جناب انیل کمار لاہوتی نے ریلوے بورڈ (وزارت ریلوے) کے نئے چیئرمین اور چیف ایگزیکٹو آفیسر (سی ای او) کا چارج سنبھال لیا ہے۔ کابینہ کی تقرری کمیٹی نے ریلوے بورڈ کے چیئرمین اور سی ای او کے طور پرجناب انل کمار لاہوتی کی تقرری کو منظوری دی۔ اس سے پہلے جناب انیل کمار لاہوتی ریلوے بورڈ کے ممبر (بنیادی ڈھانچہ) کے طور پر کام کر چکے ہیں۔

جناب لاہوتی کا تعلق انڈین ریلوے سروس آف انجینئرز،1984 بیچ سے ہے اور انہیں لیول-17 کے لیے انڈین ریلوے مینجمنٹ سروس کے پہلے پینل میں شامل کیا گیا ہے۔ انہوں نے مادھو انسٹی ٹیوٹ آف ٹیکنالوجی اینڈ سائنس، گوالیار سے گولڈ میڈل کے ساتھ سول انجینئرنگ میں گریجویشن کیا ہے اور یونیورسٹی آف رڑکی (آئی آئی ٹی، روڑکی) سے انجینئرنگ (اسٹرکچرس) میں ماسٹر کیا ہے۔ ریلوے میں اپنے 36 سال سے زیادہ کیرئیر کے دوران، انہوں نے سنٹرل، ناردرن، نارتھ سینٹرل، ویسٹرن اور ویسٹ سنٹرل ریلوے اور ریلوے بورڈ میں مختلف عہدوں پر کام کیا ہے۔

جناب لاہوتی اس سے قبل سینٹرل ریلوے کے جنرل منیجر کے طور پر کام کر چکے ہیں اور کئی مہینوں تک جی ایم، ویسٹرن ریلوے کا چارج بھی دیکھ چکے ہیں۔ جنرل منیجر کے طور پر ان کے عہدہ کو سب سے زیادہ مال بردار اور پارسل ٹریفک حاصل کرنے کا سہرا دیا جاتا ہے جس میں مال لے جانے اور کمائی گئی آمدنی، بشمول کسان ریلوں کی سب سے زیادہ تعداد، کو چلانا شامل ہے۔ انہوں نے بغیر کرایہ کے مواقع، اسکریپ کی فروخت اور ٹکٹوں کی چیکنگ کی وسیع مہموں سے آمدنی کے ریکارڈ میں بہتری بھی پیدا کی ہے۔ انہوں نے ممبئی میں ایئر کنڈیشنڈ ذیلی شہری خدمات کی توسیع کے پریشان کن مسئلے کو کامیابی سے آگے بڑھایا اور حل کیا۔ ان کے دور میں، سنٹرل ریلوے نے بنیادی ڈھانچے کے منصوبوں کی تکمیل اور شروع کرنے میں کوانٹم جمپ ریکارڈ کیا اور ممبئی میں دیوا اور تھانے کے درمیان طویل انتظار کی 5ویں اور 6ویں لائن کو شروع کیا۔

انہوں نے ڈویژنل ریلوے مینیجر، لکھنؤ، شمالی ریلوے کے طور پر کام کیا تھا، جہاں انہوں نے بھیڑ بھاڑ والے غازی آباد-پریاگ راج-ڈی ڈی یو روٹ کے متبادل کے طور پر لکھنؤ- وارانسی- ڈی ڈی یو روٹ پر مال برداری کو بہتر بنانے کے لیے کئی اقدامات کیے تھے۔ ان کے دور میں لکھنؤ ڈویژن کے اسٹیشنوں پر مسافروں کی سہولیات اور صفائی کے معیار میں خاطر خواہ بہتری دیکھنے میں آئی۔

شمالی ریلوے پر چیف ایڈمنسٹریٹو آفیسر (تعمیر) اور چیف انجینئر (تعمیر) کے طور پر، انہوں نے نئی لائنوں کے بنیادی ڈھانچے کے منصوبوں کی ایک بڑی تعداد کو انجام دیا، ٹریک کی ڈبلنگ اور ملٹی ٹریکنگ، یارڈ کی دوبارہ تشکیل، اہم پل، اسٹیشن کی تعمیر وغیرہ۔ دہلی میں وہار ٹرمینل اور نئی دہلی اسٹیشن کے مشہور اجمیری گیٹ سائیڈ اسٹیشن کی عمارت کی منصوبہ بندی اور تعمیر ان کے ذریعہ کی گئی تھی۔ وہ نئی دہلی اسٹیشن کو ایک عالمی معیار کے اسٹیشن کے طور پر دوبارہ تیار کرنے کی منصوبہ بندی سے بھی منسلک تھے جس میں زمینی اور فضائی جگہ کی تجارتی ترقی بھی شامل تھی۔

جناب لاہوتی نے کارنیگی میلن یونیورسٹی، پٹسبرگ، امریکہ، بوکونی اسکول آف مینجمنٹ، میلان، اٹلی؛ اور انڈین اسکول آف بزنس، حیدرآباد میں اسٹریٹجک مینجمنٹ اور لیڈرشپ پروگراموں میں تربیت لی ہے۔ انہوں نے ہانگ کانگ، جاپان، برطانیہ، جرمنی اور سوئٹزرلینڈ میں ریلوے کی زمین پر کمرشل ڈویلپمنٹ سمیت اسٹیشنوں کی ترقی کا مطالعہ کیا ہے۔ انہوں نے ٹریک ٹیکنالوجی اور ٹریک مینٹیننس مشینوں میں ترقی کے سلسلے میں کئی ممالک کا دورہ بھی کیا ہے۔

*****

(ش ح - اع - ر ا) 

U.No.03