মমাংদা মেক্রো-ইকনোমিক স্তেবিলিতী লৈহন্নবা, ইন্তরনেস্নেল তেক্সেসন রেস্নেলাইজ তৌনবা, লৈবাকশিংদা শেল তোনবগী পোৎলুম কোকহন্নবা, অতোপ্পা কান্নবা কয়াগা লোয়ননা জি২০গৌ প্রসিদেন্সী ১৭না অচাউবা ফলশিং পুরকপা ঙমখি। মসিগী কান্নবশিং অসিদগী ঐখোয়না কান্নবা ফংগনি অমসুং মসিদা য়ুম্ফম ওইদুনা হেন্না চাউখৎহনগনি।

অদুম ওইনমক ভারতনা মসিগী মরু ওইবা থৌদাং অসি পুবা হৌবা অসিদা ঐহাক্না ইশাদা হঙজৈ – জি২০ অসি মখা তানা খুমাং চাউশিনখিগদ্রা? ঐখোয়না ৱাখল্লোন্দা অচৌবা অহোংবা অমা পুরক্তুনা মীওইবা জাতি পুম্বদা কান্নবা পীবা ঙমগদ্রা?

ঐখোয়না ঙমগনি হায়না ঐহাক্না থাজৈ।

ঐখোয়গী ৱাখল্লোনশিং অসি ঐখোয়গী ওইরিবা ফীভমশিংনা শেম্বনি। পুৱারী পুম্নমক্তা মীওইবা জাতিদা অৱাৎপা লৈদুনা লাকখি। ঐখোয়দা অকক্নবা রিসোর্সশিং লৈবগী চৈথেং নংখি মরমদি ঐখোয়না হিংবা হায়বা অসি মখোয়বু অতোপ্পদা পীথোক্তবগী মখা পোনখি। ৱাখল্লোনশিং, আইদিওলোজীশিং অমসুং আইদেন্তিতীশিংগী মরক্তা মরৈ য়েৎনবা অমসুং অথোই-অহেন তানবা অসিনা চৎনবী ওইরকখি।

লাইবকথিবদি, ঙসিসু ঐখোয় চপ মান্নবা জিরো-সম মাইনসেৎ অদুগী লাংদা থুদুনা লৈরি। লৈবাকশিংনা ঙমখৈ নত্ত্রগা রিসোর্সশিংগীদমক লান শোক্নবা মতমদা ঐখোয়না মদু উবা ফংই। ঐখোয়না তঙাই ফদবা পোৎকমশিংগী সপ্লাইশিং অসি খুৎলাই ওইনা শীজিন্নরকপদা উবা ফংই। মীওই কয়ানা খুদোংথিনীংঙাই ওইরবা ফাওবা মীওই খরা খক্তনা ভেক্সিনশিং লোন্না পৈশিনবা মতমদা উবা ফংই।

মীওই খরনা মরৈ য়েৎনবা অমসুং করাম চাউবা অসি মীওইবগী মহৌশানি হায়রকপা য়াই। মদু ঐহাক্না য়াজনীংদে। করিগুম্বা মীওইবা অসি মহৌশাদগী পুকচেল পীকলম্বা তারবদি ‌ঐখোয় পুম্নমক্কী অমত্তা ওইবগী ৱাখল্লোন অসি পুথোকখিবা স্পিরিচুএল ত্রেদিসন খরগী মতম শাংনা তৌরিক্লিবা অপীল অসি করম্না ৱাহন্থোক পীগনি?

ভারত্তা চৎনরিবা অদুগুম্লবা চৎনবী অমনা মীওইবা জাতি পুম্নমক অমসুং থৱায় পানদবা পোৎলমশিং ফাওবা তঙাই ফদবা ইলিমেন্ত মঙানা – পৃথিবী, ঈশিং, মৈ, নুংশিং অমসুং আকাশকী পঞ্চ তত্ব শাই হায়না লৌনৈ। ইলিমেন্তশিং –ঐখোয়গী মনুংদা অমসুং ঐখোয়গী মরক্তা - অসিগী মরক্তা অমত্তা ওইনা চান্না-চিন্ননা লৈরিবা অসি ঐখোয়গী ফিজিকেল, সোসিএল অমসুং এনভাইর্নমেন্তেলগী শাফনবগীদমক তঙাই ফদে।

ভারতকী জি২০ প্রসিদেন্সীনা অমত্তা ওইবগী অথোইবা ৱাখল্লোন অসি থৌগৎনবা থবক তৌগনি। মরম অসিনা ঐখোয়গী থিম অসি – ‘ৱান আর্থ, ৱান ফেমিলী, ৱান ফ্যুচর’ না ওইরি।

মসি শুপ্নগী স্লোগান খক্তা নত্তে। মসিনা ঐখোয়না পুন্না শকখঙবা ঙমখিদ্রবা মীওইবগী ওইরিবা ফীভমশিংদা লাকখিবা অনৌবা অহোংবশিং অদুদা মীৎয়েং চংলি।

ঙসি ঐখোয়দা মালেমদা লৈরিবা মীওই পুম্নমক্কী তঙাই ফদবশিং মরাং থুংহন্নবা পুথোক্নবা পাম্বৈ লৈরে।

ঙসি ঐখোয়না হিংনবগীদমক লান্থেংনবগী মথৌ তাদ্রে – ঐখোয়গী চহিচা অসিদা লান থোকহল্লোইসি। তশেংনমক লান থোকখিদবা অমা ওইহনসি!

ঙসি ঐখোয়না মায়োক্নরিবা খ্বাইদগী চাউবা শীংনবশিং অসি – ক্লাইমেৎ চেঞ্জ, তেরোরিজম অমসুং লাইচৎশিং – অমগা অমগা লান শোক্নবনা কোকহনবা ঙম্লোই, মসি পুন্না থবক পাইখৎমিন্নরবা খক্তদা কোকহনবা ঙমগনি।

লৈবাক ফবদগী ঙসিগী তেক্নোলোজীনা মীওইবা খুন্নাইগী ওইনা পুন্না শীংনবশিং কোকহন্নবা পাম্বৈশিং ঐখোয়দা পীরি। ঙসি ঐখোয়না হিংলিবা অচৌবা ভর্চুএল ৱর্ল্দশিংনা দিজিতেল তেক্নোলোজীশিংগী স্কেলিবিলিতী উৎলি।

মীওইবা জাতিগী শরুক তরুক থোকপগী শরুক অমগী লৈফম ওইরিবা অমদি মসিগা লোয়নরিবা লোল, লাইনিং, চৎনবী অমসুং থাজবগী চাউরবা দাইভর্সিতী অসিগা লোয়ননা ভারতনা মালেমগী মাইক্রোকোজম অমা ওইরি।

পুন্না ৱারেপ লৌবগী অরিবা মতমদগী চৎনরক্লবা চৎনবীশিংগা লোয়ননা ভারতনা দেমোক্রেসীগী দি.এন.এ.গী য়ুম্ফম থোনবদা শরুক তম্মি। দেমোক্রেসীগী মমা হায়না খঙনরিবা ভারতকী নেস্নেল কনসেন্সস অসি দিক্তেৎনা শেমদে অদুবু য়াম্লবা ফ্রী ভোইসশিংবু পুনশিন্নদুনা খোইথুম্লবা খোঞ্জেল অমনা শেম্মি।

ঙসি ভারতনা খ্বাইদগী খোঙজেল য়াংনা চাউখৎলক্লিবা অচৌবা ইকনোমী ওইরি। ঐখোয়গী সিতিজেন-সেন্ত্রিক গভর্নান্স মোদেলনা ঐখোয়গী খ্বাইদগী মর্জিনেলাইজ ওইবা প্রজাশিং ফাওবা য়েংশিনবীরি অমরোমদনা ঐখোয়গী তেলেন্ত লৈরবা নহারোলশিংগী ক্রিএতিব জিনিয়স য়োকখৎলি।

ঐখোয়না নেস্নেল দিবেলপমেন্ত অসি তোপ-দাউন গভর্নান্সতা এক্সর্সাইজকী মহুৎ প্রজানা লমজিংবা ‘মীয়ামগী ইহৌ’ ওইহন্নবা হোৎনরি।

ঐখোয়না ওপন, ইনক্লুসিব অমসুং ইন্তর-ওপরেসবল ওইবা দিজিতেল পব্লিক গুদশিং শেমগৎনবা তেক্নোলোজী শীজিন্নরি। মসিনা সোসিএল প্রোতেক্সন, ফাইনান্সিএল ইনক্লুজন, অমসুং ইলেক্ত্রোনিক পেমেন্তশিংগুম্বা তোঙান-তোঙানবা লমশিংদা রিভোল্যুস্নরী প্রোগ্রেস পুরকখি।

মরম পুম্নমক অসিগীদমক ভারতকী এক্সপরিয়েন্সশিংনা অফবা গ্লোবেল সোল্যুসনশিংদা কান্নরবা লৌশিং পীরগনি।

ঐখোয়গী জি২০ প্রসিদেন্সী মনুংদা অতোপ্পশিংগীদমক মরু ওইনা চাউখৎলক্লিবা মালেমগীদমক ঐখোয়না ভারতকী এক্সপরিয়েন্সশিং, লর্নিংশিং অমসুং মোদেলশিংবু ওইথোকপা য়াবা তেম্প্লেৎশিং ওইনা উৎকনি।

ঐখোয়গী জি২০গী মরু ওইবশিং অসি ঐখোয়গী জি২০ পার্তনরশিংগা খক্তা নত্তনা মখোয়গী ৱাখল্লোন অয়াম্বনা তাবীখিদ্রবা গ্লোবেল সাউথকী ঐখোয়গী খোঙচৎ চৎমিন্নরিবা খোঙলোইশিংগসু তান্নদুনা য়াৎথোক্কনি।

ঐখোয়গী মরু ওইবা মীৎয়েংশিং অসি ঐখোয়গী ‘ৱান আর্থ’ অসি ফগৎহনবা, ঐখোয়গী ‘ৱান ফেমিলী’ মনুংদা চান্না-চিন্নবা পুরকপা অমসুং ঐখোয়গী ‘ৱান ফ্যুচরদা থাজবা পীবা অসিনা ওইগনি।

ঐখোয়গী গ্রহ অসি ফগৎহন্নবগীদমক ঐখোয়না মহৌশাদা থম্লিবা ভারতকী থাজবগী চৎনবী অসিদা য়ুম্ফম ওইরগা সস্তেনেবল অমসুং এনভাইর্নমেন্তেল ফ্রেন্দলী লাইফস্তাইলশিং থৌগৎকনি।

মীওইবশিংগী মরক্তা চান্না-চিন্নবা পুরক্নবগীদমক ঐখোয়না চিঞ্জাক, হার অমসুং মেদিকেলগী পোৎলমশিংগী গ্লোবেল সপ্লাই দিপোলিতিসাইজ তৌনবা হোৎনগনি অসুম তৌদুনা জিও-পোলিতিকেল তেন্সনশিংনা হ্যুমেনিতরিয়ন ক্রাইসিস থোকহল্লোই। ঐখোয়গী ইশাগী ইমুং-মনুংশিংদা খ্বাইদগী মথৌ তারিবশিং অদুদা ঐখোয়না মতম চুপ্পদা অহানবা মীৎয়েং চংই।

ঐখোয়গী তুংগী মীরোলশিংদা থাজবা পোকহন্নবগীদমক মাস দেস্ত্রক্সনগী খুৎলাইশিংনা পীরিবা খুদোংথিবশিং হন্থহন্নবা অমসুং গ্লোবেল সেক্যুরিতী হেনগৎহন্নবগীদমক ঐখোয়না খ্বাইদগী শক্তি লৈবা লৈবাকশিংগী মরক্তা পুকচেল শেংনা ৱারী শানবা থৌগৎকনি।

ভারতকী জি২০ এজেন্দা অসি ইক্লুসিব, এম্বিসিয়স, এক্সন-ওরিয়েন্তেদ অমসুং দেসিসিব ওইগনি।

ঐখোয়না ভারতকী জি২০ প্রসিদেন্সী অসি হিলিং, হর্মনী অমসুং হোপকী প্রসিদেন্সী ওইহন্নবা পুন্না হোৎনমিন্নরসি।

ঐখোয়না হ্যুমেন সেন্ত্রিক গ্লোবেলাইজেসনদা অনৌবা অহোংবা অমা পুরক্নবা পুন্না হোৎনমিন্নরসি।

***