প্রধান মন্ত্রী শ্রী নরেন্দ্র মোদীনা জনুৱারী ৩দা ভিদিও কনফরেন্সকী খুত্থাংদা ১০৮শুবা ইন্দিয়ন সাইন্স কংগ্রেসকী হৌদোক্কনি অমসুং অপুনবা হৌদোকপগী সেসন মীৎয়েং তাগনি। হৌদোকপগী সেসন অসি অয়ুক পুং ৯:৩০ তাবা মতমদা হৌগনি। থৌরম অসি রাস্ত্রসন্ত তুকরোজী মহারাজ নাগপুর য়ুনিভর্সিতী (আর.তি.এম.এন.য়ু.)না মাগী অমরাবাতি রোদ কেম্পসতা পাঙথোক্কনি।

হৌদোকপগী সেসন্দা শরুক য়াগদবা মকোক থোংবা মশক নাইবা মীওইশিংগী মরক্তা মহারাস্ত্রগী রাজ্যপাল অমসুং মহারাস্ত্র পব্লিক য়ুনিভর্সিতীশিংগী চাঞ্চেল্লর, শ্রী ভগত সিংহ কোশ্যারী, কেন্দ্রগী মন্ত্রী অমসুং আর.তি.এম.এন.য়ু. সেন্তরী সেলেব্রেসনগী এদভাইজরী কম্মিতিগী চিয়রমেন, শ্রী নিতিন গদকারী, সাইন্স অমসুং তেক্নোলোজী অমসুং আর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ), দা. জিতেন্দ্র সিংহ, মহারাস্ত্রগী মুখ্য মন্ত্রী, শ্রী একনাথ শিন্দে অমসুং মহারাস্ত্রগী উপ মুখ্য মন্ত্রী, শ্রী দেবেন্দ্র ফদনাবিস য়াওরি।

রাস্ত্রসন্ত রুকরোজী মহারাজ নাগপুর য়ুনিভর্সিতীগী ভাইস চাঞ্চেল্লর, দা. সুভাশ আর. চৌধরি, অমসুং ইন্দিয়ন সাইন্স কংগ্রেস এসোসিএসন (আই.এস.সি.এ.), কোলকাতাগী জেনরেল প্রসিদেন্ত, দা. (শ্রীমতি) বিজয় লক্ষ্মী সক্সেনানা শরুক য়াগনি।

চহি অসিগী থৌরমগী থিম অসি “সাইন্স এন্দ তেক্নোলোজী ফোর সস্তেনেবল দিবেলপমেন্ত ৱিথ ৱুমেন এম্পাৱরমেন্ত” হায়বা অসিনা ওইরি। মীচম প্রজানা পব্লিক তোক অমসুং একজিবিসনশিংদা শরুক য়াবা য়াগনি।

১০৮শুবা ইন্দিয়ন সাইন্স কংগ্রেসকী তেক্নিকেল সেসনশিং অসি সেক্সন ১৪ থোক্না খাইদোকখি মসিগী মখাদা য়ুনিভর্সিতীগী মহাত্মা জোতিবা ফুলে এজুকেস্নেল কেম্পসতা তোঙান-তোঙানবা ভেন্যুশিংদা পেরেলেল সেসনশিং পাঙথোক্কনি।

সেক্সন ১৪গী মথক্তা নুপীগী সাইন্স কংগ্রেস, লৌমীশিংগী সাইন্স কংগ্রেস, অঙাংশিংগী সাইন্স কংগ্রেস, ত্রাইবেল মীত, সাইন্স অমসুং সোসাইতীদা সেক্সন অমা অমসুং সাইন্স কম্ম্যুনিকেতরশিংগী কংগ্রেস য়াওগনি।

প্লেনরী সেসনশিং অসিদা স্পেস, দিফেন্স, আই.তি. অমসুং মেদিকেল রিসর্চ য়াওনা লম কয়া মরুমদগী নোবেল লোরেৎশিং, মাংজিল থারিবা ভারত অমসুং ফোরেন রিসর্চরশিং, এক্সপর্তশিং অমসুং তেক্নোক্রেতশিং য়াওগনি। তেক্নিকেল সেসনশিং অসিনা এগ্রিকলচর এন্দ ফোরেস্ত্রী সাইন্সেস, এনিমেল, ভেতেরিনরী এন্দ ফিশরী সাইন্সেস, এনথ্রোপোলোজিকেল এন্দ বিহেবিয়রেল সাইন্সেস, কেমিকেল সাইন্সেস, আর্থ সিস্তেম সাইন্সেস, ইঞ্জিনিয়রিং সাইন্সেস, এনভাইর্নমেন্তেল সাইন্সেস, ইনফোর্মেসন এন্দ কম্ম্যুনিকেসন সাইন্স এন্দ তেক্নোলোজী, মেতরিএল সাইন্সেস, মেথমেতিকেল সাইন্সেস, মেদিকেল সাইন্সেস, ন্যু বাইওলোজী, ফিজিকেল সাইন্সেস, অমসুং প্লান্ত সাইন্সেসদা নৌনা পুথোকপা অমসুং এপ্লাইদ রিসর্চ উৎকনি।

মেগা এক্সপো “প্রাইদ ওফ ইন্দিয়া” অসিনা থৌরম অদুগী অখন্নবা মীৎয়েংফম ওইরি। মশক থোকপা দিবেলপমেন্তশিং, মরু ওইবা মাইপাকপশিং অমসুং ভারতকী সাইন্স অমসুং তেক্নোলোজীগী খুন্নাই অসিদা শীংথানীংঙাই ওইনা শরুক তমখিবা অদু একজিবিসন অসিদা উৎকনি মসিনা সাইন্তিফিক ৱর্ল্দকী অপুনবা লম কোনশিল্লিবা অনৌবা আইদিয়া, ইন্নোভেসন অমসুং প্রদক্ত কয়া পুনশিনগনি অমসুং উৎকনি। প্রাইদ ওফ ইন্দিয়ানা সরকার, কোর্পোরেৎ, পি.এস.য়ু.শিং, একাদেমিক অমসুং আর এন্দ দি ইন্সতিত্যুতশিং, লৈবাক শিনবা থুংবদগী ইন্নোভেতরশিং অমসুং ওন্তপ্রিনোরশিংগী মপাঙ্গল অমদি মাইপাকপশিং উৎকনি।

থৌরম অসি পরিং চত্থরকপদা ঙসি ইন্দিয়ন সাইন্স কংগ্রেসকী চৎনবী ওইরিবা বিজ্ঞান জ্যোতি প্রোগ্রাম পাঙথোকখি। জিরো মাইলস্তন্দা স্কুল অমসুং কোলেজকী মহৈরোয় ৪০০ হেনবনা পুনখি অমসুং অখন্নবা তুপি অমসুং তি-শর্তশিং উপতুনা অমসুং শেৎচাদুনা য়ুনিভর্সিতী কেম্পসতা রেলী অমা চৎখি। মখোয়গী পুন্সিদা সাইন্তিফিক ওইবা ৱাখল্লোন শীজিন্ননবা মখোয়না ৱাশক অমা শকখি। আই.এস.সি.এ.গী জেনরেল প্রসিদেন্ত ,দা. (শ্রীমতি) বিজয় লক্ষ্মী সক্সেনানা মখোয়দা সাইন্স অসিবু শুপ্নগী সবজেক্ত অমা ওইনা তম্বগী মহুৎ মখোয়দা করিগুম্বা অমা তৌবদা মসিবু পুন্সিগী শরুক অমা ওইহন্নবা হায়খি।

বিজ্ঞান জ্যোতি – লৌশিংগী মৈরা – অসি ওলিম্পিক ফ্লেমগী মতুং ইন্না শেমখিবনি। মসি খুন্নাইদা, মরু ওইনা নহারোলশিংদা সাইন্তিফিক তেম্পর য়োকখৎনবা ইহৌ অমনি। মৈরা অসি য়ুনিভর্সিতী কেম্পসতা য়ুংখি অমসুং মসিনা ১০৮শুবা ইন্দিয়ন সাইন্স কংগ্রেস লোইশিন্দ্রিবা ফাওবা মখা তানা চাকহনখিগনি।

<><><><><>