সরকারনা পায়খৎলিবা ‘আত্মানির্ভর ভারত অভিয়ান’গী খ্বাইদগী মরু ওইবা হীরম অমদি দিফেন্স সেক্তরনা মরোমদোম লেপচবা ঙম্নবা দিফেন্স সেক্তরদা অহোংবা পুরকপা অমসুং পব্লিক অমসুং প্রাইভেত সেক্তরনা শরুক য়াদুনা দিফেন্সকী পোৎলুম এক্সপোর্ত তৌবা হেনগৎহনবনি। দিফেন্স মন্ত্রালয় (এম.ও.দি.)না সেক্তর অসিদা ‘আত্মানির্ভরতা’ ফংনবগীদমক্তা তোঙানবা খোঙথাং কয়া পায়খৎখ্রে অমসুং মরিশুবা পোজিতিব ইন্দিজিনাইজেসন লিস্ত অসিনা পান্দম অসি ফংনবা থাংজিনবা মশক থোকপা খোঙথাং অমনি।

এম.ও.দি.না পোৎলম ৩১০ য়াওনা ওগস্ত ২১, ২০২০, মে ৩১, ২০২১ অমসুং এপ্রিল ৭, ২০২২দা মথংশিৎনা অহানবা, অনিশুবা অমসুং অহুমশুবা পোজিতিব ইন্দিজিনাইজেসন লিস্ত মমাংদা লাউথোকখ্রবনি। পোৎলম ১০১গী মরিশুবা পোজিতিব ইন্দিজিনাইজেসন লিস্ত অসিবুনা প্রধান মন্ত্রী শ্রী নরেন্দ্র মোদীনা গুজরাতকী গান্ধীনগরদা পাংথোক্লিবা দেফএক্সপো ২০২২ থৌরমদা ওক্তোবর ১৯, ২০২২দা লাউথোকখি। লিস্ত অসিদা য়াওরিবা পোৎলম খুদিংমক দিফেন্স এক্বিজিসন প্রোসিজর (দি.এ.পি.) ২০২০দা পীরিবা কাঙলোনগী মখা পোন্না লৈবাক্কী সোর্সতগী লৈগনি। লিস্ত অসিনা দিফেন্সতা আত্মানির্ভর ওইনবা শাফু পীরি।

৭৬শুবা নীংতম নুমিৎকী থৌরমদা প্রধান মন্ত্রীনা লাল কিলাগী ফম্বাক্তগী লৈবাক মীয়ামদা পীবা পাউজেলদা পোজিতিব লিস্তকী খুত্থাংদা ইন্দিজিনাইজ তৌনবা পায়খৎলিবা খোঙথাংশিংবু থাগৎখ্রবনি। লিস্ত অসিনা ইন্দিজিনাইজেসন থৌওংবু খুমাং চাউশিলহনগনি অমসুং দিফেন্স সেক্তরদা আত্মানির্ভর ওইহন্দুনা লাক্কদৌবা মতমশিংদা এক্সপোর্ত তৌবগী চাংসু হেনগৎহনগনি।

মরিশুবা লিস্ত অসি এম.ও.দি.না ইন্দস্ত্রী কয়া য়াওনা স্তেকহোলদর কয়াগা খন্নরবা তুংদা শেমখিবনি। মসিনা হৌজিক শেমগৎলিবা ইক্বিপমেন্ত/সীস্তেমশিংদা অহেনবা মিতয়েং চঙলি অমসুং মথংগী চহি ৫দগী ১০ ফাওবগী মনুংদা ফর্ম ওর্দরদা ওন্থোকপা য়াবগী ওইথোকপা লৈ। অহানবা লিস্ত অহুমগুম্না, লেপ্তনা তঙাই ফদবা ওইরিবা এম্যুনিসনগী ইম্পোর্ত হন্থহনবগী থৌওংদা অহেনবা মিৎয়েং চঙলি। মরিশুবা লিস্ত অসিনা ভারতকী দিফেন্স ইন্দস্ত্রীশিংগী মতিক লৈবা হেনগৎলক্লিবা অসিবু শকখঙলি অমসুং তেক্নোলোজী অমসুং মেন্যুফেকচরিং কেপেবিলিতীদা অনৌবা ইনভেস্তমেন্ত কয়া পুশিল্লক্তুনা লৈবাকসিদা পাংথোকপা রিসর্চ অমসুং দিভেলপমেন্তকী মতিক হেনগৎহনবা ঙম্বা য়ানা লৈরি।

মরিশুবা লিস্ততা য়াওরিবা পোৎলমশিং অসিনা লৈবাক্কী দিফেন্স ইন্দস্ত্রীশিংনা আর্ম্দ ফোর্সকী তুংদা মথৌ তারক্কদবা অমসুং চৎনবী খঙবা ঙম্বগী খুদোংচাবা মতিক চানা পীরি। মসিনা লৈবাক মনুংদা তঙাই ফদবা আর. অমসুং দি. অমদি মেন্যুফেচরিং কেপেবিলিতীসু লৈহনগনি।

এম.ও.দি.না কন্দ্যুসিব ইনভাইরনমেন্ত লৈহনগনি অমসুং মরিশুবা পোজিতিব ইন্দিজিনাইজেসন লিস্ত অসিদা য়াওরিবা মতমগী মনুংদা ইন্দস্ত্রীশিংনা থবক পাংথোকপা ঙমহন্নবা মতেং খুদিংমক পাংগনি। মসিনা অকক্নবা মতমগী মনুংদা লৈবাকপু দিফেন্সতা আত্মানির্ভর ওইহনগনি অমসুং এক্সপোর্ত তৌবা ঙম্বগী মতিকসু লৈহনগনি। লিস্ত অসি এম.ও.দি. ৱেবসাইত্তা (www.mod.gov.in) স্তেকহোলদরশিংদা ই-পাউ পীনবগীদমক্তা হাপ্লি।

মরিশুবা পোজিতিব ইন্দিজিনাইজেসন লিস্ত য়েংনবগীদমক্তা মসিদা নম্বীয়ু    

*****