ইনফোর্মেসন অমসুং ব্রোদকাস্তিং মন্ত্রালয়
দি কাস্মির ফাইল্সনা কাস্মিরী পন্দীৎশিংগী অৱাবা তাখিবশিংবু দোকুমেন্ত তৌদুনা মখোয়গী অৱাবা কোক্নবগী থৌওং হৌদোক্লে: অনুপম খের
‘ফিল্ম অসিদা ঐনা শিন্থখিবা পিরাং অমদি অৱাবা মায়োক্নখিবা অশেংবনি’
‘তশেং-তশেংবা ফিল্মশিংনা অয়েংবশিংগা মরী শমজিল্লি’
Posted On:
23 NOV 2022 2:56PM by PIB Imphal
#IFFIWood, ২৩ নবেম্বর ২০২২
চহি ৩২গী মতুংদা, দি কাস্মির ফাইল্সনা ১৯৯০গী মতমদা কাস্মিরী পন্দীৎশিংদা থোকখিবা অৱাবা থৌদোকশিংগী মরমদা মালেম পুম্বদা লৈরিবা মীয়ামদা খঙহনবদা মতেং পাংখি হায়না মুভী অসিদা লীদ এক্তর ওইখিবা অনুপম খেরনা হায়খ্রে। মহাক ৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়াগা মরী লৈননা গোৱাগী পনাজীদা পাঙথোকখিবা আই.এফ.এফ.আই. তেবল তোল্ক্সতা শরুক য়াখিবনি।
“মসি অশেংবা থৌদোক্তা য়ুম্ফম ওইবা ফিল্মনি। মুভী অসিগীদমক্তা দাইরেক্তর বিবেক অগ্নিহোত্রিনা মালেম পুম্বদগী মীওই ৫০০ রোম ইন্তরভিউ তৌখি। হিংসাগী থৌদোক হেনগৎলকপা মতুং ১৯৯০গী জনুৱারী ১৯গী নুমিদাংদা কাস্মিরী পন্দীৎ লাখ ৫ ময়ুম অমদি কাস্মির তম্পাক্তা লৈরম্বা মখোয়গী পুন্সি থাদোক্তুনা লাঞ্জেন্নবা তাখি। কাস্মিরী হিন্দু অমা ওইনা, ঐনা অৱাবশিং থেংনদুনা লৈখি। অদুবু কনামত্তনা অৱাবা অদুবু খঙবিখিদে। অৱাবা থৌদোক অসিবু মালেম অসিনা লোৎশিন্নবা হোৎনখি। ফিল্ম অসিনা অৱাবা তাখিবশিং দোকুমেন্ত তৌদুনা অৱাবা কোক্নবগী থৌওং অমা হৌদোক্লে”, হায়না মহাক্না মখা তাখি।
মহাক্না থেংনখিবা অৱাবশিংদা পুন্সিগী অনৌবা মহাও অমা পুরক্নবগী থৌওংশিং নীশিংলদুনা, অনুপম খেরনা দি কাস্মির ফাইল্স অসি মহাক্কীদমক্তদি শুপ্নতগী ফিল্ম অমা নত্তে, মহাক্না উৎখিবা পুক্নিংগী ওইবা মশক্তুনি হায়খি। “ময়ুমদগী তান্থোকপিরক্লবা মীওইশিং ঐনা মহুৎ শিনখিবনা, ঐনা মসিবু খ্বাইদগী ফবা মওংদা ফোঙদোকপা হায়বসি ঐগী অচৌবা থৌদাং অমনি হায়না লৌই। অদোম্না ফিল্ম অসিদা উরিবা ঐগী পিরাং, ঐগী খুদোংথিবশিং অশেংবা ঙাক্তনি”, হায়না মহাক্না তাকখি।
অনুপম খেরনা মথা তারদুনা ফিল্ম অসিদা মহাক্কী এক্তর অমা ওইবগী হৈশিংবগী মহুত্তা মহাক্না মহাক্কী পুক্নিং ৱাখল লুপ্না অশেংবা থৌদোক্তুগী মরুমদা লৈরিবা অশেংবশিংবু ফোঙদোক্নবা হোৎনখি হায়খি। মহাক্না মুভী অসিগী মরুওইবা নুংগী ওইবা ৱাখল্লোন্দি কৈদৌঙৈদসু নিংহন্নগনু হায়বসিনি হায়খি। “অশা হায়বসি মচি অমদা অদুম্মক লৈবনি”, হায়না মহাক্না হায়খি।
কোবিদ লাইচৎ অমদি মদুনা ওইহল্লকখিবা লোকদাউন্না মীয়াম্না মুভী য়েংবগী মওং মতৌদা ইথিল পীখি। ৱাফম অসিবু মখা তানা ফোঙদোক্লদুনা, অনুপম খেরনা ও.তি.তি. প্লেতফোর্ম লাকপদগী মীয়াম্না মালেমগী সিনেমাশিং অমদি লোল কয়া য়াওবা ফিল্মশিং য়েংবগী হৈনবী অমা লাক্লে হায়খি। “অয়েংবশিংদা তশেংবা ফিল্মগী মহাও অমা পীরে। অশেংবা মচাকশিং য়াওবা ফিল্মশিং শোয়দনমক অয়েংবশিংগা মরী শেমগৎপা ঙমগনি। কাস্মির ফাইল্সকুম্বা ফিল্মশিংগী মায় পাকপা অসি মসিগী খুদম অমনি। ঈশৈ, ফাগী অমত্তা য়াওদ্রবসু, ফিল্ম অসি ফজরবা ফিল্ম অমা ওইরকখি। মসি তশেংনমক সিনেমাগী মায় পাকপনি”, হায়না মহাক্না মখা তাখি।
নৌনা হৌগৎলক্লিবা ফিল্মমেকরশিংদা পাউতাক অমা পীরদুনা, মখোয়না মখোয় মশাবু অকক্নবা লোল অমগী ফিল্ম ইন্দস্ত্রীদগীনি হায়বা ৱাখল্লোন অমসি থাদোক্কদবনি হায়না মহাক্না হায়খি। “মদুগী মহুত্তা, ফিল্ম মেকরশিংনা মখোয় মশাবু অকক্নবা লোল অমগী ফিল্ম পুথোক্লিবা ইন্দিয়ন ফিল্ম ইন্দস্ত্রীগী ফিল্ম মেকরশিংনা হায়না খনগদবনি। মসি পুন্সিদগী হেন্না পাক চাউবা ফিল্ম ইন্দস্ত্রীনি”, হায়না মহাক্না হায়খি।
আই.এফ.এফ.আই.দা মহাক্কী খোঙচৎ নীংশিংলদুনা, অনুপম্না মহাক্কী ফিল্ম সারান্সগকীদমক মহাক্না চহি ২৮ শুবা মতমদা ১৯৮৫৫দা অহানবা ওইনা আই.এফ.এফ.আই.দা শরুক য়াখি হায়না ফোঙদোকখি। “মুভী অদুদা ঐনা চহি ৬৫ শুরবা মীওই অমা শাখিবনা মতমদুদা আই.এফ.এফ.আই.দা কনামত্তনা ঐবু শক খঙখিদে। চহি ৩৭কী মতুংদা ফিল্ম ৫৩২গী মথক্তা থবক তৌরক্লবা মতুংদা ফিদম্নিংঙাই ওইরবা অমদি মালেমগী খ্বাইদগী ফবা ফেস্তিবেল অমা ওইরক্লবা আই.এফ.এফ.আই.গীদমক গোৱাদা লাকপা অসি ঐগীদমক্তদি অচৌবা তাঞ্জা অমনি”, হায়না মহাক্না পাউদমখি।
ৱারী ৱাতায় শাবা অদুদা, অনুপম খেরনা মপা মচা অমগী থবক ফংদবগী ৱারীদা য়ুম্ফম ওইবা ওরিয়া ফিল্ম প্রতিক্স্যা, মহাক্না মরুওইবা শক্লোন লৌদুনা হিন্দীদা পুথোক্কনি হায়নসু লাউথোকখি। ফেস্তিবেল মফমদা মিদিয়া অমদি দেলিগেৎশৎংগা কাস্ত অমসুং ফিল্মমেকরশিংগা ৱারী ৱাতায় শাবগী পি.আই.বি.না শিনখিবা থৌরমদুদা প্রতিক্স্যাগী দাইরেক্তর অনুপম পত্নাইকসু শরুক য়াখি। ৱারী ৱাতায় অদুদা শরুক য়াখিবা কাস্মির ফাইল্সকী প্রদ্যুসর অভিসেক অগর্ৱালনা মহাক্না ফিল্ম অসিবু খনখিবা নত্তে, ফিল্ম অসিনা মহাকপু খল্লকপনি হায়খি।
সিনোপসিস
কৃষ্ণ পন্দীৎ, ১৯৯০গী কাস্মিরী পন্দীৎশিং পাক্তক্ননা হাৎখিবা থেংনহৌবা, কাস্মিরদগী লাঞ্জেল্লকপা তাখিবা অমদি মপুন্সি চুপ্পা আর্তিকল ৩৭০বু মুত্থৎনবা লান্থেংনখিবা মহাক্কী মপুবোক পুস্করনাৎ পন্দীৎগা লোয়ননা লৈরিবা নহা ওইরিবা কাস্মিরী পন্দীৎ রিফ্যজী অমনি। কৃষ্ণনা মহাক্কী মমা মপা কাস্মিরদা থোকখিবা এক্সিদেন্ত অমদা লৈখিদবনি হায়না থাজদুনা লাকখি। জে.এন.য়ু.গী মহৈরোয় অমা ওইনা, মপুবোক্না লৈখিদ্রবা মতুংদা অচুম্বদু খঙলকপদগী, মহাক্কী মেন্তর প্রোফেসর রাধিকা মেননগী ইথিল মখাদা, মহাক্না পাক্তক্ননা চত্থখিবা মীহাৎ অদুবু য়ানিংদবা ফোঙদোকখি অমদি নীংতম্বা কাস্মিরগীদমক লান্থেংনখি।
* * *
(Release ID: 1878313)
Visitor Counter : 155