ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ
ହିମାଚଳ ପ୍ରଦେଶରେ ୱାଟର ସ୍ପୋର୍ଟସ ସେଣ୍ଟର ଉଦଘାଟନ କଲେ ଶ୍ରୀ ଅନୁରାଗ ସିଂହ ଠାକୁର
ଏହି ଅଭିନବ ୱାଟର ସ୍ପୋର୍ଟସ ସେଣ୍ଟର ସାଇ ଓ ଏନଟିପିସିର ମିଳିତ ଉପକ୍ରମ
Posted On:
09 OCT 2022 5:10PM by PIB Bhubaneshwar
କେନ୍ଦ୍ର କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ରବିବାର ପୂର୍ବାହ୍ନରେ ହିମାଚଳ ପ୍ରଦେଶର ବିଳାସପୁରର କୋଲଡେମ ବରମାନା ଠାରେ ଏକ ୱାଟର ସ୍ପୋର୍ଟସ ସେଣ୍ଟର ଉଦଘାଟନ କରିଛନ୍ତି । ହିମାଚଳ ପ୍ରଦେଶରେ ଏହି ଅଭିନବ ୱାଟର ସ୍ପୋର୍ଟସ ସେଣ୍ଟର ଭାରତୀୟ କ୍ରୀଡା ପ୍ରାଧିକରଣ (ସାଇ) ଓ ଜାତୀୟ ତାପଜ ବିଦ୍ୟୁତ ନିଗମ (ଏନଟିପିସି)ର ମିଳିତ ଭାବେ ଆରମ୍ଭ ହୋଇଛି ।
ଏହି କାର୍ଯ୍ୟକ୍ରମ ଅବସରରେ ସାଇ ଓ ଏନଟିପିସି ମଧ୍ୟ ବୁଝାମଣାପତ୍ର ହସ୍ତାନ୍ତର ହୋଇଛି ।
ଖୁବ କମ ସମୟ ଅବଧି ମଧ୍ୟରେ ସ୍ଥାପିତ ହୋଇଥିବା ଏହି କେନ୍ଦ୍ର ସମ୍ପର୍କରେ ଶ୍ରୀ ଅନୁରାଗ ସିଂହ ଠାକୁର କହିଛନ୍ତି “ମାତ୍ର ଗୋଟିଏ ମାସ ମଧ୍ୟରେ ହିଁ ୱାଟର ସ୍ପୋର୍ଟସ ବ୍ୟବସ୍ଥା ହୋଇପାରିଛି ଓ ସାଇ ଏବଂ ଏନଟିପିସି ଅଧିକାରୀମାନେ ଏହା ସମ୍ଭବ କରି ପାରିଥିବାରୁ ସେମାନଙ୍କୁ ଧନ୍ୟବାଦ ଜଣାଉଛି । ରୋଇଂ, କାୟାକିଂ ଓ କାନୋଇଂରେ ଭାଗ ନେବା ପାଇଁ ୪୦ ଜଣ ଖେଳାଳିଙ୍କୁ ଚୟନ କରାଯିବ । ଅତ୍ୟାଧୁନିକ ଉପକରଣ ସହ ଏଠାରେ ପୁରୁଷ ଏବଂ ମହିଳାଙ୍କ ପାଇଁ ହଷ୍ଟେଲ ଓ ତାଲିମ ସୁବିଧା ରହିଛି । ଏହି କେନ୍ଦ୍ରରେ ଜାତୀୟ ପ୍ରତିଯୋଗିତା ଆୟୋଜିତ ହେବା ନେଇ ବିଶ୍ୱାସ ରହିଛି ।”
ରୋଇଂ, କାୟାକିଂ ଓ କାନୋଇଂ ଭଳି ୱାଟର ସ୍ପୋର୍ଟସ କ୍ରୀଡାବିତମାନଙ୍କୁ ପ୍ରଶିକ୍ଷଣ ଦେବା ପାଇଁ ଏହି କେନ୍ଦ୍ର ସମର୍ପିତ ରହିବ ।
କାର୍ଯ୍ୟକ୍ରମ ଅବସରରେ ଶ୍ରୀ ଠାକୁର ଗୁଜୁରାଟରେ ଚାଲିଥିବା ୩୬ତମ ଜାତୀୟ କ୍ରୀଡାରେ ସ୍ୱର୍ଣ୍ଣପଦକ ବିଜେତା ହିମାଚଳ ପ୍ରଦେଶର କବାଡି ଦଳକୁ ସମ୍ବର୍ଦ୍ଧିତ କରିଛନ୍ତି ।
SR
(Release ID: 1866336)
Visitor Counter : 115