প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা পর্সনেল লাখ ১০ লৌনবগী দ্রাইব – রোজগার মেলা হৌদোকখ্রে। থৌরম অদুদা নৌনা ইনদেক্ত তৌখিবা এপোইন্তী ৭৫,০০০ হেনবদা এপোইন্তমেন্ত লেত্তরশিং খুৎশিন্নখি।

এপোইন্তীশিংদা ৱা ঙাংবা অসি প্রধান মন্ত্রীনা য়াইফ মঙ্গোল পীদুনা অমসুং ধন্তেরসকী য়াইফ-পাউজেল পীদুনা হৌখি। মহাক্না হায়, “ঙসি অসি হৌখিবা চহি ৮দা লৈবাক অসিদা চত্থরক্লিবা থবক পীবগী অমসুং মশানা মশাবু থবক পীজবগী কেম্পেনশিং অসিদা রোজগার মেলাগী মওংদা অনৌবা লিঙ্ক অমা শমজিল্লিবা নুমিৎ অমা ওইররে”। প্রধান মন্ত্রীনা হায়খি মদুদি কেন্দ্র সরকার অসিনা নীংতম্বা ফংখিবগী চহি ৭৫ অসি নীংশিংদুনা প্রোগ্রাম অমগী মখাদা নহারোল ৭৫,০০০দা এপোইন্তমেন্ত লেত্তরশিং খুৎশিন্নরি। রোজগার মেলাগী ৱাখল্লোন অসিগী মতাংদা শন্দোক্না তাক্লদুনা মহাক্না হায়, “ঐখোয়না অমুক্তংদা এপোইন্তমেন্ত লেত্তরশিং খুৎশিন্নবগী চৎনবী অমা হৌদোক্তুনা বিভাগশিংদা অকক্নবা মতমগী মনুংদা প্রোজেক্তশিং লোইশিনবগী অপুনবা তেম্পরমেন্ত অমা শেমগৎনবা ৱারেপ লৌখি”। তুংদা লাক্কদবা মতমশিংদসু কেন্দিদেৎশিংনা মতম মতমগী ওইনা সরকারদগী মখোয়গী এপোইন্তমেন্ত লেত্তরশিং ফংগনি। মহাক্না হায়, “এন.দি.এ.না লৈঙাকপা অমসুং বি.জে.পি.না লৈঙাকপা রাজ্যশিং লোয়ননা য়ুনিয়ন তেরিতোরীশিংদা অসিগা মান্নবা মেলাশিং পাঙথোক্কনি খঙবদা নুংঙাইবা পোকই”।

মখোয়গী ইন্দক্সন তৌবা অসিবু তরাম্না ওক্তুনা অমসুং তানফম অসিগী মরু ওইবগী মতাংদা প্রধান মন্ত্রীনা হায় মদুদি অমৃত কাল অসিদা অনৌবা এপোইন্তীশিংনা চাউখৎপা ভারত অমগী ফিরেপ থুংহন্নবগীদমক ঐখোয়না আত্মনির্ভর ভারত অমগী লম্বেলদা মাংদা চংশিল্লি। প্রধান মন্ত্রীনা হায়খি মদুদি মেন্যুফেকচরিং অমসুং সর্ভিসেসকী লমদা লৈরিবা ইনোভেতরশিংনা, ওন্তপ্রিনোরশিংনা, ইন্দস্ত্রিএলিস্তশিংনা, লৌমীশিংনা অমসুং মীয়ামনা ভারতপু আত্মনির্ভর ওইহন্নবা মাইকৈদা পুবদা মরু ওইবা থৌদাং লৌরি। সবকা প্রয়াসকী মরু ওইবগী মতাংদা পল্লদুনা প্রধান মন্ত্রীনা হায়খি মদুদি খোঙচৎ অসিদা মীপুম খুদিংমক্কী খোঙথাংশিং মরু ওই অমসুং সবকা প্রয়াসকী ৱাখল্লোন অসি মীপুম খুদিংমক্তা মরু ওইবা খুদোংচাবা পুম্নমক ফংহল্লবা মতমদা ওইথোক্কনি।

মহাক্না হায় মদুদি থা খরা অসিদা অহাংবা ফম লাখ কয়াগী সেলেক্সন প্রোসেস লোইশিনবা অমসুং এপোইন্তমেন্ত লেত্তরশিং খুৎশিন্নবা অসিনা হৌখিবা চহি ৭-৮ অসিদা সরকারগী সিস্তেম অসিদা পুরকখিবা অহোংবা অদু তাক্লি। মহাক্না হায়খি, “ঙসি ৱার্ক কলচরদা অহোংবা লাক্লে”। মহাক্না মখা তারদুনা হায়খি, “ঐখোয়গী কর্ময়োগীশিংনা হোৎনরিবশিং অসিনা মরম ওইদুনা সরকারগী বিভাগশিংগী ইফিসিএন্সী হেনগৎখি”। মহাক্না সরকারগী থবকশিংগীদমক এপ্লাই তৌবা অসি অৱাবা থবক ওইরমখিবা অমসুং সেলেক্সনশিং তৌবদা ফেবরিতিজম অমসুং শেঞ্জা থুমজা তৌখিবা মতম অদু নীংশিংখি। মহাক্না হায়, মহাক্কী সরকারগী হৌরকগী চহিশিংদা পাইখৎখিবা খোঙথাংশিং, সেল্ফ-এতেস্তেসন তৌবা অমসুং কেন্দ্র সরকারগী গ্রুপ সি অমসুং গ্রুপ দিগী ফমশিংগী থবক লৌবদা ইন্তর্ভ্যু তৌদবা অসিগুম্বনা নহারোলশিংদা মতেং পাংখি।

ঙসি ভারতনা ৫শুবা খ্বাইদগী চাউবা শেন্মীৎলোন ওইরি। মসিগী মাইপাকপা অসি হৌখিবা চহি ৮দা তৌখিবা রিফোর্মশিংনা ঙমহনবনি। ঐখোয়না হৌখিবা চহি ৭-৮ অসিদা ১০শুবা মফমদগী ৫শুবা মফমদা কাখৎলকপা ঙমখি হায়না প্রধান মন্ত্রীনা ফোঙদোকখি। লৈবাক অসিনা মায়োক্নরিবা শেন্মীৎলোনগী য়াম্লবা শীংনবশিং অসিগী মতাংদা প্রধান মন্ত্রীনা হায় ভারতনা নেগেতিব রিপর্জ্যুজনশিং অসি চাং ৱাংনা লাকশিনবা ঙমখি। মহাক্না হায়, “মসি হৌখিবা চহি ৮দা ঐখোয়না লৈবাক অসিগী শেন্মিৎলোন্দা অশোইবশিং লৈবনা থোকহল্লকপা অপনবশিং লৌথোকখিবনা মরম ওইদুনা ওইথোকপা ঙমখি”।

লৌউ-শিংউ, প্রাইবেৎ সেক্তর অমসুং এম.এস.এম.ই.গুম্বা জোব-ইন্তেন্সিব সেক্তর অয়াম্বদা মীৎয়েং চংলদুনা প্রধান মন্ত্রীনা অফবা তুংলমচৎ অমগীদমক ভারতকী নহারোলশিংবু স্কিলিং তৌবগী মরু ওইবা অদু থমখি। মহাক্না হায়, “ঙসি ঐখোয়না নহারোলশিংগী স্কিল দিবেলপমেন্তদা হেন্না মীৎয়েং চংলি। প্রধান মন্ত্রী কৌশল বিকাস য়োজনাগী মখাদা লৈবাক অসিগী ইন্দস্ত্রীশিংগী মথৌ তাবশিংগী মতুং ইন্না নহারোলশিং ত্রেন তৌনবা অচৌবা কেম্পেন অমা চত্থরি”। স্কিল ইন্দিয়া অভিয়ানগী মখাদা নহারোল করোর ১.২৫ ত্রেন তৌখি। লৈবাক শিনবা থুংবদা কৌশাল বিকাশ কেন্দ্রশিং অমসুং হায়র এজুকেসন ইন্সতিত্যুত কয়া হাংদোকখি হায়না মহাক্না ফোঙদোকখি। প্রধান মন্ত্রীনা হায়খি দ্রোন পোলিসী লিবরেলাইজ তৌবা, স্পেস পোলিসী হাংদোকপা অমসুং মুদ্রা য়োজনাগী মখাদা লুপা করোর লাখ ২০রোমগী লোনশিং পীবা অসিগুম্বা থৌশিলশিংগী প্রোসেস হেনগৎহনখি। মহাক্না হায়, “লৈবাক অসিদা চাং অসিদা মশানা মশাবু থবক পীনবগী প্রোগ্রাম অমত্তা মমাংদা ইমপ্লিমেন্ত তৌখিবা লৈতে”।

সেল্ফ-হেল্প গ্রুপশিংগী মথক্তা খাদি এন্দ ভিলেজ ইন্দস্ত্রীনা খুঙ্গংশিংদা থবক পীবগী মরু ওইবা খুদমশিং ওইরি হায়না মহাক্না ফোঙদোকখি। অহানবা ওইনা লৈবাক অসিদা খাদি এন্দ ভিলেজ ইন্দস্ত্রীশিংগী মমল অসি লুপা করোর লাখ ৪ হেনখি অমসুং খাদি এন্দ ভিলেজ ইন্দস্ত্রীশিংদা থবক করোর ৪ হেন্না পীবা ঙমখি। মহাক্না হায়, “মশিং য়াম্লবা ঐখোয়গী ইচে-ইচলশিংনা মসিদা চাউনা শরুক তম্লি”।

প্রধান মন্ত্রীনা হায়খি, স্তার্ত-অপ ইন্দিয়া কেম্পেন্না মালেম শিনবা থুংবদা লৈবা লৈবাক অসিগী নহারোলশিংগী মতিক ময়াই উৎথোকহল্লি। মতৌ অসুম্না এম.এস.এম.ই.শিংনা লাইচৎ মনুংদা চাউনা মতেং পাংখি, থবক করোর ১.৫ ঙাকশেনখি। এম.জি.নরেগানা লৈবাক অসিদা মীওই করোর ৭তা থবক পীখি।

২১শুবা চহিচাগী ওইনা লৈবাক অসিগী খ্বাইদগী চাউবা প্রোজেক্ত অসি ‘মেক ইন ইন্দিয়া’ অমসধং আত্মনির্ভর ভারতনা ওইখি। ঙসি লৈবাক অসিনা লম কয়াদা ইম্পোর্তর অমা ওইরম্বদগী য়াম্না চাউবা এক্সপোর্তর ওইরক্লি। ঙসি গ্লোবেল হব অমা ওইনবগী মাইকৈদা খোঙজেল য়াংনা চংশিল্লিবা অদুগুম্বা সেক্তর কয়া ভারত্তা লৈ। মহাক্না মশিং য়াম্না এক্সপোর্তশিং তৌরিবা অসিনা মপাঙ্গল কনবা এমপ্লোইমেন্ত গ্রোথ লৈ হায়নসু তাক্লি হায়না ফোঙদোকখি।

মহাক্না হায়, “সরকারনা মেন্যুফেকচরিং অমসুং তুরিজম সেক্তরশিংদা কম্প্রিহেন্সিব ওইনা থবক তৌরি মরমদি অনিমক অসিনা থবক চাউনা পীবা ঙম্মি”। ভারত্তা লাকনবগীদমক, মখোয়গী ফেক্তরীশিং হাংদোক্নবা অমসুং মালেমগী দিমান্দ থুংহন্নবগীদমক মালেম পুম্বদগী লাকপা কম্পনীশিংগীদমক প্রোসেসশিং লায়থোকহনখি। প্রদক্সন বেসিসতা ইনসেন্তিবশিং পীনবগী পি.এল.আই. স্কিমসু সরকারনা হৌদোকখি। প্রদক্সন হেল্লিবা মখৈ ইনসেন্তিব হেল্লি মসিনা ভারতকী পোলিসী অসি। মসিগী ফলশিং অসি ঙসি সেক্তর কয়াদা ময়েক শেংনা উবা ফংলে। চহি খরা অসিদা লাক্লিবা ই.পি.এফ.ও.গী দেতা অসিনা  থবক পীবগী মতাংদা শেম্বা সরকারগী পোলিসীশিংগী ফীভম কয়া য়াম্না ফগৎলে উৎলি। মহাক্না নুমিৎ নিনিগী মমাংদা লাকখিবা দেতাগী মতাংদা পল্লদুনা চহি অসিগী ওগস্ত থাদা মীওই লাখ ১৭রোমনা ই.পি.এফ.ও.দা জোইন তৌখি অমসুং লৈবাক অসিগী ফোর্মেল ইকনোমীগী শরুক অমা ওইখি। মহাক্না হায়খি অসিগুম্বা মীওই অসিগী লাখ ৮রোমদি চহি ১৮দগী ২৫গী চহি কাংলুপকী মনুংদা লৈখি।

প্রধান মন্ত্রীনা ইনফ্রাস্ত্রকচর শেমগৎপগী খুত্থাংদা থবক পীরিবা হীরম অদুগী মতাংদা পনখি। মহাক্না হায়খি নেস্নেল হায়ৱেশিংগী কিলোমিতর লিশিং কয়াদা হৌখিবা চহি নিপান অসিদা লৈবাক শিনবা থুংবদা শেমখি অমসুং দব্লিং, গোজ কনভর্জন অমসুং রেলৱে লাইনশিং ইলেক্ত্রিফিকেসন তৌবগী থবক লৈবাক শিনবা থুংবদা হৌজিক লেপ্পা লৈতনা পাইখৎলি। মহাক্না মখা তারদুনা হায়খি অনৌবা এয়রপোর্তশিং লৈবাক শিনবা থুংবদা শারি, রেলৱে স্তেসনশিং মতমগা চুনবা মওংদা শেমগৎখি অমসুং অনৌবা ৱাতরৱেশিং শারি। শ্রী মোদীনা মখা তারদুনা হায়খি, “পি.এম. আৱাজ য়োজনাগী মখাদা য়ুম করোর অহুম হেন্না শাখ্রে”।

প্রধান মন্ত্রীনা হায়খি লৈবাক অসিদা থবক হেন্না হেন্না পীবা ঙম্নবগীদমক কেন্দ্র সরকারনা অমুক্তংদা লম কয়ামরুমদা থবক পাইখৎলি। প্রধান মন্ত্রীনা হায় সরকারনা ইনফ্রাস্ত্রকচরগা মরী লৈনননা লুপা করোর লাখ চামা হেনবগী পান্দমগা লোয়ননা থবক তৌরি। মহাক্না হায়খি চাউখৎ থৌরাংগী থবক পাক চাউনা পাইখৎতুনা লোকেল লেবেলদা নহারোলশিংদা থবক্কী খুদোংচাবা লাখ কয়া ফংহল্লি। প্রধান মন্ত্রীনা ধর্মগী, স্পিরিচুএলিতী অমসুং পুৱারী ওইরবা মফমশিংগী মরু ওইবা অদু খঙলদুনা মসিবু শেমগৎলিবা অসি খুদম ওইনা পীখি। প্রধান মন্ত্রীনা হায়খি মদুদি মোদর্ন ইনফ্রাস্ত্রকরগীদমক পাইখৎলিবা থবকশিং অসিনা তুরিজম সেক্তরদা অনৌবা ইনোৎ অমা পীরি অমসুং মসিনা মনুং হঞ্জিনবা মফমশিংদসু থবক্কী খুদোংচাবশিং পীরি।

প্রধান মন্ত্রীনা হায়খি ভারতকী খ্বাইদগী কনবা মপাঙ্গল অসি জাতিগী নহারোলশিংদা য়াওরি। মখোয়না আজাদী কা অমৃত কাল অসিদা চাউখৎপা ভারত অমা ওইহন্নব দ্রাইবিং ফোর্স ওইরি। প্রধান মন্ত্রীনা অনৌবা এপোইন্তীশিংদা ওফিসশিংগী থোংদা কানশিনবা মতমদা অদোমগী ‘কর্তব্য পথ’ অদু মতম চুপ্পদা ৱাখলদা খনবীয়ু হায়না হায়খি। প্রধান মন্ত্রীনা হায়, “নখোয়বু লৈবাক অসিগী প্রজাশিংগী শেবা তৌনবগীদমক এপোইন্ত তৌরি”। প্রধান মন্ত্রীনা লোইশিনবদা হায়খি মদুদি ২১শুবা চহিচাগী ভারত্তা সরকারগী থবক অসি শুপ্নগী খুদোংচাবা অমা ওইবগী মথক্তা মসি অকক্নবা মতম অমগী মনুংদা লৈবাক অসিগী কাচিন কোয়াদা লৈরিবা মীয়ামবু শেবা তৌনবগী ফিরেপ অমসুং অতাংবা খুদোংচাবা অমা ওইনা লৌরি।

বেকগ্রাউন্দ

ঙসিগী থৌশিল অসি নহাশিংদা থবক্কী খুদোংচাবশিং পীনবা অমসুং প্রজাশিংগী য়াইফনবগীদমক্তা প্রধান মন্ত্রীগী অচেৎপা ফিরেপ অদুবু থুংহন্নবগী মাইকৈদা লৌবা য়াম্না মরু ওইবা খোংথাং অমা ওইগনি। প্রধান মন্ত্রীগী য়াথংগী মতুং ইন্না, মন্ত্রালয় অমসুং বিভাগ পুম্নমক্না সেঙ্কসন তৌখিবা পোস্তশিংদা লৈরিবা অহাংবা ফমশিং অদুবু মেনশিন্নবগী মাইকৈদা মিসন মোদতা থবক তৌরি।

লৈবাক শিনবা থুংনদগী খনগৎলবা, নৌনা থবক খল্লবশিং অদুনা ভারত সরকারগী মন্ত্রালয়/বিভাগ ৩৮দা থবক চংলগনি। থবক খল্লবশিং অদুনা গ্রুপ – এ., গ্রুপ – বি. (গাজেত্তেদ), গ্রুপ – বি. (নন গেজেত্তেদ) অমসুং গ্রুপ – সি. গী থবক তৌরগনি। অতোপ্পা কয়া অমগী মনুংদা থবক খল্লিবা পোস্তশিং অদুদা সেন্ত্রেল আর্মদ পর্সনেল, সব ইনস্পেক্তর, কনস্তেবল, এল.দি.সি., স্তেনো, পি.এ., ইন্কম তেক্স ইনস্পেক্তরশিং, এম.তি.এস. য়াওরি।

মসিগী থবক লৌবা অসি মন্ত্রালয়শিং অমসুং বিভাগশিংনা মিসন মোদতা মশামক্না নত্রগা রেক্রইতিং এজেন্সীশিং খুদম ওইনা য়ু.পি.এস.সি., এস.এস.সি., রেলৱে রেক্রইৎমেন্ত বোর্দকী খুত্থাংদা পাংথোকই। য়াম্না য়াংনা থবক লৌনবগীদমক্তা, খনবগী থৌওং অদু লাইথোকহনখি অমসুং মসিদা তেক্নোলোজীগী মতেং লৌখি।

Addressing the Rozgar Mela where appointment letters are being handed over to the newly inducted appointees. https://t.co/LFD3jHYNIn

— Narendra Modi (@narendramodi) October 22, 2022

PM @narendramodi begins his speech by congratulating the newly inducted appointees. pic.twitter.com/eX10PI5t9l

— PMO India (@PMOIndia) October 22, 2022

For fulfillment of the resolve of a developed India, we are marching ahead on the path of self-reliant India. pic.twitter.com/1NMP9RBCAj

— PMO India (@PMOIndia) October 22, 2022

The efficiency of government departments has increased due to the efforts of our Karmayogis. pic.twitter.com/yCwmHJPHFV

— PMO India (@PMOIndia) October 22, 2022

Today India is the 5th biggest economy. This feat has been achieved because of the reforms undertaken in the last 8 years. pic.twitter.com/3GYDrrgPf4

— PMO India (@PMOIndia) October 22, 2022

Skilling India's youth for a brighter future. pic.twitter.com/AmKKdu6EHw

— PMO India (@PMOIndia) October 22, 2022

Giving a boost to rural economy. pic.twitter.com/RnmXL3CtQG

— PMO India (@PMOIndia) October 22, 2022

StartUp India has given wings to aspirations of our country's youth. pic.twitter.com/RDpHKgLNr7

— PMO India (@PMOIndia) October 22, 2022

India is scaling new heights with @makeinindia and Aatmanirbhar Bharat Abhiyan. The initiatives have led to a significant rise in number of exports. pic.twitter.com/Q85KnZJFzF

— PMO India (@PMOIndia) October 22, 2022

India's youth are our biggest strength. pic.twitter.com/ceHrHhcvkv

— PMO India (@PMOIndia) October 22, 2022

*****