মন্ত্রীমন্দলগী লোইশঙ
বে ওফ বেঙ্গোল মথক্তা সাইক্লোনিক স্তোর্ম থোক্লকপা মতমদা মাইয়োক্নবা ঙম্নবগীদমক্তা শেম শাদুনা লৈবগী থৌওং য়েংশিন্নবা কেবিনেত সেক্রেতরী শ্রী রাজিব গাউবাগী লুচিং মখাদা নেস্নেল ক্রাইসীস মেনেজমেন্ত কম্মিতী (এন.সি.এম.সি.)না মীফম ফমখ্রে
Posted On:
21 OCT 2022 6:55PM by PIB Imphal
বে ওফ বেঙ্গোল মথক্তা সাইক্লোনিক স্তোর্ম থোক্লকপা মতমদা মাইয়োক্নবা ঙম্নবগীদমক্তা কেন্দ্রগী মন্ত্রালয়/এজেন্সী অমসুং রাজ্য/য়ু.তি.গী সরকারশিংনা শেম শাদুনা লৈবগী থৌওং য়েংশিন্নবা কেবিনেত সেক্রেতরী শ্রী রাজিব গাউবাগী লুচিং মখাদা নেস্নেল ক্রাইসীস মেনেজমেন্ত কম্মিতী (এন.সি.এম.সি.)না মীফম ফমখ্রে।
ইন্দিয়া মেতেওরোলোজিকেল দিপার্তমেন্ত (আই.এম.দি.)কী দাইরেক্তর জেনেরেলনা ওক্তোবর ২৪দা অৱাং মাইকৈরোমদা হুমজিন্দুনা সাইক্লোনিক স্তোর্ম ওইহল্লকপা য়ারিবা বে ওফ বেঙ্গোলগী অকোয়বগী ৱেদর সীস্তেমগী হৌজিক ওইরিবা ফিভমগী মতাংদা পাউদমখি। মসিনা মখা তারকপা ওইনা, নোংপোক্লোমদা হাইদুনা ওরিশাগী সমুদ্র তোর্বান ময়াদা হুমদুনা নোংচুপ বেঙ্গোল – বাঙ্গলাদেশকী ঙমখৈদা ওক্তোবর ২৫দা য়ৌখিবা য়ানা লৈরি। মসিনা ওক্তোবর ২৫গী অহিং নোংয়াইদা বাঙ্গলাদেশ অমসুং মনাক নকপদা লৈবা নোংচুপ বেঙ্গোলগী সমুদ্র তোর্বানগী মফমশিং ফাওদুনা চৎখিবগী ওইথোকপসু লৈরি।
ওরিশা অমসুং নোংচুপ বেঙ্গোল অমদি অন্দমান অমসুং নিকোবর ইথৎকী চীফ সেক্রেতরীশিংগা লোয়ননা আন্ধ্র প্রদেশকী স্পিসিএল চীফ সেক্রেতরীনা সাইক্লোনিক স্তোর্ম অসিগী লম্বীদা লৈবা মীওইশিংবু ঙাক শেন্নবা শেম শারিবশিং অমসুং লোকেল লৈঙাক্লোইনা পায়খৎলিবা থৌওংশিংগী মতাংদা কম্মিতীগী মফমদা পাউদমখি। মখা তাবা ওইনা, ঙামীশিংবু সমুদ্রদগী হল্লক্নবা অমসুং অতোপ্পশিংবুসু সমুদ্র মনাক্তা চৎপীদনবা চেকশিনৱাসু খঙহনখ্রে।
এন.দি.আর.এফ.না মখোয়গী তীমশিংবু রাজ্যশিংনা শিজিন্নবা য়ানবা শীন লাঙদুনা থম্লে অমসুং অহেনবা তীম্বুসু মরী লৈনবা তেংবাংগীদমক্তা শেম শাদুনা থমখ্রে। আর্মী অমসুং নেভীগী রেস্ক্যু অমসুং রিলীফ তীম্বুসু জহাজ অমসুং এয়রক্রাফকা লোয়ননা শেম শাদুনা স্তেন্দবাইদা থমখ্রে।
রাজ্য অমসুং কেন্দ্রগী এজেন্সীশিংগী শেম-শাদুনা লৈবগী থৌওং য়েংশিল্লদুনা, শ্রী রাজিব গাউবানা রাজ্য/য়ু.তি. সরকার অমসুং কেন্দ্রগী এজেন্সীশিংগী মরী লৈনবা ওথোরিতীশিংনা মাংজৌননা ঙাকথোকপা অমসুং চেকশিনবগী থৌওং পাংথোক্কদবনি হায়না ফোংদোকখি। মীওইবা অমত্তগী পুন্সি মাঙহন্দবা অমসুং পাৱর অমসুং তেলিকোমগুম্বা ইনফ্রাস্ত্রকচর অমসুং লন-থুমদা য়ারিবমখৈ অমাঙ অতা থোকহন্দবা, অদুগা ইনফ্রাস্ত্রকচরশিং অসিদা করিগুম্বা অমাঙ-অতা থোক্লবসু, মখোয়শিংবু খ্বাইদগী অতেনবা মতমদা শেমদুনা মথৌ পাংথোকপা ঙমহনবা হায়বসিনা পায়খৎলিবা থবক-থৌরম খুদিংগী পান্দম ওইগদবনি।
সমুদ্রদা হৌজিক লৈরিবা ঙামীশিংবু খুদক্তা কৌশিনগদবনি অমসুং খুদোংথীবা নংবা য়াই পানরিবা মফমশিংগী মীওইশিংবুসু নোংলৈ নুংশিৎ অসিনা লাক্ত্রিঙৈ মমাংদা ইভাক্বেত তৌহৌগদবনি হায়না কেবিনেত সেক্রেতরীনা হায়খি। কেবিনেত সেক্রেতরীনা রাজ্য/য়ু.তি. সরকারশিংদা কেন্দ্রগী এজেন্সী পুম্নমক্না শেম শাদুনা লৈরে অমসুং তেংবাংবগীদমক্তা মখোয় লৈরি হায়বগী থাজবা পীখি।
ওরিশা, নোংচুপ বেঙ্গোল অমসুং অন্দমান অমদি নিকোবর ইথৎকী চীফ সেক্রেতরীশিং; আন্ধ্র প্রদেশকী স্পিসিএল চীফ সেক্রেতরী; হোম এফিয়র্স, পাৱর মন্ত্রালয়গী সেক্রেতরীশিং অমসুং তেলিকোম বিভাগকী মীহুতশিং; এন.দি.এম.এ., সি.আই.এস.সি. আই.দি.এস., দি.জি. এন.দি.আর.এফ., দি.জি. আই.এম.দি., দি.জি. কোস্ত গার্দকী মেম্বর সেক্রেতরী অমসুং হোম এফিয়র্স মন্ত্রালয়গী সেনিয়র ওফিসরশিংনা মীফম অসিদা শরুক য়াখি।
*****
(Release ID: 1870118)
Visitor Counter : 137