پوسٹ کرنے کی تاریخ:
10 OCT 2022 1:53PM by PIB Delhi
ڈیولپمنٹ کمشنر(دستکاری ) کے دفترنے آن لائن پورٹل کے توسط سے مارکیٹنگ سے متعلق تقریبات میں شرکت کرنے کے لئے درخواستیں طلب کرنے کے عمل کا آغاز کیاہے ۔ اس سے دستکاروں اورکاریگروں کو مکمل طورپر ڈجیٹل پرمبنی مارکیٹنگ سے متعلق پلیٹ فارم دستیاب ہو جائے گا۔
ملک کے مختلف حصوں میں سالانہ لگ بھگ 200گھریلو مارکیٹنگ تقریبات کا انعقاد کیاجاتاہے ۔ جن کا مقصد دستکاروں اور صناعوں کو ان کی مصنوعات کی فروخت میں معاونت کرنا ہے ۔ درخواستیں طلب کرنے سے لے کر انھیں منتخب کرنے اوربالآخر اسٹال الاٹمنٹ کرنے سے متعلق آن لائن عمل مکمل طورپر کمپیوٹر پرمبنی ہے ۔ جس میں کسی بھی قسم کا انسانی عمل دخل نہیں ہوتا۔ آن لائن عمل کی بدولت سبھی دستکاروں اور کاریگروں کو مساوی ،منصفانہ اورشفاف موقع فراہم ہوتاہے ۔ سبھی متلعقہ فریقوں کو درخواستیں جمع کرانے کے بارے میں وسیع رہنما ہدایات جاری کردی گئی ہیں ۔ جس کا مقصد دستکاروں اورصناعوں کو جانکاری فراہم کرنا ہے ۔ (یہ سب سرکاری ویب سائٹ پربھی دستیاب ہے )۔
ڈیولپمنٹ کمشنر(دستکاری) کے دفتر نے انڈین ہینڈی کرافٹ پورٹل http://indian.handicrafts.gov.in کاآغاز کیاہے ۔ جس کے ذریعہ سبھی مستحق اوراہل کاریگر اورصناع ، مارکیٹنگ سے متعلق تقریبات کے لئے آن لائن درخواستیں دے سکتے ہیں ۔ کاریگراوردستکار پہچان کارڈ نمبر سے لاگ ان کرسکتے ہیں ، جس کے بعد او ٹی پی کے ساتھ توثیق کورجسٹرڈ موبائل نمبر پربھیجاجاتاہے ۔ دلّی ہاٹ سمیت مارکیٹنگ سے متعلق سبھی تقریبات کے لئے درخواستیں وصول کرنے ، ان میں سے چنندہ کاانتخاب کرنے اوربالآخر الاٹمنٹ کرنے کا عمل ، صرف اسی پورٹل کے ذریعہ کیاجائے گااوراس کے ساتھ ہی گھریلو مارکیٹنگ تقریبات میں شرکت کے لئے جسمانی طوپر درخواستیں طلب کرنے کا طریق کار، اب ترک کردیاگیاہے ۔
***********
(ش ح ۔ع م ۔ ع آ)
U -11241