ইকাইখুম্নরবা প্রধান মন্ত্রী, শ্রী নরেন্দ্র মোদীনা মবাই তাংবল লৌদুনা ফমখিবা কেবিনেত কমিতী ওন ইকোনোমিক এফিয়র্সকি মীফম অদুনা ২০২২গী দিসেম্বর ১দগী ২০২৩গী ওক্তোবর ৩১ ফাওবগী ই.এস.ৱাই. ২০২২-২৩গী মনুংদা লাক্কদৌরিবা ২০২২-২৩গী চিনি পন্থাগীদমক্তা ই.বি.পি. প্রোগ্রামগী মখাদা তোঙান-তোঙানবা চুদা য়ুমফম ওইবা রো মেতরিয়েলশিংদগী ফংলকপা ইথানোলগী মমল হেনগৎনবা অয়াবা পীখ্রে।

(i) সি. হেভী মোলাসশিংগী রুত্তগী ইথানোলগী মমল অদু লিতর অমদা লুপা ৪৬.৬৬ ওইরম্বদগী লিতর অমদা লুপা ৪৯.৪১দা হেনগৎপা,

(ii) বি. হেভী মোলাসশিংগী রুত্তগী ইথানোলগী মমল অদু লিতর অমদা লুপা ৫৯.০৮ ওইরম্বদগী লিতর অমদা লুপা ৬০.৭৩দা হেনগৎপা,

(iii) চুহিং/চিনি/সুগর সীরপতগী ইথানোলগী মমল অদু লিতর অমদা লুপা ৬৩.৪৫ ওইরম্বদগী লিতর অমদা লুপা ৬৫.৬১দা হেনগৎপা,

(iv) মসিগী মথক্তা অহেনবা ওইনা, জি.এস.তি. অমসুং ত্রান্সপোর্তেশন চার্জশিং অদুসু থিগনি।

দিস্তিলরীশিং অসিনা স্কীম অসিগী কান্নবা লৌবা য়াগনি অমসুং মখোয়শিং অসিদগী অয়ম্বনা ই.বি.পি. প্রোগ্রা অসিগীদমক্তা ইথানোল সপ্লাই পীরগনি হায়না থাজরি। ঈথানোল সপ্লায়রশিংদা হঞ্জিল্লিবা মমলশিং অসিনা চু থারিবা লৌমীশিং অদুদা ঙন্না শেল পীথোকপদা মতেং ওইগনি, অসুম্না তৌবনা চু থারিবা লৌমিশিংগী অৱাবা খরমখৈদি কোকহল্লগনি।

সরকারনা ইথানোল ব্লেন্দেদ পেত্রোল (ই.বি.পি.) প্রোগ্রাম অসি ইমপ্লিমেন্ত তৌদুনা লাক্লি মসিদা ও.এম.সি.শিংনা ১০% ফাওবা ইথানোল য়ানশিনবা পেত্রোল য়োল্লি। মসিগী প্রোগ্রাম অসি আল্তর্নেতিব অমসুং এনভাইরনমেন্ত ফ্রেনলী ওইবা ফ্যুএলশিং শিজিন্নবা অসিবু য়োকখৎনবা ২০১৯গি এপ্রিল ১দগী চৎনহন্দুনা অন্দামান নিকোবার অমসুং লাক্সদ্বীপ ঈথৎশিং নত্তনা ভারত পুম্বদা চৎনহল্লে। মসিগী ইন্তর্ভেন্সন অসিনা এনর্জীগী মথৌ তারিবশিং অসিগীদমক্তা ইমপোর্তকী মপাল তাংবা হন্থনবা হোৎনরি অমসুং এগ্রিকলচর সেক্তর অনৌবা ইনোৎ অমা হাপ্লি।

সরকারনা ২০১৪দগী ইথানোলগী অরেপ্পা মমল অদু লাউথোকখ্রে। সরকারনা ২০১৮দা অহানবা ওইনা ইথানোল পুথোক্নবগীদমক্তা শিজিন্নবা ফীদস্তোকতা য়ুমফম ওইরগা ইথানোলগী তোঙান-তোঙানবা মমল লাউথোকখি।  মসিগি ৱারেপ অসিনা ইথানোলগী সপ্লাইদা য়াম্না চাউনা অহোংবা পুরকখি, মসিনা মরম ওইরগা পব্লিক সেক্তর ও.এম.সি.শিংনা ইথানোল লৈশিনবদা অদু ইধানোল সপ্লাই য়িয়র ২০১৩-১৪দা লিতর করোর ৩৮দগী চৎলিবা ই.এস.ৱাই ২০২১-২২দা লিতর করোর ৪৫২গী মথক্তা কন্ত্রেক্তশিং হেনগৎলকখি। চাংচত্তা ১০% ব্লেন্দিং তৌবগী পান্দম অদু ২০২২গী নবেম্বর ফাওবগী থম্লিবা পান্দম অদুদগী য়াম্না ঙনখৎনা ২০২২গী জুন ফাওবদা ফংবা ঙমখ্রে,

সরকারনা পেত্রোলদা ইথানোল ২০% য়ানশিনবগী পান্দম অদু হান্না মমাংদা ২০৩০ ওইরম্বদগী ই.এস.ৱাই. ২০২৫-২৬ ওইখ্রে অমসুং “২০২০-২৫তা ভারত্তা ইথানোল ব্লেন্দিংগীদমক্তা ওইবা রোদমেপ” অমা পব্লিক দোমেনদা হাপকৎখ্রবনি। মসিদা য়াওরিবা অতোপ্পা অনৌবা ইনেব্লরশিং অদুদি চহি অমদা ইথানোল দিস্তিলেশন কেপাসিতি অদু লিতর করোর  ৯২৩দা এনগৎহনবা; প্রাইভেত প্লেয়রশিংনা ইথানোল ৱাৎপা রাজ্যশিংদা দেদিকেতেদ ইথানোল প্লান্তস (দি.ই.পি.শিং)গী চহি অমদা লিতর করোর ৪৩১গী কেপাসিতী লৈবা প্লান্তশিং লিংখৎপদা পুক্নিং থৌগৎনবা লোং তর্ম ওফ-তেক এগ্রীমেন্তশিং (এল.তি.ও.এ.শিং) তৌবা, মসিনা  লাক্কদবা চহিশিংদা লুপা করোর ২৫,০০০- ৩০,০০০ ফাওবগী ইনভেস্তমেন্ত পুরক্কনি হায়না পারি; রেলৱেশিং অমসুং পাইপলাইনশিংনা ইধানোল অমসুং ইথানোল য়ানশিল্লবা পেত্রোলগী মল্তিমোদেল ত্রান্সপোর্তেশন তৌবা। হায়রিবা খোংথাংশিং অসিনা ইজ ওফ দুইং বিজনেস য়াম্না খুদোংচাহল্লগনি অমসুং আতমানির্ভর ভারতকী পান্দমশিং অদুবু ফংবদা মতেং পাংলগনি।

সরকারনা ইথানোল পুথোক্নবগীদমক্তা চিনি অমসুং চিনিদা য়ুমফম ফীদস্তোককী দাইবর্সন বাওনা চু থাবা লৌমীশিংগী  দ্যুশিং অদু হন্থহন্নবগীদমক্তা ৱারেপ লৌখ্রে। হৌজিক্তি চুহিং অমসুং বি. হেভি মোলাসশিংবু ইথানোলদা ওন্থোকপনা মরম ওইরগা চিনিগি পান্থা হৌবদগীহৌনা ইথানোল অসি য়াম্না হেন্না মরাং কাইনা ফংলে, ইথানোল সপ্লাইগী চহি অসি ২০২৩গী নোবেম্বর ১দগী হৌনা চহি অমগী নবেম্বর ১দগী লাক্কদবা মথংগী চহি অদুগী ওক্তোবর ৩১ ফাওবা ইথানোল সপ্লাইগী মতম অদু অমুক হন্না লেপ্ননবা ৱারেপ লৌখ্রে। তৌগিগুম্বসুং, চুগী ফেয়র এন্দ রিম্যুনরেতিব প্রাইস (এফ.আর.পি.) অমসুং হান্নগী মিলশিংগী চিনিগী মমলশিং অদুদা অহোংবা লাকখিবনা, তোঙান-তোঙানবা চুদা য়ুমফম ওইবা ফীদ স্তোকশিংদগী পুথোকপা হান্নগী মিলশিংগী ইথানোলগী মমল অদু অমুক হন্না রিভাইস তৌবগী মথৌ তাদ্রে।

***