ಆರನೇ ಆವೃತ್ತಿಯ ಇಂಡಿಯಾ ಮೊಬೈಲ್ ಕಾಂಗ್ರೆಸ್ (ಐ.ಎಂ.ಸಿ 2022) ಜೊತೆಗೆ ರಾಜ್ಯ ಐಟಿ ಮಂತ್ರಿಗಳ ಡಿಜಿಟಲ್ ಇಂಡಿಯಾ ಸಮ್ಮೇಳನವು ಅಕ್ಟೋಬರ್ 1 ರಂದು ನಡೆಯಿತು, ಇದನ್ನು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಯವರು ಉದ್ಘಾಟಿಸಿದರು.  ಉದ್ಯಮದ ದಿಗ್ಗಜರಾದ ರಿಲಯನ್ಸ್ ಇಂಡಸ್ಟ್ರೀಸ್‌ನಿಂದ ಶ್ರೀ ಮುಖೇಶ್ ಅಂಬಾನಿ, ಭಾರ್ತಿ ಎಂಟರ್‌ಪ್ರೈಸಸ್‌ನ ಶ್ರೀ ಸುನೀಲ್ ಭಾರತಿ ಮಿತ್ತಲ್, ಆದಿತ್ಯ ಬಿರ್ಲಾ ಗ್ರೂಪ್‌ನ ಶ್ರೀ ಕುಮಾರ್ ಮಂಗಳಂ ಬಿರ್ಲಾ ಮತ್ತು ಹಲವಾರು ಗಣ್ಯರು ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದರು. ಈ ಸಂದರ್ಭದಲ್ಲಿ, 5G ಸೇವೆಯ ಪ್ರಾರಂಭದೊಂದಿಗೆ, ಶಿಕ್ಷಣ, ಆರೋಗ್ಯ, ಕಾರ್ಮಿಕ ಸುರಕ್ಷತೆ, ಸ್ಮಾರ್ಟ್ ಕೃಷಿ ಮುಂತಾದ ವಿವಿಧ ಕ್ಷೇತ್ರಗಳಲ್ಲಿ 5G ಸೇವೆಯ ಬಳಕೆಗೆ ಸಂಬಂಧಿಸಿದ ಪ್ರದರ್ಶನಗಳು ಮತ್ತು ಚಟುವಟಿಕೆಗಳನ್ನು ಸಹ ಪ್ರಾರಂಭಿಸಲಾಯಿತು.

ಇಂಡಿಯಾ ಮೊಬೈಲ್ ಕಾನ್ಫರೆನ್ಸ್ 2022 ರ ಉದ್ಘಾಟನಾ ಅಧಿವೇಶನದ ನಂತರ, ಕೇಂದ್ರ ರೈಲ್ವೆ, ಸಂವಹನ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಅವರ ಅಧ್ಯಕ್ಷತೆಯಲ್ಲಿ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಮತ್ತು ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆ ರಾಜ್ಯ ಸಚಿವ ರಾಜೀವ್ ಚಂದ್ರಶೇಖರ್ ಮತ್ತು ಸಂವಹನ ರಾಜ್ಯ ಸಚಿವ ದೇವುಸಿನ್ಹ ಚೌಹಾಣ್, ಉಪಸ್ಥಿತಿಯಲ್ಲಿ  12 ರಾಜ್ಯಗಳ ಮತ್ತು ಕೇಂದ್ರಾಡಳಿತ ಪ್ರದೆಶಗಳ ಮಾಹಿತಿ ತಂತ್ರಜ್ಞಾನ ಸಚಿವರ ಡಿಜಿಟಲ್ ಇಂಡಿಯಾ ಸಮ್ಮೇಳನವನ್ನು ನಡೆಸಲಾಯಿತು. ಆಂಧ್ರಪ್ರದೇಶ, ಅಸ್ಸಾಂ, ಬಿಹಾರ, ಮಧ್ಯಪ್ರದೇಶ, ಗುಜರಾತ್, ಗೋವಾ, ಮಣಿಪುರ, ಉತ್ತರಾಖಂಡ, ತೆಲಂಗಾಣ ಮತ್ತು ಮಿಜೋರಾಂ, ಸಿಕ್ಕಿಂ ಮತ್ತು ಪುದುಚೇರಿ ಕೇಂದ್ರಾಡಳಿತ ಪ್ರದೇಶಗಳ ಐಟಿ ಸಚಿವರು ಈ ಸಮಾವೇಶದಲ್ಲಿ ಭಾಗವಹಿಸಿದ್ದರು.

ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಮಾಹಿತಿ ತಂತ್ರಜ್ಞಾನ ಕಾರ್ಯದರ್ಶಿಗಳು, ರಾಜ್ಯಗಳ ಅಧಿಕಾರಿಗಳು ಹಾಗೂ ವಿದ್ಯುನ್ಮಾನ  ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಮತ್ತು ತಂತ್ರಜ್ಞಾನ ಇಲಾಖೆಯ ಹಿರಿಯ ಅಧಿಕಾರಿಗಳು ಸಮಾವೇಶದಲ್ಲಿ ಭಾಗವಹಿಸಿದ್ದರು.

 ತಮ್ಮ ಸ್ವಾಗತ ಭಾಷಣ ಮತ್ತು ಆರಂಭಿಕ ಹೇಳಿಕೆಗಳಲ್ಲಿ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಅಲ್ಕೇಶ್ ಕುಮಾರ್ ಶರ್ಮಾ ಅವರು ಸಾಂಕ್ರಾಮಿಕ ಸಮಯದಲ್ಲಿ ಡಿಜಿಟಲ್ ಇಂಡಿಯಾ ತನ್ನ ಸ್ಥಿತಿಸ್ಥಾಪಕತ್ವವನ್ನು ಹೇಗೆ ಸಾಬೀತುಪಡಿಸಿದೆ ಎಂಬುದರ ಕುರಿತು ಒಳನೋಟಗಳನ್ನು ಹಂಚಿಕೊಂಡರು. ಅವರು ಸಚಿವಾಲಯದ ಇತ್ತೀಚಿನ ಉಪಕ್ರಮಗಳಾದ 'ಮೈ ಸ್ಕೀಮ್', ಮೇರಿ ಪೆಹಚಾನ್, ಡಿಜಿಟಲ್ ಭಾಷಿನಿ ಮತ್ತು ಪಿಎಲ್‌ಐಗಳನ್ನು ಹಂಚಿಕೊಂಡರು, ಇವುಗಳನ್ನು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಸುಲಭವಾಗಿ ಜೀವನ ಸಾಗಿಸಲು ಮತ್ತು ವ್ಯಾಪಾರ ಮಾಡಲು ಪಡೆಯಬಹುದು. ಈ ದಶಕವನ್ನು ಭಾರತದ 'ಟೆಕ್‌ಎಡ್' ಮಾಡಲು ಎಲ್ಲಾ ಪ್ರಯತ್ನಗಳನ್ನು ಮಾಡುವ ಬಗ್ಗೆಯೂ ಅವರು ಒತ್ತಿ ಹೇಳಿದರು. 

ಶ್ರೀ ದೇವುಸಿನ್ಹ ಚೌಹಾಣ್ ಅವರು ತಮ್ಮ ಭಾಷಣದಲ್ಲಿ, ಇಂದು ಭಾರತದಲ್ಲಿ 5G ಸೇವೆಗಳ ಪರಿಚಯವು ಐತಿಹಾಸಿಕ ದಿನವಾಗಿದೆ ಎಂದು ಹೇಳಿದರು. ಆರ್ ಒ ಡಬ್ಲ್ಯೂ ಅನುಮತಿ ಪಡೆಯಲು ತೆಗೆದುಕೊಳ್ಳುವ ಸಮಯವನ್ನು 3 ತಿಂಗಳಿಂದ 6 ದಿನಗಳಿಗೆ ಇಳಿಸಲಾಗಿದೆ ಎನ್ನುವ ಮಾಹಿತಿ ಹಂಚಿಕೊಂಡರು.

ಶ್ರೀ ರಾಜೀವ್ ಚಂದ್ರಶೇಖರ್ ಅವರು, ಬೆಳವಣಿಗೆಗೆ ಅಭೂತಪೂರ್ವ ಅವಕಾಶವಿದೆ ಮತ್ತು ವಿಶ್ವವು ಭಾರತವನ್ನು ವಿಶೇಷವಾಗಿ ವಿದ್ಯುನ್ಮಾನ ವಲಯದಲ್ಲಿ ವಿಶ್ವಾಸಾರ್ಹ ಪೂರೈಕೆ ಸರಪಳಿ ಪಾಲುದಾರನಾಗಿ ನೋಡುತ್ತಿದೆ ಎಂದು ಹೇಳಿದರು. ಅವರು ಡಿಜಿಟಲ್ ಸಾಧನ, ಡಿಜಿಟಲ್ ಡೇಟಾ, ಆಳವಾದ ತಂತ್ರಜ್ಞಾನಗಳು ಮತ್ತು ಪೂರೈಕೆ ಸರಪಳಿಯಲ್ಲಿನ ಬೃಹತ್ ವೈವಿಧ್ಯತೆಯ ಬಗ್ಗೆ ಪ್ರಸ್ತಾಪಿಸಿದರು. ಟೀಮ್ ಇಂಡಿಯಾ ಆಗಿ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು, ಕಂಪನಿಗಳನ್ನು ಆಕರ್ಷಿಸಲು ಪಿಎಲ್‍ಐ  ಯೋಜನೆಗಳನ್ನು ತರಬೇಕು, 2/3 ಶ್ರೇಣಿಯ ನಗರಗಳಿಗೆ ಸ್ಟಾರ್ಟಪ್ ಸಂಸ್ಕೃತಿಯನ್ನು ಕೈತೆಗೆದುಕೊಳ್ಳಲು ನೀತಿಗಳನ್ನು ರೂಪಿಸಬೇಕು, ನಾಗರಿಕ ಕೇಂದ್ರಿತ ಮತ್ತು ವ್ಯಾಪಾರ ಕೇಂದ್ರಿತ ಸೇವೆಗಳನ್ನು ಪ್ರಮಾಣೀಕರಿಸಲು ಅದರ ಸುತ್ತಲೂ ನಿರ್ಮಿಸಲಾದ ಇಂಡಿಯಾ ಸ್ಟಾಕ್ ಪರಿಹಾರಗಳು ಮತ್ತು ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳನ್ನು ಬಳಸಿಕೊಳ‍್ಳಬೇಕು ಎಂದು ಅವರು ಒತ್ತಿ ಹೇಳಿದರು. 

ಶ್ರೀ ಅಶ್ವಿನಿ ವೈಷ್ಣವ್ ಅವರು ತಮ್ಮ ಆರಂಭಿಕ ಭಾಷಣದಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳನ್ನು ಒಳಗೊಂಡ ಟೀಮ್ ಡಿಜಿಟಲ್ ಇಂಡಿಯಾ ಯುವಕರು ಮತ್ತು 1.3 ಬಿಲಿಯನ್ ಜನರ ಆಕಾಂಕ್ಷೆಗಳನ್ನು ಪೂರೈಸಬೇಕು ಎಂದು ಹೇಳಿದರು. 2026 ರ ವೇಳೆಗೆ ಉದ್ಯೋಗ ಸೃಷ್ಟಿ, 1 ಟ್ರಿಲಿಯನ್ ಡಾಲರ್ ಡಿಜಿಟಲ್ ಆರ್ಥಿಕತೆ ಮತ್ತು 1 ಕೋಟಿ ಡಿಜಿಟಲ್ ಉದ್ಯೋಗಗಳ ಗುರಿಯನ್ನು ಸಾಧಿಸುವತ್ತ ಗಮನ ಹರಿಸಲಾಗಿದೆ ಎಂದು ಅವರು ಹೇಳಿದರು. ಹೊಸ ನೀತಿಗಳಾದ ಟೆಲಿಕಾಂ ಬಿಲ್ ಮತ್ತು ಡಿಜಿಟಲ್ ಡೇಟಾ ಪ್ರೊಟೆಕ್ಷನ್ ಬಿಲ್ ಗಳಿಗಾಗಿ ರಾಜ್ಯಗಳು ರಚನಾತ್ಮಕ ಸಲಹೆಗಳನ್ನು ಹಂಚಿಕೊಳ್ಳಲು ಪ್ರೋತ್ಸಾಹಿಸಲಾಗುತ್ತದೆ ಎಂದು ಹೇಳಿದರು.

ನಂತರ, ರಾಜ್ಯ / ಕೇಂದ್ರಾಡಳಿತ  ಮಹಿತಿ ತಂತ್ರಜ್ಞಾನ  ಮಂತ್ರಿಗಳು ತಮ್ಮ ರಾಜ್ಯಗಳಲ್ಲಿ ಡಿಜಿಟಲ್ ಇಂಡಿಯಾ ಅಡಿಯಲ್ಲಿ ತೆಗೆದುಕೊಂಡ ಸಂಪರ್ಕ, ಎಲೆಕ್ಟ್ರಾನಿಕ್ ಉತ್ಪಾದನಾ ಪ್ರಯತ್ನಗಳು, ಇ-ಆಡಳಿತ ಉಪಕ್ರಮಗಳ ಪ್ರಗತಿಯನ್ನು ಹಂಚಿಕೊಂಡರು. ಸಂಪರ್ಕ, ಎನ್.ಐ.ಇ.ಎಲ್.ಐ.ಟಿ, ಸಿಡ್ಯಾಕ್, ಎಸ್.ಟಿ.ಪಿ.ಐ  ನ ಹೆಚ್ಚಿನ ಕೇಂದ್ರಗಳನ್ನು ತೆರೆಯುವುದು, ಉದಯೋನ್ಮುಖ ಪ್ರದೇಶಗಳಲ್ಲಿ ಉತ್ಕೃಷ್ಟತೆಯ ಕೇಂದ್ರಗಳನ್ನು   ತೆರೆಯುವಿಕೆ ಮತ್ತು ನೀತಿ ವಿಷಯಗಳಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಅವರು ಹಂಚಿಕೊಂಡರು.

ತಮ್ಮ ಸಮಾರೋಪ ಭಾಷಣದಲ್ಲಿ, ಡಿಜಿಟಲ್ ಇಂಡಿಯಾಗೆ ದೇಶದ ಮೂಲೆ ಮೂಲೆಗೆ ತಲುಪಲು ಸಂಪರ್ಕವು ಅತ್ಯಗತ್ಯ ಎಂದು ವಿದ್ಯುನ್ಮಾನ  ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರು ಹೇಳಿದರು. ಮುಂದಿನ 500 ದಿನಗಳಲ್ಲಿ ಹೊಸ 25,000 ಟವರ್‌ಗಳನ್ನು ಸ್ಥಾಪಿಸಲು 36,000 ಕೋಟಿ ರೂ.ಗೆ ಅನುಮೋದನೆ ನೀಡಲಾಗಿದೆ ಎಂದು ಅವರು ಘೋಷಿಸಿದರು. ಟವರ್‌ಗಳನ್ನು ಸ್ಥಾಪಿಸಲು ಸ್ಥಳಗಳ ಪಟ್ಟಿಯನ್ನು ರಾಜ್ಯಗಳು / ಮುಖ್ಯ ಕಾರ್ಯದರ್ಶಿಗಳೊಂದಿಗೆ ಸಮಾಲೋಚಿಸಿ ಸಿದ್ಧಪಡಿಸಲಾಗಿದೆ. ರಾಜ್ಯಗಳು ಪಟ್ಟಿಯನ್ನು ಮತ್ತಷ್ಟು ಪರಿಶೀಲಿಸಬಹುದು. ಬಿಎಸ್‌ಎನ್‌ಎಲ್‌ನ ಪುನಶ್ಚೇತನಕ್ಕಾಗಿ 1.64 ಲಕ್ಷ ಕೋಟಿ ರೂಪಾಯಿಗಳನ್ನು ಸಮಗ್ರ ರೀತಿಯಲ್ಲಿ ಬಳಸಲಾಗುವುದು ಮತ್ತು ಮುಂದಿನ 18 ತಿಂಗಳಲ್ಲಿ ಅದನ್ನು ಹೊರತರಲಾಗುವುದು ಎಂದು ಅವರು ಘೋಷಿಸಿದರು. ಇದು 'ಡಿಸೈನ್ ಇನ್ ಇಂಡಿಯಾ' ಮತ್ತು ಮೇಕ್-ಇನ್-ಇಂಡಿಯಾಗೆ ಹೆಚ್ಚು ಪ್ರಯೋಜನವನ್ನು ನೀಡುತ್ತದೆ. ಪ್ರಧಾನ ಮಂತ್ರಿ ಗತಿ ಶಕ್ತಿ ಯೋಜನೆಗೆ ಶೀಘ್ರವಾಗಿ ಸೇರ್ಪಡೆಗೊಂಡ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳನ್ನು ಅವರು ಅಭಿನಂದಿಸಿದರು  ಫೈಬರ್ ನೆಟ್‌ವರ್ಕ್ ಅನ್ನು ಸಾಮಾನ್ಯ ಪೋರ್ಟಲ್‌ನಲ್ಲಿ ಇರಿಸಲಾಗುವುದು ಎಂದು ಅವರು ಘೋಷಿಸಿದರು, ಇದು ಲೇಔಟ್ ಚಾಲಿತ ಮೂಲಸೌಕರ್ಯ ಯೋಜನೆಗಳು ಮತ್ತು ಡಿಜಿಟಲ್ ರೂಪಾಂತರ ಯೋಜನೆಗಳನ್ನು ಯೋಜಿಸಲು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸಹಾಯ ಮಾಡುತ್ತದೆ. ನೀತಿ ಸಂಬಂಧಿತ   ವಿಷಯಗಳನ್ನು ರಾಜ್ಯಗಳೊಂದಿಗೆ ಸಮಾಲೋಚಿಸಿ ನಿರ್ಧರಿಸಲಾಗುವುದು ಎಂದು ಹೇಳಿದರು. ರೂಪಾಯಿ 2000 ಕೋಟಿ ಬಂಡವಾಳ ವೆಚ್ಚಕ್ಕೆ ರಾಜ್ಯಗಳಿಗೆ ವಿಶೇಷ ನೆರವು ನೀಡಲಾಗಿದೆ ಎಂದು ಅವರು ಮಾಹಿತಿ ನೀಡಿದರು. 

ರಾಜ್ಯಗಳು ಪೂರ್ವಭಾವಿಯಾಗಿರಲು ಮತ್ತು ವ್ಯವಹಾರಗಳನ್ನು ತಮ್ಮ ರಾಜ್ಯಗಳಿಗೆ ಆಕರ್ಷಿಸಲು ವ್ಯಾಪಾರ ಸ್ನೇಹಿ ನೀತಿಗಳನ್ನು ರೂಪಿಸಲು ಅವರು ಪ್ರೋತ್ಸಾಹಿಸಿದರು. 'ಸಬ್ಕಾ ಸಾಥ್ ಮತ್ತು ಸಬ್ಕಾ ವಿಕಾಸ್' ಧ್ಯೇಯವಾಕ್ಯಕ್ಕೆ ಒತ್ತು ನೀಡಿದ ಅವರು, ದೊಡ್ಡ ಮತ್ತು ಸಣ್ಣ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಬದ್ಧತೆಗಳು ಪ್ರಮುಖವಾಗಿದ್ದು ಡಿಜಿಟಲ್ ಇಂಡಿಯಾವನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ಯಲು ಮತ್ತು ಸ್ವಾವಲಂಬಿ ಭಾರತ ಮತ್ತು ಟ್ರಿಲಿಯನ್ ಡಾಲರ್ ಡಿಜಿಟಲ್ ಆರ್ಥಿಕತೆಯನ್ನು ಸಾಕಾರಗೊಳಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು. 

******