ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾದ  ಶ್ರೀಮತಿ ನಿರ್ಮಲಾ ಸೀತಾರಾಮನ್ ರವರು 2022 ರ ನವೆಂಬರ್ 21 ರಿಂದ 28 ರವರೆಗೆ   ವರ್ಚುವಲ್ ಮೂಲಕ ನಡೆದ ಬಜೆಟ್ 2023-24 ರ ಬಜೆಟ್ ಪೂರ್ವಭಾವಿ ಸಮಾಲೋಚನಾ ಸಭೆಗಳ ಅಧ್ಯಕ್ಷತೆ ವಹಿಸಿದ್ದರು.  ಇಂದು ಇಲ್ಲಿ ಬಜೆಟ್‌ನ ಪೂರ್ವಭಾವಿ ಸಭೆಗಳನ್ನು  ಮುಕ್ತಾಯಗೊಳಿಸಲಾಯಿತು. 

ಈ ಅವಧಿಯಲ್ಲಿ ನಿಗದಿಪಡಿಸಲಾದ 8 ಸಭೆಗಳಲ್ಲಿ 7 ಪಾಲುದಾರ ಗುಂಪುಗಳನ್ನು ಪ್ರತಿನಿಧಿಸುವ 110ಕ್ಕೂ ಹೆಚ್ಚು ಆಹ್ವಾನಿತರು ಭಾಗವಹಿಸಿದ್ದರು. ಪಾಲುದಾರ ಗುಂಪುಗಳಲ್ಲಿ ಕೃಷಿ ಮತ್ತು ಕೃಷಿ ಸಂಸ್ಕರಣಾ ಉದ್ಯಮದ ಪ್ರತಿನಿಧಿಗಳು ಮತ್ತು ತಜ್ಞರು; ಕೈಗಾರಿಕೆ, ಮೂಲಸೌಕರ್ಯ ಮತ್ತು ಹವಾಮಾನ ಬದಲಾವಣೆ; ಹಣಕಾಸು ವಲಯ ಮತ್ತು ಬಂಡವಾಳ ಮಾರುಕಟ್ಟೆಗಳು; ಸೇವೆಗಳು ಮತ್ತು ವ್ಯಾಪಾರ; ಸಾಮಾಜಿಕ ವಲಯ; ಕಾರ್ಮಿಕ ಸಂಘಗಳು ಮತ್ತು ಕಾರ್ಮಿಕ ಸಂಘಟನೆಗಳು ಮತ್ತು ಅರ್ಥಶಾಸ್ತ್ರಜ್ಞರು ಸೇರಿದ್ದಾರೆ.

.

ಕೇಂದ್ರ ಹಣಕಾಸು ಖಾತೆ ರಾಜ್ಯ ಸಚಿವರಾದ ಶ್ರೀ ಪಂಕಜ್ ಚೌಧರಿ ಮತ್ತು ಡಾ. ಭಗವತ್ ಕಿಶನ್ರಾವ್ ಕರಾಡ್, ಹಣಕಾಸು ಕಾರ್ಯದರ್ಶಿ ಶ್ರೀ ಟಿ.ವಿ.ಸೋಮನಾಥನ್; ಕಾರ್ಯದರ್ಶಿ, ಡಿಇಎ, ಶ್ರೀ ಅಜಯ್ ಸೇಠ್; ಮುಖ್ಯ ಆರ್ಥಿಕ ಸಲಹೆಗಾರ, ಡಾ. ವಿ. ಅನಂತ ನಾಗೇಶ್ವರನ್; ಕಾರ್ಯದರ್ಶಿ, ಡಿಐಪಿಎಎಂ, ಶ್ರೀ ತುಹಿನ್ ಕಾಂತ ಪಾಂಡೆ; ಕಾರ್ಯದರ್ಶಿ, ಹಣಕಾಸು ಸೇವೆಗಳು, ಶ್ರೀ ವಿವೇಕ್ ಜೋಶಿ; ಕಾರ್ಯದರ್ಶಿ, ಕಾರ್ಪೊರೇಟ್ ವ್ಯವಹಾರಗಳು, ಶ್ರೀ ಮನೋಜ್ ಗೋವಿಲ್; ಒಎಸ್ಡಿ, ಕಂದಾಯ, ಶ್ರೀ ಸಂಜಯ್ ಮಲ್ಹೋತ್ರಾ ಮತ್ತು ಹಣಕಾಸು ಸಚಿವಾಲಯದ ಹಿರಿಯ ಅಧಿಕಾರಿಗಳು ಸಭೆಗಳಲ್ಲಿ ಉಪಸ್ಥಿತರಿದ್ದರು. ಸಂಬಂಧಿಸಿದ ಇತರ ಸಚಿವಾಲಯಗಳು/ಇಲಾಖೆಗಳ ಕಾರ್ಯದರ್ಶಿಗಳು  ಆನ್ ಲೈನ್ ಮೂಲಕ ಭಾಗವಹಿಸಿದರು.

ಪಾಲುದಾರ ಗುಂಪುಗಳ ಪ್ರತಿನಿಧಿಗಳು ಮುಂಬರುವ ಬಜೆಟ್ಗೆ ಹಲವಾರು ಸಲಹೆಗಳನ್ನು ನೀಡಿದರು, ಇದರಲ್ಲಿ ಎಂಎಸ್ಎಂಇಗಳಿಗೆ ಸಹಾಯ ಮಾಡಲು ಹಸಿರು ಪ್ರಮಾಣೀಕರಣದ ಕಾರ್ಯವಿಧಾನ, ನಗರ ಪ್ರದೇಶಗಳಲ್ಲಿ ಉದ್ಯೋಗ ಸೃಷ್ಟಿಯನ್ನು ಹೆಚ್ಚಿಸಲು ನಗರ ಉದ್ಯೋಗ ಖಾತರಿ ಕಾರ್ಯಕ್ರಮ, ಆದಾಯ ತೆರಿಗೆಯ ತರ್ಕಬದ್ಧಗೊಳಿಸುವಿಕೆ, ನಾವೀನ್ಯ ಕ್ಲಸ್ಟರ್ಗಳ ರಚನೆ, ಸುಧಾರಣೆಗೆ ಯೋಜನೆಗಳು ಸೇರಿವೆ. ದೇಶೀಯ ಪೂರೈಕೆ ಸರಪಳಿಗಳು, ಎಲೆಕ್ಟ್ರಿಕ್ ವಾಹನಗಳ ಮೇಲಿನ ತೆರಿಗೆ ಕಡಿತ, ಇವಿ ನೀತಿಯ ಪರಿಚಯ, ಹಸಿರು ಜಲಜನಕದ  ಕೇಂದ್ರವಾಗಿ ಭಾರತವನ್ನು ಉತ್ತೇಜಿಸುವ ಕ್ರಮಗಳು, ಸಾಮಾಜಿಕ ಪ್ರಭಾವದ ಕಂಪನಿಗಳಿಗೆ ಸಾಮಾಜಿಕ ವಲಯದ ಉದ್ಯಮಶೀಲತಾ ನಿಧಿ, ಆರೈಕೆ ಕ್ಷೇತ್ರದ ಆರ್ಥಿಕ ಕಾರ್ಯಕರ್ತರ ತರಬೇತಿ ಮತ್ತು ಮಾನ್ಯತೆ, ಮಕ್ಕಳಿಗೆ ಸಂಬಂಧಿಸಿದ ವರ್ಗಾಯಿಸಬಹುದಾದ ಸಾಮಾಜಿಕ ಪ್ರಯೋಜನ, ನೀರು ಮತ್ತು ನೈರ್ಮಲ್ಯಕ್ಕಾಗಿ ರಾಷ್ಟ್ರೀಯ ನಿಯಂತ್ರಣ ಪ್ರಾಧಿಕಾರ, ಇಎಸ್ಐಸಿ ಅಡಿಯಲ್ಲಿ ಅಸಂಘಟಿತ ಕಾರ್ಮಿಕರ ಒಳಗೊಳ್ಳಿಸುವುದು, ಸಾರ್ವಜನಿಕ ಕ್ಯಾಪೆಕ್ಸ್ನ ಮುಂದುವರಿಕೆ, ಹಣಕಾಸಿನ ಬಲವರ್ಧನೆ ಮತ್ತು ಕಡಿಮೆ ಕಸ್ಟಮ್ಸ್ ಸುಂಕಗಳು ಇತ್ಯಾದಿ.

ಭಾಗವಹಿಸಿದವರಿಗೆ ತಮ್ಮ ಅಮೂಲ್ಯವಾದ ಸಲಹೆಗಳನ್ನು ಹಂಚಿಕೊಂಡಿದ್ದಕ್ಕಾಗಿ ಹಣಕಾಸು ಸಚಿವರು ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಬಜೆಟ್ 2023-24 ಅನ್ನು ಸಿದ್ಧಪಡಿಸುವಾಗ ಸಲಹೆಗಳನ್ನು ಎಚ್ಚರಿಕೆಯಿಂದ ಪರಿಗಣಿಸಲಾಗುವುದು ಎಂದು ಭರವಸೆ ನೀಡಿದರು.

*****