ਰਾਸ਼ਟਰੀ ਅਨਾਜ ਸੁਰੱਖਿਆ ਅਧਿਨਿਯਮ ਅਤੇ ਉਸ ਦੀਆਂ ਹੋਰ ਕਲਿਆਣਕਾਰੀ ਯੋਜਨਾਵਾਂ ਸਮੇਤ ਪ੍ਰਧਾਨ ਮੰਤਰੀ ਗ਼ਰੀਬ ਕਲਿਆਣ ਅੰਨ ਯੋਜਨਾ ਦੇ ਤਹਿਤ ਅਤਿਰਿਕਤ ਵੰਡ ਦੀਆਂ ਜ਼ਰੂਰਤਾਵਾਂ ਨੂੰ ਪੂਰਾ ਕਰਨ ਦੇ ਲਈ ਭਾਰਤ ਸਰਕਾਰ ਦੇ ਕੇਂਦਰੀ ਪੂਲ ਵਿੱਚ ਅਨਾਜ ਦਾ  ਲੋੜੀਂਦਾ ਭੰਡਾਰ ਮੌਜੂਦ ਹੈ। ਇੱਕ ਜਨਵਰੀ, 2023 ਤੱਕ ਲਗਭਗ 159 ਲੱਖ ਮੀਟ੍ਰਿਕ ਟਨ (ਐੱਲਐੱਮਟੀ) ਕਣਕ ਉਪਲਬਧ ਹੋ ਜਾਵੇਗੀ। ਨਿਯਮਿਤ: ਇੱਕ ਜਨਵਰੀ ਤੱਕ 138 ਐੱਲਐੱਮਟੀ ਦੀ ਸੁਰੱਖਿਅਤ ਭੰਡਾਰਨ ਦੀ ਜ਼ਰੂਰਤ ਹੁੰਦੀ ਹੈ, ਜਿਸ ਦੇ ਮੱਦੇਨਜ਼ਰ ਇਹ ਉਸ ਤੋਂ ਕਾਫੀ ਅਧਿਕ ਹੈ। ਕੇਂਦਰੀ ਪੂਲ ਵਿੱਚ 12 ਦਸੰਬਰ, 2022 ਨੂੰ ਲਗਭਗ 182 ਐੱਲਐੱਮਟੀ ਕਣਕ ਦੀ ਉਪਲਬਧਤਾ ਦਰਜ ਕੀਤੀ ਗਈ ਹੈ।

ਭਾਰਤ ਸਰਕਾਰ ਕਣਕ ਦੀਆਂ ਕੀਮਤਾਂ ਦੀ ਸਥਿਤੀ ਤੋਂ ਚੰਗੀ ਤਰ੍ਹਾਂ ਜਾਣੂ ਹੈ ਅਤੇ ਸਪਤਾਹਿਕ  ਅਧਾਰ ’ਤੇ ਉਸ ਦੀ ਨਿਯਮਿਤ ਨਿਗਰਾਨੀ ਕਰ ਰਹੀ ਹੈ। ਕਣਕ ਦੇ ਨਾਲ ਹੋਰ ਜਿਨਸਾਂ ਦੀਆਂ ਕੀਮਤਾਂ ’ਤੇ ਵੀ ਨਜ਼ਰ ਰੱਖੀ ਜਾ ਰਹੀ ਹੈ ਅਤੇ ਜ਼ਰੂਰਤ ਪੈਣ ’ਤੇ ਸੁਧਾਰਾਤਮਕ ਉਪਾਅ ਵੀ ਕੀਤੇ ਜਾ ਰਹੇ ਹਨ। ਭਾਰਤ ਸਰਕਾਰ ਨੇ ਕੀਮਤਾਂ ਵਧਣ ਤੋਂ ਰੋਕਣ ਦੇ ਲਈ ਸਕਿਰਿਅਤਾ ਦਿਖਾਈ ਹੈ ਅਤੇ 13 ਮਈ, 2022 ਤੋਂ ਪ੍ਰਭਾਵੀ ਹੋਣ ਵਾਲੇ ਨਿਰਾਯਤ ਨਿਯਮਾਂ ਨੂੰ ਲਾਗੂ ਕਰ ਦਿੱਤਾ ਹੈ। ਇਸ ਦੇ ਇਲਾਵਾ ਰਾਸ਼ਟਰੀ ਅਨਾਜ ਸੁਰੱਖਿਆ ਅਧਿਨਿਯਮ ਅਤੇ ਪ੍ਰਧਾਨ ਮੰਤਰੀ ਗ਼ਰੀਬ ਕਲਿਆਣ ਅੰਨ ਯੋਜਨਾ ਦੀ ਵੀ ਚਾਵਲ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸਮੀਖਿਆ ਕੀਤੀ ਗਈ ਹੈ,ਜਿਸ ਨਾਲ ਕੇਂਦਰੀ ਪੂਲ ਵਿੱਚ ਕਣਕ ਦਾ ਭੰਡਾਰਣ ਲੋੜੀਂਦੀ ਮਾਤਰਾ ਵਿੱਚ ਹੋ ਜਾਵੇ, ਤਾਕਿ ਕਲਿਆਣਕਾਰੀ ਯੋਜਨਾਵਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕੀਤਾ ਜਾ ਸਕੇ।

ਭਾਰਤ ਸਰਕਾਰ ਨੇ ਇਸ ਸਾਲ ਕਣਕ ਦੇ ਐੱਲਐੱਮਟੀ ਨੂੰ ਵਧਾਇਆ ਹੈ। ਜ਼ਿਕਰਯੋਗ ਹੈ ਕਿ ਆਰਐੱਮਐੱਸ 2022-23 ਦੇ ਲਈ ਪਿਛਲੇ ਸਾਲ ਕਣਕ ਦਾ ਐੱਲਐੱਮਟੀ 2015 ਰੁਪਏ/ਕੁਇੰਲਟ ਸੀ, ਜੋ ਹੁਣ ਵੱਧ ਕੇ 2125 ਦੇ ਲਈ ਪਿਛਲੇ ਸਾਲ ਕਣਕ ਦਾ ਐੱਮਐੱਸਪੀ 2015 ਰੁਪਏ/ਕੁਇੰਲਟ ਸੀ, ਜੋ ਹੁਣ ਵਧ ਕੇ 2125 ਰੁਪਏ/ਕੁਇੰਲਟ ਕਰ ਦਿੱਤਾ ਗਿਆ ਹੈ। ਇਸ ਤਰ੍ਹਾਂ ਐੱਮਐੱਸਪੀ ਵਿੱਚ 110 ਰੁਪਏ/ਕੁਇੰਲਟ ਦੇ ਵਾਧੇ ਦੇ ਨਾਲ-ਨਾਲ ਅੱਛੇ ਮੌਸਮੀ ਹਾਲਾਤ ਵੀ ਪੈਦਾ ਹੋਏ, ਜਿਨ੍ਹਾਂ ਦੇ ਕਾਰਨ ਇਹ ਆਸ਼ਾ ਕੀਤੀ ਜਾਂਦੀ ਹੈ ਕਿ ਅਗਲੇ ਸਾਲ ਦੇ ਦੌਰਾਨ ਕਣਕ ਦਾ ਉਤਪਾਦਨ ਅਤੇ ਖਰੀਦ ਆਮ ਰਹੇਗੀ ਅਗਲੇ ਸਾਲ ਕਣਕ ਦੀ ਖਰੀਦ ਅਪ੍ਰੈਲ 2023 ਤੋਂ ਆਰੰਭ ਹੋਵੇਗੀ। ਸ਼ੁਰੂਆਤੀ ਮੁਲਾਂਕਣ ਦੇ ਅਨੁਸਾਰ ਪਿਛਲੇ ਸਾਲ ਦੀ ਤੁਲਨਾ ਵਿੱਚ ਇਸ ਵਾਰ ਕਣਕ ਦੀ ਬਿਜਾਈ ਵਿੱਚ ਵੀ ਕਾਫੀ ਵਾਧਾ ਦੇਖਿਆ ਗਿਆ ਹੈ।

ਭਾਰਤ ਸਰਕਾਰ ਨੇ ਸੁਨਿਸ਼ਚਿਤ ਕੀਤਾ ਹੈ ਕਿ ਕੇਂਦਰੀ ਪੂਲ ਵਿੱਚ ਅਨਾਜ ਦੀ ਉਪਲਬਧਤਾ ਲੋੜੀਂਦੀ ਰੂਪ ਨਾਲ ਬਣੀ ਰਹੇ, ਤਾਕਿ ਦੇਸ਼ਭਰ ਦੀਆਂ ਸਾਰੀਆਂ ਕਲਿਆਣਕਾਰੀਆਂ ਯੋਜਨਾਵਾਂ ਦੀਆਂ ਜ਼ਰੂਰਤਾਂ ਪੂਰੀਆਂ ਕੀਤੀਆਂ ਜਾ ਸਕਣ ਅਤੇ ਕੀਮਤਾਂ ਵੀ ਕੰਟਰੋਲ ਰਹਿਣ।

ਪਿਛਲੇ ਮੌਸਮ ਵਿੱਚ ਕਣਕ ਦੀ ਖਰੀਦ ਜਦੋਂ ਘੱਟ ਹੋਈ ਸੀ, ਕਿਉਂਕਿ ਉਤਪਾਦਨ ਘੱਟ ਹੋਇਆ ਸੀ ਅਤੇ ਭੂ-ਰਾਜਨੈਤਿਕ ਪਰਿਸਥਿਤੀ ਦੇ ਚਲਦੇ ਕਿਸਾਨਾਂ ਨੇ ਖੁੱਲ੍ਹੇ ਬਜ਼ਾਰ ਵਿੱਚ ਐੱਮਐੱਸਪੀ ਤੋਂ ਅਧਿਕ ਕੀਮਤ ’ਤੇ ਆਪਣੀ ਉਪਜ ਵੇਚੀ ਸੀ। ਇਸ ਦੇ ਬਾਵਜੂਦ ਕਣਕ ਨੂੰ ਅਗਲੀ ਫਸਲ ਦੇ ਆਉਣ ਤੱਕ ਦੇਸ਼ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੇ ਲਈ ਕੇਂਦਰੀ ਪੂਲ ਵਿੱਚ ਕਣਕ ਦਾ ਲੋੜੀਂਦਾ ਭੰਡਾਰ ਮੌਜੂਦ ਰਹੇਗਾ।

***

ਏਡੀ/ਐੱਨਐੱਸ