হ্যুমেন রিসোর্স চাউখৎ-থৌরাংগী মন্ত্রালয়

প্রধান মন্ত্রী, শ্রী নরেন্দ্র মোদীনা ভরানসীদা থা অমা চুপ্না চত্থগদবা ‘কাশি তমিল সঙ্গমম’ নবেম্বর ১৯দা হৌদোক্কনি


প্রধান মন্ত্রীগী কাশি খোঙচৎকা মাংওইননা শ্রী ধর্মেন্দ্র প্রধান্না থৌরম অসিগীদমক্তা শীন-লাঙবগী থৌওংশিং য়েংশিনখ্রে

Posted On: 18 NOV 2022 4:35PM by PIB Imphal

প্রধান মন্ত্রী, শ্রী নরেন্দ্র মোদীনা উত্তর প্রদেশকী ভরানসীদা থা অমা চুপ্না চত্থগদবা ‘কাশি তমিল সঙ্গমম’ হায়না মিংথোনবা থৌরম্বু নবেম্বর ১৯দা হৌদোক্কনি। ‘কাশি তমিল সঙ্গমম’ অসি লৈবাক্কী লৌশিং অমসুং মহৈ তম্বগী খ্বাইদগী মরু ওইবা অমসুং অরিবা মফম অনি – তমিল নাদু অমসুং কাশিগী মরক্তা চহি কয়াদগী লৈরক্লিবা মরীবু নৌহৌননা তাকপা অমসুং নুংঙাইবা ফোংদোকপগী পান্দমগা লোয়ননা নবেম্বর ১৭তগী দিসেম্বর ১৬, ২০২২ ফাওবদা ভরানসী (কাশি)দা পাংথোক্কদবনি।

https://static.pib.gov.in/WriteReadData/userfiles/image/image001ERMW.jpg

এজুকেসন অমসুং স্কিল দিভেলপমেন্ত, অমসুং ওন্তোপ্রিনর্শিপকী কেন্দ্র মন্ত্রী, শ্রী ধর্মেন্দ্র প্রধান্না প্রধান মন্ত্রীগী কাশি খোঙচৎকা মাংওইননা ভরানসীদা পাংথোক্কদৌরিবা থৌরমসিগী শীন-লাঙবগী থবক-থৌরমশিং নীংথিনা য়েংশিল্লি। কাশি তমিল সঙ্গমম্বু মায় পাক্না পাংথোক্নবগীদমক্তা মহাক্না ভারত সরকারগী রেলৱে মন্ত্রী, তমিল নাদুগী রাজ্যপাল, য়ু.পি. সরকারগী ওফিসিএল অমসুং মরু ওইবা অতোপ্পা স্তেকহোলদরশিংগসু মমাংদা মীফম কয়া ফমখ্রবনি।

কাশি তমিল সঙ্গমম অসি ভারত সরকারগী এজুকেসন মন্ত্রালয়না কলচর, তেক্সতাইল, রেলৱেজ, তুরিজম, ফুদ প্রোসেসিং, আই. অমসুং বি.নচিংবা অতোপা মন্ত্রালয়শিং অমসুং য়ু.পি. সরকারগা খুৎশম্নদুনা শীনবনি। থৌরম অসিনা লমদম অনিসিগী স্কোলর, আর্তিস্ত অমসুং পুন্সিগী হীরম কয়াগী মীওইশিংবু অমত্তা ওইনা পুনবগী খুদোংচাবা পীদুনা মখোয়গী লৌশিং, নাৎ অমসুং খ্বাইদগী ফবা থৌওংশিং লান্নদুনা অমনা অমদগী এক্সপেরিএন্স কয়া ফংহনবগী পান্দম থম্লি। হায়রিবা থৌরম অসি এন.ই.পি. ২০২০না ভারতকী লৌশিং পথাপকী কান্নরবা মতৌশিংবু হৌজিক মতমগী লৌশিং পথাপকা পুন্সিনবা হায়বা পান্দম অসিগী মখা পোন্না পাংথোকপনি। আই.আই.তি. মদ্রাস অমসুং বি.ঐচ.য়ু.না থৌরম অসিগী ইমপ্লিমেতিং এজেন্সী অনিনি।

মহৈরোই, ওজা, লিতরেচর, কলচর, আর্তিসান, স্পিরিচুএল, হেরিতেজ, কারবার, ওন্তোপ্রিনর, প্রোফেস্নেলনচিংবা কাঙলুপ ১২গী তমিল নাদুগী দেলিগেত ২৫০০ হেনবনা নুমিৎ ৮নিগী খোঙচৎকীদমক্তা কাশিদা চৎকনি। কাঙলুপ ১২ অসিগীদমক্তা অখন্ননা শীনবা সেমিনার, লেক দেম, সাইত ভিজিতনচিংবা কয়াদা মখোয়না শরুক য়াগনি অমসুং শিনফম অমসুং অপাম্বা মান্নবা লোকেলগী মীওইশিংসু মখোয়না উন্নগনি। দেলিগেতশিংনা ভরানসীগী অকোয়বদা লৈবা মীয়াম্না চৎনীংবা মফমশিংদা চৎকনি, মসিদা প্রয়াগরাজ অমসুং অয়োধ্যাসু মনুং চনগনি। বি.ঐচ.য়ু. অমসুং অতোপ্পা হাইয়র এজুকেস্নেল ইন্সতিত্যুসনশিংগী মহৈরোইশিংসু একাদমিক থৌরমসিদা শরুক য়াগনি। লমদম অনিসিগী তোঙানবা সেক্তরগী মনুং চন্দুনা চাংদম্ননীংঙাই ওইবা থবক-থৌরম কয়া মখোয়না য়েংগনি, তমগনি অমসুং লৌশিংশিং অদুবু মখোয়না ইশিনগনি। মহৈরোই ২০০না শাবা দেলিগেতকী অহানবা কাঙবুনা নবেম্বর ১৭তগী চৈন্নৈদগী খোঙচৎ হৌখ্রে, মখোয়গী ত্রেনবু তমিল নাদুগী রাজ্যপাল, শ্রী আর.এন. রবীনা চেন্নৈ রেলৱে স্তেসন্দগী লম্থাখি।

মসিগী মথক্তা, লমদম অনিসিগী হেন্দলুম, হেন্দিক্রাফ, ও.দি.ও.পি. পোত্থোক, লাইরিক, দোক্যুমেন্তরী, কুইজিন, আর্তকী মখল, পুৱারী, লমকোয়ফম্নচিংবগী থা অমা চুপ্না চত্থগদবা একজিবিসন অমসু লোকেল মীয়ামদা কান্নবা পীনবগীদমক্তা ভরানসীদা পাংথোক্কনি।

থৌরম হৌদোকপগী মনুংদা, প্রধান মন্ত্রীনা তমিল নাদুদগী লাকপা দেলিগেতশিংগা উন্নগনি। থৌরম হৌদোকপসিদা শ্রী ইলায়ারাজানা ঈশৈ শকপগুম্বা তোঙানবা কলচরেল পর্ফোরমেন্স অমসুং লাইরিক ফোঙবগী থৌরমসু মনুং চনগনি।

****



(Release ID: 1877076) Visitor Counter : 104