মরুওইবা হায়লাইতশিং:

• এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলা ত্রোফী মেজর ধ্যানচান্দ নেস্নেল স্তেদিয়মদা থুংলরে
• থৌরম অসি ১৯৭৫ ৱার্ল্দ কপ ৱিনরশিংনসু গ্রেস তৌরি

এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলাগী ত্রোফী তুর ঙসি নই দিল্লীদা য়ৌরকখ্রে, মফমদুদা য়ুথ এফিয়ার্স অমসুং স্পোর্তস অমসুং ইনফোর্মেসন অমসুং ব্রোদকাস্তিংগী কেন্দ্র মন্ত্রী শ্রী অনুরাগ থাকুরনা হোক্কী ফেনশিংদা ত্রোফী অদু মায়খুম হাংদোকখি। থৌরম অসি ১৯৭৫ ৱার্ল্দ কপ ৱিনরশিং শ্রী অজিত পাল সিংহ, শ্রী অশোক ধ্যানচান্দ, ব্রিগেদিয়র ঐচ.জে.এস. চিমনিনসু গ্রেস তৌখি, অমদি হান্নগী ওলেম্পিয়ন শ্রী হর্বিন্দর সিংহ, পদ্ম শ্রী জাফর ইকবাল, অমসুং শ্রী ভিনিত কুমার (ভাইস প্রসিদেন্ত, দিল্লী হোক্কী)সু অতোপ্পা শক্নাইরবশিংগী মরক্তা য়াওখি।

থৌরম অসিদা শ্রী অনুরাগ থাকুরনা হায়খি, “ভারতকী তোঙান তোঙানবা শহরশিংদা ৱার্ল্দ কপ ত্রোফী পুদুনা চৎপা অসি মেন্স ৱার্ল্দ কপ ২০২৩ ভুবনেশ্বর – রৌরকেলা প্রমোত তৌনবা অফবা লম্বী অমনি। ত্রোফী অসি ওরিশা, উত্তর প্রদেশ, ঝার্খন্দ, পঞ্জাবগুম্বা লৈবাক্কী তোঙান তোঙানবা শরুক কয়াদা চৎলুরে, অমদি হৌজিক হোক্কী লেজেন্দশিং অমসুং ফেনশিং শরুক য়াদুনা দিল্লীদা লৈদুনা তুর্নামেন্ত অসিগী মতাংদা এৱারনেস হেনগৎহল্লে।”

শ্রী থাকুরনা মখা তাখি, “ৱার্ল্দ কপ অসি ওলেম্পিক্কী মথংদা শান্ন-খোৎনবদা খ্বাইদগী চাউবা কম্পিতিসন্নি অমসুং মসি থোইদোকপনি মদুদি ঐখোয়না এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলা প্রমোত তৌনবা মথৌ তাবা খোংথাংশিং লৌখৎলি। য়ুম্বু ওইরিবা শহরশিংদা লৈরিবা ফেনশিং অসি স্তেদিয়ম থলহনবদা মতিক চারবসু তুর অসিনা অতোপ্পা রাজ্যশিংদা লৈরিবা ফেনশিংবু তি.ভি.দা তুর্নামেন্ত অসি য়েংনবা পুক্নিংসু থৌগৎলগনি।”

শ্রী অশোক ধ্যানচান্দনা হোক্কী ইন্দিয়াবু এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলাগী ত্রোফী তুর ওর্গনাইজ তৌবগীদমক তৌবিমল খংবা উৎখি অমদি মসি তুর্নামেন্ত অসি প্রমোত তৌনবগীদমক মথৌতাবা খোংথাং অমনি হায়না ফোংদোকখি।  

“ঙসি, ঐখোয় পুম্নমক এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলাগী ত্রোফী তুরগীদমক ঐহাক্কী অপোকপা মেজর ধ্যানচান্দগী মীতম মখাদা পুল্লরে। মসি ইন্দিয়ন হোক্কীদা অখন্নবা মফম অমনি অমদি ঐহাক নুংঙাইবা ফাওই মদুদি ঙসি ঐখোয় লাক্কদৌরিবা ৱার্ল্দ কপকী ত্রোফী য়েংনবা তাঞ্জা ফংলে।”শ্রী অশোক ধ্যানচান্দনা ফোংদোকখি।

ত্রোফী তুরগী মতাংদা:

২০২৩গী জনুৱারী ১৩দা হৌগদৌরিবা প্রেস্তিজিয়স এফ.আই.ঐচ. ওরিশা হোক্কী মেন্স ৱার্ল্দ কপ ২০২৩ ভুবনেশ্বর – রৌরকেলাগী লীদ অপতা ত্রোফী অসি দিসেম্বর ২৫দা ওরিশাদা অমুক হন্দিঙৈ মাংওইননা রাজ্য ১৩ অমসুং য়ুনিয়ন তেরিতোরী অমা ফাওদুনা চৎকনি, মতৌ অসুম্না ফেনশিং অমসুং পব্লিক্তা ৱিনিং তিমনা ২০২৩গী জনুৱারী ২৯দা মসি লৌখিদ্রিঙৈ মাংওইননা প্রেস্তিজিয়স ত্রোফী অসি এঙ্গেজ তৌবগী তাঞ্জা পীরে। নেসনৱাইদ ত্রোফী তুর অসি ওরিশাগী মুখ্য মন্ত্রী শ্রী নবীন পতনায়কনা দিসেম্বর ৫দা হৌদোকখি। মখা তাকরপদা ত্রোফী অসি ৱেস্ত বেঙ্গল, মনিপুর, অসাম, ঝার্খন্দ, উত্তর প্রদেশ, পঞ্জাব, হরিয়ানা, নই দিল্লী, মধ্য প্রদেশ, মহারাস্ত্র, তমিল নাদু, কেরলা, কর্নাতকা অমসুং ছত্তিশগর ফাওদুনা চৎকনি।

অহেনবা পিকচরগীদমক, হোক্কী ইন্দিয়া ফোতো লাইব্রেরীদা লোগইন তৌবীয়ু:

ক্লিক: https://photolibrary.hockeyindia.org/

এফ.আই.ঐচ. হোক্কী মেন্স ৱার্ল্দ কপ ২০২৩:

এফ.আই.ঐচ. হোক্কী মেন্স ৱার্ল্দ কপকী চহি কয়াগী মখাতাবা ইনফোর্মেসন অমসুং হিস্তোরিকেল দেতাগীদমক চানবীদুনা ভিজিত তৌবীয়ু - https://www.fih.hockey/events/world-cup

ৱার্ল্দ কপকী তিক্কেৎকীদমক মসিদা বুক তৌবা য়াই: https://insider.in/online, মখা তাবা অকুপ্পা ৱারোলগীদমক কন্তেক্ত : help@insider.in

মমাংগী ৱিনরশিং, লৈবাক অমনা স্কোর তৌখিবা খ্বাইদগী য়াম্বা গোল, লৈবাক অমনা শান্নখিবা খ্বাইদগী য়াম্বা গেম্স, অমসুং অতৈ অহেনবা য়াওনা মেন্স ৱার্ল্দ কপ ওল-তাইম স্তেতেতিক্সতা অহেন্বা ইনফোর্মেসনগীদমক মখাগী লিঙ্ক অসিগা ক্লিক তৌবীয়ু।

https://www.fih.hockey/events/world-cup/men/fih-odisha-hockey-mens-world-cup-2023-bhubaneswar-rourkela-1389/archive

*****