ସୂଚନା ଓ ପ୍ରସାରଣ ମନ୍ତ୍ରଣାଳୟ
azadi ka amrit mahotsav

ଫିଲ୍ମ ସୁଟିଂ , ସହ - ନିର୍ମାଣ, ଫିଲ୍ମ ନିର୍ମାଣ ପରବର୍ତ୍ତୀ କାର୍ଯ୍ୟ ଏବଂ ଚଳଚ୍ଚିତ୍ର ଉଦ୍ୟୋଗରେ ପ୍ରଯୁକ୍ତି ଭାଗୀଦରୀର କେନ୍ଦ୍ର ହେବ ଭାରତ : ଶ୍ରୀ ଅନୁରାଗ ସିଂହ ଠାକୁର


ଆଇଏଫ୍‌ଏଫ୍‌ଆଇର ୫୩ତମ ସଂସ୍କରଣର ଉଦ୍‌ଘାଟନ ଫିଲ୍ମ ‘ଅଲ୍‌ମା ଆଣ୍ଡ ଓସ୍କାର’ର ୱାର୍ଲ୍ଟ ପ୍ରିମିୟରରେ ଅଂଶ ଗ୍ରହଣ କଲେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂହ ଠାକୁର ଏବଂ ରାଷ୍ଟ୍ର ମନ୍ତ୍ରୀ ଡକ୍ଟର ଏଲ୍‌. ମୁରୁଗନ୍

Posted On: 20 NOV 2022 6:27PM by PIB Bhubaneshwar

“ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫ୍‌ଏଫ୍‌ଆଇ) ସାରା ବିଶ୍ୱର ଚଳଚ୍ଚିତ୍ର ନିର୍ଦ୍ଦେଶକ ମାନଙ୍କ ପ୍ରତିଭା ଓ କୃତି ପ୍ରଦର୍ଶନ ପାଇଁ ଏକ ମଞ୍ଚରେ ପରିଣତ ହୋଇଛି । ଭାରତ ନିଶ୍ଚିତ ଭାବେ ଚଳଚ୍ଚିତ୍ରର ସହ-ନିର୍ମାଣ, ନିର୍ମାଣ ପରବର୍ତ୍ତୀ କାର୍ଯ୍ୟ , ଚଳଚ୍ଚିତ୍ର ସୁଟିଂ ତଥା ଫିଲ୍ମ କ୍ଷେତ୍ରରେ ପ୍ରଯୁକ୍ତି ସହଭାଗୀ ମାନଙ୍କ ପାଇଁ ଏକ କେନ୍ଦ୍ରସ୍ଥଳୀରେ ପରିଣତ ହେବ ।’’ ଏହା କହିଛନ୍ତି କେନ୍ଦ୍ର ସୂଚନା ଓ ପ୍ରସାରଣ ତଥା ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଅନୁରାଗ ସିଂହ ଠାକୁର । ଆଜି ଗୋଆ ଠାରେ ଆଇଏଫ୍‌ଏଫ୍‌ଆଇ ୫୩ ତମ ସଂସ୍କରଣକୁ ଆରମ୍ଭ କରି ସେ ଏହା କହିଥିଲେ ।

ଆଇଆଇଏଫ୍‌ଆଇର ୫୩ତମ ସଂସ୍କରଣରେ ପ୍ରଦର୍ଶିତ ହେବାକୁ ଥିବା ପ୍ରଥମ ଫିଲ୍ମ ଅଷ୍ଟ୍ରୀୟ ନିର୍ଦ୍ଦେଶକ ଡାଏଟର୍ ବର୍ଣ୍ଣରଙ୍କ ଚଳଚ୍ଚିତ୍ର ଆଲ୍‌ମା ଏଣ୍ଡ ଓସ୍କାରର ୱାର୍ଲ୍ଡ ପ୍ରିମିୟର ସମ୍ପର୍କରେ ମନ୍ତ୍ରୀ ସୂଚନା ଦେଇ ଦେଇଥିଲେ । ସେ କହିଥିଲେ ଯେ ପ୍ରତି ବର୍ଷ ଏହି ଉତ୍ସବ ଦିନକୁ ଦିନ ବଡ ହେବାରେ ଲାଗିଛି । ଚଳିତ ବର୍ଷ ଏଠାରେ ଅନେକ ଫିଲ୍ମର ପ୍ରିମିୟର୍ ହେବାର ଅଛି । ଚଳିତ ବର୍ଷ ଆଇଏଫ୍‌ଏଫ୍‌ଆଇରେ  ୭୯ ରୁ ଅଧିକ ଦେଶ ଗୁଡିକର ୨୮୦ଟି ଚଳଚ୍ଚିତ୍ର ପ୍ରଦର୍ଶିତ ହେଉଛି ।

ଶ୍ରୀ ଅନୁରାଗ ସିଂହ ଠାକୁର କହିଥିଲେ ଯେ, ପ୍ରଥମ ଥର ପାଇଁ ଆଇଏଫ୍‌ଏଫ୍‌ଆଇର ଉଦଘାଟନୀ ସମାରୋହ ପୂର୍ବରୁ ଏକ ଉଦ୍‌ଘାଟନୀ ଚଳଚ୍ଚିତ୍ର ପ୍ରଦର୍ଶିତ ହେଉଛି । ପ୍ରତି ବର୍ଷ ଆମେ କିଛି ଅଲଗା କରିବାକୁ ଚେଷ୍ଟା କରୁଛୁ । ‘ଭବିଷ୍ୟତର ୭୫ ଯୁବ ସୃଜନଶୀଳ ନିର୍ମାତା’ଙ୍କୁ ଚୟନ କରିବା ଭଳି ପଦକ୍ଷେପ ଠାରୁ ଆରମ୍ଭ କରି ବିଶ୍ୱ ପ୍ରିମିୟର୍ ପର୍ଯ୍ୟନ୍ତ ଏଥିରେ ସାମିଲ୍ କରାଯାଇଛି । ଅନ୍ତର୍ଜାତୀୟ ଚଳଚ୍ଚିତ୍ର ପେସାଦାର ମହୋତ୍ସବରେ ଅଧିକ ସଂଖ୍ୟାରେ ଅଂଶ ଗ୍ରହଣ କରିବେ ବୋଲି ମନ୍ତ୍ରୀ ଆଶାବ୍ୟକ୍ତ କରି କହିଥିଲେ ।

ଆଜି ଗୋଆର ପଣଜୀ ଠାରେ ଆରମ୍ଭ ହୋଇଥିବା ଆଇଏଫଏଫଆଇରେ ଆଇନକ୍ସ ଜରିଆରେ ପ୍ରଥମ ଚଳଚ୍ଚିତ୍ର ଆଲ୍‌ମା ଏଣ୍ଡ ଓସ୍କାରର ଭବ୍ୟ ପ୍ରଦର୍ଶନ ହୋଇଥିଲା । ଏଥିରେ  ସୂଚନା ଓ ପ୍ରସାରଣ ଏବଂ ମତ୍ସ୍ୟ ସମ୍ପଦ, ପଶୁପାଳନ ଏବଂ ଡାଏରୀ ରାଷ୍ଟ୍ର ମନ୍ତ୍ରୀ ଡକ୍ଟର ଏଲ୍ ମୁରୁଗନ୍‌, ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ସଚିବ ଅପୂର୍ବ ଚନ୍ଦ୍ର, ଆଲ୍‌ମା ଏଣ୍ଡ ଓସ୍କାର ଚଳଚ୍ଚିତ୍ରର କଳାକାର ମାନଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

ଆଇଏଫ୍‌ଏଫ୍‌ଆଇ ଦ୍ୱାରା ଗୋଆର ଚାରିଆଡେ ସୃଷ୍ଟି ହୋଇଥିବା ମନୋରମ ତଥା ଉତ୍ସବର ପରିବେଶ ସମ୍ପର୍କରେ ଡଃ ଏଲ୍  ମୁରୁଗନ୍ କହିଥିଲେ ଯେ, ଆଇଏଫ୍‌ଏଫ୍‌ଆଇ ସମଗ୍ର ବିଶ୍ୱକୁ  ସଂଯୋଗ କରୁଛି । ଏହି ମହୋତ୍ସବରେ ସାରା ବିଶ୍ୱରୁ ଚଳଚ୍ଚିତ୍ର ପ୍ରତିନିଧିମାନେ ଅଂଶଗ୍ରହଣ କରୁଛନ୍ତି । ଆଇଏଫ୍‌ଏଫ୍‌ଆଇ ଆମ ଭାରତୀୟ ସଂସ୍କୃତିକୁ ସାରା ବିଶ୍ୱରେ ବ୍ୟାପକ କରୁଛି ବୋଲି ସେ କହିଥିଲେ ।

ନିର୍ଦ୍ଦେଶକ ଡାଏଟର ବର୍ଣ୍ଣର୍ ଉାବାବେଗରେ ପରିପୂର୍ଣ୍ଣ ପ୍ରେମ କାହାଣୀ ‘ଆଲ୍‌ମା ଏଣ୍ଡ ଓସ୍କାର’ ବିଷୟରେ ସୂଚନା ଦେଇ ଦର୍ଶାଇ ଥିଲେ ଯେ ଏହି ଚଳଚ୍ଚିତ୍ରଟି ଜଣେ ବିଖ୍ୟାତ ଭିଏନା ମହିଳା ଆଲ୍‌ମା ମହଲରଙ୍କ ବିଷୟରେ, ଯିଏ ସୁନ୍ଦର ତଥା ସାହସୀ ଥିଲେ ଏବଂ ସାମାଜିକ ପ୍ରଥାକୁ ଚ୍ୟାଲେଞ୍ଜ କରିଥିଲେ । ଓସ୍କାର କୋକୋସ୍କା ନାମକ ଜଣେ  ନାଟ୍ୟକାର ତଥା ଚିତ୍ରକରଙ୍କୁ ସେ ପ୍ରେମ କରୁଥିଲେ । ଯାହା ଉଭୟଙ୍କୁ ଆତ୍ମ - ବିନାଶର ସୀମାକୁ ଆଣିଥିଲା ଏବଂ କଳା ଇତିହାସରେ ଏକ ଛାପ ଛାଡି ଯାଇଥିଲା ।

ଆଇଏଫ୍‌ଏଫ୍‌ଆଇ ୫୩ ତମ ସଂସ୍କରଣର ଉଦ୍‌ଘାଟନୀ ଫିଲ୍ମ ନିମନ୍ତେ ରେଡ୍ କାର୍ପେଟ୍‌ର ଝଲକ ।

 

ରେଡ୍ କାର୍ପେଟ୍‌ରେ ଆଇଏଫ୍‌ଏଫ୍‌ଆଇ ୫୩ ତମ ସଂସ୍କରଣର ଉଦ୍‌ଘାଟନୀ ଫିଲ୍ମ ‘ଆଲ୍‌ମା ଆଣ୍ଡ ଓସ୍କାର’ର ପ୍ରଦର୍ଶନ ନିମନ୍ତେ କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଏବଂ କେନ୍ଦ୍ର ରାଷ୍ଟ୍ର ମନ୍ତ୍ରୀ ଡକ୍ଟର ଏଲ୍ ମୁରୁଗନ ପହଞ୍ଚିଛନ୍ତି ।

 

 

‘ଆଲ୍‌ମା ଆଣ୍ଡ ଓସ୍କାର’ର ନିର୍ମାତା ଏବଂ କଳାକାରଙ୍କ ସହିତ କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଏବଂ କେନ୍ଦ୍ର ରାଷ୍ଟ୍ର ମନ୍ତ୍ରୀ ଡକ୍ଟର ଏଲ୍ ମୁରୁଗନ୍ ।

 

କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଅଷ୍ଟ୍ରିଆ ଫିଲ୍ମ ‘ଆଲ୍‌ମା ଆଣ୍ଡ ଓସ୍କାର’ର ନିର୍ଦ୍ଦେଶକ ଡାଏଟର୍ ବର୍ଣ୍ଣରଙ୍କୁ ସମ୍ମାନିତ କରଛନ୍ତି ।

ଆଇଏଫ୍‌ଏଫ୍‌ଆଇ ୫୩ ତମ ସଂସ୍କରଣରେ ଫିଲ୍ମ ‘ଆଲ୍‌ମା ଆଣ୍ଡ ଓସ୍କାର’ର ସ୍କ୍ରିନିଂ ଏବଂ ୱାର୍ଲ୍ଡ ପ୍ରିମିୟରରେ ମାନ୍ୟଗଣ୍ୟ ବ୍ୟକ୍ତି ଏବଂ ଫିଲ୍ମର ସଦସ୍ୟ ମାନେ ।

* * *

SSP/PS

 



(Release ID: 1877575) Visitor Counter : 63