بجلی اور نئی اور قابل تجدید توانائی کے مرکزی وزیر جناب راج کمار سنگھ نے آج بین الاقوامی شمسی اتحاد کے صدر کی حیثیت سے بین الاقوامی شمسی اتحاد کی پانچویں اسمبلی کا افتتاح کیا۔ جمہوریہ بھارت کے پاس بین الاقوامی شمسی اتحاد (آئی ایس اے) اسمبلی کے صدر کا عہدہ ہے، جس میں حکومت فرانس شریک صدر ہے۔ 20 ممالک کے وزراء اور 110 رکن اور دستخط کنندہ ممالک اور 18 ممکنہ ممالک کے مندوبین نے 5ویں آئی ایس اے اسمبلی کی افتتاحی اجلاس میں شرکت کی۔

افتتاح کے موقع پر جناب راج کمار سنگھ نے کہا کہ پچھلے دو سالوں نے ہمیں متعدد یاد دہانیاں فراہم کی ہیں کہ رکازی ایندھن پر عالمی انحصار نہ صرف ماحولیات، بلکہ معیشت کے لیے بھی غیر صحت بخش ہے۔ اچھی خبر یہ ہے کہ ہمارے پاس پہلے سے ہی ایسے آلات موجود ہیں جن کی ہمیں ان کا مقابلہ کرنے کے لئے ضرورت ہے، اور ٹیکنالوجی کی ترقی اس بات کو یقینی بنا رہی ہے کہ آنے والے سالوں میں اور بھی زیادہ موثر وسائل دستیاب ہوں گے۔ اب یہ ہم پر منحصر ہے کہ ہم ان کو کتنی جلدی تعینات کر سکتے ہیں۔ توانائی کی ترسیل کی اس جستجو میں ہماری ذمہ داری بھی ہے کہ ہم دنیا کے ان حصوں میں ترقی کو ممکن بنائیں جہاں توانائی اور توانائی سکیورٹی تک رسائی نہیں ہے۔

انہوں نے مزید کہا کہ یہ ہمارا مشن ہے کہ آئی ایس اے رکن ممالک کی شمسی توانائی کے لئے پوری طرح تیار پالیسیاں بنانے اور ان پر عمل درآمد کرنے اور قومی توانائی کے خاکے کی انضباطی ترقی میں مدد کر سکتا ہے اور آئی ایس اے کے شمسی توانائی کے ایجنڈے کو حاصل کرنے کے لیے کم لاگت کی مالی اعانت سے فائدہ اٹھانے کے لیے سرکاری اور نجی شعبے کے اداروں کے ساتھ مل کر کام کر سکتا ہے۔ آئی ایس اے کو اندرون ملک تکنیکی مہارت کے ساتھ ایک بین الاقوامی وسائل کے مرکز کے طور پر تشکیل دیا گیا ہے جو رکن ممالک کے لیے آسانی سے قابل رسائی ہوگا اور بڑے پیمانے پر پروجیکٹ کے نفاذ کی رہنمائی کرنے کے قابل ہے۔ آئی ایس اے نے اپنے قیام کے بعد ایک طویل سفر طے کیا ہے، اور ہم آئی ایس اے کے ہر رکن کی طرف سے فراہم کردہ رہنمائی اور تعاون کی بدولت بڑی رفتار سے آگے بڑھ رہے ہیں۔

اسمبلی بین الاقوامی شمسی اتحاد (آئی ایس اے) کا فیصلہ ساز ادارہ ہے جس میں ہر رکن ملک کی نمائندگی ہوتی ہے۔ یہ ادارہ آئی ایس اے کے فریم ورک معاہدے کے نفاذ اور اس کے مقصد کو حاصل کرنے کے لیے مربوط اقدامات کے بارے میں فیصلے کرتا ہے۔ اسمبلی کا اجلاس ہر سال وزارتی سطح پر آئی ایس اے کی نشست پر ہوتا ہے۔

یہ شمسی توانائی کی تعیناتی، کارکردگی، اعتبار، لاگت اور مالیات کے پیمانے کے لحاظ سے پروگراموں اور دیگر سرگرمیوں کے مجموعی اثر کا جائزہ لیتا ہے۔ آئی ایس اے کی پانچویں اسمبلی تین اہم مسائل، توانائی تک رسائی، توانائی کی حفاظت اور توانائی کی منتقلی پر آئی ایس اے کے اہم اقدامات پر غور کرے گی۔

آئی ایس اے کی پانچویں اسمبلی میں 110 رکن ممالک کے نمائندوں کے درمیان ہونے والی بات چیت اور مذاکرے سے توقع ہے کہ سولر پاور کی تعیناتی کو فروغ دینے کے لیے کمیونٹی کے درمیان زیادہ اتفاق رائے پیدا ہوگا۔ پانچویں آئی ایس اے اسمبلی کے موقع پر بین الاقوامی شمسی اتحاد، ایشیائی ترقیاتی بینک اور نئی اور قابل تجدید توانائی کی وزارت، حکومت ہند کے اشتراک سے 19 اکتوبر 2022 کو اشوکا ہوٹل، چانکیہ پوری، نئی دہلی میں آلودگی سے پاک توانائی کی ترسیل کے لیے نئی ٹیکنالوجیز پر ایک اعلیٰ سطحی کانفرنس کی میزبانی کرے گا۔

کانفرنس میں مکمل اور موضوعاتی تکنیکی اجلاس ہوں گے۔ اگرچہ مکمل اجلاس شمسی توانائی کی ٹیکنالوجیز، سرمایہ کاری اور بازاروں کے بارے میں کلیدی مسائل پر غور کرے گا، لیکن موضوعاتی مباحث ان موضوعات کی گہرائی کو سمجھنے میں مدد کریں گے۔ متنوع پس منظر سے تعلق رکھنے والے مقررین، تعلیمی ادارے، تھنک ٹینکس، صنعت، مالیاتی شعبے اور پالیسی ساز شرکت کریں گے اور بصیرت افروز خیالات کا اشتراک کریں گے۔

بین الاقوامی شمسی اتحاد کے بارے میں،بین الاقوامی شمسی اتحاد ایک بین الاقوامی تنظیم ہے جس کے 110 رکن اور دستخط کنندہ ممالک ہیں۔ یہ دنیا بھر میں توانائی تک رسائی اور سلامتی کو بہتر بنانے اور کاربن سے مبرا غیر جانبدار مستقبل میں منتقلی کے ایک پائیدار طریقے کے طور پر شمسی توانائی کو فروغ دینے کے لیے حکومتوں کے ساتھ کام کرتا ہے۔ آئی ایس اے کا مشن 2030 تک شمسی توانائی میں 1 ٹریلین امریکی ڈالر کی سرمایہ کاری کو کھولنا ہے جبکہ ٹیکنالوجی کی لاگت اور اس کی مالی اعانت کو کم کرنا ہے۔ یہ زراعت، صحت، ٹرانسپورٹ اور بجلی کی پیداوار کے شعبوں میں شمسی توانائی کے استعمال کو فروغ دیتا ہے۔ آئی ایس اے کے رکن ممالک پالیسیوں اور ضوابط کو نافذ کرکے، بہترین طریقوں کا اشتراک کرکے، مشترکہ معیارات پر اتفاق کرتے ہوئے اور سرمایہ کاری کو متحرک کرکے تبدیلی کو آگے بڑھا رہے ہیں۔ اس کام کے ذریعے آئی ایس اے نے شمسی منصوبوں کے لیے نئے کاروباری ماڈلز کی شناخت اور ڈیزائن اور تجربہ کیا ہے۔ شمسی اینالیٹکس کی آسان بنانے اور ایڈوائزری کے ذریعے حکومتوں کی توانائی سے متعلق قانون سازی اور پالیسیوں کو شمسی سازگار بنانے میں مدد کی۔ مختلف ممالک سے شمسی ٹیکنالوجی کی مانگ میں اضافہ کو یکجا اور اخراجات کو کم کردیا ہے۔ خطرات کو کم کرکے اور اس شعبے کو نجی سرمایہ کاری کے لیے مزید پرکشش بنا کر مالیات تک رسائی کو بہتر بنایا ہے؛ سولر انجینئرز اور انرجی پالیسی سازوں کے لیے سولر ٹریننگ، ڈیٹا اور بصیرت تک رسائی میں اضافہ کیا ہے۔ 6 دسمبر 2017 کو 15 ممالک کے ذریعہ آئی ایس اے فریم ورک معاہدے پر دستخط اور توثیق کے ساتھ آئی ایس اے پہلی بین الاقوامی بین حکومتی تنظیم بن گئی جس کا صدر دفتر ہندوستان میں ہے۔ آئی ایس اے کثیر جہتی ترقیاتی بینکوں (ایم بی ڈی)، ترقیاتی مالیاتی اداروں (ڈی ایف آئی)، نجی اور سرکاری شعبے کی تنظیموں، سول سوسائٹی، اور دیگر بین الاقوامی اداروں کے ساتھ اشتراک کر رہا ہے تاکہ شمسی توانائی کے ذریعے خاص طور پر کم سے کم ترقی یافتہ ممالک میں (ایل ڈی سی) اور چھوٹے جزیرہ نما ترقی پذیر ملکوں (ایس آئی ڈی ایس) میں مؤثر سرمایہ کاری اور تبدیلی کے حل کو تعینات کیا جا سکے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 11562)