نوجوانوں کے امور اور کھیل کود کے مرکزی وزیر جناب انوراگ سنگھ ٹھاکر نے اتوار کی صبح کو لڈم برمانا، بلاسپور، مدھیہ پردیش میں واٹر اسپورٹس سنٹر  کا افتتاح کیا۔ ہماچل پردیش کا یہ پہلا واٹر اسپورٹس سنٹر ،  اسپورٹس اتھارٹی آف انڈیا (ایس اے آئی) اور نیشنل تھرمل پاور کارپوریشن (این ٹی پی سی) کا مشترکہ منصوبہ ہے۔

اس پروگرام کے دوران ایس اے آئی اور این ٹی پی سی نے مفاہمت نامے کا تبادلہ بھی کیا۔

اتنی عجلت میں یہ سنٹر کس طرح قائم کیا گیا ، اس بات کا ذکر کرتے ہوئے جناب انوراگ سنگھ ٹھاکر نے کہا کہ محض ایک مہینے کی مدت میں واٹر اسپورٹس کے انتظامات کئے گئے اور میں ایس اے آئی اور این ٹی پی سی کے افسروں کا شکریہ ادا کرنا چاہتا ہوں، جنہوں نے یہ کام ممکن کر دکھایا۔ 40 کھلاڑیوں کا انتخاب کیا جائے گا، جو روئنگ، کشتی رانی اور ڈونگی کے کھیل میں حصہ لیں گے۔ یہاں جدید ترین آلات اور سامان موجود ہیں اور لڑکوں اور لڑکیوں کے لئے ہوسٹل کی سہولت موجود ہے۔ انہوں نے امید ظاہر کی کہ سنٹر میں نیشنل مقابلے بھی ہوں گے۔

اس سنٹر کو روئنگ، کشتی رانی اور ڈونگی وغیرہ جیسے واٹر اسپورٹس کے لئے وقف کیا جائے گا۔

پروگرام کے دوران جناب ٹھاکر نے ہماچل پردیش عورتوں کی کبڈی ٹیم کی عزت افزائی کی، جنہوں نے گجرات میں جاری 36ویں قومی کھیلوں میں سونے کا تمغہ جیتا ہے۔

***

ش ح۔ ع س۔ ک ا