মন্ত্রীমন্দল
azadi ka amrit mahotsav g20-india-2023

১৫শুবা ফাইনান্স কম্মিসন(২০২২-২৩দগী ২০২৫-২৬)গী লেমহৌরিবা মতমদা, লুপা করোর ১২৮৮২.২গী শেনফম অমগা লোয়ন্না, দিবলপমেন্ত ওফ নোর্থ ইস্তর্ন রিজন মিনিস্ত্রিগী স্কিমশিং মখা চৎথবা মন্ত্রীমন্দলনা অয়াবা পীরে

Posted On: 05 JAN 2023 4:08PM by PIB Imphal

১৫শুবা ফাইনান্স কম্মিসন(২০২২-২৩দগী ২০২৫-২৬)গী লেমহৌরিবা মতমদা, লুপা করোর ১২৮৮২.২গী শেনফম অমগা লোয়ন্না, দিবলপমেন্ত ওফ নোর্থ ইস্তর্ন রিজন মিনিস্ত্রিগী স্কিমশিং মখা চৎথবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

এক্সপেন্দিচর ফাইনান্স কম্মিতি(ই এফ সি)গী পাউতাকশিং মতুংইন্না, হৌজিক পায়খৎলিবা প্রোজেকশিংগী য়াওনা, নোর্থ ইস্ত স্পিসিএল ইনফ্রাস্ত্রকচর স্কিম(এন ই এস আই দি এস)গী শেনফম লুপা কোরোর ৮১৩৯.৫ পীরগনি। হৌজিক চৎথরিবা স্কিমশিংগী য়াওনা এন.ই.সিগী স্কিমশিংগী শেনফম লুপা করোর ৩২০২.৭ ওইরগনি। অসামগী বি.তি.সি, দি.ঐচ.এ.তি.সি অমসুং কে.এ.এ.তি.সিগী অখন্নবা পেকেজশিংগী শেনফম লুপা করোর ১৫৪০(বি.তি.সি-লুপা করোর ৫০০, কে.এ.এ.তি.সি-লুপা করোর ৭৫০ অমসুং বি.তি.সি, দি.ঐচ.এ.তি.সি অমসুং কে.এ.এ.তি.সিগী হান্নগী পেকেজশিংগী লুপা করোর ২৯০)ওইরগনি। কেন্দ্রনা চাদা ১০০ পুথোকপা কেন্দ্রগী স্কিম অমা ওইরিবা এন.ই.এস.আই.দি.এস অসি শরুক অনি থোক্না শেমদোক্লে- এন.ই.এস.আই.দি.এস(লম্বীশিং) অমসুং এন.ই.এস.আই.দি.এস(লম্বী নত্তবা অতোপ্পশিং)।

মিনিস্ত্রিগী অনৌবা স্কিম “প্রাইম মিনিস্তরস দিবলপমেন্ত ইনিসিএতিপ ফোর নোর্থ ইস্তর্ন রিজন-পি.এম দিভাইন”(লুপা করোর ৬,৬০০গী শেনফম অমা কায়থোক্তুনা)হৌখিবা চহি ২০২২গী ওক্তোবরদা অয়াবা পীখ্রে অমসুং মসিনা ইনফ্রাস্ত্রকচর, খুন্নাইগী চাউখৎ-থৌরাং অমসুং হিংনবা লম্বীশিং পীনবা হিরমশিংদা থবক পায়খৎকনি।

দোনর মিনিস্ত্রিগী স্কিমশিংগী পান্দমশিংদি, কেন্দ্রগী তোঙান-তোঙানবা মিনিস্ত্রিশিং অমসুং দিপার্তমেন্তশিংনা অৱাং-নোংপোক রাজ্যশিংগী পায়খৎলিবা থবকশিং মতেং পাংবা অমসুং য়ৌশিনবা ঙমহৌদবা চাউখৎ-থৌরাংগী থবকশিং মেনশিনবনি। দোনর মিনিস্ত্রিগী স্কিমশিংনা অৱাং-নোংপোক্কী রাজ্য ৮গী দরকার ওইবা প্রোজেকশিং হায়বদি- লম্বী-থোংগী প্রোজেকশিং, খুন্নাইগী অৱাৎপশিং মেনখৎপা অমসুং হিংনবগী লম্বী ফংবা হেনগৎহনবা অমসুং থবক পীনবা হিরমশিং প্রোজেকশিং পায়খৎলি।

১৫শুবা ফাইনান্স কম্মিসনগী লেমহৌরিবা মতম(শেনবা চহি ২০২৫-২৬)দা অয়াবা পীখ্রবা স্কিমশিং মতম শাংদোকপা অসিনা প্রোজেকশিং পায়খৎনবা হেন্না নিংথিজনা থৌরাং তৌবা ঙমহনগনি, প্রোজেকশিং ফন্ত লোদ্দিং সেঙ্কসন তৌবা য়াগনি অমসুং স্কিমগী মতম মনুংদা প্রোজেকশিং পায়খৎপা ঙমগনি।

২০২৫-২৬ মনুংদা মশিং য়াম্লবা প্রোজেকশিং লোইশিন্নবা থবকশিং পায়খৎলে। মরম অসিনা, ২০২২-২৩ অমসুং ২০২৩-২৪দা নৌনা সেঙ্কসন তৌখিবা স্কিমশিং মপুংফানা লোইশিনবা ঙম্নবা মখা তানা ২০২৪-২৫ অমসুং ২০২৫-২৬ মনুংদা চাদিং তৌবা য়াগনি।

অত্মানির্ভর ভারত অভিয়ানগী য়ুম্বী মখোঙ ৫ হায়বদি ইকোনোমি, ইনফ্রাস্ত্রকচর, সিস্তেম, দিমোক্রাফি অমসুং দিমান্দ ফংবদা স্কিমশিং অসিনা মতেং পাংগনি।

সরকারনা অৱাং-নোংপোক্কী চাউখৎ-থৌরাং অসি মরুওইবা অমা ওইনা লৌরে। হৌখিবা চহি ৮দা প্রধান মন্ত্রীনা অৱাং-নোংপোক লমদমদা ৫০রক হেন্না চৎখ্রে অমসুং মিনিস্তর ৭৪না অৱাং-নোংপোক লমদমদা ৪০০ রক হেন্না চৎখ্রে।

অৱাং-নোংপোক লমদম অসি লৈতাদবা, বোম্ব পোকখাইবা অমসুং বন্দশিংগী মমিং চৎলম্বনি, অদুবু হৌখিবা চহি ৮ অসিদা প্রধান মন্ত্রী শ্রী নরেন্দ্র মোদীগী লমজিং মখাদা শান্তি পুরক্লে।

লালহৌবগা মরি লৈনবা থৌদোকশিং চাদা ৭৪ হন্থরে, সেকুরিতি ফোর্সশিংদা খুৎ থাবগী থৌদোকশিং চাদা ৬০ হন্থরে অমসুং মীচমশিং শিবা চাদা ৮৯ হন্থরে। মখোয়গী তুংগী অমসুং মখোয়গী ইমুং-মনুংগী য়াইফনবা, নহা ৮,০০০ রোম চঙজরকখ্রে অমসুং মহৌশাগী পুন্সি ইচেলদা তিনখ্রে।

২০১৯দা ত্রিপুরাদা নেসনেল লিবেরেসন ফ্রন্ত ওফ ত্রিপুরাগা য়ানবা পুরকখ্রে, ২০২০দা ব্রু অমসুং বোরো এগ্রিমেন্ত লৈখে অমসুং ২০২১দা কার্বি এগ্রিমেন্ত লৈখ্রে। অসাম-মেঘলয় অমসুং অসাম-অরুনাচল প্রদেসকী ঙমখৈগী ৱাথোকশিং লোইশিনখ্রে অমসুং অৱাং-নোংপোক লমদমদা শান্তি হঞ্জিল্লক্তুনা চাউখৎপগী লম্বীদা চঙশিল্লে।

২০১৪দগী বজেৎকী চাকথুং হেনগৎলকপা ঐখোয়না উরে। ২০১৪দগী অৱাং-নোংপোক লমদমগীদমক লুপা করোর লাখ ৪ হেন্না কাইথোকখ্রে। হৌখিবা চহি ৪দা দোনর মিনিস্ত্রিগী স্কিমশিংগী লুপা করোর ৭৫৩৪.৪৬ চাদিং তৌখ্রে অমসুং মথং চহি মরিগী হায়বদি ২০২৫-২৬ ফাওবগী ওইনা লুপা করোর ১৯৪৮২.২০ চাদিং তৌগনি।

অৱাং-নোংপোক লমদমদা ইনফ্রাস্ত্রকচর চাউখৎনবা থবক কয়া পায়খৎলে। লম্বী-থোংগী ফিবম ফগৎনবা অকনবা মীৎয়েং থম্লি। ২০১৪দগী রেলৱেগী ফিবম ফগৎনবা লুপা করোর ৫১,০১৯ চাদিং তৌখ্রে অমসুং লুপা করোর ৭৭,৯৩০গী অনৌবা প্রোজেক ১৯ অয়াবা পীখ্রে।

২০০৯-২০১৪ মনুংদা চহিগী বজেৎ লুপা করোর ২,১২২ ওইরম্বা অদুগা চাংদম্নবদা, হৌখিবা চহি ৮ অসিদা চহিগী বজেৎগী শেনফম চাদা ৩৭০ হেনগৎতুনা অপুনবা লুপা করোর ৯,৯৭০ কাইথোকখ্রে।

লম্বী-থোংগী ফিবম ফগৎহন্নবা লুপা করোর লাখ ১.০৫গী প্রোজেক ৩৭৫ পায়খৎলি। মথং চহি অহুমদা প্রোজেক ২০৯গী মখাদা কিলোমিতর ৯,৪৭৬কী লম্বীশিং শেমগনি। মসিগীদমক কেন্দ্র সরকারনা লুপা করোর ১,০৬,০০৪ চাদিং তৌরি।

মথক্তা চৎথোক-চৎশিনগী থবকশিং ফগৎলে। হৌখিবা চহি ৬৮দা অৱাং-নোংপোক লমদমদা শুপ্নগী এয়রপোর্ত ৯ খক লৈরমখি অদুবু হৌজিক তেল্লবা চহি ৮গী মনুংদা এয়রপোর্ত ১৭ লৈরে। ২০১৪দগী অৱাং-নোংপোক লমদমদা মথক্তা চৎপগী চাং চাদা ১১৩ হেনগৎলে। মথক্তা চৎথোক-চৎশিনগী থবকশিং ফগৎহন্নবা অৱাং-নোংপোক লমদমদা সিবিল এভিএসন্দা লুপা করোর ২,০০০ থাদরগনি।

তেলিকোমগী খুদোংচাবা ফগৎনবা, ২০১৪দগী জি.বি.এসগী চাদা ১০গী মখাদা লুপা করোর ৩৪৬৬ চাদিং তৌখ্রে। অৱাং-নোংপোক লমদমগী খুঙ্গং ৪,৫৩৫দা ফোর-জি ফংহন্নবা মন্ত্রীমন্দলনা অয়াবা পীখ্রে। ২০২৩গী অরোইবা ফাওবদা অৱাং-নোংপোক লমদমদা মপুংফানা তেলিকোম ফংহন্নবা কেন্দ্র সরকারনা নুমিৎ ৫০০গী পান্দম থম্লি।

ঈশিংগী লম্বীশিং অসি অৱাং-নোংপোক লমদমগী পুন্সি অমসুং চৎনবীনি। মোদীজিগী সরকারগী মখাদা অৱাং-নোংপোক লমদমদা ঈশিংগী লম্বীশিং শেমগৎনবা থবকশিং পায়খৎলে। ২০১৪গী মমাঙদা অৱাং-নোংপোক লমদমদা শুপ্নগী ঈশিং লম্বী ১ খক লৈরমখি। হৌজিক অৱাং-নোংপোক লমদমদা ঈশিং লম্বী ১৮ লৈরে। নেসনেল ৱাতরৱেজ ২ অমসুং নেসনেল ৱাতরৱেজ ১৬ শেমগৎনবা হন্দক লুপা করোর ৬০০০ কাইথোকখ্রে।

অৱাং-নোংপোক লমদমদা স্কিল হেনগৎহন্নবা মচাক-মথুমশিং শেমগৎনবা লুপা করোর ১৯০ রোম চাদিং তৌখ্রে। অনৌবা স্কিল দিবলপমেন্ত ইন্সতিতুৎ ১৯৩ লিংখৎলে। স্কিল হেনগৎহন্নবা থবকশিংগী লুপা কারোর ৮১.৮৩ চাদিং তৌখ্রে। তোঙান-তোঙানবা স্কিমশিংগী মখাদা অপুনবা মীওই ১৬,০৫,৮০১ স্কিল লৈহনখ্রে।

ওন্ত্রেপ্রেনিউয়রশিপ চাউখৎহন্নবা তোঙান-তোঙানবা স্কিমশিংগী মখাদা এম.এস.এম.ইশিং য়োকখৎলে। য়ুনিত ৯৭৮ লিংখৎনবা লুপা করোর ৬৪৫.০৭ চাদিং তৌখ্রে। দি.পি.আই.আই.তিগী মতুংইন্না, অৱাং-নোংপোক লমদমদগী স্তার্দঅপ ৩,৮৬৫ রেজিস্তার তৌখ্রে।

হৌখিবা চহি ৮ অসিদা হকশেলগী মচাক-মথুমশিংগী ফিবম ফগৎলে। ২০১৪-১৫দগী হৌনা হকশেলগী লমদা সরকারনা লুপা করোর ৩১,৭৯৩.৮৬ চাদিং তৌখ্রে।

তর্সিয়ারি কিয়ার ওফ কেন্সর স্কিমগী মখাদা স্তেৎ কেন্সর ইন্সিতিতুৎ ১৯ অমসুং তর্সিয়ারি কিয়ার কেন্সর সেন্তর ২০ ফিবম ফগৎহনখ্রে। হৌখিবা চহি ৮ অসিদা অৱাং-নোংপোক লমদমদা লাইরিক-লাইশু তম্নবগী মচাক-মথুমশিং ফগৎহন্নবা থবক কয়া পায়খৎলে।

২০১৪দগী হৌজিক ফাওবদা, অৱাং-নোংপোক লমদমদা অৱাংবা থাক্কী লাইরিক তম্বগী থবকশিংগী সরকারনা লুপা করোর ১৪,০০৯ চাদিং তৌখ্রে। অনৌবা অৱাংবা থাক্কী মহৈলোয়শঙ ১৯১ লিংখৎলে। ২০১৪দগী য়ুনিভর্সিতি মশিং চাদা ৩৯ হেনগৎলে। ২০১৪-১৫দগী অৱাং থাক্কী কেন্দ্রগী মহৈলোয়শঙ মশিং চাদা ৪০ হেনগৎলে। অৱাংবা থাক্কী লাইরিক তম্নবা মহৈরোয় মিং চনবগী চাং চাদা ২৯ হেনগৎলে।

অৱাং-নোংপোক লমদমদা মৈগী মচাক-মথুমশিং ফগৎলে। ২০১৪-১৫দগী সরকারনা লুপা করোর ৩৭,০৯২ কাইথোকখ্রে অমসুং মসিগী মনুংদা লুপা করোর ১০,০০৩ চাদিং তৌখ্রে। হৌজিক লুপা করোর ৯,২৬৫কী নোর্থ ইস্ত গ্যাস গ্রিদ প্রোজেক পায়খৎলি অমসুং মসিদা অৱাং-নোংপোক লমদমগী শেন-থুমগী ফিবম ফগৎহনগনি।

অরুনাচল প্রদেসকী ঙমখৈগী খুঙ্গংশিং মৈ থানবা লুপা করোর ৫৫০গী অখন্নবা প্রোজেক অমা প্রধান মন্ত্রীনা লাউথোকখ্রে।

অহানবা ওইনা জিলা থাক্কী এস.দি.জি ইন্দেক্স লিংখৎলে। এস.দি.জি ইন্দেক্সকী অনিশুবা ভর্সন থৌরাং তৌরে অমসুং অথুবদা ফোঙলগনি।

***********



(Release ID: 1888941) Visitor Counter : 137