ఇంటర్నేషనల్ సోలార్ అలయన్స్ ఐదవ అసెంబ్లీని పవర్ అండ్ న్యూ & రెన్యూవబుల్ ఎనర్జీ మంత్రి శ్రీ రాజ్ కుమార్ సింగ్ ఇంటర్నేషనల్ సోలార్ అలయన్స్ ప్రెసిడెంట్ హోదాలో ఈరోజు ప్రారంభించారు. రిపబ్లిక్ ఆఫ్ ఇండియా ఐఎస్‌ఏ అసెంబ్లీ అధ్యక్ష హోదాలో ఉంది. ఫ్రాన్స్ ప్రభుత్వం సహ ప్రెసిడెంట్‌గా ఉంది. 5వ ఐఎస్‌ఏ అసెంబ్లీ ప్రారంభోత్సవ కార్యక్రమంలో 20 దేశాల మంత్రులు మరియు 110 సభ్య మరియు సంతకం చేసిన దేశాలు మరియు 18 భావి దేశాల నుండి ప్రతినిధులు పాల్గొన్నారు.
 

సదస్సు ప్రారంభ సందర్భంగా శ్రీ రాజ్ కుమార్ సింగ్ మాట్లాడుతూ..ప్రపంచవ్యాప్తంగా శిలాజ ఇంధనాలపై ఆధారపడటం కేవలం పర్యావరణానికే కాకుండా ఆర్థిక వ్యవస్థకు కూడా అనారోగ్యకరమని గత రెండు సంవత్సరాలుగా మనకు అనేక ఘటనలు గుర్తు చేశాయి. శుభవార్త ఏమిటంటే, వీటిని ఎదుర్కోవడానికి అవసరమైన సాధనాలు మన వద్ద ఇప్పటికే ఉన్నాయి. సాంకేతిక పరిజ్ఞానం అభివృద్ధి రాబోయే సంవత్సరాల్లో మరింత ప్రభావవంతమైన వనరులు అందుబాటులో ఉండేలా చూస్తోంది. వీటిని ఎంత త్వరగా అమర్చవచ్చో నిర్ణయించుకోవాల్సిన బాధ్యత ఇప్పుడు మనపై ఉంది. ఇంధన పరివర్తన కోసం ఈ ప్రయత్నంలో శక్తి మరియు ఇంధన భద్రతకు ప్రాప్యత లేని ప్రపంచంలోని ప్రాంతాలలో అభివృద్ధిని ప్రారంభించే బాధ్యత కూడా మాపై ఉంది" అన్నారు.
 

" సౌర విధానాలను రూపొందించడంలో మరియు అమలు చేయడంలో అలాగే జాతీయ ఇంధన విధానాల నియంత్రణ అభివృద్ధిలో మరియు ఐఎస్‌ఏ సోలరైజేషన్ ఎజెండాను సాధించడానికి ప్రభుత్వ మరియు ప్రైవేట్ రంగ సంస్థలతో పాలుపంచుకోవడంలో సభ్య దేశాలకు సహాయం చేయడమే మా లక్ష్యం అని ఆయన వ్యాఖ్యానించారు. ఐఎస్‌ఏ అనేది అంతర్గత సాంకేతిక నైపుణ్యంతో అంతర్జాతీయ వనరుల కేంద్రంగా రూపొందించబడింది. ఇది సభ్య దేశాలకు తక్షణమే అందుబాటులో ఉంటుంది మరియు ప్రాజెక్ట్ అమలును స్థాయిలో మార్గనిర్దేశం చేయగల సామర్థ్యాన్ని కలిగి ఉంటుంది. ఐఎస్ఏ ఏర్పడినప్పటి నుండి చాలా అభివృద్ధి జరిగింది. ఐఎస్‌ఏలోని ప్రతి సభ్యుడు అందించిన మార్గదర్శకత్వం మరియు మద్దతుకు ధన్యవాదాలు, మేము గొప్ప వేగంతో ముందుకు వెళ్తున్నాము" అని శ్రీ రాజ్ కుమార్ సింగ్ తెలిపారు.

అసెంబ్లీ అనేది ఐఎస్‌ఏ అపెక్స్ డెసిషన్ మేకింగ్ బాడీ. దీనిలో ప్రతి సభ్య దేశం ప్రాతినిధ్యం వహిస్తుంది. ఐఎస్‌ఏ ముసాయిదా ఒప్పందాన్ని అమలు చేయడం మరియు దాని లక్ష్యాన్ని సాధించడానికి తీసుకోవలసిన సమన్వయ చర్యల గురించి ఈ సంస్థ నిర్ణయాలు తీసుకుంటుంది. అసెంబ్లీ ఏటా మంత్రి స్థాయిలో సమావేశమవుతుంది.

ఇది సోలార్ ఎనర్జీ విస్తరణ, పనితీరు, విశ్వసనీయత, ఖర్చు మరియు ఫైనాన్స్ స్కేల్ పరంగా ప్రోగ్రామ్‌లు మరియు ఇతర కార్యకలాపాల మొత్తం ప్రభావాన్ని అంచనా వేస్తుంది. ఐఎస్‌ఏ ఐదవ అసెంబ్లీ ఇంధన అందుబాటు, ఇంధన భద్రత మరియు శక్తి పరివర్తన అనే మూడు క్లిష్టమైన సమస్యలపై అలాగే ఐఎస్‌ఏ కీలక కార్యక్రమాలపై చర్చిస్తుంది.

ఐఎస్‌ఏ ఐదవ అసెంబ్లీలో 110 సభ్య దేశాల ప్రతినిధుల మధ్య జరిగిన చర్చలు సౌర విద్యుత్ విస్తరణను ప్రోత్సహించడానికి దేశాల మధ్య మరింత ఏకాభిప్రాయానికి దారితీస్తాయని భావిస్తున్నారు. ఐదవ ఐఎస్‌ఏ అసెంబ్లీ, ఇంటర్నేషనల్ సోలార్ అలయన్స్, ఆసియా డెవలప్‌మెంట్ బ్యాంక్ మరియు మినిస్ట్రీ ఆఫ్ న్యూ & రెన్యూవబుల్ ఎనర్జీ సహకారంతో భారత ప్రభుత్వం 19న క్లీన్ ఎనర్జీ ట్రాన్సిషన్‌కు కొత్త టెక్నాలజీలపై అక్టోబర్ 2022, న్యూ ఢిల్లీలోని చాణక్యపురిలోని హోటల్ అశోక్‌లో ఉన్నత స్థాయి సమావేశాన్ని నిర్వహించనుంది.

కాన్ఫరెన్స్‌లో  ప్లీనరీ మరియు నేపథ్య సాంకేతిక సెషన్లు కూడా ఉన్నాయి. ప్లీనరీ సోలార్ ఎనర్జీ టెక్నాలజీలు, పెట్టుబడులు మరియు మార్కెట్లలోని కీలకమైన అంశాలను రూపొందిస్తుంది. ఈ థీమ్‌లను మరింత లోతుగా అర్థం చేసుకోవడానికి ఈ చర్చలు సహాయపడతాయి. విభిన్న నేపథ్యాలకు చెందిన వక్తలు, విద్యావేత్తలు, థింక్ ట్యాంక్‌లు, పరిశ్రమలు, ఆర్థిక రంగం మరియు విధాన రూపకర్తలు పాల్గొంటారు. అలాగే వారి ఆలోచనలను పంచుకుంటారు.

ఇంటర్నేషనల్ సోలార్ అలయన్స్ గురించి:ఇంటర్నేషనల్ సోలార్ అలయన్స్ అనేది 110 సభ్యులు మరియు సంతకం చేసిన దేశాలతో కూడిన అంతర్జాతీయ సంస్థ. ఇది ప్రపంచవ్యాప్తంగా ఇంధన అందుబాటు మరియు భద్రతను మెరుగుపరచడానికి మరియు కార్బన్ లేని భవిష్యత్తుకు  స్థిరమైన మార్గంగా సౌర శక్తిని ప్రోత్సహించడానికి ప్రభుత్వాలతో కలిసి పనిచేస్తుంది. 2030 నాటికి సోలార్‌లో యూఎస్$ 1 ట్రిలియన్ పెట్టుబడులను అన్‌లాక్ చేయడంతోపాటు సాంకేతికత మరియు దాని ఫైనాన్సింగ్ ఖర్చును తగ్గించడం ఐఎస్‌ఏ లక్ష్యం. ఇది వ్యవసాయం, ఆరోగ్యం, రవాణా మరియు విద్యుత్ ఉత్పత్తి రంగాలలో సౌరశక్తి వినియోగాన్ని ప్రోత్సహిస్తుంది. ఐఎస్‌ఏ సభ్య దేశాలు విధానాలు మరియు నిబంధనలను అమలు చేయడం, ఉత్తమ అభ్యాసాలను పంచుకోవడం, సాధారణ ప్రమాణాలపై అంగీకరించడం మరియు పెట్టుబడులను సమీకరించడం ద్వారా మార్పును పెంచుతున్నాయి. ఈ కార్యక్రమం ద్వారా  ఐఎస్‌ఏ సౌర ప్రాజెక్టులకు కొత్త వ్యాపార నమూనాలను గుర్తించింది మరియు రూపొందించింది మరియు పరీక్షించింది; సౌర విశ్లేషణలు మరియు సలహాల ద్వారా సౌర స్నేహపూర్వకంగా వారి ఇంధన చట్టాలు మరియు విధానాలను రూపొందించడానికి ప్రభుత్వాలకు మద్దతు ఇచ్చింది; పూల్ చేయబడిన వివిధ దేశాల నుండి సోలార్ టెక్నాలజీ కోసం డిమాండ్; మరియు ఖర్చులనుతగ్గించింది; నష్టాలను తగ్గించడం మరియు ప్రైవేట్ పెట్టుబడులకు రంగాన్ని మరింత ఆకర్షణీయంగా మార్చడం ద్వారా ఫైనాన్స్‌కు మెరుగైన ప్రాప్యతను అందించింది; సౌర ఇంజనీర్లు మరియు ఇంధన విధాన రూపకర్తలకు సౌర శిక్షణ, డేటాకు యాక్సెస్ పెరిగింది. 6 డిసెంబర్ 2017న 15 దేశాలు ఐఎస్‌ఏ ముసాయిదా ఒప్పందంపై సంతకం చేయడం మరియు ఆమోదించడంతో  భారతదేశంలో ప్రధాన కార్యాలయాన్ని కలిగి ఉన్న మొదటి అంతర్జాతీయ ఇంటర్‌గవర్నమెంటల్ సంస్థగా ఐఎస్‌ఏ అవతరించింది. సౌరశక్తి ద్వారా ఖర్చుతో కూడుకున్న మరియు పరివర్తన పరిష్కారాలను అమలు చేయడానికి, ముఖ్యంగా తక్కువ అభివృద్ధి చెందిన దేశాల్లో (ఎండిబిలు), అభివృద్ధి ఆర్థిక సంస్థలు (డిఎఫ్‌ఏలు), ప్రైవేట్ మరియు ప్రభుత్వ రంగ సంస్థలు, పౌర సమాజం మరియు ఇతర అంతర్జాతీయ సంస్థలతో ఐఎస్‌ఏ భాగస్వామ్యం కలిగి ఉంది.

***