مشن موڈ پر، اس مالی سال 2022-23 کے پہلے سات مہینوں کے لیے ہندوستانی ریلوے کی مال برداری گزشتہ سال کی مال برداری اور اسی مدت کی آمدنی کو عبور کر چکی ہے۔

اپریل سے اکتوبر 22 تک مجموعی طور پر 855.63 ملین ٹن کی مال برداری حاصل کی گئی ہے جبکہ پچھلے سال کی مال برداری 786.2 ملین ٹن تھی، جو پچھلے سال کے مقابلے میں تقریباً 9 فیصد زیادہ ہے۔ ریلوے نے گزشتہ سال 78921 کروڑ روپے کے مقابلے 92345 کروڑ روپے کمائے ہیں جو کہ 17 فیصد کی بہتری ہے۔

اکتوبر 2022 کے مہینے کے دوران، 118.94 ملین ٹن کی ابتدائی مال برداری حاصل کی گئی ہے جبکہ اکتوبر 2021 میں 117.34 ملین ٹن کی مال برداری ہوئی تھی، جو گزشتہ سال کے مقابلے میں 1.4 فیصد زیادہ ہے۔ اکتوبر 2021 میں 12313 کروڑ روپے کی مال برداری کی آمدنی کے مقابلے میں 13353 کروڑ روپے کی مال برداری کی آمدنی حاصل ہوئی ہے، اس طرح گزشتہ سال کے مقابلے میں 8 فیصد کی بہتری آئی ہے۔

”کارگو کے لیے بھوک“ کے منتر کو اپناتے ہوئے، ہندوستانی ریلوے نے کاروبار کرنے میں آسانی کو بہتر بنانے کے ساتھ ساتھ مسابقتی قیمتوں پر خدمات کی فراہمی کو بہتر بنانے کے لیے مسلسل کوششیں کی ہیں جس کے نتیجے میں روایتی اور غیر روایتی اجناس دونوں راستوں سے ریلوے میں نئی ٹریفک آ رہی ہے۔ کسٹمر پر مبنی نقطہ نظر اور کاروباری ترقی کے یونٹوں کے کام نے ریلوے کو اس اہم کامیابی میں مدد فراہم کی ہے۔

                                               **************

ش ح۔ ف ش ع-م ف

U: 12101