজীশিংগী মতেঙগা লোয়ননা ইন-থিএতর লেঙ্গুএজ ত্রান্সলেসনগী মতাঙদা সেসন খরসু থৌরাং তৌরি‍।

ওনলাইন দেলিগেৎ রেজিস্ত্রেসন এস.সি.ও. ফিল্ম ফেস্তিবেলগী পোর্তেল: https://sco.nfdcindia.com/ দা তৌবা য়াগনি অমদি মুম্বাইগী পেদ্দর রোদতা লৈবা ফিল্ম দিবিজন কমপ্লেক্সকী মরুওইবা ফেস্তিবেলগী মফমদা লৈরিবা রেজিস্ত্রেসন দেস্কতা তৌবসু য়াগনি‍। দেলিগেৎ রেজিস্ত্রেসন ফী অসি ফেস্তিবেলগী ওইনা ভারতকী শেলদা লুপা ৩০০ নৎত্রগা নোংমদা লুপা ১০০দা লেপ্লে‍। মসি মহৈরোয়শিংগীদমক্তদি লৌরোই‍।

এস.সি.ও. ফিল্ম ফেস্তিবেল ২০২৩গী জুরী মখাদা পীরিবশিং অসিনা ওইগনি

ভারত

রাহুল রৱাইল

ফিল্মমেকর

রাহুল রৱাইল, লব স্তোরী, বেতাব, অর্জুন, অঞ্জাম, অমদি অতৈ ফিল্ম কয়াগীদমক খঙনবা মমিং লৈরবা ভারতকী ফিল্ম দাইরেক্তর অমদি ইদিতর অমনি‍। মহাক্না সনী দিওল, অমৃত সিংহ, পরেস রৱল, কাজোল, অইস্বর্য়া রাই বচ্চন অমদি জোন অব্রাহম্নিচিংবা মায় পাক্লবা এক্তর কয়া পুথোকখ্রে‍। মহাক্না ২০১৭ অমদি ২০১৮দা আই.এফ.এফ.আই.গী ইন্দিয়ন পেনোরমাগী চেয়র ওইখি অমদি ২০১৯গী নেস্নেল ফিল্ম এৱার্দকী জুরী ওইখি, অমসুং য়াম্লবা ইন্তরনেস্নেল ফিল্ম ফেস্তিবেল কয়াদা শরুক য়াখ্রে‍। মহাক্কী লাইরিক ‘রাজ কপুর – দি মাস্তর এৎ ৱর্ক’ অসি সিনেমাগী মতিং লৈবা মহৈরোয়শিংগী তেক্সবুক অমা ওইনা লৌনৈ‍।

চাইনা

মিস নিং য়িং

ফিল্ম দাইরেক্তর

নিং য়িং মালেমদা শকখঙনরবা অমদি মনা কয়া ফংখ্রবা, চাইনাগী সিক্স্থ জেনেরেসন ফিল্মমেকর কোতেরীগী মেম্বা অমা ওইনা লৌনবা চাইনিজ ফিল্ম দাইরেক্তর অমনি‍। ফোর ফন, ওন দি বীত অমদি আই লব বৈজিংনা পুল্লগা শেম্বা বৈজিং ত্রিলোজী হায়রিবা হৌখিবা দিকেদ খরদা বৈজিংদা চাউনা হোংলকখিবশিং নৈনবা ফিল্মশিং অসিগীদমক মহাকপু মীয়াম্না খঙনৈ‍। রেলরোদ ওফ হোপ (২০০২)না চাইনা শিনবা থুংনা মমল হোঙবা শি্ন্মীশিং পাক্তক্ননা য়ুম হোংনখিববু উৎলি অমদি য়াম্লবা ইন্তরনেস্নেল ফিল্ম ফেস্তিবেলশিংদা উৎপগা লোয়ননা গ্রান্দ প্রী দু সিনেমা দু রীল অমদি পর্পেচুএল মোসন (২০০৫) ফংখি‍।

কাজখস্তান

মিস্তর দিবাস কুদৈবর্গেন

ম্যুজিক্সিয়ন

দিনমুখামেদ ‘দিমাস’ কনাতুলী কুদৈবর্গেন মালেমদা মমিং চৎপা অমদি পোপ, ক্লাসিকেল ক্রোসওভর ফোল্ক অমদি ওপেরাতিক পোক ম্যুজিক্কী জনরদা হৈথোই শিংথোইরবা ম্যুজিকেল আর্তিস্ত অমনি‍। দিমাস অমদি মহাক্কী ঈশৈশিং নোংপোক য়ুরোপ অমদি এসিয়া, মরুওইনা কাজাখস্তান (মহাক্কী পোক্নফম), চাইনা, অমদি রসিয়াদা মমিং চৎলি অমদি মহাক্কী লাইপ পর্ফোর্মেন্স য়েংনবা লৈবাক ১২০ হেনবদা ফেন বেজ লৈ‍। দিমাসকী খোঞ্জেলগী মতিং অসি মঙোন্দা ওক্তেব তরুক্কী রেঞ্জ লৈবা অমদি অয়েংবশিংগা মরী শাগৎপা হৈবসিনসু ওইরি‍।

কির্গিস্তান

মিস গুলবরা তোলোমুসোভা

ফিল্মমেকর অমদি ফিল্ম ক্রিতিক

গুলবরা তোলোমুসোভা মনা ফংখ্রবা ফিল্মমেকর অমদি মহাক্কী আর্তিকলশিং অমসুং তোঙান তোঙানবা ইন্তরনেস্নেল ফিল্ম ফেস্তিবেলশিংগী জুরী মেম্বর ওইরিবা ফিল্ম ক্রিতিক অমনি‍। মহাক ফিপ্রেসী (দি ইন্তরনেস্নেল ফেদরেসন ওফ ফিল্ম ক্রিতিক্স) অমদি নেতপেক (নেৎৱর্ক ফোর দি প্রমোসন ওফ এসিয়ন সিনেমা)গী মেম্বর অমনি‍। মহাক কির্গিস্তানগী মিনিস্ত্রী ওফ কল্চর এন্দ তুরিজমগী সিনেমাতোগ্রাফী দিপার্তমেন্ততা মকোক থোংবা স্পিসিএলিস্ত অমদি অদুগা সিনেমাগী লমদা মহাক্কী মতিং লৈবা থবকশিংগীদমক মহাক্কী লৈবাক অমদি অতোপ্পা লৈবাকশিংদা ইকায়খুম্নবা কয়ারক হন্না উৎখ্রবা মীওইনি‍।

রসিয়া

মিস্তর ইভান কুদ্র্যাব্তসেব

ফিল্ম প্রদ্যুসর অমদি জর্নেলিস্ত

ইভান কুদ্র্যাব্তসেব মমিং লৈবা পাউমী অমদি প্রদ্যুসরনি, মোস্কো ইন্তরনেস্নেল ফিল্ম ফেস্তিবেলগী সেলেক্সন কম্মিতীগী চেয়রমেন অমদি দি নেস্নেল একাদমী ওফ মোসন পিকচর আর্ত্স এন্দ সাইন্সকী মেম্বর অমসুনি‍। মহাক্না সিনেমা তি.ভি. চেনেলবু মদুগী ইদিতর-ই-চীফ ওইনা লুচিংই অমদি রসিয়াগী ফিল্ম কৈথেলগী এক্সপর্ত অমা ওইদুনা, ফিল্ম ইন্দস্ত্রী প্রোফেস্নেলশিংবু শকখঙবা ওইনা পীরিবা রসিয়াগী মরুওইবা মনা দি গোল্দন ঈগল এৱার্দকী এক্সপর্ত কাউন্সিলবু লুচিংলি‍। ২০০৯দগী হৌরগা, ইভান্না রসিয়াগী অচৌবা পাউগী তি.ভি. চেনেল রসিয়া ২৪দা চয়োলগী ওইবা ফিল্ম ইন্দস্ত্রীগী পাউগী সো ‘ইন্দস্ত্রিয়া কিনো’ পাঙথোক্তুনা লাক্লি‍।

তাজিকিস্তান

মিস্তর মেহমেদসেদ সোহিয়োন

ফিল্ম প্রদ্যুসর, এক্তর, অথর

মেহমেদসেদ সোহিয়োন মাঙজিল থানা চৎলিবা এক্তর, প্রদ্যুসর অমদি অইবা অমনি‍। মহাক্না চহি ৩০সিদা কল্চর অমদি থিওতরগী লমদা থবক তৌদুনা লাক্লি অমদি মহাক্কী ক্রেদিত্তা ৱাতর বোইজ (২০২১), ফোর্চুন (২০২২), অমদি বচাই হোবি (২০২০) য়াওনা সিনেমা, থিএতর, অমদি প্রদক্সনগী লমদা ফিল্ম ২৫ হেনবা অমদি মশিং য়াম্লবা পব্লিকেসনশিং লৈ‍। মহাক রিপব্লিক ওফ তাজিকিস্তানগী মিনিস্ত্রী ওফ কল্চরদা অহানবা দিপুতী মিনিস্তর, কম্মিতী ওফ তেলিভিজন এন্দ রেদিও ব্রোদকাস্তিংগী চেয়রমেন ওইরম্মী অমদি হৌজিক্না স্তেৎ এন্তরপ্রাইজ, তোজিকফিল্মগী দাইরেক্তর ওইরি‍।

উজবেকিস্তান

মিস্তর মত্যাকুব সদুল্লায়েবিচ মৎচানোব

এক্তর

মত্যাকুব সদুল্লায়েবিচ মৎচানোব ওনরেরী তাইতল ‘ওনর্দ আর্তিস্ত ওফ দি রিপব্লিক ওফ উজবেকিস্তান’ (২০০১), দি ওর্দর ওফ ‘ফ্রেন্দসিপ (দস্তলিক) (২০১২) অমদি দি সাইন ‘ফোর দিস্তিঙ্গুইস্দ লেবর’ (২০২১) লান্থোক্তুনা ইকায় খুম্নবা উৎখ্রবা মশক নাইবা এক্তর অমনি‍। মহাক ১৯৭৭দা স্তেৎ ইনস্তিত্যুৎ ওফ আর্ত এন্দ কলচর ওফ উজবেকিস্তান্দগী গ্রেজুএৎ লোইশিনখি, অমদি দেদী’স দোতর, হোলী সিন্নর, নাইৎ ভিজিতর, দেলানী মাইসারা, সতান’স এঞ্জেল্সনচিংবা প্রদক্সনশিংদা মেজর রোলশিং কুমদুনা থিএতর এক্তর অমা ওইনা হৌরকই অমদি দি এৱেকনিং অমদি দি য়ুথ ওফ জিনিয়সনচিংবা ফিল্মশিংদা কুমখি‍।

এস.সি.ও.গী মরমদা

এস.সি.ও. অসি জুন ১৫, ২০০১দা লিংখৎখিবা মল্তিলেতরেল ওর্গনাইজেসন অমনি‍। এস.সি.ও. অসিদা হৌজিক মেম্বর স্তেৎ নিপান (চাইনা, ইন্দিয়া, কাজখস্তান, কির্গিস্তান, রসিয়া, পাকিস্তান, তাজিকিস্তান অমদি উজবেকিস্তান), ওবজর্বর স্তেৎ অহুম (বেলারস, ইরান, অমদি মোঙ্গোলিয়া) অমদি দাইলোক পার্ত্নর তরামরি (অর্মেনিয়া, অজরবৈজান, কম্বোদিয়া, নেপাল, স্রি লঙ্কা, ইজীপ্ত, সাউদি অরাবিয়া, কতার, বাহরাইন, কুৱেৎ, মাল্দিব্স, ম্যান্মার, য়ু.এ.ই. অমদি তর্কী) য়াওরি‍।

*****