য়ুমলৈ-কৈরৈ মন্ত্রালয়
প্রধান মন্ত্রী শ্রী নরেন্দ্র মোদীগী লুচিং মখাদা পায়খৎলিবা অজাদী কা অমৃৎ মহোৎসব নীংতম্বগী চহি ৭৫ অমদি ভারতকী মীয়াম, নাৎ অমদি মায় পাকপশিংগী পুৱারীবু হরাও তয়াম্না নীংশিংদুনা পাঙথোক্নবা ভারত লৈঙাক্কী থৌরাং অমনি
গৃহ মন্ত্রালয়না কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহগী লমজিং মখাদা ভারতকী নীংতম্বগী চহি ৭৫ অমদি নেতাজী সুভাস চন্দ্র বোসকী ১২৬শুবা মপোক কুমওনগী নীংশিং থৌরম পাঙথোক্নবগীদমক ২০২৩গী জনুৱারী ১৭তগী ২৩ ফাওবা অজাদী কা অমৃৎ মহোৎসব আইকোনিক ইভেন্তস ৱীক পাঙথোক্কদৌরি
শ্রী অমিত সাহনা জনুৱারী ২৩, ২০২৩দা অন্দমান অমদি নিকোবর ঈথৎকী পোর্ত ব্লেয়রদা পাঙথোক্কদবা অচৌবা লোইশিনবগী থৌরমদা অথোয়বা মীথুং ওইনা শরুক য়াগনি
প্রধান মন্ত্রী শ্রী নরেন্দ্র মোদীনা ৭৫শুবা নীংতম নুমীৎকী থৌরমদা পীখিবা ৱারোলদা ভারত মচা পুম্নমক্কী মফমদা মখোয়গী নাৎকী অমদি পারী পুরীগী লনগীদমক চাউথোকচবা পোক্নবা ৱাফম থমখি
থাজনরুদবা মওংগী থৌনা, লিংজেল, কত্থোকপা, মশাবু চৈরাক পীজবা, লাল অমদি ঐখোয়গী হীরোশিংগী মায় পাকপা কয়ানা থল্লবা ভারতকী ইনাক খুল্লবা অমদি অথোইবা পুৱারী লৈজৈ
ভারত ইমাগী অথোয়বা মপারীশিংগী মরক্তা নীংতম ইহৌদা মহাক্কী থৌদাংনা ভারত মচা মীরোল কয়াবু পুক্নিং থৌগৎখিবা অমদি লৈবাক মীয়ামদা চাউথোকচবগী ইথিল হাপখিবা নেতাজী সুভাস চন্দ্র বোসসু অমনি
আইকোনিক ৱীক অসিদা মনিপুর, নগালেন্দ, গুজরাত,ওরিসা, ৱেস্ত বেঙ্গল অমদি অ
Posted On:
16 JAN 2023 6:39PM by PIB Imphal
প্রধান মন্ত্রী শ্রী নরেন্দ্র মোদীগী লুচিং মখাদা পায়খৎলিবা অজাদী কা অমৃৎ মহোৎসব নীংতম্বগী চহি ৭৫ অমদি ভারতকী মীয়াম, নাৎ অমদি মায় পাকপশিংগী পুৱারীবু হরাও তয়াম্না নীংশিংদুনা পাঙথোক্নবা ভারত লৈঙাক্কী থৌরাং অমনি। প্রধান মন্ত্রী শ্রী নরেন্দ্র মোদীনা ৭৫শুবা নীংতম নুমীৎকী থৌরমদা পীখিবা ৱারোলদা ভারত মচা পুম্নমক্কী মফমদা মখোয়গী নাৎকী অমদি পারী পুরীগী লনগীদমক চাউথোকচবা পোক্নবা ৱাফম থমখি। থাজনরুদবা মওংগী থৌনা, লিংজেল, কত্থোকপা, মশাবু চৈরাক পীজবা, লাল অমদি ঐখোয়গী হীরোশিংগী মায় পাকপা কয়ানা থল্লবা ভারতকী ইনাক খুল্লবা অমদি অথোইবা পুৱারী লৈজৈ। ভারত ইমাগী অথোয়বা মপারীশিংগী মরক্তা নীংতম ইহৌদা মহাক্কী থৌদাংনা ভারত মচা মীরোল কয়াবু পুক্নিং থৌগৎখিবা অমদি লৈবাক মীয়ামদা চাউথোকচবগী ইথিল হাপখিবা নেতাজী সুভাস চন্দ্র বোসসু অমনি।
গৃহ মন্ত্রালয়না কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহগী লমজিং মখাদা ভারতকী নীংতম্বগী চহি ৭৫ অমদি নেতাজী সুভাস চন্দ্র বোসকী ১২৬শুবা মপোক কুমওনগী নীংশিং থৌরম পাঙথোক্নবগীদমক ২০২৩গী জনুৱারী ১৭তগী ২৩ ফাওবা অজাদী কা অমৃৎ মহোৎসব আইকোনিক ইভেন্তস ৱীক পাঙথোক্কদৌরি। থৌরমশিং অসি নেতাজী সুভাস চন্দ্র বোসকী পুন্সি অমদি নীংতম ইহৌদা মহাক্না লৌরম্বা থৌদাংগী মতাঙদা পাঙথোক্কনি। শ্রী অমিত সাহনা জনুৱারী ২৩, ২০২৩দা অন্দমান অমদি নিকোবর ঈথৎকী পোর্ত ব্লেয়রদা পাঙথোক্কদবা অচৌবা লোইশিনবগী থৌরমদা অথোয়বা মীথুং ওইনা শরুক য়াগনি।
থৌরমশিং অসি সেন্ত্রেল আর্ম্দ পুলিস ফোর্স অমদি সেন্ত্রেল পুলিস ওর্গনাইজেসনশিং, অন্দমান অমদি নিকোবর ঈথৎকী এদমিনিস্ত্রেসন, অমদি মনিপুর, নগালেন্দ, গুজরাত ওরিসা অমসুং ৱেস্ত বেঙ্গল লৈঙাকশিংগা খুৎশম্নরগা নেতাজীগী পুন্সি অমদি মহাক্কী থবকশিংগা মরী লৈনবা মফমশিংদা পাঙথোক্কদবনি। থৌরমশিং অসি মনিপুরগী মন্ত্রিপুখ্রি, কৈথেলমানবী, কংবাই, মোইরাং অমসুং নম্বোলদা জনুৱারী ১৭তা, নগালেন্দগী রুজাঝো অমদি চেসেজু খুলদা জনুৱারী ১৮দা, গুজরাতকী হরিপুরা, বর্দোলী অমদি সুরত্তা জনুৱারী ১৯দা, ওরিসাগী কত্তক্তা জনুৱারী ২০দা অমদি ৱেস্ত বেঙ্গলগী কোলকতাদা জনুৱারী ২১দা পাঙথোক্কনি। ভারতকী নীংতম ইহৌদা নেতাজীনা লৌরম্বা থৌদাংশিং নীংশিদুনা হায়রিবা মফমশিং অসিদা মখল মখা কয়াগী থৌরমশিং চয়োল চুপ্না পাঙথোক্নবা থৌরাং তৌরি।
জন ভাগিদারীগী ৱাখল্লোন্দা, মীয়াম্না ঐখোয়গী লৈবাক্কী হীরোশিংদগী পুক্নিং থৌগৎনিংঙাইগী মচাক ফংহন্নবা অমদি মখোয়না লেপ্লম্বা ফিরেপ্পু মাঙদা পুদুনা চৎপদা পুক্নিং থৌগৎনবগীদমক, থৌরমশিং অসিদা মীয়াম হুপ্না শরুক য়াবা য়ানবা মওংদা থৌরমশিং অসি শেম শারি।
ভারতনা নীংতম্বা ফংদ্রিঙৈ মতম কয়াগী মমাঙদা ভারতকী লৈহাউদা অহানবা ওইনা ৩১.১২.১৯৪৩দা মচু অহুমগী ফিরাল নেতাজীনা চিংখৎখিবা অন্দমান অমদি নিকোবর ঈথৎকী পোর্ত ব্লেয়রদা অচৌবা থৌরম অমা পাঙথোক্কনি।
গৃহ মন্ত্রালয়গী আইকোনিক ইভেন্তস ৱীক অসি নেতাজী সুভাস চন্দ্র বোসকী পুন্সি অমদি ভারতকী নীংতম ইহৌদা মহাক্না লৌরম্বা থৌদাংগী মফমদা কত্থোকপা থৌরম অমনি। মসি মহাক্কী অৱাংবা থাক্কী ৱাখল্লোনবু নীংশিংবা অমদি লৈবাক পুম্বনা ঐখোয়গী নীংতম লান্মীশিংগী পুন্সিদগী পুক্নিং থৌগৎনফম ওইহৌনবা মীৎকুপ অমনি।
*****
(Release ID: 1891810)
Visitor Counter : 147