பிஎம் மித்ராவின் கீழ் முன்மொழிவுகளைப் பெறுவது முதல், உற்பத்தியுடன் கூடிய ஊக்குவிப்பு  திட்டத்தின் கீழ் முதலீடு செய்வது வரை, ஜவுளி அமைச்சகத்திற்கு இது சாதனை நிறைந்த ஆண்டாகும். கைத்தறி துறைக்கு நிதி உதவி வழங்கியதுடன், பல கைவினைப்பொருட்கள் கண்காட்சிகளை ஏற்பாடு செய்தது.

2022 ஆம் ஆண்டில் அமைச்சகத்தின் சில முக்கிய முயற்சிகள் மற்றும் சாதனைகள்:

பிஎல்ஐ  திட்டம்

நாட்டில் ஜவுளித் தொழில் போட்டித்தன்மையை அடைய உதவும் வகையில், ஆடைகள், துணிகள் மற்றும் தொழில்நுட்ப ஜவுளி தயாரிப்புகளின் உற்பத்தியை ஊக்குவிக்க, ரூ.10,683 கோடியில் அங்கீகரிக்கப்பட்ட செலவினத்துடன் உற்பத்தி இணைக்கப்பட்ட ஊக்கத்தொகை  திட்டத்தை அரசு தொடங்கியுள்ளது. ஜவுளிக்கான பிஎல்ஐ திட்டத்தின் கீழ் 01.01.2022 முதல் 28.02.2022 வரை இணையதள போர்டல் மூலம் விண்ணப்பங்கள் பெறப்பட்டன. மொத்தம் 67 விண்ணப்பங்கள் பெறப்பட்டுள்ளன. இத்திட்டத்தின் கீழ் 64 விண்ணப்பதாரர்களை ஜவுளித்துறை செயலாளர் தலைமையிலான தேர்வுக் குழு தேர்வு செய்துள்ளது. 56 விண்ணப்பதாரர்கள் புதிய நிறுவனத்தை உருவாக்குவதற்கான கட்டாய அளவுகோல்களை பூர்த்தி செய்துள்ளனர்.  அவர்களுக்கு ஒப்புதல் கடிதங்கள் வழங்கப்பட்டுள்ளன.  இதுவரை சுமார் ரூ. 1536 கோடி கிடைத்துள்ளது.

 பிஎம் மித்ரா

 உலகத் தரம் வாய்ந்த உள்கட்டமைப்பை மேம்படுத்த 7  மெகா ஒருங்கிணைந்த ஜவுளிப் பகுதி மற்றும் ஆடை பூங்காக்களை அமைக்க அரசு ஒப்புதல் அளித்துள்ளது. 2027-28 வரையிலான காலகட்டத்தில் ரூ. 4445 கோடி. திட்டம் தொடர்பான வழிகாட்டுதல்கள் வெளியிடப்பட்டுள்ளன. 13 மாநிலங்களில் இருந்து 18 பரிந்துரைகள் பெறப்பட்டுள்ளன.

தேசிய தொழில்நுட்ப டெக்ஸ்டைல் மிஷன்:

இந்த இயக்கத்தின் கீழ், சிறப்பு இழை மற்றும் தொழில்நுட்ப ஜவுளி வகைகளில் ரூ.232 கோடி மதிப்பிலான 74 ஆராய்ச்சி முன்மொழிவுகள் அங்கீகரிக்கப்பட்டுள்ளன. சந்தை மேம்பாடு மற்றும் தொழில்நுட்ப ஜவுளிகளை மேம்படுத்துவதற்காக, 4 பெரிய மாநாடுகள் நடத்தப்பட்டுள்ளன.

திருத்தப்பட்ட தொழில்நுட்ப மேம்படுத்தல் நிதித் திட்டம்:

2443 மானிய வழக்குகளில் ரூ.10,218 கோடி முதலீடு தொழில் துறையால் உறுதி செய்யப்பட்டுள்ளது.  திருத்தப்பட்ட தொழில்நுட்ப மேம்படுத்தல் நிதித் திட்டத்தின் கீழ் 3159 வழக்குகளில் ரூ.621.41 கோடி மானியம் விடுவிக்கப்பட்டது மற்றும் நிலுவை வழக்குகளைத் தீர்ப்பதற்காக முக்கிய தொகுப்புகளில் ஏற்பாடு செய்யப்பட்ட சிறப்பு பிரச்சாரங்கள்.

நேஷனல் இன்ஸ்டிடியூட் ஆஃப் ஃபேஷன் டெக்னாலஜி:

2022-23 ஆம் ஆண்டுக்கான கல்வி அமர்வுக்காக டாமனில் ஒரு புதிய வளாகம் செயல்படத் தொடங்கியது.  போபால் மற்றும் ஸ்ரீநகருக்கு புதிய வளாக கட்டிடங்களும் வரவுள்ளன.

பட்டுத் துறை

மொத்த கச்சா பட்டு உற்பத்தி 28106 மெ.டன். பட்டுத் துறை தொடர்பான பல்வேறு நடவடிக்கைகளில் 9777 நபர்களுக்குப் பயிற்சி அளித்ததன் மூலம் 44 ஆராய்ச்சி மற்றும் மேம்பாட்டுத் திட்டங்கள் தொடங்கப்பட்டு 23 திட்டங்கள் முடிக்கப்பட்டன.

சணல் துறை

மேம்படுத்தப்பட்ட சணல் சாகுபடி மற்றும் பயிற்சி திட்டம்: 1,89,483 ஹெக்டேரில் 170 சணல் சாகுபடி தொகுதிகள் மூலம் 4,20,309 சணல் விவசாயிகள் பயனடைந்தனர். சந்தை மேம்பாடு மற்றும் ஊக்குவிப்புத் திட்டம்  காரணமாக ஏற்றுமதி செயல்திறன் கடந்த ஆண்டை விட 38% அதிகரித்து தற்போதைய மதிப்பு ரூ. 3786 கோடியாக உள்ளது.

பருத்தி துறை

பருத்தி சாகுபடி கடந்த ஆண்டு 119.10 லட்சம் ஹெக்டேரில் இருந்து 5% அதிகரித்து 125.02 லட்சம் ஹெக்டேராக அதிகரித்துள்ளது. இந்திய பருத்திக்கு கஸ்தூரி காட்டன் இந்தியா என்ற பிராண்ட் தொடங்கப்பட்டது.

கம்பளி துறை

கால்நடைகள்/ஆடு வளர்ப்புத் துறை, லேஹ்வின் திட்டங்களுக்கு ரூ.2 கோடி சுழலும் நிதியாக பாஷ்மினா கம்பளி கொள்முதல், வாழ்க்கை நிலைமைகளை மேம்படுத்துவதற்காக லேவிலுள்ள நாடோடிகளுக்கு 400 சிறிய கூடாரங்களை விநியோகம் செய்ய ஒப்புதல் அளிக்கப்பட்டுள்ளது.

கைத்தறி துறை

91 கைத்தறி தொகுப்புகளுக்கு ரூ.76.60 கோடி நிதியுதவி வழங்கப்பட்டுள்ளது. தேசிய கைத்தறி மேம்பாட்டுத் திட்டத்தின் கீழ் 2,107 கைத்தறி தொழிலாளர்களுக்கு திறன் மேம்பாட்டுப் பயிற்சி அளிக்கப்பட்டது.

கைவினைத் துறை

மொத்தம் 272 சந்தைப்படுத்தல் நிகழ்வுகள் ஏற்பாடு செய்யப்பட்டு, 19330 கைவினைஞர்கள் பயனடைந்தனர். 30 லட்சம் கைவினைஞர்களுக்கு பச்சான் அட்டைகள் வழங்கப்பட்டு பொது களத்தில் பதிவேற்றம் செய்யப்பட்டது. 52 கைவினைஞர் தயாரிப்பாளர் நிறுவனங்கள் உருவாக்கப்பட்டு ஆதரவு அளித்தன. 12480 கைவினைஞர்கள் பயன்பெறும் வகையில் 418 பயிற்சித் திட்டம் மற்றும் வடிவமைப்புப் பட்டறைகள் நடத்தப்பட்டன.

**************

(Release ID: 1886628)

SM/PKV/RS/KRS