ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿಯು ಇಎಸ್ವೈ 2022-23 ರ 2022-23 ನೇ ಸಕ್ಕರೆ ಋತುವಿನ ಅವಧಿಯಲ್ಲಿ ಇಬಿಪಿ ಕಾರ್ಯಕ್ರಮದ ಅಡಿಯಲ್ಲಿ 1ನೇ ಡಿಸೆಂಬರ್ 2022 ರಿಂದ ಅಕ್ಟೋಬರ್ 31 2023 ರವರೆಗೆ ವಿವಿಧ ಕಬ್ಬು ಆಧಾರಿತ ಕಚ್ಚಾ ವಸ್ತುಗಳಿಂದ ಪಡೆದ ಎಥೆನಾಲ್ ಬೆಲೆಯ ಹೆಚ್ಚಳವನ್ನು ಅನುಮೋದಿಸಿದೆ. 

(i)     ಸಿ ಹೆವಿ ಮೊಲಾಸಸ್ ಮಾರ್ಗದ ಎಥೆನಾಲ್ ಬೆಲೆಯನ್ನು ಪ್ರತಿ ಲೀಟರ್ಗೆ ರೂ.46.66 ರಿಂದ ರೂ.49.41 ಕ್ಕೆ ಹೆಚ್ಚಿಸಲಾಗಿದೆ,
(ii)     ಬಿ ಹೆವಿ ಮೊಲಾಸಸ್ ಮಾರ್ಗದ ಎಥೆನಾಲ್ ಬೆಲೆಯನ್ನು ಪ್ರತಿ ಲೀಟರ್ಗೆ ರೂ.59.08 ರಿಂದ ರೂ.60.73 ಕ್ಕೆ ಹೆಚ್ಚಿಸಲಾಗಿದೆ,
(iii)     ಕಬ್ಬಿನ ರಸ/ಸಕ್ಕರೆ/ಸಕ್ಕರೆ ಪಾಕ ಮಾರ್ಗದ ಎಥೆನಾಲ್ ಬೆಲೆಯನ್ನು ಪ್ರತಿ ಲೀಟರ್ಗೆ ರೂ.63.45 ರಿಂದ ರೂ.65.61ಕ್ಕೆ ಹೆಚ್ಚಿಸಲಾಗಿದೆ,
(iv)     ಹೆಚ್ಚುವರಿಯಾಗಿ, ಜಿಎಸ್ಟಿ ಮತ್ತು ಸಾರಿಗೆ ಶುಲ್ಕಗಳನ್ನು ಸಹ ಪಾವತಿಸಬೇಕಾಗುತ್ತದೆ.

ಇದರಿಂದ ಎಲ್ಲಾ ಡಿಸ್ಟಿಲರಿಗಳು ಯೋಜನೆಯ ಲಾಭವನ್ನು ಪಡೆಯಲು ಸಾಧ್ಯವಾಗುತ್ತದೆ ಮತ್ತು ಅವುಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಇಬಿಪಿ ಕಾರ್ಯಕ್ರಮಕ್ಕಾಗಿ ಎಥೆನಾಲ್ ಅನ್ನು ಪೂರೈಸುವ ನಿರೀಕ್ಷೆಯಿದೆ. ಎಥೆನಾಲ್ ಪೂರೈಕೆದಾರರಿಗೆ ದೊರೆಯುವ ಲಾಭದಾಯಕ ಬೆಲೆಯಿಂದಾಗಿ ಕಬ್ಬು ಬೆಳೆಗಾರರಿಗೆ ಹಣ ಪಾವತಿಗೆ ಸಹಾಯವಾಗುತ್ತದೆ. ಈ ಪ್ರಕ್ರಿಯೆಯು ಕಬ್ಬು ಬೆಳೆಗಾರರ ಕಷ್ಟವನ್ನು ಕಡಿಮೆ ಮಾಡಲು ನೆರವಾಗುತ್ತದೆ. 

ಸರ್ಕಾರವು ಎಥೆನಾಲ್ ಮಿಶ್ರಿತ ಪೆಟ್ರೋಲ್ (ಇಬಿಪಿ) ಕಾರ್ಯಕ್ರಮವನ್ನು ಜಾರಿಗೊಳಿಸುತ್ತಿದೆ, ಇದರಲ್ಲಿ ಒಎಂಸಿಗಳು ಶೇ.10 ರವರೆಗೆ ಎಥೆನಾಲ್ ಬೆರೆಸಿದ ಪೆಟ್ರೋಲ್ ಅನ್ನು ಮಾರಾಟ ಮಾಡುತ್ತವೆ. ಪರ್ಯಾಯ ಮತ್ತು ಪರಿಸರ ಸ್ನೇಹಿ ಇಂಧನಗಳ ಬಳಕೆಯನ್ನು ಉತ್ತೇಜಿಸಲು ಈ ಕಾರ್ಯಕ್ರಮವನ್ನು 01 ಏಪ್ರಿಲ್, 2019 ರಿಂದ ಜಾರಿಗೆ ಬರುವಂತೆ ಅಂಡಮಾನ್ ನಿಕೋಬಾರ್ ಮತ್ತು ಲಕ್ಷದ್ವೀಪ ದ್ವೀಪಗಳ ಕೇಂದ್ರಾಡಳಿತ ಪ್ರದೇಶಗಳನ್ನು ಹೊರತುಪಡಿಸಿ ಇಡೀ ಭಾರತದಾದ್ಯಂತ ವಿಸ್ತರಿಸಲಾಗಿದೆ. ಈ ಕ್ರಮವು ಇಂಧನ ಅಗತ್ಯಗಳಿಗಾಗಿ ಆಮದು ಅವಲಂಬನೆಯನ್ನು ಕಡಿಮೆ ಮಾಡಲು ಮತ್ತು ಕೃಷಿ ಕ್ಷೇತ್ರಕ್ಕೆ ಉತ್ತೇಜನ ನೀಡಲು ನೆರವಾಗುತ್ತದೆ.

ಸರ್ಕಾರವು 2014 ರಿಂದ ಎಥೆನಾಲ್ನ ಆಡಳಿತ ಬೆಲೆಯನ್ನು ನಿಗದಿಪಡಿಸುತ್ತಿದೆ. 2018 ರಲ್ಲಿ ಮೊದಲ ಬಾರಿಗೆ, ಎಥೆನಾಲ್ ಉತ್ಪಾದನೆಗೆ ಬಳಸುವ ಫೀಡ್ ಸ್ಟಾಕ್ನ ಆಧಾರದ ಮೇಲೆ ಎಥೆನಾಲ್ನ ವಿಭಿನ್ನ ಬೆಲೆಯನ್ನು ಸರ್ಕಾರ ಘೋಷಿಸಿತು. ಈ ನಿರ್ಧಾರವು ಎಥೆನಾಲ್ ಪೂರೈಕೆಯನ್ನು ಗಣನೀಯವಾಗಿ ಸುಧಾರಿಸಿದೆ, ಇದರ ಪರಿಣಾಮವಾಗಿ ಸಾರ್ವಜನಿಕ ವಲಯದ ಒಎಂಸಿಗಳಿಂದ ಎಥೆನಾಲ್ ಖರೀದಿಯು 2013-14 ಎಥೆನಾಲ್ ಪೂರೈಕೆ ವರ್ಷದಲ್ಲಿದ್ದ 38 ಕೋಟಿ ಲೀಟರ್ನಿಂದ (ಇಎಸ್ವೈ - ಪ್ರಸ್ತುತ ವರ್ಷದ ಡಿಸೆಂಬರ್ 1 ರಿಂದ ಮುಂದಿನ ವರ್ಷದ ನವೆಂಬರ್ 30 ರವರೆಗೆ ಎಥೆನಾಲ್ ಪೂರೈಕೆ ಅವಧಿ ಎಂದು ವ್ಯಾಖ್ಯಾನಿಸಲಾಗಿದೆ) ಪ್ರಸ್ತುತ ಇಎಸ್ವೈ 2021-22 ರಲ್ಲಿ 452 ಕೋಟಿ ಲೀಟರ್ಗಳಿಗೆ ಹೆಚ್ಚಾಗಿದೆ. ಸರಾಸರಿ ಶೇ.10 ಮಿಶ್ರಣವನ್ನು ಸಾಧಿಸುವ ಗುರಿಯನ್ನು ಜೂನ್, 2022 ರಲ್ಲಿ ಸಾಧಿಸಲಾಗಿದೆ, ಇದನ್ನು ನವೆಂಬರ್, 2022 ರ ಗುರಿಯ ದಿನಾಂಕಕ್ಕಿಂತ ಸಾಕಷ್ಟು ಮೊದಲೇ ಸಾಧಿಸಲಾಗಿದೆ.

ಶೇ.20 ರಷ್ಟು ಎಥೆನಾಲ್ ಅನ್ನು ಪೆಟ್ರೋಲ್ನಲ್ಲಿ ಮಿಶ್ರಣ ಮಾಡುವ ಗುರಿಯನ್ನು ಸರ್ಕಾರವು 2030 ರಿಂದ 2025-26 ನೇ ಇಎಸ್ವೈ ವರ್ಷಕ್ಕೆ ಪುನರ್ ನಿಗದಿಪಡಿಸಿದೆ. "ಭಾರತದಲ್ಲಿ 2020-25 ರಲ್ಲಿ ಎಥೆನಾಲ್ ಮಿಶ್ರಣದ ಮುನ್ನೋಟ” ವನ್ನು ಸಾರ್ವಜನಿಕ ಡೊಮೇನ್ನಲ್ಲಿ ಇರಿಸಲಾಗಿದೆ. ಇತರ ಇತ್ತೀಚಿನ ಸಕ್ರಿಯಗೊಳಿಸುವಿಕೆಗಳು ಇದರಲ್ಲಿ ಸೇರಿವೆ: ಎಥೆನಾಲ್ ಬಟ್ಟಿ ಇಳಿಸುವಿಕೆಯ ಸಾಮರ್ಥ್ಯವನ್ನು ವಾರ್ಷಿಕ 923 ಕೋಟಿ ಲೀಟರ್ಗೆ ಹೆಚ್ಚಿಸುವುದು; ರೂ.25,000-ರೂ.30,000 ಕೋಟಿಗಳ ಹೂಡಿಕೆಯನ್ನು ತರುವ ನಿರೀಕ್ಷೆಯಿರುವ ಖಾಸಗಿ ಕಂಪನಿಗಳಿಂದ ಎಥೆನಾಲ್ ಕೊರತೆಯಿರುವ ರಾಜ್ಯಗಳಲ್ಲಿ ಮೀಸಲಾದ ಎಥೆನಾಲ್ ಸ್ಥಾವರಗಳ (ಡಿಇಪಿ) ವಾರ್ಷಿಕ ಸಾಮರ್ಥ್ಯದ 431 ಕೋಟಿ ಲೀಟರ್ಗಳನ್ನು ಸ್ಥಾಪಿಸಲು ಪ್ರೋತ್ಸಾಹಿಸಲು ದೀರ್ಘಾವಧಿಯ ಆಫ್-ಟೇಕ್ ಒಪ್ಪಂದಗಳು (ಎಲ್ಟೊಒ); ರೈಲ್ವೇಗಳು ಮತ್ತು ಪೈಪ್ಲೈನ್ಗಳ ಮೂಲಕ ಎಥೆನಾಲ್ ಮತ್ತು ಎಥೆನಾಲ್ ಮಿಶ್ರಿತ ಪೆಟ್ರೋಲ್ನ ಮಲ್ಟಿಮೋಡಲ್ ಸಾಗಣೆ. ಈ ಎಲ್ಲಾ ಕ್ರಮಗಳು ವ್ಯವಹಾರವನ್ನು ಸುಲಭಗೊಳಿಸಲು ಮತ್ತು ಆತ್ಮನಿರ್ಭರ ಭಾರತದ ಉದ್ದೇಶಗಳನ್ನು ಸಾಧಿಸಲು ಸಹಾಯ ಮಾಡುತ್ತವೆ.

ಎಥೆನಾಲ್ ಉತ್ಪಾದನೆಗೆ ಸಕ್ಕರೆ ಮತ್ತು ಸಕ್ಕರೆ ಆಧಾರಿತ ಫೀಡ್ಸ್ಟಾಕ್ ಅನ್ನು ಬೇರೆಡೆಗೆ ತಿರುಗಿಸುವುದು ಸೇರಿದಂತೆ ಕಬ್ಬು ಬೆಳೆಗಾರರ ಬಾಕಿಯನ್ನು ಕಡಿಮೆ ಮಾಡಲು ಸರ್ಕಾರ ಅನೇಕ ನಿರ್ಧಾರಗಳನ್ನು ತೆಗೆದುಕೊಂಡಿದೆ. ಈಗ, ಕಬ್ಬಿನ ರಸ ಮತ್ತು ಬಿ ಹೆವಿ ಮೊಲಾಸಸ್ಗಳನ್ನು ಎಥೆನಾಲ್ಗೆ ಪರಿವರ್ತಿಸುವುದರಿಂದ ಸಕ್ಕರೆ ಋತುವಿನ ಆರಂಭದಿಂದಲೇ ಹೆಚ್ಚಿನ ಪ್ರಮಾಣದ ಎಥೆನಾಲ್ ಲಭ್ಯವಿದ್ದು, ಎಥೆನಾಲ್ ಪೂರೈಕೆ ವರ್ಷವನ್ನು 1ನೇ ನವೆಂಬರ್, 2023 ರಿಂದ ನವೆಂಬರ್ 1 ರಿಂದ ಮುಂದಿನ ವರ್ಷದ ಅಕ್ಟೋಬರ್ 31 ರವರೆಗೆ ಎಥೆನಾಲ್ ಪೂರೈಕೆಯ ಅವಧಿ ಎಂದು ಮರು ವ್ಯಾಖ್ಯಾನಿಸಲು ನಿರ್ಧರಿಸಲಾಗಿದೆ. ಇದಲ್ಲದೆ, ಕಬ್ಬಿನ ನ್ಯಾಯೋಚಿತ ಮತ್ತು ಲಾಭದಾಯಕ ಬೆಲೆ (ಎಫ್ಆರ್ಪಿ) ಮತ್ತು ಸಕ್ಕರೆಯ ಬೆಲೆಗಳು ಬದಲಾವಣೆಗೆ ಒಳಗಾಗಿರುವುದರಿಂದ, ವಿವಿಧ ಕಬ್ಬು ಆಧಾರಿತ ಫೀಡ್ ಸ್ಟಾಕ್ಗಳಿಂದ ಪಡೆದ ಎಥೆನಾಲ್ನ ಬೆಲೆಯನ್ನು ಪರಿಷ್ಕರಿಸುವ ಅವಶ್ಯಕತೆಯಿತ್ತು.

*****