زراعت کی مرکزی وزارت حالیہ آب و ہواکے بحران اور تیز تکنیکی پیش رفت کے جواب میں پردھان منتری فصل بیمہ یوجنا (پی ایم ایف بی وائی)  نے کسان  موافق تبدیلیاں  لانے کے لئے تیارہے۔

زراعت اور کسانوں کی بہبود کے سکریٹری جناب منوج آہوجا نے کہا، چونکہ کاشتکاری اس طرح کے موسمی آفات سے براہ راست متاثر ہوتی ہے، اس لیے ملک کی کمزور کاشتکار برادری کو فطرت کے انتشار سے بچانا ضروری اور اہم ہے۔ نتیجے کے طور پر، فصل بیمہ کی مانگ میں اضافہ ہونے کا امکان ہے اور اس لیے ہمیں ہندوستان میں کسانوں کو بیمہ تحفظ فراہم کرنے کے لیے فصل اور دیگر دیہی/زرعی بیمہ مصنوعات پر زیادہ زور دینے کی ضرورت ہے۔

جناب آہوجا نے کہا کہ 2016 میں پردھان منتری فصل بیمہ یوجنا( پی ایم ایف بی وائی)کو متعارف کرائے جانے کے بعد، اس اسکیم نے فصلوں  کی بوائی سے قبل ناحق ہونے والے نقصانات  اور فصل  کٹائی کے بعد کی مدت تک  کے نقصانات کا جامع طو ر پر احاطہ کیا۔ جو   قومی زرعی بیمہ اسکیم (این اے آئی ایس ) اور ترمیم شدہ  قومی زرعی  بیمہ اسکیم  کی سابقہ اسکیموں میں شامل نہیں تھی۔ انہوں نے کہا، 2018 میں اس پر نظرثانی کے دوران  بہت سے نئی بنیادی خصوصیات بھی شامل کی گئیں، جیسے کسانوں کے لیے فصل کے نقصان کی اطلاع کی مدت کو 48 گھنٹے سے بڑھا کر 72 گھنٹے کرنا شامل ہے۔  اس بات کو ذہن میں رکھتے ہوئے کہ 72  گھنٹے کے بعد مقامی آفات کی صورت میں نقصان کے نشانات غائب ہو جاتے ہیں یا ضائع ہو جاتے ہیں۔ اسی طرح، 2020 میں اس کی اصلاح کے بعد، اسکیم میں رضاکارانہ اندراج اور جنگلی جانوروں کے حملے کے لیے ایڈ آن کور کو شامل کیا گیا، تاکہ اسکیم کو مزید کسان دوست بنایا جاسکے۔

جناب آہوجا نے کہا کہ راستے میں آنے والے کئی چیلنجوں سے نمٹتے ہوئے پی ایم ایف بی وائی فصل بیمہ کے موافقت میں سہولت فراہم کر رہا ہے اورانہوں نے  اس بات کی بھی  نشاندہی کی کہ از سر نو اسکیم میں کی گئی بڑی تبدیلیاں ریاستوں کو سکیم کے تحت خطرات  کا احاطہ کرنے کے لئے زیادہ لچک فراہم کر رہی ہیں اور اس اسکیم کو  تمام کسانوں کے لئے رضاکارانہ بنایا جارہا ہے تاکہ کسانوں کی طویل  عرصہ سے جاری مانگ کو پورا کیا جاسکے۔

انہوں نے یہ بھی واضح کیا کہ کچھ ریاستوں نے بنیادی طور پر مالی رکاوٹوں کی وجہ سے پریمیم سبسڈی کے اپنے ریاستی حصے کی ادائیگی میں ناکامی کی وجہ سے اس اسکیم کا انتخاب کیا ہے۔یہاں یہ بات  واضح رہے کہ ان کے مسائل کے حل کے بعد، آندھرا پردیش نے جولائی 2022 سے اس اسکیم میں دوبارہ شمولیت اختیار کی تھی۔ اس کے بعد اور امید کی جاتی ہے کہ دیگر ریاستیں بھی اپنے متعلقہ کسانوں کو جامع احاطہ  فراہم کرنے کے لیے اس اسکیم میں شامل ہونے پر غور کر رہی ہیں۔ یہ بات نوٹ کرنا مناسب ہے کہ زیادہ تر ریاستوں نے  پی ایم ایف بی وائی کی جگہ معاوضے کے ماڈلز کا انتخاب کیا ہے، جو کسانوں کو پی ایم ایف بی وائی کی طرح جامع رسک کوریج فراہم نہیں کرتے ہیں۔

جناب آہوجا نے کہا، تیز اختراعات کے دور میں، ڈیجیٹلائزیشن اور ٹیکنالوجی پی ایم ایف بی وائی کی درست زراعت کے ساتھ رسائی اور سرگرمیوں  کو بڑھانے میں اہم کردار ادا کر رہے ہیں۔ زرعی ٹیکنالوجی اور دیہی بیمہ کی یونین مالی شمولیت کا جادوئی فارمولا ہو سکتا ہے، جس سے اس اسکیم کے تئیں اعتماد پیدا ہوتا ہے۔ حال ہی میں متعارف کرائے گئے ویدر انفارمیشن اینڈ نیٹ ورک ڈیٹا سسٹم (ونڈز)، ٹیکنالوجی پر مبنی پیداوار کا تخمینہ لگانے والا نظام (یس -ٹیک)، حقیقی وقت کے مشاہدات کا مجموعہ اور فصلوں کی تصویریں ( سی آر او پی آئی سی) اس اسکیم کے تحت اٹھائے گئے ایسے  کچھ اہم اقدامات ہیں جو اسکیم کے تحت کئے گئےہیں تاکہ  مزید اثر پذیری اور شفافیت لائی جاسکے  اور مزید معلومات حاصل کی جاسکیں۔ حقیقت وقت میں کسانوں کی شکایتوں کو دور کرنے کے لئے  

چھتیس گڑھ میں ایک مربوط ہیلپ لائن سسٹم بیٹا ٹیسٹنگ کے تحت ہے۔

پریمیم میں مرکز اور ریاست کے تعاون کے بارے میں تفصیل سے بات کرتے ہوئے، جناب آہوجا نے واضح کیا کہ پچھلے 6 سالوں میں، کسانوں کی جانب سے 25,186 کروڑ روپے ادا کیے گئے ہیں جب کہ 1,25,662 کروڑ روپے کسانوں کو ان کے دعووں کے برعکس ادا کیے گئے ہیں۔مرکزی اور ریاستی حکومتیں اسکیم کے تحت زیادہ تر پریمیم برداشت کرتی ہیں۔ واضح رہے کہ گزشتہ 6 سالوں میں کسانوں کے درمیان اسکیم کی قبولیت میں اضافہ ہوا ہے، 2016 میں اسکیم کے آغاز کے بعد سے غیر قرض دار کسانوں، پسماندہ کسانوں اور چھوٹے کسانوں کے حصہ میں 282 فیصد اضافہ ہوا ہے۔

قابل ذکر ہے کہ 2022 میں مہاراشٹرا، ہریانہ اور پنجاب میں اوسط سے زیادہ بارشوں کی متعدد رپورٹیں سامنے  آئیں جبکہ مدھیہ پردیش، اتر پردیش، بہار اور جھارکھنڈ میں بارشوں کی کمی کی اطلاع ملی، جس سے دھان، دالوں اور تیل کے بیجوں جیسی فصلوں کو نقصان پہنچا۔ ، بجلی گرنے ، سمندری طوفان، خشک سالی، گرم  لہریں، چمک کے ساتھ طوفان،  سیلاب اور مٹی کے تودے  گرنے جیسی غیر یقینی صورتحال میں بھی اضافہ ہوا ہے جو کہ 2022 کے پہلے 9 مہینوں میں ہندوستان میں تقریباً ہر روز ہوتا ہے، جیسا کہ کئی سائنس اور ماحولیات کے روزناموں اور جرائد میں رپورٹ کیا گیا ہے۔

جناب  آہوجا نے  اس بات کی بھی نشاندہی کی کہ ورلڈ اکنامک فورم کی گلوبل رسک رپورٹ 2022 میں اگلے 10 سالوں کے دوران انتہائی موسمی خطرے کو دوسرے سب سے بڑے خطرے کے طور پر درجہ بندی کیا گیا ہے اور موسم  کے رجحانات میں اس طرح کی اچانک تبدیلیاں ہمارے ملک پر منفی اثر ڈالنے کی صلاحیت رکھتی ہیں، جہاں دنیا کی دوسری سب سے زیادہ آبادی کو کھانا کھلانے کی ذمہ داری ہے جو صرف زرعی برادری کے کندھوں پر ہے۔ اس لیے کسانوں کو ان کی مالی حالت کے تحفظ کے لیے ایک حفاظت سے بھرپور نظام فراہم کرنا اور ان کی کاشتکاری  کو جاری رکھنا نہایت ضروری ہے اور نہ صرف ملک بلکہ پوری دنیا کے لیے غذائی تحفظ کو یقینی بنانے کی ترغیب دینا بھی انتہائی ضروری ہے۔

پردھان منتری فصل بیمہ یوجنا  اس وقت کسانوں کے اندراج کے لحاظ سے دنیا کی سب سے بڑی فصل بیمہ اسکیم ہے، جس میں ہر سال اوسطاً 5.5 کروڑ درخواستیں آتی ہیں اور موصول ہونے والے پریمیم کے لحاظ سے تیسری سب سے بڑی اسکیم ہے۔ یہ اسکیم کسان پر کم سے کم مالی بوجھ کا وعدہ کرتی ہے، جس میں کسان ربیع اور خریف سیزن کے لیے بالترتیب صرف 1.5فی صد اور 2فی صد کل پریمیم ادا کرتے ہیں، جس کا زیادہ تر پریمیم مرکز اور ریاستی حکومتیں برداشت کرتی ہیں۔ اس کے نفاذ کے گزشتہ 6 سالوں میں، کسانوں نے 25,186/- کروڑ روپے کا پریمیم ادا کیا اور(31 اکتوبر 2022 تک)  1,25,662کروڑ روپے کے دعوے وصول کیے۔ کسانوں میں اسکیم کی قبولیت میں اضافے کا اندازہ اس حقیقت سے لگایا جاسکتا ہے کہ 2016 میں اسکیم کے آغاز سے لے کر اب تک غیر قرض دار، پسماندہ اور چھوٹے کسانوں کے حصہ میں 282 فیصد اضافہ ہوا ہے۔

2017، 2018 اور 2019 کے سخت ترین سیزن  کے دوران موسم کی شدت سے متاثر ہوئی، یہ اسکیم کسانوں کی روزی روٹی کو محفوظ بنانے کے لیے ایک فیصلہ کن عنصر ثابت ہوئی جس میں کئی ریاستوں میں دعووں کی ادائیگی کا تناسب جمع کیے گئے مجموعی پریمیم کے مقابلے میں اوسطاً 100فی صد سے زیادہ رہا۔ مثال کے طور پر، چھتیس گڑھ (2017)، اڈیشہ (2017)، تمل ناڈو (2018)، جھارکھنڈ (2019) نے مجموعی پریمیم کے مقابلے میں 384فیصد 222 فیصد 163 فیصد اور 159 فیصد دعووں کا تناسب وصول کیا۔

*****

 ش ح۔ ح ا. ۔ ج

UNO-12889