ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯ ( ಎಂ‌ಓಎಚ್‌ಯುಎ) 15ನೇ ಡಿಸೆಂಬರ್ 2022 ರಿಂದ ಪೇ ಜಲ್ - ನೆಲದ ಸಮೀಕ್ಷೆಯನ್ನು ಪ್ರಾರಂಭಿಸಿದೆ. ಪುನರ್‌ಬಳಕೆ (ಕಾಯಕಲ್ಪ)ಮತ್ತು ನಗರ ಪರಿವರ್ತನೆಗಾಗಿ ಅಟಲ್ ಮಿಷನ್ (ಅಮೃತ್) 2.0 ಅಡಿಯಲ್ಲಿ ಪೇ ಜಲ್ ಸಮೀಕ್ಷೆಯನ್ನು ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಶ್ರೀ. ಹರ್ದೀಪ್ ಸಿಂಗ್ ಪುರಿ ಅವರು, ಸೆಪ್ಟೆಂಬರ್ 09, 2022 ರಂದು ಆರಂಭಿಸಿದರು.ಇದು ನೀರಿನ ಗುಣಮಟ್ಟ, ಪ್ರಮಾಣ ಮತ್ತು ನೀರು ಸರಬರಾಜು, ಒಳಚರಂಡಿ ಮತ್ತು ಸೆಪ್ಟೇಜ್ ನಿರ್ವಹಣೆ, ಬಳಸಿದ ನೀರಿನ ಮರುಬಳಕೆ ಮತ್ತು ಮರುಬಳಕೆಯ ಪ್ರಮಾಣ ಮತ್ತು ಜಲಮೂಲಗಳ ಸಂರಕ್ಷಣೆಗೆ ಸಂಬಂಧಿಸಿದಂತೆ ನಗರದ ಸೇವಾ ಮಟ್ಟದ ಅನುಸರಣೆಯನ್ನು ನಿರ್ಣಯಿಸಲು 500 (485 ವಿಲೀನದ ನಂತರ)ಸಮೀಕ್ಷೆಯು ಅಮೃತ್ ಮಿಷನ್‌ಗೆ ಮೇಲ್ವಿಚಾರಣಾ ಸಾಧನವಾಗಿ ಮತ್ತು ವೇಗವರ್ಧಕವಾಗಿ ಕಾರ್ಯನಿರ್ವಹಿಸುತ್ತದೆ.ಹಾಗೂ ನಗರಗಳ ನಡುವೆ ಆರೋಗ್ಯಕರ ಸ್ಪರ್ಧೆಯನ್ನು ಉತ್ತೇಜಿಸುತ್ತದೆ.  ಸಮೀಕ್ಷೆಯನ್ನು ನಡೆಸಲು ಸಚಿವಾಲಯವು  ಮೂರನೇ ವ್ಯಕ್ತಿಯ ( ಏಜೆನ್ಸಿ, ಐಪಿಎಸ್‌ಓಎಸ್)  ಅನ್ನು ಸಮೀಕ್ಷೆಗಾಗಿ  ತೊಡಗಿಸಿಕೊಂಡಿದೆ.

ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯ (ಎಂ‌ಓಎಚ್‌ಯುಎ) ಎಲ್ಲಾ ಭಾಗವಹಿಸುವ ನಗರ ಸ್ಥಳೀಯ ಸಂಸ್ಥೆಗಳಿಗೆ (ಯುಎಲ್‌ಬಿಗಳು) ಪೇ ಜಲ್ ಸರ್ವೆಕ್ಷಣ್  ಟೂಲ್ಕಿಟ್ ಮತ್ತು ವೆಬ್ ಪೋರ್ಟಲ್‌ನಲ್ಲಿ ಸಾಮರ್ಥ್ಯ ನಿರ್ಮಾಣ ಕಾರ್ಯಾಗಾರಗಳನ್ನು ನಡೆಸಿದೆ.  ವಾಟರ್ ಯುಟಿಲಿಟಿ ಸೇವೆಗಳು, ಬಳಸಿದ ನೀರಿನ ಉಪಯುಕ್ತತೆ ಸೇವೆಗಳು, ಜಲಮೂಲಗಳು, ಆದಾಯ ರಹಿತ ನೀರು (ಎನ್‌ಆರ್‌ಡಬ್ಲ್ಯೂ) ಅಂದಾಜು, ಉತ್ತಮ ಅಭ್ಯಾಸಗಳು ಮತ್ತು ನಾವೀನ್ಯತೆಗಳು ಪ್ರಮುಖ ಕೇಂದ್ರೀಕೃತ ಕ್ಷೇತ್ರಗಳಾಗಿವೆ. 
 ಕೆಳಗಿನ ಪ್ರಕ್ರಿಯೆಗಳನ್ನು ಗಮನಿಸುವುದಾದರೆ:

  i ಸೇವಾ ಮಟ್ಟಗಳ ಸ್ವಯಂ-ಮೌಲ್ಯಮಾಪನ: ಆನ್‌ಲೈನ್ ಪೋರ್ಟಲ್‌ನಲ್ಲಿ ಪ್ಯಾರಾಮೀಟರ್‌ಗಳ ವಿರುದ್ಧ ಯುಎಲ್‌ಬಿಗಳು ಸ್ವಯಂ-ಮೌಲ್ಯಮಾಪನವನ್ನು ಕೈಗೊಳ್ಳುತ್ತವೆ  (https://peyjal-india.org/) 

 Ii ನೇರ ವೀಕ್ಷಣೆ: ಜಲ ಸಂಸ್ಕರಣಾ ಘಟಕಗಳು, ಕೊಳಚೆ ನೀರು ಸಂಸ್ಕರಣಾ ಘಟಕಗಳು/ ಮಲ ಕೆಸರು ಸಂಸ್ಕರಣಾ ಘಟಕಗಳು, ಜಲಮೂಲಗಳು ಇತ್ಯಾದಿಗಳ ನೆಲದ ಸಮೀಕ್ಷೆಯನ್ನು ಕೈಗೊಳ್ಳಲು ಮೌಲ್ಯಮಾಪಕರು ಯುಎಲ್‌ಬಿ ಗಳಿಗೆ ಭೇಟಿ ನೀಡಿ‌,  ಪರೀಕ್ಷೆ ಮತ್ತು ಛಾಯಾಚಿತ್ರ ಸಾಕ್ಷ್ಯಕ್ಕಾಗಿ ನೀರಿನ ಮಾದರಿಗಳನ್ನು ಸಂಗ್ರಹಿಸುತ್ತಾರೆ.  ಯುಎಲ್‌ಬಿಗಳು ಮಾಡಿದ ಕ್ಲೈಮ್‌ಗಳನ್ನು ನಿರ್ಣಯಿಸಲು ಮತ್ತು ಮೌಲ್ಯೀಕರಿಸಲು ಇದು ಸಹಾಯ ಮಾಡುತ್ತದೆ.

 iiii ನಾಗರಿಕರ ಪ್ರತಿಕ್ರಿಯೆ: ಯುಎಲ್‌ಬಿಗಳು ಸೇವೆಯ ವಿತರಣೆಯಲ್ಲಿ ತೃಪ್ತಿಯ ಮಟ್ಟವನ್ನು  ಕಂಡುಹಿಡಿಯಲು ನಗರಗಳ ಎಲ್ಲಾ ಭಾಗಗಳಿಂದ ನಾಗರಿಕರ ಪ್ರತಿಕ್ರಿಯೆಗಾಗಿ ಮೌಲ್ಯಮಾಪಕರು ಸಮೀಕ್ಷೆಯನ್ನು  ನಡೆಸುತ್ತಾರೆ.

ಸರ್ವೇಕ್ಷಣ್ ,ಮೂಲಕ  ಮನೆಯ ನೀರಿನ ನಲ್ಲಿ ಮತ್ತು ಒಳಚರಂಡಿ ಸಂಪರ್ಕದ ಪ್ರಮಾಣ, ನಾಗರಿಕರಿಗೆ ಸರಬರಾಜು ಮಾಡುವ ನೀರಿನ ಗುಣಮಟ್ಟ ಮತ್ತು ನೀರಿನ‌ ಪ್ರಮಾಣ, ದೂರು ಪರಿಹಾರ ಮತ್ತು ಇತರ ನಿಯತಾಂಕಗಳ ನಡುವೆ ಜಲಮೂಲಗಳ ನಡುವೆ‌ ಇರುವ ಉತ್ತಮ‌ತೆಯನ್ನು ಸೆರೆಹಿಡಿಯಲಾಗುತ್ತದೆ.  ಇದು ನೀರು ಮತ್ತು ಒಳಚರಂಡಿ ಸೇವೆಗಳ ಮೇಲಿನ ವೆಚ್ಚದ ವಿರುದ್ಧ ಆದಾಯ ಉತ್ಪಾದನೆಯ ವಿಷಯದಲ್ಲಿ ಯುಎಲ್‌ಬಿಗಳ ಆರ್ಥಿಕ ಸುಸ್ಥಿರತೆಯ ಒಳನೋಟಗಳನ್ನು ಒದಗಿಸುತ್ತದೆ.  ನಾಗರಿಕ ಗ್ರಹಿಕೆ ಸಮೀಕ್ಷೆಯನ್ನು ಸೇರಿಸುವುದರೊಂದಿಗೆ, ನಾಗರಿಕ ಚಾಲಿತ ಹೊಣೆಗಾರಿಕೆ ವ್ಯವಸ್ಥೆಯನ್ನು ಸ್ಥಾಪಿಸಲಾಗುವುದು.

ಹೀಗೆ ಸಮೀಕ್ಷೆ ಆದ ಬಳಿಕ ವರದಿಯನ್ನು ಪಡೆದು ಉತ್ತಮ ನಗರಗಳಿಗೆ ಅಂಕಗಳನ್ನು ನಿಗದಿಪಡಿಸಲಾಗುತ್ತದೆ ಮತ್ತು ಪ್ರತಿ ನಗರದ ನೀರಿನ ಆರೋಗ್ಯವನ್ನು ಪ್ರತಿಬಿಂಬಿಸುವ ನಗರ-ನೀರಿನ ವರದಿ ಕಾರ್ಡ್‌ಗಳನ್ನು ಪ್ರಕಟಿಸಲಾಗುತ್ತದೆ.  ಸಮೀಕ್ಷೆಯ ಫಲಿತಾಂಶವು ಯುಎಲ್‌ಬಿಗಳಲ್ಲಿನ ನೀರಿನ ಭದ್ರತೆಯ ಸ್ಥಿತಿಯನ್ನು ಪ್ರತಿಬಿಂಬಿಸುತ್ತದೆ ಮತ್ತು ಸುಸ್ಥಿರ ಅಭಿವೃದ್ಧಿ ಗುರಿ-6 ,(ಎಸ್‌ಡಿಜಿ)ಅನ್ನು  ಸಾಧಿಸಲು ಸಹಾಯ ಮಾಡುತ್ತದೆ .

****