প্রধান মন্ত্রী, শ্রী নরেন্দ্র মোদীনা তমিল নাদুগী দিন্দিগুলদা লৈবা গান্ধীগ্রাম রুরেল ইন্সতিত্যুতকী ৩৬শুবা কনভোকেসন থৌরমদা ঙসি শরুক য়াখ্রে। ইং ২০১৮-১৯ অমসুং ২০১৯-২০গী বেৎচকী মহৈরোই ২৩০০ হেনবনা ঙসিগী কনভোকেসন থৌরমদা মশাগী দিগ্রী ফংনখি। দিগ্রী পীরবা তুংদা, প্রধান মন্ত্রীনা মকোক থোংবা মহৈরোইশিংদা গোল্দ মেদল অমসুং মতি চাবা কেন্দিদেতশিংদা হোনরিস কোসা পীখি।

ঙসি তিনখিবা মীয়ামদা প্রধান মন্ত্রীনা গান্ধীগ্রামদা লাকপসি য়াম্না ইথিল ফংনীংঙাই ওইবা থৌওং অমা ওই অমসুং ইন্সতিত্যুসন অসিমক মহাত্মা গান্ধীনা শঙ্গারম্বনি হায়খি। মহাত্মা গান্ধীগী ৱাখল্লোন অমসুং খুঙ্গং চাউখৎপগী ৱাখল্লোনশিংগী ইথিল ইন্সতিত্যুসন অসিদা মমি তাবসি মীওই খুদিংনা উবা ফংগনি হায়না মহাক্না হায়খি। উংখৎনবা লোইশিনবা নত্ত্রগা অইং অশাগী ইরাং মাইয়োক্নবা ওইরো, মহাত্মা গান্ধীগী ৱাখল্লোন্না ঙসিগী মতমগা হেন্না চুননা উরে অমসুং ঙসিগী মালেম্না থেংনরিবা শিংনবা কয়াগী ৱারোইশিন মহাক্কী ৱাখল্লোন্দা য়াওরি হায়না মহাক্না মখা তাখি।

গান্ধীগী পুন্সি মহিংগী মহৈরোইশিংদা খুন্নাইদা অচৌবা শাফু পীবগী খুদোংচাবা লৈ অমসুং মহাত্মা গান্ধীবু ইকায় খুম্নবগী খ্বাইদগী চুনবা থৌওংদি মহাক্কী ৱাখল্লোনবু থম্মোইনুংদা লৌশিনবনি হায়না প্রধান মন্ত্রীনা হায়খি। মতম কয়াদগী মিৎয়েং চঙলুদ্রবা খাদি ফিবু অমুক হন্না হিংগৎহল্লিবা “খাদি ফোর নেসন, খাদি ফোর ফেশন”গী খুদম প্রধান মন্ত্রীনা থমখি। মমাংগী চহি ৮দা, খাদি সেক্তরদা ৩০০% হেনবগী চাংদা হেনগৎখি মহাক্না মখা তানা পাউদমখি। “খাদি অমসুং ভিলেজ ইন্দস্ত্রী কম্মিসন্না মমাংগী চহিদা লুপা করোর লাখ ১গী তর্নওভর লৈখি”। মহাক্না মখা তাখি, “খাদিগী ইকো ফ্রেনলী ওইবগী মগুনশিংনা মরম ওইরগা মালেমগী ফেশন ব্রান্দশিংনা খাদিদা মায় ওন্সিন্নরক্লি। মসিদি পোত্থোক য়াম্না পুথোকপগী ইহৌ নত্তে, মসিদি মীয়াম পুন্না পোত্থোক পুথোকপগী ইহৌনি”। মহাত্মা গান্ধীনা খাদিবু খুঙ্গং অমগী মরোমদোম লেপচবা ঙম্বগী পাম্বৈ ওইনা উরম্বগী মতাংদা পল্লদুনা, প্রধান মন্ত্রীনা ঐখোয়না আত্মানির্ভর ওইনবা হোৎনরিবা অসিদা ঙসিগী সরকারবু মহাত্মা গান্ধীনা ইথিল পীরি হায়খি। “তমিল নাদুনা স্বদেশী ইহৌগী মরু ওইবা মফম ওইরম্মি। মসিনা আত্মানির্ভর ভারত্তা মরু ওইবা থৌদাং মুক হন্না য়ারক্কনি”, হায়না প্রধান মন্ত্রীনা মখা তাখি।

খুঙ্গং চাউখৎহনবগী মতাংদা মহাত্মা গান্ধীনা থম্বীরম্বা মিৎয়েংবু ঐখোয়না নীংথিনা খঙফম থোকই হায়না প্রধান মন্ত্রীনা হায়রদুনা খুঙ্গংগী পুন্সিগী ভেল্যু ঙাক-শেন্দুনা খুঙ্গংশিংবু চাউখৎহনবা পাম্মি হায়না মখা তাখি। খুঙ্গং চাউখৎহন্নবা সরকারনা পায়খৎলিবা খোঙথাং খুদিংনা মহাত্মা গান্ধীগী ৱাখল্লোন্দগী ইথিল লৌই হায়না শ্রী মোদীনা ফোংদোকখি। খেন্নবা মিৎয়েং য়েংবগী থৌওং লৈত্রবা মতমদখক্তা খুঙ্গং অমসুং শহরগী মফমশিংদা খেন্নবা লৈবগী মতৌ য়াবা ঙমগনি হায়না মহাক্না অখন্ননা ফোংদোকখি। সেনিতেসন পাক শন্না পাংথোক্লিবা, য়ুম করোর ৬ হেনবদা তোতি ঈশিং ফংহল্লিবা, য়ুম করোর ২.৫দা মৈ ফংহল্লিবা, শোরোক্কী খুত্থাংদা খুঙ্গংগী কন্নেক্তিবিতী হেন্না ফগৎহল্লিবা খোঙথাং কয়াগী খুদম পীরদুনা, সরকারনা চাউখৎ-থৌরাংবু মীয়ামগী য়ুম্থোং খুদিংদা য়ৌহল্লে অমসুং খুঙ্গং অমসুং শহর মচাগী মরক্তা লৈরম্বা মান্নদবা য়েংবগী মিৎয়েংবুসু হৌজিক শেমদোক্লি হায়না মহাক্না মখা তাখি।

সেনিতেসনগী ৱাফম্বু মহাত্মা গান্ধীনা য়াম্না লুনা খঞ্জরম্মি হায়রদুনা, প্রধান মন্ত্রীনা স্বচ্ছ ভারতকী খুদম পীখি। তঙাই ফদবা খুদোংচাবা ফংহনবখক্তদা সরকারনা লেপ্তে, খুঙ্গংশিংদা মোদর্ন সাইন্স অমসুং তেক্নোলোজীগী কান্নবা কয়াবুসু য়ৌহল্লি হায়না মহাক্না মখা তাখি। লৈবাক্কী গ্রাম পঞ্চায়ত চাউরাক্না লাখ ২ শম্নহন্নবগীদমক্তা কিলোমীতর লাখ ২গী ওপ্তিক ফাইবর কেবল তিংখ্রবনি হায়না প্রধান মন্ত্রীনা পাউদমখি।

খুঙ্গং চাউখৎহনবগী থৌওংদা সস্তেনেবিলিতী লৈহনবগী তঙাই ফদবদা মিৎয়েং চঙলদুনা, প্রধান মন্ত্রীনা নহাশিংনা মসিগুম্বা মফমশিংদা লুচিংবগী থৌদাং লৌফম থোকই হায়খি। “খুঙ্গংগী মফমশিংগী তুংগী মতমগীদমক্তা সস্তেনেবল এগ্রিকলচরগী য়াম্না মরু ওইবা থৌদাং লৈ”, মহাক্না হায়খি অমসুং নেচরেল ফার্মিংদা থৱাই য়াওনরক্লিবা অসিদা মীয়ামগী পুক্নিং চিংশিনখি। “ঐখোয়গী ওর্গানিক ফার্মিং স্কিম্না মশক থোকপা থবক পাংথোক্লি, মরু ওইনা অৱাং নোংপোক রাজ্যশিংদা”, শ্রী মোদীনা হায়খি। মমাং চহিগী বজেত্তা সরকারনা নেচরেল ফার্মিংগা মরী লৈনবা থৌরাং-থৌশিল অমা পুথোকখ্রে হায়না মহাক্না পাউদমখি। মোনো কলচরদগী লৌউ-শিংউবু কন্নবা অমসুং হৱাই-চেংৱাই, মিল্লেত অমসুং অতোপ্পা মহৈ মরোংশিংগী লমদমসিগী পোত্থোক মখল কন্নবা ঐখোয়না মিৎয়েং চঙফম থোক্লিবসিদা মহাক্না মরু ওইবা পীখি।

অচার্য় বিনোবা ভাবেনা তাক্লম্বশিং নিংশিংলদুনা, প্রধান মন্ত্রীনা খুঙ্গংগী থাক্কী বোদীগী মীখল তৌবনা মীওইশিংবু খাইদোক্নবগী থৌওং চেল্লি হায়রদুনা গুজরাত্তা হৌখিবা সমরাস গ্রাম য়োজনাগী খুদম পীখি। মীয়ামগী অপাম্বগী মখা পোন্না লুচিংবা খনবা খুঙ্গংশিংদা অখন্নবা ইন্সেন্তিব খরা পীখি, অমসুং মসিদগী খুন্নাইগী ৱাথোক খরা হন্থহনবা ঙমখি হায়না মহাক্না পাউদমখি।

গান্ধীজীগী শক্তম অমুক্লক য়েংবা ফংজনবা খুঙ্গংগী মীওই লিশিং কয়ানা ত্রেন তোংদুনা লাক্নখিবগী থৌওং নিংশিংলদুনা, প্রধান মন্ত্রীনা গান্ধীনা অমত্তা ওইবা অমসুং নিংতম্বা ভারতকী মঙলান মঙখি অমসুং গান্ধীগ্রাম অসিমক্না ভারতকী অপুনবগী ৱারিনি হায়খি। “তমিল নাদুনা মতম পুম্বদা নেস্নেল কন্সিয়সনেসকী হৌরকফম ওইদুনা লাক্লি”, মহাক্না হায়খি অমসুং স্বামি বিবেকানন্দনা নোংচুপ লৈবাক্তগী হল্লকপা মতমদা লুচিংবা অমগুম্না তরাম্না ওকখিবগী মতৌ নিংশিংখি। লৈখিদ্রবা জেনেরেল বিপিন রাৱতকী মিং পল্লদুনা, প্রধান মন্ত্রীনা ‘বীন বনক্কম’গী খোল্লাও লাওনবগী খোঞ্জেল তাখিববু অমুক হন্না নিংশিংখি।

কাশীদা য়াম্না অথুবা মতমদা পাংথোক্কদৌরিবা কাশী তমিল সঙ্গমমগী মতাংদা প্রধান মন্ত্রীনা মীয়ামগী পুক্নিং চিংশিল্লদুনা, মসিনা কাশী অমসুং তমিল নাদুগী মরীগী নুংঙাইবা ফোংদোক্কনি হায়খি। “কাশী তমিল সঙ্গাম অসিদি এক ভারত শ্রেস্থ ভারতকী হৌজিক পাংথোক্লিবা থবক্নি। অমনা অমবু ইকায় খুম্নবনা ঐখোয়গী অপুনবগী য়ুম্ফমনি”, মহাক্না মখা তাখি।

রানি বেলু নচিয়রনা কত্থোকখিবা কয়া নিংশিংলদুনা, প্রধান মন্ত্রীনা মহাক্না ব্রিতিশকা লান্থেংননবা শেম-শারিঙৈ মতমদা মহাক্না মফমসিদা লৈরম্মি হায়খি। “নারি শক্তিগী পাঙ্গল উবা ফংখিবা মফমদুদা ঙসি ঐনা লৈরি। মফমসিদা গ্রেজুএত লোইশিল্লিবা নুপীশিংবু ঐহাক্না অহোংবা পুরকপী ঙমগদবগী খ্বাইদগী অথোইবা মীওইনি হায়না উই। অদোম্না খুঙ্গংগী নুপীশিংবু মায় পাকহনগনি। মখোয়গী মায় পাকপগী ৱারীনা লৈবাক্কী মায় পাকপা ওইগনি”, মহাক্না হায়খি।

তিকা থাবগী মালেমগী খ্বাইদগী চাউবা খোঙজং, লাইরবশিংগী ফুদ সেক্যুরিতী নত্ত্রগা মালেমগী গ্রোথ ইঞ্জিন ওইবা ওইরো, মালেম্না চহি-চা অমগী খ্বাইদগী চাউবা ইরাং থেংনরিঙৈ মতমদা ভারতনা খ্বাইদগী খুদোংচাবা মফমদা লৈখিবনি হায়না প্রধান মন্ত্রীনা ফোংদোকখি। “ভারতনা অথোইবা থবক কয়া পাংথোক্কনি হায়না মালেম্না থাজবা থম্লি। ‘ঐখোয়না ঙমগনি’ খনবা অনৌবা চারোন শুরোনগী মখুত্তা লৈবাক্কী তুংগী মতম লৈরে”। প্রধান মন্ত্রীনা মখা তাখি, “ঐখোয়গী নহাশিংনা শিংনবা কয়া লৌশিনবতা নত্তনা মখোয়গা মাইয়োক্নবদা নুংঙাইবা ফাওই, মখোয়না কিবা নাইদবগা লোয়ননা চোকথবসু নাইদে, মখোয়না করিগুম্বা অমা পাম্বতা নত্তনা মদুবুসু ফংই”। প্রধান মন্ত্রীনা মহাক্কী ৱারোইশিন ওইনা অসুম্না হায়খি, “ঙসি গ্রেজুএত লোইরিবা নহাশিংদা ঐহাক্না থমজবা পাউজেলদি – অদোম্না অনৌবা ভারত শেমগদৌরিবনি। লৈবাক্কী অমৃত কাল অসিগী মথংগী চহি ২৫দা ভারতপু লুচিংবগী থৌদাংদি অদোমগীনি”।

তমিল নাদুগী মুখ্য মন্ত্রী, শ্রী এম.কে. স্তালিন, রাজ্যপাল, শ্রী আর.এন. রবি, কেন্দ্রগী রাজ্য মন্ত্রী, দাঃ এল. মুরুগন, চান্সেল্লর, দাঃ কে.এম. অন্নামলাই অমসুং ভাইস চান্সেল্লর, প্রোফঃ গুর্মীত সিংহসু ঙসিগী থৌরমদা শরুক য়াখি।

Addressing 36th Convocation of Gandhigram Rural Institute in Tamil Nadu. Best wishes to the graduating bright minds. https://t.co/TnzFtd24ru

— Narendra Modi (@narendramodi) November 11, 2022

PM @narendramodi terms visiting Gandhigram as an inspirational experience. pic.twitter.com/rgHnofziJU

— PMO India (@PMOIndia) November 11, 2022

Mahatma Gandhi’s ideas have the answers to many of today’s challenges: PM @narendramodi pic.twitter.com/HbPhaBAdDU

— PMO India (@PMOIndia) November 11, 2022

Khadi for Nation, Khadi for Fashion. pic.twitter.com/ho4sl5Mq5y

— PMO India (@PMOIndia) November 11, 2022

Inspired by Mahatma Gandhi, we are working towards Aatmanirbhar Bharat. pic.twitter.com/cL63ToEtIa

— PMO India (@PMOIndia) November 11, 2022

Mahatma Gandhi wanted villages to progress. At the same time, he wanted the values of rural life to be conserved. pic.twitter.com/9EqAzUW75r

— PMO India (@PMOIndia) November 11, 2022

For a long time, inequality between urban and rural areas remained. But today, the nation is correcting this. pic.twitter.com/eZILsM8DcM

— PMO India (@PMOIndia) November 11, 2022

Sustainable agriculture is crucial for the future of rural areas. pic.twitter.com/pfofpP1fcI

— PMO India (@PMOIndia) November 11, 2022

Tamil Nadu has always been the home of national consciousness. pic.twitter.com/Awrzp3jQvt

— PMO India (@PMOIndia) November 11, 2022

India’s future is in the hands of a ‘Can Do’ generation of youth. pic.twitter.com/k7SVRTsUhB

— PMO India (@PMOIndia) November 11, 2022

*****