প্ৰধানমন্ত্ৰী শ্ৰী নৰেন্দ্ৰ মোদীয়ে ২০২৩ চনৰ ১২ জানুৱাৰীৰ বিয়লি প্ৰায় ৪ বজাত কৰ্ণাটকৰ হুবলীত ২৬সংখ্যক ৰাষ্ট্ৰীয় যুৱ মহোৎসৱ উদ্বোধন কৰিব। স্বামী বিবেকানন্দৰ জন্ম বাৰ্ষিকীত উদযাপন কৰা ৰাষ্ট্ৰীয় যুৱ দিৱসত তেওঁৰ আদৰ্শ, শিক্ষা আৰু অৱদানক সন্মান আৰু লালন-পালন কৰাৰ উদ্দেশ্যে এই কাৰ্যসূচীৰ আয়োজন কৰা হৈছে।

আমাৰ প্ৰতিভাৱান যুৱক-যুৱতীসকলক ৰাষ্ট্ৰীয় পৰ্যায়ত চিনাকী কৰি দিয়াৰ লগতে তেওঁলোকক দেশ নিৰ্মাণৰ দিশত প্ৰেৰণা যোগোৱাৰ বাবে প্ৰতি বছৰে ৰাষ্ট্ৰীয় যুৱ মহোৎসৱ অনুষ্ঠিত হয়। ই দেশৰ সকলো প্ৰান্তৰ পৰা বৈচিত্ৰময় সংস্কৃতিক এক উমৈহতীয়া মঞ্চত আনি এক ভাৰত, শ্ৰেষ্ঠ ভাৰতৰ মনোভাৱেৰে অংশগ্ৰহণকাৰীসকলক একত্ৰিত কৰে। এইবাৰ কৰ্ণাটকৰ হুবল্লী-ধাৰৱাদত ১২ জানুৱাৰীৰ পৰা ১৬ জানুৱাৰীলৈ অনুষ্ঠিত হৈছে “বিকশিত যুৱ-বিকশিত ভাৰত” শীৰ্ষক মহোৎসৱ।

এই মহোৎসৱত যুৱ সন্মিলনৰ সাক্ষী হ’ব, য’ত জি-২০ আৰু ৱাই-২০ৰ অনুষ্ঠানৰ পৰা উদ্ভৱ হোৱা পাঁচটা বিষয়বস্তুৰ ওপৰত পূৰ্ণাংগ আলোচনা হ’ব যেনে- কৰ্মৰ ভৱিষ্যত, উদ্যোগ, উদ্ভাৱন আৰু একবিংশ শতিকাৰ দক্ষতা; জলবায়ু পৰিৱৰ্তন আৰু দুৰ্যোগৰ আশংকা হ্ৰাস; শান্তি নিৰ্মাণ আৰু মিলন; গণতন্ত্ৰ আৰু শাসন ব্যৱস্থাত মিলিত ভৱিষ্যত-যুৱক; আৰু স্বাস্থ্য আৰু কল্যাণ। এই সন্মিলনত ষাঠিজনতকৈও অধিক বিশিষ্ট বিশেষজ্ঞই অংশগ্ৰহণ কৰিব। কেইবাটাও প্ৰতিযোগিতামূলক আৰু অপ্ৰতিযোগিতামূলক অনুষ্ঠানো অনুষ্ঠিত হ’ব। প্ৰতিযোগিতামূলক অনুষ্ঠানত লোকনৃত্য আৰু গীতৰ অনুষ্ঠান অনুষ্ঠিত হ’ব আৰু স্থানীয় পৰম্পৰাগত সংস্কৃতিক প্ৰেৰণা যোগাবলৈ এই প্ৰতিযোগিতা অনুষ্ঠিত কৰা হ’ব। অপ্ৰতিযোগিতামূলক অনুষ্ঠানসমূহৰ ভিতৰত থাকিব যোগথন, যাৰ লক্ষ্য হৈছে প্ৰায় ১০ লাখ লোকক যোগাসন কৰিবলৈ সংগঠিত কৰা। এই অনুষ্ঠানৰ সময়ত ৰাষ্ট্ৰীয় পৰ্যায়ৰ কলা-কুশলীৰ দ্বাৰা ৮বিধ থলুৱা ক্ৰীড়া আৰু সমৰ কলাও উপস্থাপন কৰা হ’ব। আন আন আকৰ্ষণসমূহৰ ভিতৰত খাদ্য উৎসৱ, যুৱ শিল্পী শিবিৰ, দুঃসাহসিক ক্ৰীড়া কাৰ্যসূচী, বিশেষ আপোনালোকৰ সেনাক জানক,, নৌসেনা আৰু বায়ুসেনাৰ শিবিৰ আদি উল্লেখযোগ্য।

***

DS/LP/DB