প্রধানমন্ত্রীগী লোইশঙ
প্রধান মন্ত্রীনা জনুৱারি ১৮দা বস্তিদা সংসদ খেল মহাকুম্ভ ২০২২-২৩গী অনিশুবা তাঙ্কক হৌদোক্কনি
Posted On:
17 JAN 2023 4:36PM by PIB Imphal
জনুৱারি ১৮,২০২৩গী নুংথিল পুং ১ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বস্তি জিলাদা সংসদ খেল মহাকুম্ভ ২০২২-২৩গী অনিশুবা তাঙ্কক হৌদোক্কনি। সংসদ খেল মহাকুম্ভ অসি বস্তিগী লোক সভা এম.পি শ্রী হরিস দ্বিবেদিনা ২০২১দগী হৌনা বস্তি জিলাদা শীন্দুনা লাকপনি।
সংসদ খেল মহাকুম্ভ ২০২২-২৩ অসি তাঙ্কক অনি থোক্না পাংথোক্লি। অহানবা তাঙ্কক দিশেম্বর ১০-দিশেম্বর ১৬, ২০২২দা পাংথোকখ্রে অমসুং অনিশুবা তাঙ্কক জনুৱারি ১৮-জনুৱারি ২৮,২০২৩ ফাওবা পাংথোক্কনি।
খেল মহাকুম্ভ অসি ইন্দোর অমসুং আউতদোরগী তোঙান-তোঙানবা স্পোর্তসশিং হায়বদি রেস্তলিং, কবাদ্দি, খো-খো, বাস্কেতবোল, ফুতবোল, হোক্কি, ভোল্লিবোল, হেন্দবোল, চেস, কেরোম, বেদমিন্তন, তেবল তেনিসদা পাংথোকপনি। মশান্নশিং অসিগী মথক্ত, খেল মহাকুম্ভ মনুংদা এশে ইবা, লাইয়েকপা, রঙ্গোলি শেম্বা চাংদম্নবশু পাংথোক্কনি।
খেল মহাকুম্ভ অসি বস্তি জিলা অমসুং মসিগা নক্নবা মফমশিংগী নহারোলশিং মখোয়গী শান্ন-খোৎনবগী হৈথোই-শিংথোইবশিং উৎনবা অমসুং শান্নবা অসি শীনফম অমা ওইনা চংশিন্নবা মখোয় পুক্নিং থৌগৎনবা মফম অমা পীনবা অনৌবা থবক অমনি। মসিনা মফম অসিগী নহারোলশিংদা থকশি-খাসি, অপুনবা ওইনা থবক তৌমিন্নবা, চাংদম্নবা, মশানা মশাবু থাজবা অমসুং মরৈবাক নুংশিবগী ৱাখল্লোন চেনহলবা ঙমগনি।
*****
(Release ID: 1891809)
Visitor Counter : 127
Read this release in:
Assamese
,
Tamil
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam