1. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಗುಜರಾತ್‌ನ ಭರೂಚ್‌ನಲ್ಲಿ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಲಿಮಿಟೆಡ್‌ನ 'ಸಹಕಾರಿ ಶಿಕ್ಷಣ ಭವನ'ಕ್ಕೆ ಶಂಕುಸ್ಥಾಪನೆ ನೆರವೇರಿಸಿದರು. (ಜೂನ್ 3, 2022)

ಈ ಭವನದ ನಿರ್ಮಾಣವು ಜನರಿಗೆ ಶಿಕ್ಷಣ ನೀಡುವುದು ಮಾತ್ರವಲ್ಲದೆ ಸಹಕಾರ ಕ್ಷೇತ್ರದ ಮೂಲತತ್ವಗಳು, ಜ್ಞಾನ ಮತ್ತು ಪ್ರಾಮುಖ್ಯತೆಯನ್ನು ಹೊರತರುತ್ತದೆ.

ಭರೂಚ್ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ನ ಈ ತರಬೇತಿ ಕೇಂದ್ರದ ನಿರ್ಮಾಣದ ನಂತರ, ಇದು ಕಂಪ್ಯೂಟರ್ ಲ್ಯಾಬ್, ಸಹಕಾರಿ ಗ್ರಂಥಾಲಯ ಮತ್ತು ವೃತ್ತಗಳ ಕಾರ್ಯನಿರ್ವಹಣೆಗೆ ಸಾಮಾನ್ಯ ಜ್ಞಾನ ಕೇಂದ್ರವಾಗುತ್ತದೆ.

ಬ್ಯಾಂಕ್ ಸದೃಢವಾಗಿದೆ, ದೇಶದಲ್ಲಿ ಕೇವಲ 5 ಪ್ರತಿಶತದಷ್ಟು ಅನುತ್ಪಾದಕ ಆಸ್ತಿ (ಎನ್‌ ಪಿ ಎ) ಮತ್ತು 22 ಪ್ರತಿಶತ ಡಿವಿಡೆಂಡ್ ಹೊಂದಿರುವ ಕೆಲವೇ ಬ್ಯಾಂಕ್‌ಗಳಿವೆ. ಭರೂಚ್ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಅವುಗಳಲ್ಲಿ ಒಂದಾಗಿದೆ. ಇದು ಗುಜರಾತ್‌ನ ಅತ್ಯಂತ ಹಳೆಯ ಬ್ಯಾಂಕ್‌ಗಳಲ್ಲಿ ಒಂದಾಗಿದೆ. 49 ಶಾಖೆಗಳು ಮತ್ತು ಸುಮಾರು 1205 ಕೋಟಿ ರೂಪಾಯಿಗಳ ಬಂಡವಾಳವು 115 ವರ್ಷಗಳಷ್ಟು ಹಳೆಯದಾದ ಬ್ಯಾಂಕಿನ ಇತಿಹಾಸಕ್ಕೆ ಸಾಕ್ಷಿಯಾಗಿದೆ.

ಭರೂಚ್ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ರೂ.3.25 ಕೋಟಿ ವೆಚ್ಚದಲ್ಲಿ ಈ ಆಧುನಿಕ ತರಬೇತಿ ಕಟ್ಟಡವನ್ನು ನಿರ್ಮಿಸಲಿದೆ. ಇದು ಭರೂಚ್ ಜಿಲ್ಲೆಯ ಎಲ್ಲಾ ರೀತಿಯ ಸಹಕಾರಿ ಸಂಸ್ಥೆಗಳಿಗೆ ತರಬೇತಿಯನ್ನು ನೀಡುತ್ತದೆ.

2. ಪ್ರಾಥಮಿಕ ಕೃಷಿ ಪತ್ತಿನ ಸಂಘಗಳ (ಪಿಎಸಿಎಸ್) ಗಣಕೀಕರಣಕ್ಕೆ ಸಂಪುಟದ ಅನುಮೋದನೆ. (29 ಜೂನ್ 2022)

ಒಟ್ಟಾರೆ 2516 ಕೋಟಿ ರೂ. ಬಜೆಟ್ ವೆಚ್ಚದಲ್ಲಿ 63,000 ಸಕ್ರಿಯ ಪಿಎಸಿಎಸ್ ಗಳನ್ನು ಗಣಕೀಕರಣಗೊಳಿಸಲಾಗುವುದು

ಇದು ಸುಮಾರು 13 ಕೋಟಿ ರೈತರಿಗೆ ಪ್ರಯೋಜನವನ್ನು ನೀಡುತ್ತದೆ. ಇವರಲ್ಲಿ ಹೆಚ್ಚಿನವರು ಸಣ್ಣ ಮತ್ತು ಅತಿ ಸಣ್ಣ ರೈತರು.

ಇದು ಪಾರದರ್ಶಕತೆ, ದಕ್ಷತೆ, ವಿಶ್ವಾಸಾರ್ಹತೆಯನ್ನು ಹೆಚ್ಚಿಸುತ್ತದೆ ಮತ್ತು ಪಂಚಾಯತ್ ಮಟ್ಟದಲ್ಲಿ ನೋಡಲ್ ಡೆಲಿವರಿ ಸೇವಾ ಕೇಂದ್ರವಾಗಲು ಪಿಎಸಿಎಸ್ ಗೆ ಸಹಾಯ ಮಾಡುತ್ತದೆ.

ಡೇಟಾ ಸಂಗ್ರಹಣೆ, ಸೈಬರ್ ಭದ್ರತೆ, ಹಾರ್ಡ್‌ವೇರ್, ಅಸ್ತಿತ್ವದಲ್ಲಿರುವ ದಾಖಲೆಗಳ ಡಿಜಿಟಲೀಕರಣ, ನಿರ್ವಹಣೆ ಮತ್ತು ತರಬೇತಿಯೊಂದಿಗೆ ಕ್ಲೌಡ್ ಆಧಾರಿತ ಏಕೀಕೃತ ಸಾಫ್ಟ್‌ವೇರ್ ಮುಖ್ಯ ಘಟಕಗಳಾಗಿವೆ.

ಈ ಸಾಫ್ಟ್‌ವೇರ್ ರಾಜ್ಯಗಳ ಅಗತ್ಯಗಳಿಗೆ ಅನುಗುಣವಾಗಿ ಗ್ರಾಹಕರಿಗೆ ಅನುಕೂಲವಾಗುವಂತೆ ಸ್ಥಳೀಯ ಭಾಷೆಯಲ್ಲಿರುತ್ತದೆ. ಕೇಂದ್ರ ಮತ್ತು ರಾಜ್ಯ ಮಟ್ಟದಲ್ಲಿ ಯೋಜನಾ ನಿರ್ವಹಣಾ ಘಟಕಗಳನ್ನು (ಪಿಎಂಯು) ಸ್ಥಾಪಿಸಲಾಗುವುದು. ಸುಮಾರು 200 ಪಿಎಸಿಎಸ್‌ಗಳ ಕ್ಲಸ್ಟರ್‌ನಲ್ಲಿ ಜಿಲ್ಲಾ ಮಟ್ಟದ ಬೆಂಬಲವನ್ನು ಸಹ ಒದಗಿಸಲಾಗುವುದು. ಪಿಎಸಿಎಸ್ ಗಣಕೀಕರಣ ಪೂರ್ಣಗೊಂಡಿರುವ ರಾಜ್ಯಗಳಲ್ಲಿ ಅವರು ಸಾಮಾನ್ಯ ಸಾಫ್ಟ್‌ವೇರ್‌ನೊಂದಿಗೆ ಸಂಯೋಜಿಸಲು/ಅಳವಡಿಸಲು ಒಪ್ಪಿಕೊಂಡರೆ, ಅವರ ಹಾರ್ಡ್‌ವೇರ್ ಅಗತ್ಯವಿರುವ ವಿಶೇಷತೆಗಳನ್ನು ಪೂರೈಸಿದರೆ ಮತ್ತು ಸಾಫ್ಟ್‌ವೇರ್ ಅನ್ನು 1 ನೇ ಫೆಬ್ರವರಿ, 2017 ರ ನಂತರ ನಿಯೋಜಿಸಲಾಗಿದ್ದರೆ, ಅಂತಹ ಪ್ರತಿ ಪಿಎಸಿಎಸ್ ಗೆ 50,000 ರೂ. ಮರುಪಾವತಿಸಲಾಗುತ್ತದೆ.

ದೇಶದ ಎಲ್ಲಾ ಘಟಕಗಳು ನೀಡಿದ ಕೆಸಿಸಿ ಸಾಲಗಳಲ್ಲಿ ಶೇ.41  (3.01 ಕೋಟಿ ರೈತರು) ರಷ್ಟು ಪಿಎಸಿಎಸ್ ಗೆ ಸೇರಿದೆ ಮತ್ತು ಪಿಎಸಿಎಸ್ ಮೂಲಕ ನೀಡಿದ ಈ ಕೆಸಿಸಿ ಸಾಲಗಳಲ್ಲಿ ಶೇ.95ರಷ್ಟು  (2.95 ಕೋಟಿ ರೈತರು) ಸಣ್ಣ ಮತ್ತು ಅತಿ ಸಣ್ಣ ರೈತರಾಗಿದ್ದಾರೆ.

ದೇಶದಾದ್ಯಂತ ಎಲ್ಲಾ ಪಿಎಸಿಎಸ್ ಗಳನ್ನು ಗಣಕೀಕರಣಗೊಳಿಸಲು ಮತ್ತು ಅವುಗಳನ್ನು ರಾಷ್ಟ್ರೀಯ ಮಟ್ಟದಲ್ಲಿ ಸಾಮಾನ್ಯ ವೇದಿಕೆಗೆ ತರಲು ಮತ್ತು ಅವುಗಳ ದೈನಂದಿನ ವ್ಯವಹಾರಕ್ಕಾಗಿ ಸಾಮಾನ್ಯ ಲೆಕ್ಕಪತ್ರ ವ್ಯವಸ್ಥೆ (ಸಿಎಎಸ್) ಯನ್ನು ಹೊಂದಲು ಪ್ರಸ್ತಾಪಿಸಲಾಗಿದೆ.

ಪಿಎಸಿಎಸ್ ನ ಗಣಕೀಕರಣವು, ರೈತರಿಗೆ ವಿಶೇಷವಾಗಿ ಸಣ್ಣ ಮತ್ತು ಅತಿ ಸಣ್ಣ ರೈತರಿಗೆ (ಎಸ್‌ ಎಂ ಎಫ್) ಆರ್ಥಿಕ ಸೇರ್ಪಡೆ ಮತ್ತು ಬಲಪಡಿಸುವ ಸೇವಾ ವಿತರಣೆಯ ಉದ್ದೇಶವನ್ನು ಪೂರೈಸುವುದರ ಜೊತೆಗೆ ವಿವಿಧ ಸೇವೆಗಳಿಗೆ ಮತ್ತು ರಸಗೊಬ್ಬರಗಳು, ಬೀಜಗಳು ಮುಂತಾದ ಕೃಷಿ ಸೌಲಭ್ಯಗಳನ್ನು ಒದಗಿಸುವ ನೋಡಲ್ ಸೇವಾ ವಿತರಣಾ ಕೇಂದ್ರವಾಗುತ್ತದೆ.

ಗ್ರಾಮೀಣ ಪ್ರದೇಶಗಳಲ್ಲಿ ಡಿಜಿಟಲೀಕರಣವನ್ನು ಸುಧಾರಿಸುವುದರ ಹೊರತಾಗಿ ಬ್ಯಾಂಕಿಂಗ್ ಚಟುವಟಿಕೆಗಳು ಮತ್ತು ಬ್ಯಾಂಕಿಂಗೇತರ ಚಟುವಟಿಕೆಗಳ ಔಟ್‌ಲೆಟ್‌ಗಳಾಗಿ ಪಿಎಸಿಎಸ್ ನ ವ್ಯಾಪ್ತಿಯನ್ನು ಸುಧಾರಿಸಲು ಯೋಜನೆಯು ಸಹಾಯ ಮಾಡುತ್ತದೆ.

ಪಿಎಸಿಎಸ್ ಮೂಲಕ ಕಾರ್ಯಗತಗೊಳಿಸಬಹುದಾದ ವಿವಿಧ ಸರ್ಕಾರಿ ಯೋಜನೆಗಳನ್ನು (ಸಾಲ ಮತ್ತು ಸಹಾಯಧನ ಒಳಗೊಂಡಿರುವ) ತೆಗೆದುಕೊಳ್ಳುವ ಪ್ರಮುಖ ಆಯ್ಕೆಗಳಲ್ಲಿ ಒಂದಾಗಿ ಡಿಸಿಸಿಬಿಗಳು ತಮ್ಮನ್ನು ನೋಂದಾಯಿಸಿಕೊಳ್ಳಬಹುದು.

3. ಸಾಲ ಖಾತ್ರಿ ನಿಧಿ ಟ್ರಸ್ಟ್ (ಸಿ ಜಿ ಟಿ ಎಂ ಎಸ್‌ ಇ) ತನ್ನ ಸುತ್ತೋಲೆ ಸಂಖ್ಯೆ. 194/2021-22 ದಿನಾಂಕ 03.02.2022 ರ ಮೂಲಕ ಯೋಜನೆಯ ಸದಸ್ಯ ಕ್ರೆಡಿಟ್ ಸಂಸ್ಥೆಗಳಾಗಿ ನಿರ್ದಿಷ್ಟಪಡಿಸಿದ ಅರ್ಹತಾ ಮಾನದಂಡಗಳೊಂದಿಗೆ ನಾನ್‌ ಷೆಡ್ಯೂಲ್‌ ನಗರ ಸಹಕಾರ ಬ್ಯಾಂಕ್‌ಗಳು, ರಾಜ್ಯ ಸಹಕಾರಿ ಬ್ಯಾಂಕ್‌ಗಳು ಮತ್ತು ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ಗಳನ್ನು ಸೂಚಿಸಿದೆ. ಇದು ಸಹಕಾರಿ ವಲಯಕ್ಕೆ ಸಿ ಜಿ ಟಿ ಎಂ ಎಸ್‌ ಇ ಯೋಜನೆಯ ವ್ಯಾಪ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಸಹಕಾರಿ ಆಧಾರಿತ ಆರ್ಥಿಕ ಅಭಿವೃದ್ಧಿ ಮಾದರಿಗಳನ್ನು ಉತ್ತೇಜಿಸಲು ಸಹಕಾರಿಗಳಿಗೆ ಸಾಕಷ್ಟು, ಕೈಗೆಟುಕುವ ದರದ ಮತ್ತು ಸಕಾಲಿಕವಾದ ಸಾಲವನ್ನು ಒದಗಿಸಲು ಸಹಾಯ ಮಾಡುತ್ತದೆ.

4. ಜೂನ್ 08, 2022 ರಂದು, ಆರ್‌ ಬಿ ಐ ಸಹಕಾರಿ ಕ್ಷೇತ್ರಕ್ಕೆ ಬಹಳ ಮುಖ್ಯವಾದ ನೀತಿ ನಿರ್ಧಾರಗಳನ್ನು ಪ್ರಕಟಿಸಿತು:

ಮೊದಲನೆಯದಾಗಿ, ನಗರ ಸಹಕಾರಿ ಬ್ಯಾಂಕ್‌ಗಳಿಗೆ (ಯುಸಿಬಿ) ವೈಯಕ್ತಿಕ ವಸತಿ ಸಾಲದ ಮಿತಿಯನ್ನು ಶ್ರೇಣಿ-1 ಯುಸಿಬಿಗಳಿಗೆ 30 ಲಕ್ಷದಿಂದ 60 ಲಕ್ಷ ರೂ.ಗೆ, ಶ್ರೇಣಿ-2 ಯುಸಿಬಿಗಳಿಗೆ 70 ಲಕ್ಷದಿಂದ 1.40 ಕೋಟಿ ರೂ. ಗಳಿಗೆ ದುಪ್ಪಟ್ಟುಗೊಳಿಸಲಾಗಿದೆ. ಗ್ರಾಮೀಣ ಸಹಕಾರಿ ಬ್ಯಾಂಕ್‌ಗಳಿಗೆ (ಆರ್‌ಸಿಬಿ) ಕ್ರಮವಾಗಿ 20 ಲಕ್ಷದಿಂದ 30 ಲಕ್ಷ ರೂ. ಮತ್ತು  50 ಲಕ್ಷದಿಂದ 75 ಲಕ್ಷ ರೂ.ಗೆ ಹೆಚ್ಚಿಸಲಾಗಿದೆ.

ಎರಡನೆಯದಾಗಿ, ಗ್ರಾಮೀಣ ಸಹಕಾರಿ ಬ್ಯಾಂಕುಗಳು ವಾಣಿಜ್ಯ ರಿಯಲ್ ಎಸ್ಟೇಟ್ ವಸತಿ ವಲಯಕ್ಕೆ ಸಾಲ ನೀಡಲು ಅನುಮತಿಸಲಾಗಿದೆ.

ಮೂರನೆಯದಾಗಿ, ನಗರ ಸಹಕಾರಿ ಬ್ಯಾಂಕ್‌ಗಳು ತಮ್ಮ ಗ್ರಾಹಕರಿಗೆ ವಾಣಿಜ್ಯ ಬ್ಯಾಂಕ್‌ಗಳ ರೀತಿಯಲ್ಲಿ ಮನೆ ಬಾಗಿಲಿನ ಬ್ಯಾಂಕಿಂಗ್ ಸೌಲಭ್ಯವನ್ನು ಒದಗಿಸಲು ಅನುಮತಿ ನೀಡಲಾಗಿದೆ. ಈ ನಿರ್ಧಾರಗಳು ಸಹಕಾರಿ ಬ್ಯಾಂಕ್‌ಗಳ ದೀರ್ಘಕಾಲದ ಬೇಡಿಕೆಗಳನ್ನು ಈಡೇರಿಸುತ್ತವೆ ಮತ್ತು ಸಹಕಾರಿ ಕ್ಷೇತ್ರದ ಅಭಿವೃದ್ಧಿಗೆ ಹೊಸ ಒಳಹರಿವು ನೀಡುತ್ತವೆ.

5. ಸಹಕಾರ ಸಚಿವಾಲಯದ ವಿವಿಧ ಚಟುವಟಿಕೆಗಳ ಅನುಷ್ಠಾನಕ್ಕಾಗಿ 2022-23ರ ಹಣಕಾಸು ವರ್ಷಕ್ಕೆ ಕೇಂದ್ರ ಬಜೆಟ್‌ನಲ್ಲಿ 900 ಕೋಟಿ ರೂ.ಗಳನ್ನು ಹಂಚಿಕೆ ಮಾಡಲಾಗಿದೆ, ಇದು 2021-22ರ ಬಜೆಟ್ ಗಿಂತ ಸುಮಾರು 2.5 ಪಟ್ಟು ಹೆಚ್ಚು.

ಹೊಸ ಉಪಕ್ರಮಗಳು

6. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ನವದೆಹಲಿಯಲ್ಲಿ ಸಹಕಾರ ನೀತಿಯ ರಾಷ್ಟ್ರೀಯ ಸಮ್ಮೇಳನವನ್ನು ಉದ್ದೇಶಿಸಿ ಮಾತನಾಡಿದರು. (12 ಏಪ್ರಿಲ್ 2022)

ಗ್ರಾಮೀಣ ಅಭಿವೃದ್ಧಿಗೆ ಆರ್ಥಿಕ ಮಾದರಿಯನ್ನು ರೂಪಿಸುವಲ್ಲಿ ಮತ್ತು ಬಡ ಜನರಿಗೆ ಉದ್ಯೋಗವನ್ನು ಒದಗಿಸುವಲ್ಲಿ ಸಹಕಾರಿ ಸಂಸ್ಥೆಗಳು ಬಹುದೊಡ್ಡ ಪಾತ್ರವನ್ನು ವಹಿಸಿವೆ, ಇದರಿಂದ ಅವರು ಗೌರವಯುತವಾಗಿ ಬದುಕಬಹುದು.

ಅಭಿವೃದ್ಧಿ ಹೊಂದಿದ ರಾಜ್ಯಗಳಲ್ಲಿನ ಪ್ರತಿ ಹಳ್ಳಿಯು ಪಿಎಸಿಎಸ್, ಹಾಲು ಸಹಕಾರಿ ಮಾರುಕಟ್ಟೆಗಳು, ಕ್ರೆಡಿಟ್ ಸೊಸೈಟಿಗಳು ಅಥವಾ ಸಹಕಾರಿ ಬ್ಯಾಂಕುಗಳನ್ನು ಹೊಂದಿರಬೇಕು ಮತ್ತು ಸಹಕಾರಿಗಳು ತಲುಪಲು ಸಾಧ್ಯವಾಗದ ಪ್ರದೇಶಗಳು ಇರಬಾರದು.

ಅಭಿವೃದ್ಧಿ ಹೊಂದಿದ ರಾಜ್ಯಗಳನ್ನು ಸಂಪೂರ್ಣ ಅಭಿವೃದ್ಧಿಯ ಕಡೆಗೆ ಕೊಂಡೊಯ್ಯಲು, ಅಭಿವೃದ್ಧಿ ಹೊಂದುತ್ತಿರುವ ರಾಜ್ಯಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಹಿಂದುಳಿದ ರಾಜ್ಯಗಳನ್ನು ನೇರವಾಗಿ ಅಭಿವೃದ್ಧಿ ಹೊಂದಿದ ರಾಜ್ಯಗಳ ವರ್ಗಕ್ಕೆ ಸೇರಿಸಲು ಕಾರ್ಯತಂತ್ರವನ್ನು ರಚಿಸಲು ಉದ್ದೇಶಿಸಲಾಗಿದೆ.

ದೇಶದ ಬಹು ದೊಡ್ಡ ಭಾಗವು ಆರ್ಥಿಕವಾಗಿ ಹಿಂದುಳಿದಿದೆ, ಸಹಕಾರ ಕ್ಷೇತ್ರವು 80 ಕೋಟಿ ಜನರನ್ನು ಆರ್ಥಿಕವಾಗಿ ಅಭಿವೃದ್ಧಿ ಪಡಿಸುವ ಏಕೈಕ ಮಾದರಿಯಾಗಿದೆ.

7. ಸಹಕಾರ ನೀತಿಯನ್ನು ಕುರಿತು ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನ (12-13 ಏಪ್ರಿಲ್, 2022) 13 ಏಪ್ರಿಲ್ 2022 ರಂದು ಮುಕ್ತಾಯವಾಯಿತು. 
ಸಮ್ಮೇಳನವನ್ನು ಸಹಕಾರಿಗಳ ಸಂಪೂರ್ಣ ಜೀವನ ಚಕ್ರವನ್ನು ಮಾತ್ರವಲ್ಲದೆ ಅವರ ವ್ಯವಹಾರ ಮತ್ತು ಆಡಳಿತದ ಎಲ್ಲಾ ಅಂಶಗಳನ್ನು ಸ್ಪರ್ಶಿಸುವ ಆರು ಪ್ರಮುಖ ವಿಷಯಗಳನ್ನಾಗಿ ರೂಪಿಸಲಾಗಿತ್ತು.

ಈ ಕೆಳಗಿನ ವಿಷಯಗಳ ಮೇಲೆ ಸಮಿತಿ ಚರ್ಚೆಗಳನ್ನು ನಡೆಸಿತು:

ಎ.     ಪ್ರಸ್ತುತ ಕಾನೂನು ಚೌಕಟ್ಟು, ನಿಯಂತ್ರಕ ನೀತಿಯ ಗುರುತಿಸುವಿಕೆ, ಕಾರ್ಯಾಚರಣೆಯ ಅಡೆತಡೆಗಳು ಮತ್ತು ಅವುಗಳನ್ನು ತೆಗೆದುಹಾಕಲು ಅಗತ್ಯವಿರುವ ಕ್ರಮಗಳು ವ್ಯವಹಾರವನ್ನು ಸುಲಭಗೊಳಿಸಲು ಮತ್ತು ಸಹಕಾರಿ ಮತ್ತು ಇತರ ಆರ್ಥಿಕ ಘಟಕಗಳಿಗೆ ಸಮಾನ ಅವಕಾಶಗಳನ್ನು ಒದಗಿಸುತ್ತವೆ.

ಬಿ.    ಸಹಕಾರಿ ತತ್ವಗಳು, ಪ್ರಜಾಸತ್ತಾತ್ಮಕವಾಗಿ ಸದಸ್ಯರ ನಿಯಂತ್ರಣ, ಹೆಚ್ಚುತ್ತಿರುವ ಸದಸ್ಯರ ಭಾಗವಹಿಸುವಿಕೆ, ಪಾರದರ್ಶಕತೆ, ನಿಯಮಿತ ಚುನಾವಣೆಗಳು, ಮಾನವ ಸಂಪನ್ಮೂಲ ನೀತಿ, ಅಂತರರಾಷ್ಟ್ರೀಯ ಮತ್ತು ರಾಷ್ಟ್ರೀಯ ಉತ್ತಮ ಅಭ್ಯಾಸಗಳು, ಖಾತೆ ನಿರ್ವಹಣೆ ಮತ್ತು ಲೆಕ್ಕಪರಿಶೋಧನೆ ಸೇರಿದಂತೆ ಆಡಳಿತವನ್ನು ಬಲಪಡಿಸುವ ಸುಧಾರಣೆಗಳು.

ಸಿ.    ಮೂಲಸೌಕರ್ಯವನ್ನು ಬಲಪಡಿಸುವ ಮೂಲಕ ಬಹು ಸಹಕಾರಿ ರೋಮಾಂಚಕ ಆರ್ಥಿಕ ಘಟಕಗಳು, ಈಕ್ವಿಟಿ ಬೇಸ್ ಅನ್ನು ಬಲಪಡಿಸುವುದು, ಬಂಡವಾಳದ ಲಭ್ಯತೆ, ಚಟುವಟಿಕೆಗಳ ವೈವಿಧ್ಯೀಕರಣ, ಉದ್ಯಮಶೀಲತೆಯನ್ನು ಉತ್ತೇಜಿಸುವುದು, ಬ್ರ್ಯಾಂಡಿಂಗ್, ಮಾರ್ಕೆಟಿಂಗ್, ವ್ಯಾಪಾರ ಯೋಜನೆ ಅಭಿವೃದ್ಧಿ, ನಾವೀನ್ಯತೆ, ತಂತ್ರಜ್ಞಾನ ಅಳವಡಿಕೆ ಮತ್ತು ರಫ್ತುಗಳನ್ನು ಉತ್ತೇಜಿಸುವುದು

ಡಿ.    ತರಬೇತಿ, ಶಿಕ್ಷಣ, ಜ್ಞಾನ ಹಂಚಿಕೆ ಮತ್ತು ಅರಿವು ಮೂಡಿಸುವುದು, ಮುಖ್ಯವಾಹಿನಿಯ ಸಹಕಾರ ಸಂಘಗಳು, ತರಬೇತಿಯನ್ನು ಉದ್ಯಮಶೀಲತೆಯೊಂದಿಗೆ ಜೋಡಿಸುವುದು, ಮಹಿಳೆಯರು, ಯುವಕರು ಮತ್ತು ದುರ್ಬಲ ವಿಭಾಗಗಳನ್ನು ಸೇರಿಸುವುದು

ಇ.    ಹೊಸ ಸಹಕಾರಿಗಳನ್ನು ಉತ್ತೇಜಿಸುವುದು, ನಿಷ್ಕ್ರಿಯಗೊಂಡವುಗಳನ್ನು ಪುನರುಜ್ಜೀವನಗೊಳಿಸುವುದು, ಸಹಕಾರಿಗಳ ನಡುವೆ ಸಹಕಾರವನ್ನು ಉತ್ತೇಜಿಸುವುದು, ಸದಸ್ಯತ್ವವನ್ನು ಹೆಚ್ಚಿಸುವುದು, ಸುಸ್ಥಿರ ಬೆಳವಣಿಗೆಗಾಗಿ ಸಹಕಾರಿಗಳನ್ನು ಅಭಿವೃದ್ಧಿಪಡಿಸುವುದು, ಪ್ರಾದೇಶಿಕ ಅಸಮತೋಲನವನ್ನು ತಗ್ಗಿಸುವುದು ಮತ್ತು ಹೊಸ ಕ್ಷೇತ್ರಗಳನ್ನು ಅನ್ವೇಷಿಸುವುದು. 

ಎಫ್‌.    ಸಾಮಾಜಿಕ ಸಹಕಾರವನ್ನು ಉತ್ತೇಜಿಸುವುದು ಮತ್ತು ಸಾಮಾಜಿಕ ಭದ್ರತೆಯಲ್ಲಿ ಸಹಕಾರಿಗಳ ಪಾತ್ರ.

8. ಜಿಇಎಂ ಪ್ಲಾಟ್‌ಫಾರ್ಮ್‌ನಲ್ಲಿ ಸಹಕಾರ ಸಂಘಗಳು: ಪಾರದರ್ಶಕ, ದಕ್ಷ ಮತ್ತು ಲಾಭದ ಖರೀದಿ ವ್ಯವಸ್ಥೆಯತ್ತ ಒಂದು ಹೆಜ್ಜೆ. (2ನೇ ಜೂನ್ 2022)

ಸರ್ಕಾರದ ಇ-ಮಾರ್ಕೆಟ್‌ಪ್ಲೇಸ್ (ಜಿಇಎಂ) ಪ್ಲಾಟ್‌ಫಾರ್ಮ್‌ನಲ್ಲಿ ಸಹಕಾರ ಸಂಘಗಳನ್ನು 'ಖರೀದಿದಾರರು' ಎಂದು ನೋಂದಾಯಿಸಲು ಕೇಂದ್ರ ಸಚಿವ ಸಂಪುಟ ಅನುಮೋದನೆ ನೀಡಿದೆ.

ಇದು ಸಹಕಾರ ಸಂಘಗಳಿಗೆ ಒಂದೇ ವೇದಿಕೆಯಲ್ಲಿ 45 ಲಕ್ಷಕ್ಕೂ ಹೆಚ್ಚು ಮಾರಾಟಗಾರರನ್ನು ಪ್ರವೇಶಿಸಲು ಮತ್ತು ಪಾರದರ್ಶಕ, ಲಾಭದಾಯಕ ಮತ್ತು ಸಮರ್ಥ ಖರೀದಿ ವ್ಯವಸ್ಥೆಯನ್ನು ಅನುಸರಿಸಲು ಅನುವು ಮಾಡಿಕೊಟ್ಟಿದೆ.

9,702 ಉತ್ಪನ್ನ ವಿಭಾಗಗಳು ಮತ್ತು 279 ಸೇವಾ ವಿಭಾಗಗಳಲ್ಲಿ ಸುಮಾರು 54 ಲಕ್ಷ ಉತ್ಪನ್ನಗಳನ್ನು ಪಟ್ಟಿ ಮಾಡಲಾಗಿದೆ. 2021-22 ನೇ ಹಣಕಾಸು ವರ್ಷದಲ್ಲಿ ಅಂದಾಜು 10,000 ಕೋಟಿ ರೂ. ಉಳಿತಾಯವಾಗಿದೆ.

9. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ, ಶ್ರೀ ಅಮಿತ್ ಶಾ ಅವರು ರಾಷ್ಟ್ರೀಯ ಸಹಕಾರ ನೀತಿ ದಾಖಲೆಯನ್ನು ರೂಪಿಸಲು ರಾಷ್ಟ್ರ ಮಟ್ಟದ ಸಮಿತಿಯ ಸಂವಿಧಾನವನ್ನು ಘೋಷಿಸಿದರು. (6ನೇ ಸೆಪ್ಟೆಂಬರ್ 2022)

ಮಾಜಿ ಕೇಂದ್ರ ಸಚಿವರಾದ ಶ್ರೀ ಸುರೇಶ್ ಪ್ರಭಾಕರ ಪ್ರಭು ಅವರ ಅಧ್ಯಕ್ಷತೆಯಲ್ಲಿ ರಚಿಸಲಾದ ರಾಷ್ಟ್ರೀಯ ಮಟ್ಟದ ಸಮಿತಿಯು ದೇಶದ ಎಲ್ಲಾ ಭಾಗಗಳಿಂದ 47 ಸದಸ್ಯರನ್ನು ಒಳಗೊಂಡಿದೆ.

ಸಮಿತಿಯು ಸಹಕಾರಿ ಕ್ಷೇತ್ರದ ತಜ್ಞರನ್ನು ಒಳಗೊಂಡಿದೆ; ರಾಷ್ಟ್ರೀಯ / ರಾಜ್ಯ / ಜಿಲ್ಲೆ ಮತ್ತು ಪ್ರಾಥಮಿಕ ಸಹಕಾರ ಸಂಘಗಳ ಪ್ರತಿನಿಧಿಗಳು; ಕಾರ್ಯದರ್ಶಿಗಳು (ಸಹಕಾರ) ಮತ್ತು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳ ಸಹಕಾರ ಸಂಘಗಳ ರಿಜಿಸ್ಟ್ರಾರ್‌ಗಳು; ಮತ್ತು ಕೇಂದ್ರ ಸಚಿವಾಲಯಗಳು / ಇಲಾಖೆಗಳ ಅಧಿಕಾರಿಗಳು ಇದರಲ್ಲಿದ್ದಾರೆ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ದೂರದೃಷ್ಟಿಯ ನಾಯಕತ್ವದಲ್ಲಿ 'ಸಹಕಾರ ಸೇ ಸಮೃದ್ಧಿ'ಯ ದೃಷ್ಟಿಕೋನವನ್ನು ಸಾಕಾರಗೊಳಿಸಲು ಹೊಸ ರಾಷ್ಟ್ರೀಯ ಸಹಕಾರ ನೀತಿಯನ್ನು ರೂಪಿಸಲಾಗುತ್ತಿದೆ.

ಅಸ್ತಿತ್ವದಲ್ಲಿರುವ ಸಹಕಾರಿಗಳ ರಾಷ್ಟ್ರೀಯ ನೀತಿಯನ್ನು 2002 ರಲ್ಲಿ ಸಹಕಾರಿಗಳ ಸರ್ವತೋಮುಖ ಅಭಿವೃದ್ಧಿಗೆ ಅನುಕೂಲವಾಗುವಂತೆ ಮತ್ತು ಅಗತ್ಯ ಬೆಂಬಲ, ಪ್ರೋತ್ಸಾಹ ಮತ್ತು ಸಹಾಯವನ್ನು ಒದಗಿಸುವ ಉದ್ದೇಶಗಳೊಂದಿಗೆ ರೂಪಿಸಲಾಯಿತು, ಇದರಿಂದಾಗಿ ಸಹಕಾರ ಸಂಸ್ಥೆಗಳು ಸ್ವಾಯತ್ತ, ಸ್ವಾವಲಂಬಿ ಮತ್ತು ಪ್ರಜಾಸತ್ತಾತ್ಮಕವಾಗಿ ನಿರ್ವಹಿಸಲ್ಪಡುವ ಸಂಸ್ಥೆಗಳಾಗಿ ಅವುಗಳ ಸದಸ್ಯರಿಗೆ ಜವಾಬ್ದಾರಿಯುತವಾಗಿ ಕಾರ್ಯನಿರ್ವಹಿಸುತ್ತವೆ ಮತ್ತು ರಾಷ್ಟ್ರೀಯ ಆರ್ಥಿಕತೆಗೆ ಮಹತ್ವದ ಕೊಡುಗೆ ನೀಡುತ್ತವೆ.

10. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ನವದೆಹಲಿಯಲ್ಲಿ ರಾಜ್ಯ ಸಹಕಾರ ಸಚಿವರ ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನವನ್ನು ಉದ್ದೇಶಿಸಿ ಮಾತನಾಡಿದರು. (8 ಸೆಪ್ಟೆಂಬರ್ 2022)

ಮುಂದಿನ 2 ತಿಂಗಳಲ್ಲಿ, ಸರ್ಕಾರವು ಬಹು-ರಾಜ್ಯ ಸಹಕಾರಿ ಮತ್ತು ಸಾವಯವ ಉತ್ಪನ್ನಗಳ ಮಾರುಕಟ್ಟೆ ಮತ್ತು ಪ್ರಮಾಣೀಕರಣವನ್ನು ರಚಿಸುತ್ತದೆ, ಇದು ಸಾವಯವ ಕೃಷಿಯಲ್ಲಿ ತೊಡಗಿರುವ ರೈತರಿಗೆ ನೇರವಾಗಿ ಪ್ರಯೋಜನವನ್ನು ನೀಡುತ್ತದೆ.

ಖಾದಿ ಉತ್ಪನ್ನಗಳು, ಕರಕುಶಲ ವಸ್ತುಗಳು ಮತ್ತು ಕೃಷಿ ಉತ್ಪನ್ನಗಳನ್ನು ವಿಶ್ವ ಮಾರುಕಟ್ಟೆಗೆ ರಫ್ತು ಮಾಡುವ ಬಹುರಾಜ್ಯ ರಫ್ತು ಕೇಂದ್ರವನ್ನು ಭಾರತ ಸರ್ಕಾರ ಸ್ಥಾಪಿಸಲಿದೆ.
ನಮ್ಮ ಆರ್ಥಿಕತೆಯ ಅಭಿವೃದ್ಧಿಗೆ ಸಾಮೂಹಿಕ ಉತ್ಪಾದನೆಯೊಂದಿಗೆ, ಜನಸಾಮಾನ್ಯರಿಂದ ಉತ್ಪಾದನೆ ಸಹ ಬಹಳ ಮುಖ್ಯವಾಗಿದೆ ಮತ್ತು ಇದು ಸಹಕಾರಿ ಮಾದರಿಯ ಮೂಲಕ ಮಾತ್ರ ಸಾಧ್ಯ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ನೇತೃತ್ವದ ಸರ್ಕಾರದ ಸಹಕಾರ ನೀತಿಯ ಕೇಂದ್ರಬಿಂದುವೆಂದರೆ - ಉಚಿತ ನೋಂದಣಿ, ಗಣಕೀಕರಣ, ಪ್ರಜಾಸತ್ತಾತ್ಮಕ ಚುನಾವಣೆಗಳು, ಸಕ್ರಿಯ ಸದಸ್ಯತ್ವ, ಆಡಳಿತ ಮತ್ತು ನಾಯಕತ್ವದಲ್ಲಿ ವೃತ್ತಿಪರತೆ, ಪಾರದರ್ಶಕತೆ, ಜವಾಬ್ದಾರಿ ಮತ್ತು ಹೊಣೆಗಾರಿಕೆ.

11. ಎಂ ಎಸ್‌ ಸಿ ಎಸ್‌ ವಿಧೇಯಕ, 2022 ಮಂಡನೆ

ಬಹು ರಾಜ್ಯ ಸಹಕಾರ ಸಂಘಗಳ (ತಿದ್ದುಪಡಿ) ವಿಧೇಯಕ, 2022 ಬಹು ರಾಜ್ಯ ಸಹಕಾರ ಸಂಘಗಳ ಕಾಯಿದೆ, 2002 ಕ್ಕೆ ತಿದ್ದುಪಡಿ ಮಾಡುವ ಉದ್ದೇಶವನ್ನು ಹೊಂದಿದೆ, ಇದು ಆಡಳಿತವನ್ನು ಬಲಪಡಿಸುವುದು, ಪಾರದರ್ಶಕತೆ ಹೆಚ್ಚಿಸುವುದು, ಹೊಣೆಗಾರಿಕೆಯನ್ನು ಹೆಚ್ಚಿಸುವುದು ಮತ್ತು ಚುನಾವಣಾ ಪ್ರಕ್ರಿಯೆಯನ್ನು ಸುಧಾರಿಸುವುದು ಇತ್ಯಾದಿ ಉದ್ದೇಶಗಳನ್ನು ಹೊಂದಿದೆ. ಇದು 97 ನೇ ಸಾಂವಿಧಾನಿಕ ತಿದ್ದುಪಡಿಯ ನಿಬಂಧನೆಗಳು ಮತ್ತು ಅಸ್ತಿತ್ವದಲ್ಲಿರುವ ಕಾಯ್ದೆಗೆ ಪೂರಕವಾಗಿದೆ. 12.10.2022 ರಂದು ನಡೆದ ಸಚಿವ ಸಂಪುಟ ಸಭೆಯು ಬಹು-ರಾಜ್ಯ ಸಹಕಾರ ಸಂಘಗಳ (ತಿದ್ದುಪಡಿ), ಮಸೂದೆ 2022 ಅನ್ನು ಅನುಮೋದಿಸಿತು. ಮಸೂದೆಯನ್ನು 07.12.2022 ರಂದು ಲೋಕಸಭೆಯಲ್ಲಿ ಮಂಡಿಸಲಾಯಿತು ಮತ್ತು ತರುವಾಯ ಮಸೂದೆಯನ್ನು 20.12.202 ರಂದು ಜಂಟಿ ಸಂಸದೀಯ ಸಮಿತಿಯ ಪರಿಶೀಲನೆಗೆ ವಹಿಸಲಾಗಿದೆ.

ಇತರೆ

13. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ನವದೆಹಲಿಯಲ್ಲಿ ಸರ್ಕಾರಿ ಇ ಮಾರುಕಟ್ಟೆ ಸ್ಥಳ (ಜಿಇಎಂ) ಪೋರ್ಟಲ್‌ನಲ್ಲಿ ಸಹಕಾರಿ ಸಂಸ್ಥೆಗಳ ಸೇರ್ಪಡೆಗೆ ಚಾಲನೆ ನೀಡಿದರು. (09 ಆಗಸ್ಟ್ 2022)

ಸಹಕಾರ ಸಚಿವಾಲಯವು ನಿರಂತರವಾಗಿ 25 ರಿಂದ 30 ಉಪಕ್ರಮಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ಸಹಕಾರಿ ಮಾದರಿಯು ಸೀಮಿತ ಬಂಡವಾಳವನ್ನು ಹೊಂದಿರುವ ಜನರು ಒಟ್ಟಾಗಿ ಸೇರಲು ಮತ್ತು ದೊಡ್ಡ ಪ್ರಮಾಣದಲ್ಲಿ ಕೆಲಸ ಮಾಡಲು ಅವಕಾಶ ಒದಗಿಸುತ್ತದೆ.
ರಫ್ತು ಕೇಂದ್ರ ನೋಂದಣಿಯಾಗುತ್ತಿದ್ದು, ಡಿಸೆಂಬರ್‌ ವೇಳೆಗೆ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ, ಇದು ಸಹಕಾರಿ ಸಂಸ್ಥೆಗಳಿಂದ ಉತ್ಪನ್ನಗಳ ರಫ್ತಿಗೆ ವೇದಿಕೆಯಾಗಲಿದೆ.

ಜಿಇಎಂ ಸಾಧಿಸಿರುವ ವಿಸ್ತರಣೆಯು ಊಹಿಸಲೂ ಅಸಾಧ್ಯವಾಗಿದೆ, ಜಿಇಎಂನಲ್ಲಿ ಸುಮಾರು 62,000 ಸರ್ಕಾರಿ ಖರೀದಿದಾರರು ಮತ್ತು ಸುಮಾರು 49 ಲಕ್ಷ ಮಾರಾಟಗಾರರಿದ್ದಾರೆ.

10,000 ಕ್ಕೂ ಹೆಚ್ಚು ಉತ್ಪನ್ನಗಳು ಮತ್ತು 288 ಕ್ಕೂ ಹೆಚ್ಚು ಸೇವೆಗಳನ್ನು ಪಟ್ಟಿ ಮಾಡಲಾಗಿದೆ, ಇದುವರೆಗೆ 2.78 ಸಾವಿರ ಕೋಟಿ ರೂಪಾಯಿ ಮೌಲ್ಯದ ವ್ಯವಹಾರ ನಡೆದಿದೆ ಮತ್ತು ಇದು ಜಿಇಎಂನ ದೊಡ್ಡ ಸಾಧನೆಯಾಗಿದೆ.

14. ಶೆಡ್ಯೂಲ್ಡ್ ಮತ್ತು ಬಹು ರಾಜ್ಯ ಯುಸಿಬಿಗಳು ಮತ್ತು ಕ್ರೆಡಿಟ್ ಸೊಸೈಟಿಗಳ ರಾಷ್ಟ್ರೀಯ ಸಮಾವೇಶವನ್ನು ಎನ್‌ ಎ ಎಫ್‌ ಸಿ ಯು ಬಿ ಆಯೋಜಿಸಿತು - ಜೂನ್ 23, 2022, ವಿಜ್ಞಾನ ಭವನ, ನವದೆಹಲಿ.

23 ಜೂನ್ 2022 ರಂದು ವಿಜ್ಞಾನ ಭವನದಲ್ಲಿ ಎನ್‌ ಎ ಎಫ್‌ ಸಿ ಯು ಬಿ ಮತ್ತು ಸಹಕಾರ ಸಚಿವಾಲಯವು ಜಂಟಿಯಾಗಿ ಶೆಡ್ಯೂಲ್ಡ್ ಮತ್ತು ಬಹು ರಾಜ್ಯ ನಗರ ಸಹಕಾರ ಬ್ಯಾಂಕ್‌ಗಳು ಮತ್ತು ಕ್ರೆಡಿಟ್ ಸೊಸೈಟಿಗಳ ರಾಷ್ಟ್ರೀಯ ಸಮಾವೇಶವನ್ನು ಆಯೋಜಿಸಿತು. ಉದ್ಘಾಟನಾ ಅಧಿವೇಶನದಲ್ಲಿ ಮಾತನಾಡಿದ ಗೌರವಾನ್ವಿತ ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ, ಬ್ಯಾಂಕುಗಳು ಸಮ್ಮಿತೀಯ ಅಭಿವೃದ್ಧಿಯತ್ತ ಗಮನ ಹರಿಸಬೇಕು ಮತ್ತು ಸ್ಪರ್ಧೆಯಲ್ಲಿ ಉಳಿಯಲು ಆಧುನಿಕ ಬ್ಯಾಂಕಿಂಗ್ ವಿಧಾನಗಳನ್ನು ಅಳವಡಿಸಿಕೊಳ್ಳಬೇಕು ಎಂದು ಹೇಳಿದರು.

ನಗರ ಸಹಕಾರಿ ಬ್ಯಾಂಕ್‌ಗಳಲ್ಲಿನ ಸುಧಾರಣೆಗಳಿಗೆ ಬಗ್ಗೆ ಅವರು ಒತ್ತು ನೀಡಿದರು ಮತ್ತು ರಚನಾತ್ಮಕ ಬದಲಾವಣೆಗಳನ್ನು ತರಲು, ಲೆಕ್ಕಪತ್ರ ಪ್ರಕ್ರಿಯೆಗಳನ್ನು ಗಣಕೀಕರಣಗೊಳಿಸಲು ಮತ್ತು ವಲಯದಲ್ಲಿ ಯುವ ಪ್ರತಿಭೆಗಳನ್ನು ತೊಡಗಿಸಿಕೊಳ್ಳುವಂತೆ ಒತ್ತಾಯಿಸಿದರು.

ಭಾರತ ಸ್ವಾತಂತ್ರ್ಯದ 75 ನೇ ಮತ್ತು 100 ನೇ ವಾರ್ಷಿಕೋತ್ಸವದ ನಡುವಿನ 25 ವರ್ಷಗಳ ಅವಧಿಯನ್ನು ಮಾನ್ಯ ಪ್ರಧಾನ ಮಂತ್ರಿಯವರು ಅಮೃತ ಕಾಲ ಎಂದು ಕರೆದಿದ್ದಾರೆ, ನಮ್ಮ ದೇಶದ ಆರ್ಥಿಕತೆಯು ವಿಶ್ವದ ಆರ್ಥಿಕತೆಗಳಲ್ಲಿ ಅಗ್ರಸ್ಥಾನದಲ್ಲಿರುವುದನ್ನು ಖಚಿತಪಡಿಸಿಕೊಳ್ಳಲು ಎಲ್ಲಾ ಕ್ಷೇತ್ರಗಳಲ್ಲಿ ಮೈಲಿಗಲ್ಲುಗಳನ್ನು ತಲುಪುವ ಮೂಲಕ ನಮ್ಮ ಗುರಿಗಳನ್ನು ಸಾಧಿಸಬೇಕು. 

ಸಹಕಾರಿ ಮಾದರಿಯನ್ನು ಆಧರಿಸಿದ ಅಮುಲ್, ಇಫ್ಕೊ, ಕ್ರಿಬ್ಕೊ, ಲಿಜ್ಜತ್ ಪಾಪಡ್ ಮತ್ತು 100 ವರ್ಷಗಳ ಹಿಂದಿನ ನಗರ ಸಹಕಾರ ಬ್ಯಾಂಕ್‌ಗಳ ಯಶಸ್ವಿ ಪ್ರಯಾಣವನ್ನು ಉಲ್ಲೇಖಿಸಿದ ಸಚಿವರು, ಆರ್ಥಿಕತೆಯ ಎಲ್ಲಾ ಅಂತರ್ಗತ ಬೆಳವಣಿಗೆಗೆ ಸಹಕಾರಿ ಕ್ಷೇತ್ರದ ವಿಸ್ತರಣೆಯೊಂದಿಗೆ ಈ ಧ್ಯೇಯವನ್ನು ಸಾಧಿಸಬಹುದು ಎಂದು ಹೇಳಿದರು. 
ಗೌರವಾನ್ವಿತ ಸಹಕಾರ ರಾಜ್ಯ ಸಚಿವ ಶ್ರೀ ಬಿ.ಎಲ್. ವರ್ಮಾ ಅವರು ಮಾತನಾಡಿ, ದೊಡ್ಡ ವ್ಯಾಪ್ತಿಯ ಸಹಕಾರಿ ಸಂಸ್ಥೆಗಳು ಭಾರತದ ಆರ್ಥಿಕತೆಯ ಅಭಿವೃದ್ಧಿಯಲ್ಲಿ ಪಾತ್ರವಹಿಸಬಹುದು, ಇದಕ್ಕಾಗಿ ಕೇಂದ್ರ ಸರ್ಕಾರವು ಹೊಸ ಸಹಕಾರ ಸಚಿವಾಲಯವನ್ನು ಸ್ಥಾಪಿಸಿದೆ ಎಂದರು.

ಗೌರವಾನ್ವಿತ ಪ್ರಧಾನ ಮಂತ್ರಿಯವರ "ಸಹಕಾರ್ ಸೇ ಸಮೃದ್ಧಿ" ದೃಷ್ಟಿಯನ್ನು ಮತ್ತಷ್ಟು ಬಲಪಡಿಸಲು, "ವ್ಯವಹಾರವನ್ನು ಸುಲಭಗೊಳಿಸುವುದು", "ಜೀವನವನ್ನು ಸುಲಭಗೊಳಿಸುವುದು" ಮತ್ತು "ಆತ್ಮನಿರ್ಭರ ಭಾರತ" ದೊಂದಿಗೆ ಸಹಕಾರ ಸಚಿವಾಲಯವು ಸಹಕಾರಿ ಸಂಸ್ಥೆಗಳ ಅಭಿವೃದ್ಧಿಗೆ ವಿವಿಧ ಉಪಕ್ರಮಗಳು, ಯೋಜನೆಗಳನ್ನು ಪ್ರಾರಂಭಿಸಿದೆ.

ಸಮೂಹ ಸಂಸ್ಥೆಯು ತನ್ನ ಕೆಲಸವನ್ನು ಆರಂಭಿಸಲು, 300 ಕೋಟಿ ರೂ.ಗುರಿಯನ್ನು ಸಾಧಿಸಲು, ಆರ್‌ ಬಿ ಐ ನಿಂದ ಪರವಾನಗಿ ಪಡೆಯಲು ಅದರ ಷೇರು ಬಂಡವಾಳವಾಗಿ ಈಕ್ವಿಟಿ ಮೂಲಕ ಹಣಕಾಸಿನ ನೆರವು ನೀಡುವಂತೆ ಎನ್‌ ಎ ಎಫ್‌ ಸಿ ಯು ಬಿ ಅಧ್ಯಕ್ಷರು ಸರ್ಕಾರಕ್ಕೆ ಮನವಿ ಮಾಡಿದರು. ಘಟಿಕೋತ್ಸವದಲ್ಲಿ ಗೌರವಾನ್ವಿತ ಹಣಕಾಸು ರಾಜ್ಯ ಸಚಿವರಾದ ಡಾ. ಭಾಗವತ್ ಕೆ. ಕರಾಡ್, ಸಹಕಾರ ಕಾರ್ಯದರ್ಶಿ ಶ್ರೀ ಜ್ಞಾನೇಶ್ ಕುಮಾರ್, ಐಎಎಸ್, ಶ್ರೀ ವಿಜಯ್ ಕುಮಾರ್ ಐಎಎಸ್, ಹೆಚ್ಚುವರಿ ಕಾರ್ಯದರ್ಶಿ ಮತ್ತು ಸಹಕಾರ ಸಂಘಗಳ ಕೇಂದ್ರ ನಿಬಂಧಕರು, ಎನ್‌ಸಿಯುಐ ಅಧ್ಯಕ್ಷ ದಿಲೀಪಭಾಯಿ ಸಂಘಾನಿ ಮತ್ತು ಆರ್‌ಬಿಐ ನಿರ್ದೇಶಕ ಶ್ರೀ ಸತೀಶ್ ಮರಾಠೆ ಅವರು ಕಾರ್ಯಕ್ರಮದ ಗೌರವ ಅತಿಥಿಗಳಾಗಿದ್ದರು.

ಷೆಡ್ಯೂಲ್ಡ್ ಮತ್ತು ಎಂ ಎಸ್‌ ಯು ಸಿ ಬಿ ಗಳಿಗೆ ಮೂರು ಅಧಿವೇಶನಗಳು ಮತ್ತು ಮಲ್ಟಿ ಸ್ಟೇಟ್ ಕ್ರೆಡಿಟ್ ಸೊಸೈಟಿಗಳಿಗೆ ಎರಡು ಅಧಿವೇಶನಗಳು ಇದ್ದವು. ಸಮಾರೋಪ ಸಮಾರಂಭದಲ್ಲಿ 100 ವರ್ಷಗಳನ್ನು ಪೂರೈಸಿದ ಮತ್ತು ಯಶಸ್ವಿಯಾಗಿ ಕಾರ್ಯನಿರ್ವಹಿಸುತ್ತಿರುವ 198 ನಗರ ಸಹಕಾರಿ ಬ್ಯಾಂಕ್‌ಗಳಿಗೆ ಕೇಂದ್ರ ಹಣಕಾಸು ಖಾತೆ ರಾಜ್ಯ ಸಚಿವ ಶ್ರೀ ಭಾಗವತ್ ಕರಾಡ್ ಅವರು ಪ್ರಶಸ್ತಿಗಳನ್ನು ಪ್ರದಾನ ಮಾಡಿದರು.

15. ಎನ್‌ಸಿಯುಐ ಆಯೋಜಿಸಿದ ಸಹಕಾರಿಗಳ 100 ನೇ ಅಂತರರಾಷ್ಟ್ರೀಯ ಸಹಕಾರಿ ದಿನ ಆಚರಣೆ (04.07.2022) 

ಸಹಕಾರಿಗಳ 100ನೇ ಅಂತರರಾಷ್ಟ್ರೀಯ ದಿನಾಚರಣೆಯನ್ನು 4ನೇ ಜುಲೈ 2002 ರಂದು ವಿಜ್ಞಾನ ಭವನದಲ್ಲಿ ಆಯೋಜಿಸಲಾಗಿತ್ತು. ಇದನ್ನು ಸಹಕಾರ ಸಚಿವಾಲಯ ಮತ್ತು ಎನ್‌ಸಿಯುಐ ಜಂಟಿಯಾಗಿ ಆಯೋಜಿಸಿದ್ದವು. ಮಾನ್ಯ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಭವಿಷ್ಯದ ಬೆಳವಣಿಗೆಯನ್ನು ಖಚಿತಪಡಿಸಿಕೊಳ್ಳಲು ಸಹಕಾರಿ ಕ್ಷೇತ್ರವನ್ನು ತಂತ್ರಜ್ಞಾನ ಮತ್ತು ವೃತ್ತಿಪರತೆಯೊಂದಿಗೆ ಆಧುನೀಕರಿಸುವ ಅಗತ್ಯವನ್ನು ಒತ್ತಿ ಹೇಳಿದರು.

ಸುಮಾರು 63,000 ಸಕ್ರಿಯ ಪಿಎಸಿಎಸ್ ಗಳ ಗಣಕೀಕರಣದ ಮುಖ್ಯ ಉದ್ದೇಶವು ಅವುಗಳನ್ನು ವಿವಿಧೋದ್ದೇಶ ಮತ್ತು ಬಹು-ಆಯಾಮದ ವಿಧಾನಕ್ಕೆ ತರುವುದಾಗಿದೆ ಎಂದು ಅವರು ಹೇಳಿದರು. ಸಾವಯವ ಉತ್ಪನ್ನಗಳಿಗೆ ಅಧಿಕೃತ 'ಸಾವಯವ' ಪ್ರಮಾಣೀಕರಣವನ್ನು ಒದಗಿಸಲು ಅಮುಲ್ ಅನ್ನು ನೋಡಲ್ ಏಜೆನ್ಸಿಯಾಗಿ ಸ್ಥಾಪಿಸುವುದಾಗಿ ಅವರು ಘೋಷಿಸಿದರು. ದೇಶದಲ್ಲಿ ಸಹಕಾರ ಶಿಕ್ಷಣವನ್ನು ಜನಪ್ರಿಯಗೊಳಿಸಲು ಸಹಕಾರ ಸಚಿವಾಲಯವು ಶೀಘ್ರದಲ್ಲೇ ರಾಷ್ಟ್ರೀಯ ಸಹಕಾರಿ ವಿಶ್ವವಿದ್ಯಾಲಯವನ್ನು ಸ್ಥಾಪಿಸಲಿದೆ ಎಂದು ಅವರು ಘೋಷಿಸಿದರು; ಆತ್ಮನಿರ್ಭರ ಭಾರತದ ನಿಜವಾದ ಸಾರವು 70 ಕೋಟಿ ಬಡ ಭಾರತೀಯರ ಆತ್ಮನಿರ್ಭರತ (ಸ್ವಾವಲಂಬನೆ) ಯಲ್ಲಿದೆ, ಇದಕ್ಕಾಗಿ ಸಹಕಾರಿ ಕ್ಷೇತ್ರವು ಪೂರ್ಣ ಪ್ರಮಾಣದಲ್ಲಿ ಕೆಲಸ ಮಾಡಬೇಕಾಗಿದೆ ಮತ್ತು ಬೆಳವಣಿಗೆಯನ್ನು ಖಚಿತಪಡಿಸಿಕೊಳ್ಳಬೇಕು ಎಂದು ಹೇಳಿದರು.

ಕೇಂದ್ರದ ಹೈನುಗಾರಿಕೆ, ಮೀನುಗಾರಿಕೆ ಮತ್ತು ಪಶುಸಂಗೋಪನೆ ಸಚಿವ ಶ್ರೀ ಪರಶೋತ್ತಮ್ ರೂಪಾಲಾ ಮಾತನಾಡಿ, ಎಲ್ಲಾ ಸಹಕಾರಿ ಸಂಘಗಳು ಉಳಿತಾಯದ ಹವ್ಯಾಸವನ್ನು ಬೆಳೆಸಿಕೊಂಡರೆ, ಅವುಗಳಿಗೆ ಎಂದಿಗೂ ಹಣವನ್ನು ಉತ್ಪಾದಿಸುವ ಸಮಸ್ಯೆ ಎದುರಾಗುವುದಿಲ್ಲ ಎಂದರು. ಕೇಂದ್ರ ಸಹಕಾರ ರಾಜ್ಯ ಸಚಿವ ಶ್ರೀ ಬಿಎಲ್ ವರ್ಮಾ ಮಾತನಾಡಿ, ಸಹಕಾರಿ ಸಂಘಗಳು, ಒಕ್ಕೂಟಗಳು ಮತ್ತು ಸಂಸ್ಥೆಗಳಂತಹ ಎಲ್ಲಾ ಪಾಲುದಾರರು ಒಟ್ಟಾಗಿ 'ಎಲ್ಲರನ್ನೂ ಒಳಗೊಂಡʼ ಮತ್ತು 'ಎಲ್ಲವನ್ನೂ ವ್ಯಾಪಿಸಿದ' ಪರಿಣಾಮಕಾರಿ ಸಹಕಾರಿ ಕಾನೂನುಗಳನ್ನು ರೂಪಿಸಲು ಒಟ್ಟಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಅಂತರರಾಷ್ಟ್ರೀಯ ಸಹಕಾರಿ ದಿನದ ಪ್ರಮುಖ ವಿಷಯವಾದ "ಸಹಕಾರಿಗಳು ಆತ್ಮನಿರ್ಭರ-ಭಾರತ ಮತ್ತು ಉತ್ತಮ ಜಗತ್ತನ್ನು ನಿರ್ಮಿಸುತ್ತವೆ" ಎಂಬ ಬಗ್ಗೆ ಮಾತನಾಡಿದ, ಮಾಜಿ ಕೇಂದ್ರ ಸಚಿವ ಮತ್ತು ಅನುಭವಿ ಸಹಕಾರಿ ಶ್ರೀ ಸುರೇಶ್ ಪ್ರಭು ಅವರು, ವಿಶ್ವ ಆರ್ಥಿಕತೆಗಳು ತಮ್ಮ ಬೆಳವಣಿಗೆಯ ಮಾದರಿಯಲ್ಲಿ ಸಹಕಾರ ಕ್ಷೇತ್ರವನ್ನು ಸ್ವೀಕರಿಸದೆ ತಪ್ಪನ್ನು ಮಾಡಿವೆ ಎಂದು ಹೇಳಿದರು. ಸಹಕಾರಿ ಸ್ವ-ಸಹಾಯ ಗುಂಪುಗಳಿಗೆ ಅವಕಾಶ ಕಲ್ಪಿಸಬೇಕು ಮತ್ತು ಸಹಕಾರಿ ಮಾದರಿಯಲ್ಲಿ ಹೊಣೆಗಾರಿಕೆ, ಪಾರದರ್ಶಕತೆ ಮತ್ತು ಜಾಗತಿಕ ಮಾನದಂಡವನ್ನು ಖಚಿತಪಡಿಸಿಕೊಳ್ಳಬೇಕು ಎಂದು ಅವರು ಒತ್ತಿ ಹೇಳಿದರು.

ಎನ್‌ ಎ ಎಫ್‌ ಇ ಡಿ ಅಧ್ಯಕ್ಷ ಶ್ರೀ ಬಿಜೇಂದ್ರ ಸಿಂಗ್ ಮಾತನಾಡಿ, ಸುಮಾರು ಶೇ.40 ರಷ್ಟು ಪಿಎಸಿಎಸ್‌ ಗಳು ನಿಷ್ಕ್ರಿಯಗೊಂಡಿವೆ ಮತ್ತು ಉದ್ಯೋಗ, ಬೆಲೆ ನಿಯಂತ್ರಣ ಮತ್ತು ಗ್ರಾಮೀಣ ಅಭಿವೃದ್ಧಿಯಂತಹ ಎಲ್ಲಾ ಸಂಬಂಧಿತ ಸಮಸ್ಯೆಗಳಿಗೆ ಸಹಕಾರಿ ಕ್ಷೇತ್ರವು ಅತ್ಯುತ್ತಮ ಪರಿಹಾರವಾಗಿದೆ ಎಂದು ಹೇಳಿದರು.

ಎನ್‌ಸಿಯುಐ ಅಧ್ಯಕ್ಷ ಶ್ರೀ ದಿಲೀಪ ಸಂಘಾನಿ ಮಾತನಾಡಿ, ಎನ್‌ಸಿಯುಐನ ಇತ್ತೀಚಿನ ಉಪಕ್ರಮಗಳನ್ನು ಸರ್ಕಾರದ 'ಸಹಕಾರ್ ಸೇ ಸಮೃದ್ಧಿ' ಘೋಷಣೆಗೆ ಅನುಗುಣವಾಗಿ ಕೈಗೊಳ್ಳಲಾಗುತ್ತಿದೆ ಎಂದರು. ಎನ್‌ಸಿಯುಐ ಹಾತ್, ಇನ್ಕ್ಯುಬೇಶನ್ ಸೆಂಟರ್, ಕೌಶಲ್ಯ ಅಭಿವೃದ್ಧಿ ಕೇಂದ್ರ, ಸಲಹಾ ಮಂಡಳಿ ಮತ್ತು ಯುವ ಸಮಿತಿಯನ್ನು ಸ್ಥಾಪಿಸುವುದು ಇತ್ಯಾದಿಗಳ ಬಗ್ಗೆ ವಿವರಿಸಿದರು. ಎನ್‌ಸಿಯುಐನ ಸಿಇ ಡಾ. ಸುಧೀರ್ ಮಾತನಾಡಿ, ಬಜೆಟ್‌ನಲ್ಲಿ  900 ಕೋಟಿ ರೂ. ಮೀಸಲಿಡುವುದು, ಸಹಕಾರ ಸಚಿವಾಲಯದ ರಚನೆ, ಸಹಕಾರಿ ಕಾಯ್ದೆಯಲ್ಲಿ ಸುಧಾರಣೆಗಳನ್ನು ತರುವುದು, ಪಿಎಸಿಎಸ್‌ಗಳ ಗಣಕೀಕರಣಕ್ಕೆ 2500 ಕೋಟಿ ರೂ. ಮಂಜೂರು ಮಾಡುವುದು ಮುಂತಾದ ಸರ್ಕಾರದ ಉಪಕ್ರಮಗಳು ಸಹಕಾರಿ ಕ್ಷೇತ್ರಕ್ಕೆ ದೀರ್ಘಾವಧಿಯಲ್ಲಿ ಬದಲಾವಣೆ ತರುವ ಐತಿಹಾಸಿಕ ನಿರ್ಧಾರಗಳು ಎಂದು ಸಾಬೀತುಪಡಿಸುತ್ತವೆ ಎಂದರು.

16. ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕುಗಳ (ಎ ಆರ್‌ ಡಿ ಬಿ) ರಾಷ್ಟ್ರೀಯ ಸಮ್ಮೇಳನ 2022

ರಾಷ್ಟ್ರೀಯ ಸಹಕಾರಿ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್‌ಗಳ ಒಕ್ಕೂಟ (NAFCARD) ವು ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕುಗಳ (ಎ ಆರ್‌ ಡಿ ಬಿ) ರಾಷ್ಟ್ರೀಯ ಸಮ್ಮೇಳನ 2022 ಅನ್ನು 16ನೇ ಜುಲೈ 2022 ರಂದು ನವದೆಹಲಿಯ ಎನ್‌ ಎಸ್‌ ಯು ಇ ಆಡಿಟೋರಿಯಂನಲ್ಲಿ ಆಜಾದಿ ಕಾ ಅಮೃತ್ ಮಹೋತ್ಸವದ ಅಂಗವಾಗಿ ಆಯೋಜಿಸಿತು.

ರಾಷ್ಟ್ರೀಯ ಸಮ್ಮೇಳನದಲ್ಲಿ ಸುಮಾರು 1200 ಪ್ರತಿನಿಧಿಗಳು ಭಾಗವಹಿಸಿದ್ದರು, ಇದರಲ್ಲಿ ಸಹಕಾರಿಗಳು, ನಾಯಕರು ಮತ್ತು ಅಧಿಕಾರಿಗಳು ದೇಶಾದ್ಯಂತ ದೀರ್ಘಾವಧಿಯ ಸಹಕಾರಿ ಗ್ರಾಮೀಣ ಸಾಲ ರಚನೆಯನ್ನು ಪ್ರತಿನಿಧಿಸಿದರು. ಕಾರ್ಯಕ್ರಮದ ನೇರ ಪ್ರಸಾರವನ್ನು  ದೇಶಾದ್ಯಂತ ಎ ಆರ್‌ ಟಿ ಬಿ ಗಳ 50000 ಕ್ಕೂ ಹೆಚ್ಚು ಸದಸ್ಯರು ವೀಕ್ಷಿಸಿದರು.

ಗೌರವಾನ್ವಿತ ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಉದ್ಘಾಟನಾ ಅಧಿವೇಶನದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು, ಇದರಲ್ಲಿ ಸಹಕಾರ ರಾಜ್ಯ ಸಚಿವರಾದ ಶ್ರೀ ಬಿ ಎಲ್ ವರ್ಮಾ, ಎನ್‌ಸಿಯುಐ ಅಧ್ಯಕ್ಷ ಶ್ರೀ ದಿಲೀಪ್ ಸಂಘಾನಿ, ಕ್ರಿಬ್ಕೊ ಮತ್ತು ಐಸಿಎ ಎಪಿ ಅಧ್ಯಕ್ಷ  ಡಾ ಚಂದ್ರಪಾಲ್ ಸಿಂಗ್, ಸಹಕಾರ ಸಚಿವಾಲಯ ಕಾರ್ಯದರ್ಶಿ ಶ್ರೀ ಜ್ಞಾನೇಶ್ ಕುಮಾರ್, ಶ್ರೀ ವಿಜಯ್ ಕುಮಾರ್ ಹೆಚ್ಚುವರಿ ಕಾರ್ಯದರ್ಶಿ MOC ಮತ್ತು CRCS ಮತ್ತು ವಿವಿಧ ರಾಷ್ಟ್ರೀಯ ಒಕ್ಕೂಟಗಳ ಅಧ್ಯಕ್ಷರು/ಸಿಇಒ ಗಳು ಭಾಗವಹಿಸಿದ್ದರು.

ಮಾನ್ಯ ಸಚಿವರಾದ ಶ್ರೀ ಅಮಿತ್ ಶಾ ಅವರು ತಮ್ಮ ಉದ್ಘಾಟನಾ ಭಾಷಣದಲ್ಲಿ ಉತ್ಪಾದಕತೆ ಮತ್ತು ಉತ್ಪಾದನೆಯನ್ನು ಹೆಚ್ಚಿಸುವಲ್ಲಿ ಕೃಷಿಯಲ್ಲಿ ದೀರ್ಘಾವಧಿಯ ಹಣಕಾಸಿನ ಪ್ರಾಮುಖ್ಯತೆಯ ಬಗ್ಗೆ ಒತ್ತಿ ಹೇಳಿದರು. ಬೆಳೆ ಉತ್ಪಾದನೆಗೆ ಲಭ್ಯವಿರುವ ಸಂಪೂರ್ಣ ಭೂಮಿಯನ್ನು ನಾವು ಈಗಾಗಲೇ ಕೃಷಿ ಮಾಡಿರುವುದರಿಂದ, ಬೆಳೆಯುತ್ತಿರುವ ಜನಸಂಖ್ಯೆಗೆ ಆಹಾರ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ಏಕೈಕ ಮಾರ್ಗವೆಂದರೆ ಪ್ರತಿ ಹೆಕ್ಟೇರ್ ನಲ್ಲಿ ಉತ್ಪಾದಕತೆಯನ್ನು ಹೆಚ್ಚಿಸುವುದಾಗಿದೆ ಎಂದರು.

ಇದನ್ನು ಸಾಧಿಸಲು ನೀರಾವರಿ ಮುಖ್ಯವಾಗಿದೆ. ಕಳೆದ 8 ವರ್ಷಗಳಲ್ಲಿ ಸರ್ಕಾರವು ನೀರಾವರಿಗೆ ಒಳಪಡುವ ಕೃಷಿ ಭೂಮಿಗಳ ಶೇಕಡಾವಾರು ಪ್ರಮಾಣವನ್ನು ಶೇ.40ರಿಂದ  60ಕ್ಕೆ ಹೆಚ್ಚಿಸಿದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಸ್ವಾತಂತ್ರ್ಯದ ನಂತರ 67 ವರ್ಷಗಳ ಹಿಂದೆ ಶೇ.40 ರಷ್ಟಿದ್ದ ನೀರಾವರಿ ಕೇವಲ 8 ವರ್ಷಗಳಲ್ಲಿ ಭೂಮಿಗೆ ಶೇ.20 ರಷ್ಟನ್ನು ಸೇರಿಸಲಾಗಿದೆ. ಆದಾಗ್ಯೂ ಸಂಪೂರ್ಣ ಕೃಷಿಯೋಗ್ಯ ಭೂಮಿಯನ್ನು ನೀರಾವರಿಗೆ ಒಳಪಡಿಸುವುದು ನಮ್ಮ ಗುರಿಯಾಗಿದೆ ಮತ್ತು ಇದಕ್ಕೆ ನೀರು ಮತ್ತು ಇಂಧನ ಉಳಿತಾಯ ಸಣ್ಣ ನೀರಾವರಿ ಮೂಲಸೌಕರ್ಯದಲ್ಲಿ ರೈತರಿಂದ ಭಾರಿ ಹೂಡಿಕೆಯ ಅಗತ್ಯವಿದೆ ಎಂದು ಹೇಳಿದರು.

ಕೃಷಿಯಲ್ಲಿ ಬಂಡವಾಳ ಹೂಡಿಕೆಗೆ ಅನುಕೂಲವಾಗುವಂತೆ ಗ್ರಾಮೀಣ ಸಾಲ ವ್ಯವಸ್ಥೆಯು ರೈತರಿಗೆ ದೀರ್ಘಾವಧಿಯ ನಿಧಿಯ ಬೆಂಬಲವನ್ನು ಹೆಚ್ಚಿಸುವ ಅಗತ್ಯವಿದೆ. ಕೃಷಿ ಸಾಲದ ಒಟ್ಟು ಪ್ರಮಾಣವು ಕಳೆದ 20 ವರ್ಷಗಳಲ್ಲಿ ಕಡಿಮೆ ದರದಲ್ಲಿ 1999-2000 ರಲ್ಲಿದ್ದ 46,000 ಕೋಟಿ ರೂ.ಗಳಿಂದ 2020-21 ರಲ್ಲಿ ಸುಮಾರು 16 ಲಕ್ಷ ಕೋಟಿಗೆ ಬೆಳೆದಿದೆ. ಆದಾಗ್ಯೂ, ಈ ಬೆಳವಣಿಗೆಯು ದೀರ್ಘಾವಧಿಯ ಹಣಕಾಸಿನಲ್ಲಿ ಪ್ರತಿಫಲಿಸುವುದಿಲ್ಲ, ಇದು ವಾಸ್ತವವಾಗಿ ಈ ಅವಧಿಯಲ್ಲಿ ಶೇ.50 ಕ್ಕಿಂತ ಹೆಚ್ಚು ಶೇ.20 ಕ್ಕಿಂತ ಕಡಿಮೆಗೆ ತೀವ್ರವಾಗಿ ಕುಸಿದಿದೆ ಎಂದರು.

ನಬಾರ್ಡ್ ಮತ್ತು ಎನ್‌ ಎ ಎಫ್‌ ಸಿ ಎ ಆರ್‌ ಡಿ ಗಳು ದೀರ್ಘಾವಧಿ ಸಾಲದ ಪಾಲು ಕುಸಿತದ ಪ್ರವೃತ್ತಿಯನ್ನು ತಡೆಯಲು ಮತ್ತು ಮೊದಲಿನಂತೆ ಒಟ್ಟು ಕೃಷಿ ಸಾಲದ ಅರ್ಧದಷ್ಟಕ್ಕೆ ಹೆಚ್ಚಿಸಲು ಯೋಜನೆಗಳನ್ನು ರೂಪಿಸಬೇಕು ಎಂದು ಅವರು ಹೇಳಿದರು.

17. 12 ಆಗಸ್ಟ್ 2022 ರಂದು ನವದೆಹಲಿಯ ವಿಜ್ಞಾನ ಭವನದಲ್ಲಿ ನಡೆದ ಗ್ರಾಮೀಣ ಸಹಕಾರಿ ಬ್ಯಾಂಕ್‌ಗಳ ರಾಷ್ಟ್ರೀಯ ಸಮ್ಮೇಳನ.

ಸಹಕಾರ ಸಚಿವಾಲಯ ಮತ್ತು ರಾಜ್ಯ ಸಹಕಾರಿ ಬ್ಯಾಂಕ್‌ಗಳ ರಾಷ್ಟ್ರೀಯ ಒಕ್ಕೂಟ (NAFSCOB) 12 ಆಗಸ್ಟ್ 2022 ರಂದು ನವದೆಹಲಿಯ ವಿಜ್ಞಾನ ಭವನದಲ್ಲಿ ಗ್ರಾಮೀಣ ಸಹಕಾರಿ ಬ್ಯಾಂಕ್‌ಗಳಿಗಾಗಿ ಒಂದು ದಿನದ ರಾಷ್ಟ್ರೀಯ ಸಮ್ಮೇಳನವನ್ನು ಆಯೋಜಿಸಿತು.

ಸನ್ಮಾನ್ಯ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಸಮ್ಮೇಳನದ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು ಮತ್ತು ಸಹಕಾರ ರಾಜ್ಯ ಸಚಿವ ಶ್ರೀ. ಬಿ. ಎಲ್‌ ವರ್ಮಾ, ಗೌರವ ಅತಿಥಿಯಾಗಿದ್ದರು.. ಸಹಕಾರಿಗಳು, ನಬಾರ್ಡ್, ಎನ್‌ಸಿಯುಐ, ಐಸಿಎ-ಎಪಿ, ಎಸ್‌ಸಿಬಿಗಳು, ಡಿಸಿಸಿಬಿಗಳು, ಪಿಎಸಿಎಸ್‌ಗಳ ಪ್ರತಿನಿಧಿಗಳು ಮತ್ತು ಇತರ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. 

ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಮಾತನಾಡಿ, ದೇಶದಲ್ಲಿ ಸಹಕಾರಿ ಆಂದೋಲನದ ಬೆಳವಣಿಗೆಯನ್ನು ನಾವು ಬಯಸುವುದಾದರೆ ಸಹಕಾರಿ ಅಭಿವೃದ್ಧಿಯ ಯೋಜನೆಗಳ ಬಗ್ಗೆ ಚರ್ಚಿಸಬೇಕಾಗಿದೆ ಎಂದರು.

ಸುಮಾರು 8.5 ಲಕ್ಷ ಸಹಕಾರಿ ಸಂಘಗಳಿವೆ, ಈ ಸಂಘಗಳಲ್ಲಿ ಸಾಲ ಮತ್ತು ಇತರ ಸಂಘಗಳು 1.78 ಲಕ್ಷಗಳಾಗಿವೆ. ಎಸ್‌ ಟಿ ಸಿಸಿ ಎಸ್‌ ನಲ್ಲಿ 2000 ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿರುವ 34 ಎಸ್‌ಸಿಬಿಗಳು, ಸುಮಾರು 14,000 ಶಾಖೆಗಳನ್ನು ಹೊಂದಿರುವ 351 ಡಿಸಿಸಿಬಿಗಳು ಮತ್ತು ಸುಮಾರು 95,000 ಪಿಎಸಿಎಸ್‌ಗಳಿವೆ. ಈ ಎಲ್ಲಾ ಸನ್ನಿವೇಶವು ನಮ್ಮ ಪೂರ್ವಜರಿಂದ ರೂಪುಗೊಂಡ ಭಾರತದಲ್ಲಿನ ಸುಸಂಘಟಿತ ಕೃಷಿ ಸಾಲ ವ್ಯವಸ್ಥೆಯನ್ನು ಸೂಚಿಸುತ್ತದೆ ಎಂದರು.

ಪಿಎಸಿಎಸ್‌ ನಮ್ಮ ಕೃಷಿ ಸಾಲ ವ್ಯವಸ್ಥೆಯ ಆತ್ಮವಾಗಿದೆ ಮತ್ತು ಪಿಎಸಿಎಸ್‌ ಉತ್ತಮ ಸ್ಥಿತಿಯಲ್ಲಿ ಕಾರ್ಯನಿರ್ವಹಿಸುವವರೆಗೆ, ಕೃಷಿ ಸಾಲ ವಿತರಣೆ ವ್ಯವಸ್ಥೆಯು ಸರಿಯಾಗಿ ಕಾರ್ಯನಿರ್ವಹಿಸುತ್ತದೆ. ದೇಶದಲ್ಲಿ 3 ಲಕ್ಷ ಪಂಚಾಯಿತಿಗಳಿವೆ. ಆದರೆ 2 ಲಕ್ಷ ಪಂಚಾಯಿತಿಗಳಿಗೆ ಪಿಎಸಿಎಸ್ ಇಲ್ಲ. ಆದ್ದರಿಂದ, ಪ್ರತಿ ರಾಜ್ಯದಲ್ಲಿ ಎಸ್‌ ಸಿ ಬಿ ಗಳು ಮತ್ತು ಡಿಸಿಸಿಬಿಗಳಿಂದ ಹೊಸ ಪಿಎಸಿಎಸ್‌ ಅನ್ನು ರೂಪಿಸಲು 5 ವರ್ಷಗಳ ಯೋಜನೆಯನ್ನು ಮಾಡುವ ಅವಶ್ಯಕತೆಯಿದೆ.

ಸಹಕಾರ ಸಚಿವಾಲಯದ ರಚನೆಯ ನಂತರ ಪಿಎಸಿಎಸ್‌ ಗಣಕೀಕರಣದ ಮೊದಲ ಯೋಜನೆಯನ್ನು ಭಾರತ ಸರ್ಕಾರ ತಂದಿದೆ. ಪಿಎಸಿಎಸ್‌ನ ಗಣಕೀಕರಣವನ್ನು ಪೂರ್ಣಗೊಳಿಸಿದ ನಂತರ, ಅವುಗಳಿಗೆ ವ್ಯವಹಾರ ಮಾನದಂಡಗಳನ್ನು ಅನ್ವಯಿಸಲಾಗುತ್ತದೆ, ಲೆಕ್ಕಪರಿಶೋಧನಾ ವ್ಯವಸ್ಥೆಯನ್ನು ಸಹ ಲೆಕ್ಕಪರಿಶೋಧಕ ವ್ಯವಸ್ಥೆಯ ಅಡಿಯಲ್ಲಿ ತರಲಾಗುತ್ತದೆ ಮತ್ತು ಎಚ್ಚರಿಕೆಯ ವ್ಯವಸ್ಥೆಯನ್ನು ಸಹ ಸಕ್ರಿಯಗೊಳಿಸಲಾಗುತ್ತದೆ. ಗ್ರಾಮೀಣ ಸಹಕಾರಿ ಸಾಲ ವ್ಯವಸ್ಥೆಯ 100 ವಿಧದ ರೋಗಗಳು/ಸಮಸ್ಯೆಗಳಿಗೆ ಗಣಕೀಕರಣವೊಂದೇ ಪರಿಹಾರ/ಔಷಧವಾಗಿದೆ.

ಅವುಗಳನ್ನು ಬಲಪಡಿಸಲು ಪಿಎಸಿಎಸ್‌ನ ಮಾದರಿ ಬೈಲಾಗಳನ್ನು ತಯಾರಿಸಲು ಭಾರತ ಸರ್ಕಾರ ನಿರ್ಧರಿಸಿದೆ. ಬೈಲಾಗಳ ಅನುಷ್ಠಾನದ ನಂತರ, ಪಿಎಸಿಎಸ್‌ ಸಾಲ ವಿತರಣೆಯನ್ನು ಮಾತ್ರ ಕೈಗೊಳ್ಳುವುದಿಲ್ಲ, ಬದಲಿಗೆ ಕ್ರೆಡಿಟ್ ವಿತರಣೆಯೊಂದಿಗೆ ಇತರ ಚಟುವಟಿಕೆಗಳನ್ನು ಕೈಗೊಳ್ಳಲು ಸಾಧ್ಯವಾಗುತ್ತದೆ. ಪಿಎಸಿಎಸ್‌ನ ಕಾರ್ಯಸಾಧ್ಯತೆಗಾಗಿ, ಹೊಸ ವ್ಯವಹಾರ ಕ್ಷೇತ್ರಗಳಾದ ಅನಿಲ ವಿತರಣೆ, ನೀರು ವಿತರಣೆ, ಪಿಸಿಒ, ಎಫ್‌ ಪಿ ಒ ಮತ್ತು ಇತರ 22 ಕ್ಷೇತ್ರಗಳನ್ನು ಮಾದರಿ ಬೈಲಾಗಳ ಅನುಷ್ಠಾನದ ನಂತರ ಕೈಗೊಳ್ಳಬಹುದು.

ಎಲ್ಲಾ ಎಸ್‌ ಸಿ ಬಿ ಗಳು ಮತ್ತು ಡಿ ಸಿ ಸಿ ಬಿ ಗಳ ಅಧ್ಯಕ್ಷರು ತಳಮಟ್ಟದಲ್ಲಿ ಪಿಎಸಿಎಸ್‌ ಅನ್ನು ಬಲಪಡಿಸುವ ಮಹತ್ವವನ್ನು ಅರ್ಥಮಾಡಿಕೊಳ್ಳುವಂತೆ ಸಚಿವರು ಸಲಹೆ ನೀಡಿದರು. ತಳಮಟ್ಟದಲ್ಲಿ ಪಿಎಸಿಎಸ್‌ ಬಲಗೊಂಡರೆ, ಜಿಲ್ಲಾ ಮಟ್ಟದಲ್ಲಿ ಡಿಸಿಸಿಬಿಗಳು ಮತ್ತು ರಾಜ್ಯ ಮಟ್ಟದಲ್ಲಿ ಎಸ್‌ ಸಿ ಬಿ ಗಳು ತಂತಾನೇ ಬಲಗೊಳ್ಳುತ್ತವೆ ಎಂದು ಅವರು ಹೇಳಿದರು.

18. ಕೃಷಿ ಮಾರಾಟದಲ್ಲಿ ಸಹಕಾರಿಗಳ ಪಾತ್ರ ಕುರಿತು ರಾಷ್ಟ್ರೀಯ ಸಮ್ಮೇಳನ

2022 ರ ಆಗಸ್ಟ್ 22 ರಂದು ಭೋಪಾಲ್‌ನಲ್ಲಿ “ಕೃಷಿ ಮಾರಾಟದಲ್ಲಿ ಸಹಕಾರಿಗಳ ಪಾತ್ರ” ಕುರಿತು ರಾಷ್ಟ್ರೀಯ ಸಮ್ಮೇಳನವನ್ನು ಎನ್‌ ಎ ಎಫ್‌ ಇ ಡಿ (ನಾಫೆಡ್)‌ ಆಯೋಜಿಸಿತು. ಸನ್ಮಾನ್ಯ ಕೇಂದ್ರ ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಯಾಗಿದ್ದರು. ಕೃಷಿ ಮತ್ತು ರೈತರ ಕಲ್ಯಾಣ ಸಚಿವ ಶ್ರೀ ನರೇಂದ್ರ ಸಿಂಗ್ ತೋಮರ್,  ಮತ್ತು ಮಧ್ಯಪ್ರದೇಶ ಮುಖ್ಯಮಂತ್ರಿ ಶ್ರೀ ಶಿವರಾಜ್ ಸಿಂಗ್ ಚೌಹಾಣ್ ಅವರು ಗೌರವಾನ್ವಿತ ಅತಿಥಿಗಳಾಗಿದ್ದರು.

ಸಮ್ಮೇಳನದಲ್ಲಿ ಕೃಷಿ ಮತ್ತು ರೈತರ ಕಲ್ಯಾಣ ಮತ್ತು ಆಹಾರ ಸಂಸ್ಕರಣೆ ಸಚಿವಾಲಯಗಳ ಹಿರಿಯ ಅಧಿಕಾರಿಗಳು ಮತ್ತು ಗಣ್ಯರು, ರಾಜ್ಯ ಕೃಷಿ ಇಲಾಖೆ, ದೇಶಾದ್ಯಂತದ ಸಹಕಾರಿ ಸಂಘಗಳ ಎಂಡಿಗಳು, ಎಫ್‌ಪಿಒಗಳು, ಸಿಬಿಬಿಒಗಳು, ನಾಫೆಡ್‌ ಸದಸ್ಯ ಸಂಘಗಳು ಭಾಗವಹಿಸಿದ್ದವು.

ಸಮ್ಮೇಳನದಲ್ಲಿ ನಡೆದ ತಾಂತ್ರಿಕ ಅಧಿವೇಶನಗಳಲ್ಲಿ ರೈತರ ಉತ್ಪನ್ನಗಳ ಖರೀದಿ ಮತ್ತು ಮಾರಾಟದಲ್ಲಿ ಪ್ರಾಥಮಿಕ ಮತ್ತು ರಾಜ್ಯ/ಅಪೆಕ್ಸ್ ಮಟ್ಟದ ಸಹಕಾರಿ ಮಾರುಕಟ್ಟೆ ಸಂಘಗಳ ಪಾತ್ರ ಮತ್ತು ಕಾರ್ಯಗಳ ಕುರಿತು ಚರ್ಚಿಸಲಾಯಿತು.

ಗೌರವಾನ್ವಿತ. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರು ಗ್ರಾಮೀಣ ಭಾರತದಲ್ಲಿ ಸಮೃದ್ಧಿಯನ್ನು ತರುವಲ್ಲಿ ಸಹಕಾರಿಗಳು ವಹಿಸಬೇಕಾದ ಮಹತ್ವದ ಪಾತ್ರವನ್ನು ಒತ್ತಿಹೇಳಿದರು ಮತ್ತು ಗೌರವಾನ್ವಿತ ಪ್ರಧಾನಮಂತ್ರಿಯವರ "ಸಹಕಾರ್ ಸೇ ಸಮೃದ್ಧಿ"ಯ ದೃಷ್ಟಿಕೋನವನ್ನು ಸಾಧಿಸಲು ಕೊಡುಗೆ ನೀಡುವಂತೆ ತಿಳಿಸಿದರು.

ಪಿಎಸಿಎಸ್ ಅನ್ನು ಬಲಪಡಿಸಲು ಭಾರತ ಸರ್ಕಾರವು ಮಾದರಿ ಕಾಯಿದೆಯನ್ನು ತರುತ್ತಿದೆ ಮತ್ತು ಸಹಕಾರಿ ಸಂಸ್ಥೆಗಳು ಪಾರದರ್ಶಕ ರೀತಿಯಲ್ಲಿ ಖರೀದಿಸಲು ಜಿಇಎಂ ಪೋರ್ಟಲ್ ಅನ್ನು ಸಹ ಭಾರತ ಸರ್ಕಾರವು ಮುಕ್ತಗೊಳಿಸಿದೆ ಎಂದು ಅವರು ಮಾಹಿತಿ ನೀಡಿದರು. ಆಹಾರ ಸಂಸ್ಕರಣಾ ಕೈಗಾರಿಕೆಗಳ ಸಚಿವಾಲಯದ ಆಶ್ರಯದಲ್ಲಿ ಮತ್ತು ಮಾರ್ಗದರ್ಶನದಲ್ಲಿ ನ್ಯಾಫೆಡ್ ಅಭಿವೃದ್ಧಿಪಡಿಸಿದ ಆರು ಹೊಸ ಒಡಿಒಪಿ ಉತ್ಪನ್ನಗಳನ್ನು ಅವರು ಬಿಡುಗಡೆ ಮಾಡಿದರು.

ರಾಜ್ಯದಲ್ಲಿ ಸಹಕಾರ ಆಂದೋಲನವನ್ನು ಬಲಪಡಿಸುವಲ್ಲಿ ಮತ್ತು ರಾಜ್ಯದ ರೈತರಿಗೆ ಅವರ ಉತ್ಪನ್ನಗಳಿಗೆ ಲಾಭದಾಯಕ ಬೆಲೆಯನ್ನು ಖಾತರಿಪಡಿಸುವಲ್ಲಿ ನಾಫೆಡ್ ಪಾತ್ರವನ್ನು ಮುಖ್ಯಮಂತ್ರಿಯವರು ಶ್ಲಾಘಿಸಿದರು.

ಎಫ್‌ಪಿಒ ಉತ್ಪನ್ನಗಳ ಮಾರುಕಟ್ಟೆಗೆ ಸಹಾಯ ಮಾಡುವ ಮೂಲಕ ಬೆಂಬಲ ಬೆಲೆ ಯೋಜನೆ, ಪಿಎಂ-ಆಶಾ ಯೋಜನೆ ಮತ್ತು ಪಿಎಂ-ಎಫ್‌ಎಂಇ ಯೋಜನೆಗಳ ಅನುಷ್ಠಾನದಲ್ಲಿ ನಾಫೆಡ್ ವಹಿಸಿದ ಪಾತ್ರಕ್ಕಾಗಿ ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವರು ಮೆಚ್ಚುಗೆ ವ್ಯಕ್ತಪಡಿಸಿದರು.

ಭಾರತ ಸರ್ಕಾರವು ನಾಫೆಡ್ ಗೆ ಹಲವು ವರ್ಷಗಳಿಂದ ಒದಗಿಸಿದ ನಿರಂತರ ಬೆಂಬಲಕ್ಕೆ ನಾಫೆಡ್‌ ಅಧ್ಯಕ್ಷರು ತಮ್ಮ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು. ತನ್ನ ಖರೀದಿ ಕಾರ್ಯಾಚರಣೆಗಳ ಮೂಲಕ, ನಾಫೆಡ್ ರೈತರಿಗೆ ಮಾತ್ರವಲ್ಲದೆ ದೇಶಾದ್ಯಂತ ಸಹಕಾರ ಮಾರಾಟ ಸಂಘಗಳಿಗೆ ಬೆಂಬಲ ನೀಡುತ್ತಿದೆ. ಏಕೆಂದರೆ ರಾಜ್ಯ ಮತ್ತು ತಳಮಟ್ಟದ ಸದಸ್ಯ ಸಂಘಗಳನ್ನು ಒಳಗೊಂಡ ರೈತರಿಂದ ನೇರವಾಗಿ ಖರೀದಿಯನ್ನು ಕೈಗೊಳ್ಳಲಾಗುತ್ತದೆ ಎಂದು ಅವರು ಹೇಳಿದರು,
ರೈತರ ಆದಾಯವನ್ನು ಸುಧಾರಿಸಲು ಪರಿಣಾಮಕಾರಿ ಮಾರುಕಟ್ಟೆ-ಸಂಪರ್ಕಗಳು ಮತ್ತು ಇತರ ಸೇವೆಗಳನ್ನು ಒದಗಿಸುವ ಗುರಿಯನ್ನು ಹೊಂದಿರುವ ವಿವಿಧ ಯೋಜನೆಗಳು ಮತ್ತು ಕಾರ್ಯಕ್ರಮಗಳನ್ನು ಭಾರತ ಸರ್ಕಾರವು ಪ್ರಾರಂಭಿಸಿದೆ. ಆಹಾರ ಸಂಸ್ಕರಣಾ ಸಚಿವಾಲಯದ "ಒಂದು ಜಿಲ್ಲೆ ಒಂದು ಉತ್ಪನ್ನ" ಯೋಜನೆಯು ಉತ್ಪನ್ನಗಳ ಖರೀದಿ, ಸಾಮಾನ್ಯ ಸೇವೆಗಳನ್ನು ಮತ್ತು ಉತ್ಪನ್ನಗಳ ಮಾರುಕಟ್ಟೆಯನ್ನು ಪಡೆಯುವಲ್ಲಿ ರೈತರಿಗೆ ಪ್ರಯೋಜನವನ್ನು ನೀಡುವ ಯೋಜನೆಯಾಗಿದೆ.

ಕಳೆದ 8 ವರ್ಷಗಳಲ್ಲಿ ನಾಫೆಡ್ ಸುಮಾರು 146 ಲಕ್ಷ ಮೆಟ್ರಿಕ್‌ ಟನ್ ಬೇಳೆಕಾಳುಗಳು ಮತ್ತು 61 ಲಕ್ಷ ಮೆಟ್ರಿಕ್‌ ಟನ್ ಎಣ್ಣೆಕಾಳುಗಳನ್ನು ಖರೀದಿಸಿದೆ ಮತ್ತು ಸುಮಾರು 1.15 ಕೋಟಿ ರೈತರಿಗೆ ಎಂ ಎಸ್‌ ಪಿ ಲಾಭವನ್ನು ಒದಗಿಸಿದೆ ಎಂದು ನಾಫೆಡ್‌ ವ್ಯವಸ್ಥಾಪಕ ನಿರ್ದೇಶಕರು ಮಾಹಿತಿ ನೀಡಿದರು. ನಾಫೆಡ್‌ ಕಳೆದ 5 ವರ್ಷಗಳಲ್ಲಿ ಕೇಂದ್ರೀಕೃತ ಖರೀದಿ ಯೋಜನೆಯಡಿಯಲ್ಲಿ ಲಕ್ಷಾಂತರ ರೈತರಿಗೆ ಲಾಭದಾಯಕವಾಗಿ ರೂ. 2786 ಕೋಟಿ ಮೌಲ್ಯದ 15,321 ಮೆಟ್ರಿಕ್‌ ಟನ್ ಭತ್ತ‌ ಮತ್ತು ರೂ 1048 ಕೋಟಿ ಮೌಲ್ಯದ 5547 ಮೆಟ್ರಿಕ್‌ ಟನ್‌ ಗೋಧಿಯನ್ನು ಖರೀದಿಸಿದೆ.

ಕೃಷಿ ವಲಯದಲ್ಲಿ ಮಾರ್ಕೆಟಿಂಗ್ ಸೊಸೈಟಿಗಳು ವಹಿಸುತ್ತಿರುವ ಪಾತ್ರದ ಬಗ್ಗೆ ಮತ್ತು ಈ ಕ್ಷೇತ್ರವು ತಮ್ಮ ಕಾರ್ಯವ್ಯಾಪ್ತಿಯನ್ನು ಹೆಚ್ಚಿಸುವ ಮೂಲಕ ಗ್ರಾಮೀಣ ಕ್ಷೇತ್ರದ ಅಭಿವೃದ್ಧಿಗೆ ಹೇಗೆ ಬಳಸಿಕೊಳ್ಳಬಹುದು ಎಂಬ ಬಗ್ಗೆ ಜಾಗೃತಿ ಮೂಡಿಸುವಲ್ಲಿ ಸಮ್ಮೇಳನವು ಉತ್ತಮ ಯಶಸ್ಸನ್ನು ಕಂಡಿತು.

19. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ, ಶ್ರೀ ಅಮಿತ್ ಶಾ ಅವರು ಕೃಷಿಕ್‌ ಭಾರತಿ ಕೋಆಪರೇಟಿವ್ ಲಿಮಿಟೆಡ್ (ಕ್ರಿಭ್ಕೊ)ನ ಹಾಜಿರಾ ಜೈವಿಕ-ಎಥೆನಾಲ್ ಯೋಜನೆಗೆ ಅಡಿಗಲ್ಲು ಹಾಕಿದರು ಮತ್ತು ಸೂರತ್‌ನಲ್ಲಿ ಸಹಕಾರ ಸಮ್ಮೇಳನವನ್ನು ಉದ್ದೇಶಿಸಿ ಮಾತನಾಡಿದರು. (14 ಸೆಪ್ಟೆಂಬರ್ 2022)

ಕ್ರಿಭ್ಕೋದ ಜೈವಿಕ-ಎಥೆನಾಲ್ ಯೋಜನೆಯು ಸಹಕಾರಿ ಕ್ಷೇತ್ರ, ಪರಿಸರ ಸುಧಾರಣೆ, ರೈತರ ಆದಾಯವನ್ನು ದ್ವಿಗುಣಗೊಳಿಸುವುದು, ಭಾರತದ ವಿದೇಶಿ ವಿನಿಮಯ ಸಂಗ್ರಹವನ್ನು ಹೆಚ್ಚಿಸುವುದು ಮತ್ತು ಪ್ರಧಾನಿ ನರೇಂದ್ರ ಮೋದಿಯವರ ಬಹು ಆಯಾಮದ ಅಭಿಯಾನದ ಮಹತ್ವದ ಭಾಗವಾಗಿರುವ ಜಾಗತಿಕ ತಾಪಮಾನದ ಸವಾಲುಗಳನ್ನು ಎದುರಿಸುವಲ್ಲಿ ಒಂದು ದೊಡ್ಡ ಹೆಜ್ಜೆಯಾಗಿದೆ.

ಈ ಯೋಜನೆಯಲ್ಲಿ, ಹಾಜಿರಾದಲ್ಲಿ ದೈನಂದಿನ 2.5 ಲಕ್ಷ ಲೀಟರ್ ಉತ್ಪಾದನಾ ಸಾಮರ್ಥ್ಯದ ಜೈವಿಕ ಎಥೆನಾಲ್ ಸ್ಥಾವರವನ್ನು ಸ್ಥಾಪಿಸಲಾಗುವುದು, ಇದು 8.25 ಕೋಟಿ ಲೀಟರ್ ಜೈವಿಕ ಇಂಧನವನ್ನು ಉತ್ಪಾದಿಸುತ್ತದೆ ಮತ್ತು 2.5 ಲಕ್ಷ ಮೆಟ್ರಿಕ್ ಟನ್ ಮೆಕ್ಕೆಜೋಳ ಅಥವಾ ಪರ್ಯಾಯಕ್ಕೆ ಉತ್ತಮ ಮಾರುಕಟ್ಟೆಯನ್ನು ಒದಗಿಸುತ್ತದೆ. 

ಗುಜರಾತಿನ ಸುಮಾರು ಒಂಬತ್ತು ಜಿಲ್ಲೆಗಳಲ್ಲಿ ಮೆಕ್ಕೆಜೋಳವು ಮುಖ್ಯ ಬೆಳೆಯಾಗಿದೆ ಮತ್ತು ಇದರ ಹೊರತಾಗಿ ರಾಜ್ಯದ ಹತ್ತು ಜಿಲ್ಲೆಗಳಲ್ಲಿ ಜೋಳವನ್ನು ಬೆಳೆಯುತ್ತಾರೆ ಮತ್ತು ರೈತರು ಈ ಸ್ಥಾವರದ ಮೂಲಕ ಪ್ರಯೋಜನ ಪಡೆಯಬಹುದು.

ಕ್ರಿಭ್ಕೋದ ಜೈವಿಕ-ಎಥೆನಾಲ್ ಯೋಜನೆಯು ಹೆಚ್ಚಿನ ಪ್ರೊಟೀನ್ಯುಕ್ತ ಪಶು ಆಹಾರ, ಮೀನುಗಾರಿಕೆ ಮತ್ತು ಕೋಳಿಗಳಿಗೆ ಕಚ್ಚಾ ವಸ್ತುಗಳನ್ನು ಒದಗಿಸುತ್ತದೆ, ಇದು ಈ ವಲಯಗಳಿಗೆ ಅಪಾರ ಪ್ರಯೋಜನವನ್ನು ನೀಡುತ್ತದೆ.

ಭಾರತವು ಈಗಾಗಲೇ ನವೆಂಬರ್, 2022 ರ ಮೊದಲು, ಗಡುವಿನ ಐದು ತಿಂಗಳ ಮೊದಲೇ ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ನಿಗದಿಪಡಿಸಿದ ಶೇ.10 ರಷ್ಟು ಎಥೆನಾಲ್ ಮಿಶ್ರಣದ ಗುರಿಯನ್ನು ಸಾಧಿಸಿದೆ ಮತ್ತು ಆದ್ದರಿಂದ 2030 ರ ವೇಳೆಗೆ ನಿಗದಿಯಾಗಿದ್ದ ಶೇ.20  ಎಥೆನಾಲ್ ಮಿಶ್ರಣದ ಗುರಿಯನ್ನು 2025 ಕ್ಕೆ ಹಿಂದೂಡಲಾಗಿದೆ.
ಜಿಎಸ್‌ಟಿಯನ್ನು ಶೇ.18 ರಿಂದ ಶೇ.5 ಕ್ಕೆ ಇಳಿಸಲಾಗಿದೆ, ಆಕರ್ಷಕ ಬಡ್ಡಿ ಸಹಾಯ ಯೋಜನೆಯಡಿ ಎಥೆನಾಲ್ ಸ್ಥಾವರಗಳನ್ನು ಸ್ಥಾಪಿಸುವವರಿಗೆ 5 ವರ್ಷಗಳ ಅವಧಿಗೆ ಭಾರತ ಸರ್ಕಾರ ಶೇ.50 ರಷ್ಟು ಬಡ್ಡಿಯನ್ನು ಪಾವತಿಸುತ್ತದೆ.

ದೇಶಾದ್ಯಂತ ಹಲವು ಸ್ಥಾವರಗಳನ್ನು ಸ್ಥಾಪಿಸಲಾಗುತ್ತಿದ್ದು, ಎಥೆನಾಲ್ ಉತ್ಪಾದನೆಯು ಮುಂದಿನ ದಿನಗಳಲ್ಲಿ ದೇಶದ ಪೆಟ್ರೋಲಿಯಂ ಕ್ಷೇತ್ರದ ಆರ್ಥಿಕತೆಯನ್ನು ಬದಲಿಸಲಿದೆ, ಇದರಿಂದ ಸುಮಾರು 1,00,000 ಕೋಟಿ ರೂ. ವಿದೇಶಿ ವಿನಿಮಯ ಸಂಗ್ರಹವೂ ಉಳಿತಾಯವಾಗಲಿದೆ.

20. ಎನ್‌ ಸಿ ಡಿ ಎಫ್‌ ಐ  ಸಿಕ್ಕಿಂ ಹಾಲು ಒಕ್ಕೂಟದ ಸಹಯೋಗದೊಂದಿಗೆ 'ಸಹಕಾರಿ ಡೈರಿ ಕಾನ್ಕ್ಲೇವ್' ಅನ್ನು ಅಕ್ಟೋಬರ್ 07, 2022 ರಂದು ಸಿಕ್ಕಿಂನ ಗ್ಯಾಂಗ್‌ಟಾಕ್‌ನಲ್ಲಿ ಆಯೋಜಿಸಿತು.

ನ್ಯಾಷನಲ್ ಕೋಆಪರೇಟಿವ್ ಡೈರಿ ಫೆಡರೇಶನ್ ಆಫ್ ಇಂಡಿಯಾ ಲಿಮಿಟೆಡ್ (ಎನ್‌ ಸಿ ಡಿ ಎಫ್‌ ಐ) ಗ್ಯಾಂಗ್‌ಟಾಕ್‌ನಲ್ಲಿ ಸಿಕ್ಕಿಂ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ ಸಹಯೋಗದಲ್ಲಿ 'ಸಹಕಾರಿ ಡೈರಿ ಕಾನ್ಕ್ಲೇವ್' ಅನ್ನು ಆಯೋಜಿಸಿತು. ಇದು ಸ್ಥಳೀಯ ಸಮುದಾಯಗಳ ಹೆಚ್ಚಿನ ಪ್ರಯೋಜನಕ್ಕಾಗಿ ಪೂರ್ವ ಮತ್ತು ಈಶಾನ್ಯ ಪ್ರದೇಶಗಳಲ್ಲಿ ಸಹಕಾರಿ ಪರಿಸರ ವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸುತ್ತದೆ.

ಸನ್ಮಾನ್ಯ ಸಹಕಾರ ಮತ್ತು ಗೃಹ ವ್ಯವಹಾರಗಳ ಸಚಿವರಾದ ಶ್ರೀ ಅಮಿತ್ ಶಾ ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮುಖ್ಯ ಭಾಷಣ ಮಾಡಿದರು. ಗೌರವಾನ್ವಿತ ಸಚಿವರು ಈ ಪ್ರದೇಶ ಮತ್ತು ದೇಶದ ಇತರ ಭಾಗಗಳಲ್ಲಿ ಹೈನುಗಾರಿಕೆ ಸಹಕಾರಿ ಮೂಲಸೌಕರ್ಯವನ್ನು ಬಲಪಡಿಸುವಲ್ಲಿ ಎನ್‌ ಸಿ ಡಿ ಎಫ್‌ ಐ ಮತ್ತುಎನ್‌ ಡಿ ಡಿ ಬಿ ಪ್ರಯತ್ನಗಳನ್ನು ಶ್ಲಾಘಿಸಿದರು.

ಸಮಾರಂಭದಲ್ಲಿ ಸಿಕ್ಕಿಂ ಮುಖಯಮಂತ್ರಿ ಶ್ರೀ ಪ್ರೇಮ್ ಸಿಂಗ್ ತಮಾಂಗ್ ಮತ್ತು ಇತರ ಸಚಿವರು, ಐಟಿಡಿಸಿ ಅಧ್ಯಕ್ಷ ಶ್ರೀ ಸಂಬಿತ್ ಪಾತ್ರಾ; ಸಹಕಾರ ಸಚಿವಾಲಯದ ಕಾರ್ಯದರ್ಶಿ; ಸಿಕ್ಕಿಂ ಸರ್ಕಾರದ ಮುಖ್ಯ ಕಾರ್ಯದರ್ಶಿ; ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಮಂಡಳಿ  (ಎನ್‌ ಡಿ ಡಿ ಬಿ) ಅಧ್ಯಕ್ಷರು ಹಾಗೂ ಭಾರತ ಸರ್ಕಾರದ ಮತ್ತು ಪಕ್ಕದ ರಾಜ್ಯಗಳ ಹಿರಿಯ ಅಧಿಕಾರಿಗಳು ಸಮಾರಂಭದಲ್ಲಿ ಭಾಗವಹಿಸಿದ್ದರು. ಪೂರ್ವ ಮತ್ತು ಈಶಾನ್ಯ ವಲಯದ ಸಹಕಾರಿ ಹಾಲು ಒಕ್ಕೂಟಗಳು ಮತ್ತು ರಾಜ್ಯ ಡೈರಿ ಫೆಡರೇಶನ್‌ಗಳ ಡೈರಿ ರೈತ ಮುಖಂಡರು ಮತ್ತು ಎಂಡಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಒಟ್ಟು 1200 ಮಂದಿ ಭಾಗವಹಿಸಿದ್ದರು.

ಡೈರಿ ಸಹಕಾರಿ ಸಂಸ್ಥೆಗಳನ್ನು ಮತ್ತಷ್ಟು ಬಲಪಡಿಸುವ ಕ್ರಮಗಳನ್ನು ಅನ್ವೇಷಿಸಲು ಬೆಳೆಯುತ್ತಿರುವ ಡೈರಿ ಸಹಕಾರಿ ಪರಿಸರ ವ್ಯವಸ್ಥೆಯ ವಿವಿಧ ಪಾಲುದಾರರನ್ನು ಒಟ್ಟಿಗೆ ತರುವುದು ಸಹಕಾರಿ ಕಾನ್ಕ್ಲೇವ್‌ನ ಪ್ರಮುಖ ಉದ್ದೇಶವಾಗಿತ್ತು. ಅದರಂತೆ, ದೇಶದ ಈಶಾನ್ಯ ಪ್ರದೇಶದಲ್ಲಿ ಹೈನುಗಾರಿಕೆಯನ್ನು ಅಭಿವೃದ್ಧಿಪಡಿಸುವಲ್ಲಿ ಡೈರಿ ಸಹಕಾರಿಗಳ ಪಾತ್ರವನ್ನು ಕಾನ್ಕ್ಲೇವ್ ಕೇಂದ್ರೀಕರಿಸಿತು.

ಇದಲ್ಲದೆ, ಡೈರಿ ಸಹಕಾರಿಯ ಪ್ರಯತ್ನಗಳನ್ನು ಶ್ಲಾಘಿಸಲು ಮತ್ತು ರಕ್ಷಣಾ ಸಚಿವಾಲಯ, ಐಟಿಬಿಪಿ ಇತ್ಯಾದಿಗಳಿಗೆ ಹಾಲು ಮತ್ತು ಹಾಲಿನ ಉತ್ಪನ್ನ ಪೂರೈಕೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಲು ಅವರನ್ನು ಪ್ರೋತ್ಸಾಹಿಸಲು, ಪೂರ್ವ ಮತ್ತು ಈಶಾನ್ಯದಲ್ಲಿ ಸಾಂಸ್ಥಿಕ ಮಾರಾಟ ವಿಭಾಗದ ಅಡಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಡೈರಿ ಸಹಕಾರಿಗಳಿಗೆ ಎನ್‌ ಸಿ ಡಿ ಎಫ್‌ ಐ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಯಿತು.

ರಕ್ಷಣಾ ಸರಬರಾಜುಗಳಲ್ಲಿ ಸಿಕ್ಕಿಂ ಮಿಲ್ಕ್ ಯೂನಿಯನ್ ಮೊದಲ ಸ್ಥಾನವನ್ನು, ಪುರಬಿ ಡೈರಿ (ಪಶ್ಚಿಮ ಅಸ್ಸಾಂ ಹಾಲು ಉತ್ಪಾದಕರ ಸಹಕಾರ ಯೂನಿಯನ್ ಲಿಮಿಟೆಡ್) 2 ನೇ ಸ್ಥಾನವನ್ನು ಮತ್ತು ಕಲ್ಲತ್ತಾ ಮದರ್ ಡೈರಿ 3 ನೇ ಸ್ಥಾನವನ್ನು ಗಳಿಸಿದವು.

21. ಸಹಕಾರ ಸಂಘಗಳ ಡೀಲರ್‌ಶಿಪ್/ವಿತರಕರ ಒಪ್ಪಂದಕ್ಕೆ ಸಂಬಂಧಿಸಿದಂತೆ 1961 ರ ಐಟಿ ಕಾಯಿದೆಯ ಸೆಕ್ಷನ್ 269ST ಯ ಷರತ್ತು (C) ಸ್ಪಷ್ಟೀಕರಣ.

ಸೆಕ್ಷನ್ 269ST ಪ್ರಕಾರ, ಎರಡು ಲಕ್ಷ ರೂ. ಅಥವಾ ಅದಕ್ಕಿಂತ ಹೆಚ್ಚಿನ ಮೊತ್ತದ ಮೊತ್ತದ ಸ್ವೀಕೃತಿಯನ್ನು ಖಾತೆ ಪಾವತಿದಾರರ ಚೆಕ್ ಅಥವಾ ಖಾತೆ ಪಾವತಿದಾರರ ಬ್ಯಾಂಕ್ ಡ್ರಾಫ್ಟ್ ಅಥವಾ ಸಹಕಾರ ಸಂಘಗಳಿಗೆ ಸಂಬಂಧಿಸಿದಂತೆ ಬ್ಯಾಂಕ್ ಖಾತೆಯ ಮೂಲಕ ಎಲೆಕ್ಟ್ರಾನಿಕ್ ಕ್ಲಿಯರಿಂಗ್ ಸಿಸ್ಟಮ್ ಅನ್ನು ಹೊರತುಪಡಿಸಿ ಬೇರೆ ವಿಧಾನಗಳ ಮೂಲಕ ನಿಷೇಧಿಸಲಾಗಿದೆ.

ಈಗ, ಸಹಕಾರ ಸಂಘದಿಂದ ಹಿಂದಿನ ವರ್ಷದಲ್ಲಿ ಯಾವುದೇ ದಿನದಂದು ನಗದು ರೂಪದಲ್ಲಿ ರಶೀದಿಯನ್ನು "2 ಲಕ್ಷದ ನಿಗದಿತ ಮಿತಿ" ಒಳಗೆ ಮತ್ತು ಒಬ್ಬ ವ್ಯಕ್ತಿಯಿಂದ ಅಥವಾ ಒಂದೇ ವಹಿವಾಟಿನಲ್ಲಿ ಬಹು ದಿನಗಳಿಗೆ  ಸಂಯೋಜಿಸಲಾಗುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. 

ಸಹಕಾರಿ ಸಂಸ್ಥೆಗಳು ಈ ಸ್ಪಷ್ಟೀಕರಣದಿಂದ ಪ್ರಯೋಜನ ಪಡೆಯುತ್ತವೆ. ಏಕೆಂದರೆ ಬ್ಯಾಂಕ್ ಮುಚ್ಚುವಿಕೆಯಿಂದಾಗಿ ಯಾವುದೇ ದಿನ/ದಿನಗಳಲ್ಲಿ ನಗದು ಠೇವಣಿ ಮಾಡಲು ಅಸಮರ್ಥರಾದವರಿಗೆ ದಂಡ ವಿಧಿಸುವುದಿಲ್ಲ. ಸಂಯೋಜಿತ ಬಹು ದಿನಗಳ ರಸೀದಿಗಳು/ಸಂಗ್ರಹಗಳ ಒಂದು ದಿನದ ಮಿತಿಯನ್ನು ಎರಡು ಲಕ್ಷ ರೂ. ಎಂದು ನಿಗದಿಪಡಿಸಲಾಗುವುದಿಲ್ಲ. ಬದಲಿಗೆ ರಶೀದಿ ದಿನಗಳ ಸಂಖ್ಯೆಯಿಂದ ರೂ 2 ಲಕ್ಷವನ್ನು ಗುಣಿಸಲಾಗುತ್ತದೆ.

22. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ಕರ್ನಾಟಕದ ಮಂಡ್ಯದಲ್ಲಿ ಮೆಗಾ ಡೈರಿಯನ್ನು ಉದ್ಘಾಟಿಸಿದರು (30 ಡಿಸೆಂಬರ್ 2022)

ಉದ್ಘಾಟನೆಯಾಗಿರುವ 260 ಕೋಟಿ ರೂ. ವೆಚ್ಚದ ಮೆಗಾ ಡೇರಿಯು ಪ್ರತಿ ದಿನ 10 ಲಕ್ಷ ಲೀಟರ್ ಹಾಲನ್ನು ಸಂಸ್ಕರಿಸುತ್ತದೆ ಮತ್ತು ದಿನಕ್ಕೆ 14 ಲಕ್ಷ ಲೀಟರ್ ವರೆಗೆ ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ, 10 ಲಕ್ಷ ಲೀಟರ್ ಹಾಲು ಸಂಸ್ಕರಣೆಯಾದಾಗ, ಇದು ಲಕ್ಷಾಂತರ ರೈತರಲ್ಲಿ ಸಂತೋಷವನ್ನು ತರುತ್ತದೆ. 

ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಮಂಡಳಿ (ಎನ್‌ಡಿಡಿಬಿ) ಮತ್ತು ಸಹಕಾರ ಸಚಿವಾಲಯವು ಮುಂದಿನ ಮೂರು ವರ್ಷಗಳಲ್ಲಿ ದೇಶದ ಪ್ರತಿ ಪಂಚಾಯತ್‌ಗಳಲ್ಲಿ ಪ್ರಾಥಮಿಕ ಹೈನುಗಾರಿಕೆಯನ್ನು ಸ್ಥಾಪಿಸಲು ನಿರ್ಧರಿಸಿವೆ ಮತ್ತು ಈ ನಿಟ್ಟಿನಲ್ಲಿ ಸಂಪೂರ್ಣ ಕ್ರಿಯಾ ಯೋಜನೆಯನ್ನು ಸಿದ್ಧಪಡಿಸಲಾಗಿದೆ.

ಯೋಜನೆಯಡಿಯಲ್ಲಿ, ಮೂರು ವರ್ಷಗಳಲ್ಲಿ ದೇಶಾದ್ಯಂತ ಗ್ರಾಮ ಮಟ್ಟದಲ್ಲಿ ಎರಡು ಲಕ್ಷ ಪ್ರಾಥಮಿಕ ಡೈರಿಗಳನ್ನು ಸ್ಥಾಪಿಸಲಾಗುವುದು ಮತ್ತು ಶ್ವೇತ ಕ್ರಾಂತಿಯೊಂದಿಗೆ ದೇಶದ ರೈತರನ್ನು ಸಂಪರ್ಕಿಸುವ ಮೂಲಕ ಭಾರತವು ಹಾಲು ವಲಯದಲ್ಲಿ ದೊಡ್ಡ ರಫ್ತುದಾರನಾಗಿ ಹೊರಹೊಮ್ಮಲಿದೆ.

22. ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ಕರ್ನಾಟಕದ ಬೆಂಗಳೂರಿನಲ್ಲಿ ಸಹಕಾರಿ ಫಲಾನುಭವಿಗಳ ಸಮಾವೇಶವನ್ನು ಉದ್ದೇಶಿಸಿ ಮಾತನಾಡಿದರು. (30 ಡಿಸೆಂಬರ್ 2022)

ಪ್ರತ್ಯೇಕ ಸಹಕಾರ ಸಚಿವಾಲಯವನ್ನು ಸ್ಥಾಪಿಸುವ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಆಂದೋಲನಕ್ಕೆ ಹೊಸ ವೇಗ ಮತ್ತು ದೀರ್ಘಾಯುಷ್ಯವನ್ನು ನೀಡಿದ್ದಾರೆ.
ಪ್ರಧಾನಮಂತ್ರಿಯಾದ ನಂತರ ಶ್ರೀ ನರೇಂದ್ರ ಮೋದಿಯವರು ಅನೇಕ ರೈತ ಕೇಂದ್ರಿತ ಯೋಜನೆಗಳನ್ನು ರೂಪಿಸಿದರು ಮತ್ತು ಅವುಗಳನ್ನು ವೇಗಗೊಳಿಸಲು ಶ್ರಮಿಸಿದರು.

ಕರ್ನಾಟಕದಲ್ಲಿ ನಂದಿನಿ ಬ್ರಾಂಡ್ ಅಡಿಯಲ್ಲಿ ಸುಮಾರು 23 ಲಕ್ಷ ರೈತರು, ಹೆಚ್ಚಾಗಿ ಮಹಿಳೆಯರು, ದಿನಕ್ಕೆ 28 ಕೋಟಿ ರೂಪಾಯಿಗಳನ್ನು ಪಡೆಯುತ್ತಿದ್ದಾರೆ, ಇದು ಅವರ ಜೀವನವನ್ನು ಹೆಚ್ಚು ಸಮೃದ್ಧಗೊಳಿಸುತ್ತಿದೆ.

ಇಡೀ ಜಗತ್ತಿನಲ್ಲಿರುವ 30 ಲಕ್ಷ ಸಹಕಾರಿಗಳಲ್ಲಿ 9 ಲಕ್ಷ ಸಹಕಾರಿ ಸಂಘಗಳು ಭಾರತದಲ್ಲಿವೆ, ದೇಶದ ಜನಸಂಖ್ಯೆಯ ಸುಮಾರು ಶೇ.91 ರಷ್ಟು ಹಳ್ಳಿಗಳು ಒಂದಲ್ಲ ಒಂದು ರೀತಿಯಲ್ಲಿ ಸಹಕಾರಿಯೊಂದಿಗೆ ಸಂಪರ್ಕ ಹೊಂದಿವೆ ಮತ್ತು ಪಿಎಸಿಎಸ್ ಮೂಲಕ ಸಹಕಾರಿ‌ ವಲಯವು ಶೇ.70 ರಷ್ಟು ರೈತರನ್ನು ಒಳಗೊಂಡಿದೆ. 

ಸಹಕಾರಿ ಸಂಸ್ಥೆಗಳಲ್ಲಿ ಪಾರದರ್ಶಕತೆ ತರಲು 2,500 ಕೋಟಿ ರೂ, ವೆಚ್ಚದಲ್ಲಿ ದೇಶಾದ್ಯಂತ 63,000 ಪಿ ಎ ಸಿ ಎಸ್‌ ಗಳನ್ನು ಗಣಕೀಕರಣಗೊಳಿಸಲಾಗುತ್ತಿದೆ.

*****