প্রধানমন্ত্রীগী লোইশঙ
পি.এম.না কর্নাতকাগী কলবুর্গীদা নৌনা লাউথোকখিবা রিভেন্যু ভিলেজশিংগী বেনিফিসরী লিশিং য়াংখৈরোমদা তাইতল দীদশিং (হক্কু পত্র) য়েন্থোকখ্রে
তান্দা হেবিতেসন ৩০০০না রিভেন্যু ভিলেজশিং ওইরকপদা বঞ্জারা ফুরুপতা নুংঙাইবা ফোঙদোকখ্রে
“ভগৱান বসবেশ্বরগী ৱাখল্লোনশিংনা ইথিল পীদুনা ঐখোয়না মীপুম খুদিংমক্কী য়াইফনবা ঐখোয়না থবক তৌরি”
“অহানবা ওইনা দালিতশিং, খুদোংচাবা ফংদ্রবা, শোত্থরবা, ত্রাইবেল, দিব্যাঙ্গ, অঙাংশিং, নুপীশিংনা মখোয়গী ফংফম থোকপা ফংলি। মখোয়না তঙাই ফদবা খুদোংচাবশিং ফংলি অমসুং থুনা ফংবা ঙম্লি”
“ঐখোয়না মীয়ামদা শক্তি পীনবা ময়েক শেংবা লালোং অমগা লোয়ননা থবক তৌরি”
“চংদবা য়াদ্রবশিং থুংহল্লবা অমসুং ইকাই খুম্নবা ফংহল্লবা মতমদা অনৌবা অনীংবা অপাম্বা ফাওরকই মরমদি মীয়াম্না নোংমগী কন্তিনজেন্সীশিংদগী থাক ৱাংখৎলক্তুনা হিংবগী থাক ৱাংখৎহন্নবা থবক তৌই”
“জন ধন য়োজনানা ফাইনান্সিএল ইনক্লুজন রিভোল্যুস্নাইজ তৌখি”
“দবল-ইঞ্জিন সরকারনা ভারত্তা লৈরিবা খুন্নাই খুদিংমক্কী চৎনবী, নাৎ, চিঞ্জাক অমসুং ফিজেৎ-চাকচা অসি ঐখোয়গী পাঙ্গল ওইনা লৌখি”
Posted On:
19 JAN 2023 4:22PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি কর্তনাতকাগী নৌনা লাউথোকখিবা রিভেন্যু ভিলেজশিংগী ইলিজিবল বেনিফিসরীশিংদা তাইতল দীদশিং (হক্কু পত্র) য়েন্থোকখ্রে।
থৌরম অদুদা ৱা ঙাংলদুনা প্রধান মন্ত্রীনা ভারতকী সম্বিধান আসি জনুৱারী থাদা চৎনবা হৌখি অমসুং নীংখা তম্বা ভারত্তা প্রজাশিংগী হকশিং ফংহনখি হায়না নীংশিংখি অমসুং ঙসি জনুৱারীগী শেংলবা থা অসিদা কর্নাতকা সরকারনা সোসিএল জস্তিসকী মাইকৈদা মরু ওইবা খোঙথাং অমা লৌখৎখি হায়না ফোঙদোকখি। বঞ্জারা ফুরুপকী ওইনা মসি মরু ওইবা থৌরম ওইরি মরমদি ইমুং লিশিং য়াংখৈ হেনবনা অহানবা ওইনা তাইতল দীদশিং ফংলি।
প্রধান মন্ত্রীনা হায়খি মদুদি মসিনা ‘তান্দা’না খুন্দারিবা মফমশিংদা লৈরিবা অসিগুম্বা ইমুং-মনুংশিংগী ইচানুপা অমসুং ইচানুপীশিংগীদমক অফবা তুংলমচৎ অমা পুরকপা ঙম্লগনি অমসুং কলবুর্গী, য়াদগির, রাইচুর, বীদর অমসুং বিজয়পুরা, জিলা মঙা অসিদা লৈরিবা বঞ্জারা ফুরুপকী প্রজাশিংদা নুংঙাইবা ফোঙদোক্নবা খুদোংচাবা লৌখি।
প্রধান মন্ত্রীনা কর্নাতকা সরকারনা তান্দানা খুন্দাবা মফম লিশিং অহুম হেন্না রিভেন্যু ভিলেজ ওইনা লাউথোকখিবা মরু ওইবা ৱারেপ লৌখি অমসুং শ্রী বসবরাজ বোম্মাইজী অমসুং মহাক্কী অপুনবা তীমবু শীংথানীংঙাই ওইবা খোঙথাংগীদমক থাগৎখি।
লমদম অসি অমদি বঞ্জারা ফুরুপকা লোয়ননা লৈনরিবা মহাক্কী মরীশিং নীংশিংলদুনা প্রধান মন্ত্রীনা হায় ফুরুপ অসিদগী মীয়াম্না মখোয়গী মশাগী ওইবা মওংশিংদা জাতিগী চাউখৎ-থৌরাংগী মাইকৈদা শরুক তমখি। মহাক্না ১৯৯৪গী মীখল মনুংদা প্রধান মন্ত্রীনা শরুক য়াখিবা রেল্লী অমদা বঞ্জারা ফুরুপকী মীওই লাখ কয়ানা শরুক য়াখিবা কাউঙমদ্রবা মীকুপ অদু নীংশিংখি অমসুং ইমা অমদি ইচে-ইচলশিংনা মখোয়গী নাৎকী ওইবা ফিজোল শেৎতুনা মঙোন্দা মখোয়গী থৌজালশিং পীখি হায়নসু ফোঙদোকখি।
প্রধান মন্ত্রীনা হায়খি মদুদি বগৱান বসবেশ্বরনা তাকপীরমখিবা গুদ গভর্নান্সকী অমসুং ইংচিক্না লৈবগী লম্বেলদা দবল-ইঞ্জিন সরকারনা চংশিল্লি। মহাক্না হায়, “ভগৱান বসবেশ্বরগী ৱাখল্লোনশিংনা ইথিল পীদুনা ঐখোয়না মীপুম খুদিংমক্কী য়াইফনবা ঐখোয়না থবক তৌরি”। প্রধান মন্ত্রীনা অনুভাব মন্দাপামগুম্বা প্লেৎফোর্মগী খুত্থাংদা ভগৱান বসবেশ্বরনা করম্না দেমোক্রেসী অমসুং সোসিএল জস্তিসকী মোদেল অমা করম্না পীখিবগে হায়বা অদু নীংশিংখি। মহাক্না পুম্নমক্তা শক্তি পীনবগীদমক মখল পুম্নমক্কী খেন্নবা থম্বগী ৱাখল্লোন থাদোকপগী লম্বেল অদু উৎখি হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি বঞ্জারা ফুরপনা অৱাবা মতমশিং থেংনখ্রে অদুম ওইনমক হৌজিক মখোয়না নুংঙাইনা অমদি ইকাই খুম্নবা ফংদুনা হিংনবগী মতম য়ৌরে। মহাক্না বঞ্জারা ফুরুপকী নহারোলশিংগীদমক পীরি স্কোলরশিপশিং অমসুং হিংনবগী পাম্বৈদা মতেং পাংবা, পক্কা য়ুমশিং শাবা অসিগুম্বা খোঙথাংশিংগী মতাংদা ফোঙদোকখি। মহাক্না হায়খি অফংবা অফংবা শুদুনা হিংবা পুন্সি মহিংনা মরম ওইদুনা থোরকপা সমস্যাশিংসু কোকহনখি। প্রধান মন্ত্রীনা হায়খি মদুদি ঙসি পাইখৎখিবা খোঙথাংশিং অসি ১৯৯৩দা রিকম্মেন্দ তৌখিবনি, অদুমওইনমক মসি ভোৎ বেঙ্ককী পোলিতিক্সনা মরম ওইদুনা থিন্থখি। প্রধান মন্ত্রীনা হায়খি, “অদুবু হৌজিক্তি খেন্নবা লৈরম্বা ফীভম অসি অহোংবা পুরক্লে”।
বঞ্জারা ফুরুপকী ইমাশিংদা অপীল তৌরদুনা প্রধান মন্ত্রীনা হায়খি, “ৱাখল ৱাগনু! নখোয়গী নচানুপাশিংগী মনুংদা অমনা দিল্লীদা য়েংশিল্লি”। প্রধান মন্ত্রীনা হায় মদুদি তান্দানা খুন্দারিবা মফমশিং অসি খুঙ্গংশিং ওইনা শকখঙলবা মতুংদা খুঙ্গংশিংদা তঙাই ফদবা খুদোংচাবশিং পীনবা চাউখৎ-থৌরাংনা শাহৌ ফংগনি। মহাক্না হায়খি মদুদি মখোয়গী তাইতল দীদশিং ফংলবা মতুংদা ইমুং-মনুংশিংনা কোমনা হিংবা অমসুং বেঙ্কশিংদগী লোনশিং লৌবদা লাইরগনি। প্রধান মন্ত্রীনা হায়খি মদুদি কেন্দ্র সরকারনা স্বামিত্ব স্কিমগী খুত্থাংদা লৈবাক শিনবা থুংবদা লৈরিবা খুঙ্গংগী য়ুমশিংদা প্রোপর্তী কার্দশিং য়েন্থোক্লি অমসুং কর্নাতকাদা লৈবা বঞ্জারা ফুরুপনসু মসি ফংলগনি। প্রধান মন্ত্রীনা পি.এম. আৱাজ য়োজনানা পক্কাগী য়ুমশিং, তোইলেৎশিং, মৈগী কন্নেক্সনশিং, তোতি পাইপকী ঈশিংগী কন্নেক্সন অমসুং গ্যাস কন্নেক্সনশিং পীখি হায়না ফোঙদোকখি অমসুং দবল ইঞ্জিন সরকারগী য়াইফ থৌরাংগী স্কিমশিং অসি বঞ্জারা ফুরুপনা ফংলগনি। প্রধান মন্ত্রীনা হায়খি, “স্লমশিংদা হিংলম্বা হায়বা অদু হৌজিক্তি হৌখ্রবা ৱারী ওইরে”।
প্রধান মন্ত্রীনা বঞ্জারা ফুরুপকীদমক কর্নাতকা সরকারনা ফংহনখিবা থবক্কী খুদোংচাবশিংগী মতাংদা ফোঙদোকখি। উমংগী পোত্থোক, উ অকংবা, কোইহী, উহৈ নত্ত্রগা অসিগুম্বা অতোপ্পা পোত্থোকশিং ওইরবসু মসিনা মখোয়গী শেন্থোক লম্বী ওইরক্লি। মহাক্না হায়খি মদুদি মমাংগী সরকারশিংনা উমংগী পোত্থোক খরা খক্তদা এম.এস.পি.শিং পীরমখি অদুবু ঙসিদি মশিং অসি উমংগী পোত্থোক ৯০ হেন্না হেনগৎখ্রে অমসুং কর্নাতকা সরকারনা হীরম অসিদা বঞ্জারা ফুরুপকী য়াইফনবা লৌখিবা ৱারেপশিং অদুবু নীংশিংখি।
প্রধান মন্ত্রীনা হায়খি মদুদি নীংখা তম্বা ফংলবা মতুং দিকেদ কয়া লৈরবসি ফাওবদা মীয়ামগী য়াম্লবা শরুকনা চাউখৎপগী মহৈ ফংদনা লৈরকখি অমসুং সরকারগী কান্নবা ফংবা ঙমদনা লাকখি। অহানবা ওইনা দালিতশিং, খুদোংচাবা ফংদ্রবা, শোত্থরবা, ত্রাইবেল, দিব্যাঙ্গ, অঙাংশিং, নুপীশিংনা মখোয়গী ফংফম থোকপা ফংলি। মখোয়না তঙাই ফদবা খুদোংচাবশিং ফংলি অমসুং থুনা ফংবা ঙম্লি। শ্রী মোদীনা হায়খি, “ঐখোয়না মীয়ামবু শক্তি পীনবা ময়েক শেংবা লালোং অমগা লোয়ননা থবক তৌরি”।
আয়ুশ্মান ভারত অমসুং লেম্না রাসন পীবা অসিগুম্বা স্কিমশিংগী মতাংদা পল্লদুনা প্রধান মন্ত্রীনা হায়খি “চংদবা য়াদ্রবশিং থুংহল্লবা অমসুং ইকাই খুম্নবা ফংহল্লবা মতমদা অনৌবা অনীংবা অপাম্বা ফাওরকই মরমদি মীয়াম্না নোংমগী কন্তিনজেন্সীশিংদগী থাক ৱাংখৎলক্তুনা হিংবগী থাক ৱাংখৎহন্নবা থবক তৌই”। জন ধন একাউন্তশিংনা নাথৈদুনা থম্লুরবা শরুকপু ফাইনান্সিএল মেনস্ত্রীমদা পুশিল্লকখি। মতৌ অসুম্না মুদ্রা য়োজনানা এস.সি., এস.তি. অমসুং ও.বি.সি.শিংদা কোল্লাতরেল য়াওদনা লুপা করোর ২০রোমগী লোনশিং পীদুনা কাংলুপ অসিদগী অনৌবা ওন্তপ্রিনোরশিং পুথোক্লি। মুদ্রা বেনিফিসরীশিংগী চাদা ৭০দি নুপীশিংনা ওইরি হায়না মহাক্না ফোঙদোকখি। স্ত্রীৎ ভেন্দরশিংনা স্বনিধি স্কিমগী মখাদা কোল্লাতরেল ফ্রী লোনশিং ফংলি। প্রধান মন্ত্রীনা হায়খি, “ঐখোয়না ‘অবকাশ’কা লোয়ননা খোঙকাপ অমা হেন্না থাংলি হায়বদি শোত্থরবা শরুকশিংগী নহারোলশিংদা অনৌবা খুদোংচাবশিং পীরি অমসুং অনৌবা থাজবা পীরি”।
প্রধান মন্ত্রীনা হায়খি খুন্নাইদা লৈরিবা নুপীশিংগী য়াইফনবা মাইকৈদা হৌজিক পাল্লিবা সরকারনা উৎলিবা সেন্সিতিবিতীগী মতাংদা ফোঙদোকখি অমসুং মখোয়গীদমক সেক্তর খুদিংমক্তা অনৌবা খুদোংচাবশিং পীরি। ত্রাইবেল ফুরুপকী য়াইফনবগী মতাংদা পলদুনা প্রধান মন্ত্রীনা হায়খি ত্রাইবেলগী খুন্নাইগী শরুক তমখিবা অদুগী মতাংদা জাতিদা খঙহন্নবা সরকারনা খোঙথাংশিং লৌখৎলি। মহাক্না হৌখিবা চহি নিপালদা দিব্যাঙ্গ ফুরুপকী চাউখৎ থৌরাং ফংহন্নবা হোৎনখি অমসুং শোত্থরবা ফুরুপশিংদগী মরুপশিংনা লৈবাক্কী কন্সতিত্যুস্নেল ইন্সতিত্যুসন কয়ামরুমগী এপেক্স ওইরি। মহাক্না মখা তারদুনা হায় হৌজিক পাল্লিবা সরকারনা নেস্নেল কম্মিসন ফোর বেকৱার্দ ক্লাসেসকী স্তেতস পীখি, কেন্দ্র সরকারগী গ্রুপ সি অমসুং গ্রুপ সিগী ইন্তর্ভ্যুদা কম্পলসন মুত্থৎতুনা ওল ইন্দিয়া মেদিকেল কোতাদা ও.বি.সি. কেতগোরীগী রিজর্বেসন থমখি, অমসুং ভারতকী লোলশিংদা মেদিকেল, ইঞ্জিনীয়রিং অমসুং তেক্নিকেল সবজেক্তশিংগীদমক প্রোভিজনশিং শেম্লি। মহাক্না হায় মদুদি খোঙথাংশিং অসিগী খ্বাইদগী চাউবা বেনিফিসরীশিং অসি ঐখোয়গী খুঙ্গংশিং অমসুং এস.সি., এস.তি. অমসুং ও.বি.সি. ফুরুপকী লাইরবা ইমুংশিংগী নহারোলশিংনা ওইরি।
প্রধান মন্ত্রীনা হায়খি সরকার অসিনা নোমেদিক অমসুং সেমি-নোমেদিক ফুরুপশিংগীদমক অখন্নবা চাউখৎ-থৌরাং অমসুং য়াইফ-থৌরাংগী বোর্দ অমা থমখি। প্রধান মন্ত্রীনা হায়খি, “ঐখোয়গী সরকারনা অসিগুম্বা ইমুংশিং অসিবু য়াইফ-থৌরাংগী স্কিম খুদিংমক্কা লিঙ্ক তৌনবা হোৎনরি”।
দবল-ইঞ্জিন সরকারনা ভারত্তা লৈরিবা খুন্নাই খুদিংমক্কী চৎনবী, নাৎ, চিঞ্জাক অমসুং ফিজেৎ-চাকচা অসি ঐখোয়গী পাঙ্গল ওইনা লৌখি হায়না ফোঙদোক্লদুনা প্রধান মন্ত্রীনা হায়খি ঐখোয়না শতি অসি ঙাক্নবা, মসিবু য়োকখৎনবা মতেং পাংগনি। প্রধান মন্ত্রীনা হেরিতেজ অসি মাংদা পুখৎনবা অমসুং সবকা সাথকা লোয়ননা সবকা বিবাসকী মাইকৈদা থবক পাইখৎলি হায়না ফোঙদোক্লদুনা হায়, “সুহলি, লম্বানি, লম্বাদা, লাবানা অমসুং বাজিগর, নখোয়গী নমিং অমা হেক্তা ওইরবসু নখোয় কলচরেল ওইনা মমল য়াম্মি, নখোয়না লৈবাক্কী মীংচৎনি, লৈবাক্কী মপাঙ্গলনি। নখোয়দা চহি লিশিং কয়াগী পুৱারী লৈ। নখোয়না লৈবাক্কী চাউখৎ-থৌরাংদা শরুক তমখি”।
লোইশিনবদা প্রধান মন্ত্রীনা গুজরাত অমসুং রাজস্থানগী বঞ্জারা ফুরুপশিং অমসুং ঈশিংগী ইপাকশিং শেম্বদা লখা বঞ্জারানা লৌখিবা থৌদাং অদু নীংশিংখি। মহাক্না চপ মান্নবা বঞ্জারা ফুরুপ শেবা তৌবদা নুংঙাইবা ফোঙদোকখি।
থৌরম অসিদা কর্নাতকাগী রাজ্যপাল শ্রী থাৱর চন্দ গেহলোৎ, কর্নাতকাগী মুখ্য মন্ত্রী, শ্রী বসবরাজ বোম্মাই, কেন্দ্রগী রাজ্য মন্ত্রী, শ্রী ভগৱান্ত খুবা অমসুং কর্নাতকা সরকারগী মন্ত্রীশিংনা শরুক য়াখি।
বেকগ্রাউন্দ
সরকারগী স্কিমগী ১০০% সেচ্যুরেসন হায়বা প্রধান মন্ত্রীগী মঙলানগা মরী লৈননা, কলাবুরাগী, য়াদগিরি, রাইচুর, বিদর অমসুং বিজয়পুরাগী জিলা ৫সিদা হান্ননা খুন্দাদুনা লৈবা রেকোর্দতা তাদবা চাউরাকপা মফম ১৪৭৫বু ন্যু রেভেন্যু ভিলেজ হায়না শকখঙখ্রে। কলাবুরাগী জিলাগী সেদাম তালুকাগী মনুং চনবা মালখেরদগী প্রধান মন্ত্রীনা মসিগী নৌনা লাউথোক্লবা রেভেন্যু ভিলেজশিংগী মতিক চারবা বেনিফিশরীশিংদা তাইতল দীদ (হক্কু পাত্র) য়েন্থোকখ্রে। এস.সি., এস.তি. অমসুং ও.বি.সি.দগী ওইবা তোখায়না তাবা অমদি অৱাবা নংগনবা খুন্নাইদগী অয়াম্বা ওইবা বেনিফিশরী লিশিং ৫০ হেনবগী মফমদা তাইতল দীদ য়েন্থোকপগী থৌওং অসিদি মখোয়গী লম অদুবু সরকারগী মাইকৈদগী ফোর্মেল ওইনা শকখঙলে অমসুং মখোয়সি থক্নবা ঈশিং, মৈ, শোরোক্নচিংবা সরকারগী সেবা কয়া ফংবদা মতিক চারে তাকপগী খোংথাং অমনি।
*****
(Release ID: 1892349)
Visitor Counter : 127
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam