وزارت دفاع
دفاع کے سکریٹری نے ڈیف ایکسپو 2022 کے موقع پر بنگلہ دیش اور قزاخستان کے وفود کے ساتھ دو طرفہ ملاقاتیں کیں
Posted On:
20 OCT 2022 9:07AM by PIB Delhi
دفاع کے سکریٹری ڈاکٹر اجے کمارنے گجرات کے شہرگاندھی نگرمیں بارہویں ڈیف ایکسپو کے موقع پر19اکتوبر ،2022کو بنگلہ دیش اورقزاخستان کے وفود کے ساتھ دوطرفہ ملاقاتیں کی ۔انھوں نے بنگلہ دیش کی مسلح افواج ڈویژن کے پرنسپل اسٹاف آفیسر، لیفٹیننٹ جنرل وقار الزمان کی قیادت میں بنگلہ دیش کے وفد سے ملاقات کی۔ انھوں نے دونوں ممالک کے درمیان جاری دوطرفہ دفاعی تعاون کے اہم امور کا جائزہ لیا اور دفاعی صنعتی تعاون کو مستحکم کرنے کے طریقوں کے بارے میں تبادلۂ خیال کیا ۔
بعد ازاں دفاع کے سکریٹری نے قزاخستان کے نائب وزیر دفاع لیفٹیننٹ جنرل رسلان شپیک بائیف کی قیادت میں قزاخستان کے وفد سے ملاقات کی، جس کے دوران تربیت، مشترکہ فوجی مشقوں اور صلاحیت سازی پر خصوصی توجہ کے ساتھ دو طرفہ دفاعی تعاون سے متعلق متعدد امور پر غور وخوض کیا گیا۔
***********
(ش ح ۔ع م ۔ ع آ)
U -11621
(Release ID: 1869411)
Visitor Counter : 156