গৃহ মন্ত্রালয়না ওক্তোবর ২দগী ৩১, ২০২২ ফাওবা স্পিসিএল কেম্পেন ২.০ মায় পাক্না পাঙথোকখ্রে‍। স্পিসিএল কেম্পেন ২.০গী শরুক অমা ওইনা মীয়াম চঙথোক চঙশিন তৌবা ফীল্দ অমসুং আউতস্তেসন ওফিসশিং য়াওনা কেম্পেন সাইত ১১,৫৫৯দা লম তু শেংদোকপগী থবক চত্থখি‍। এম.পি. রিফরেন্স, পার্লিয়ামেন্তরী এস্যুরেন্স, আই.এম.সি. রিফরেন্স, স্তেত গভর্নমেন্ত রিফরেন্স, পি.এম.ও. রিফরেন্স, পব্লিক গ্রীভান্সেস অমসুং পি.জি. আপীলনচিংবা তোঙান তোঙানবা কাঙলুপকী পন্দুনা লৈবা থবকশিং মতিক চানা লোইশিনখি‍।

স্পিসিএল কেম্পেন ২.০ মনুংদা, মন্ত্রালয় মনুং অমদি মসিগী এতেচ/সবওর্দিনেৎ ওফিসশিংদা রিভিউ তৌনবা পুন্না ফাইল লাখ ৫.১৫ মশক খঙদোকখি‍। মখোয়গী মনুংদা, ফাইল লাখ ৪.৭৭ য়েংশিনখি অমদি ফাইল লাখ ২.৮১ লৌথোকখি‍।

হৌজিক ফাওবদা ফত্তবা পোৎলমশিং লৌথোকখিবদা ফংলকপা শেন্ফম লুপা ১,৪০,৯৯,৫১০ রিপোর্ত তৌরক্লে‍। মফম স্ক্বার ফীৎ ৯০,৫২৫ হাঙহল্লে‍।

স্পিসিএল কেম্পেন ২.০ শেম শাবা হৌরকপগী মতমদা, ৱাখৈ পুরক্নবগীদমক পব্লিক গ্রীভান্সেস অমসুং আপীল পুন্না ৫,১২৬ খঙদোকখি, মসিগী মনুংদা পব্লিক গ্রীভান্সেস অমসুং আপীল ৪,৭০৮কী ৱাখৈ পুরকখ্রে‍।

সেন্ত্রেল আর্ম্দ পুলিস ফোর্সেস (সি.এ.পি.এফ.), দিল্লী পুলিস অমসুং এতেচ/সবওর্দিনেৎ ওফিসশিংদগী ত্বীত ২,০০০ হেন্না তৌখি, মসিগী মনুংদা ত্বীত ২০০ হেনবদা মন্ত্রালয়গী পি.আই.বি. ত্বীতর হেন্দল @PIBHomeAffairs দগী অমুক হন্না ত্বীত তৌখি‍।

স্পিসিএল কেম্পেন ২.০গা মরী লৈনবা ফোতোগ্রাফ খরা

নোর্থ ব্লোক্তা লৈবা বেদমিন্তন কোর্তকী মমাঙ অমসুং মতুংগী মমিশিং

মেন ওফিস, এন.কে.এস.তি.পি.পি., তান্দ্বাগী মমাঙ অমসুং মতুংগী মমিশিং

নোর্থ ব্লোক্তা লৈবা কোরিদোরশিংগী মমাঙ অমসুং মতুংগী মমিশিং

জম্মুগী এন.সি.বি. ওফিস কাগী মমাঙ অমসুং মতুংগী মমিশিং

লাইতোর, সিলোংদা লম তু শেংবগী থবক তৌবা

চংলাং, অরুনাচল প্রদেশতা লম তু শেংবগী থবক তৌবা

তৱার মোর্চা ঐচ.ক্যু.আর./১৫৩ বতালিয়ন মনাক্তা শিৎ-শেংবগী থবক তৌবা

ঝেলম তুরেল এরিয়া ৫৩ বতালিয়ন মনাক্তা শিৎ-শেংবগী থবক তৌবা

*****