ইলেক্ত্রোনিক্স অমসুং আই.তি. মন্ত্রালয়
স্তেত আই.তি. মন্ত্রীশিংগী দিজিতেল ইন্দিয়া কন্ফরেন্স ৫জি হৌদোকপগা লোয়ননা পাঙথোকখ্রে
স্তেত অমসুং য়ু.তি. ১২দগী আই.তি. মন্ত্রীশিংনা কন্ফরেন্স অদুদা শরুক য়াদুনা, লৈবাক্কী ওইনা ৫জি হৌদোকখিববু তরাম্না ওকখি, অমদি দিজিতেল ইন্দিয়া ইনিসিএতিব্সকী খ্বাইদগী নৌবা খোঙজেল অমসুং রেপ্লিকেসনগী খ্বায়দগী ফবা থৌওংশিং পাউদম্নখি
লৈবাক শিনবা থুংনা পুম্নমক শুপচিল্লবা মওংদা দিজিতেল, সোসিএল, ইকনমিক অমসুং সস্তেনেবল দিভেলপমেন্ত পুরকপদা মীৎয়েঙ থমদুনা তীম ইন্দিয়ানা দিজিতেল ইন্দিয়াবু অনৌবা থাক অমদা থাঙ্গৎকদৌরি
Posted On:
03 OCT 2022 1:10PM by PIB Imphal
স্তেত আই.তি. মন্ত্রীশিংগী দিজিতেল ইন্দিয়া কন্ফরেন্স, ইন্দিয়া মোবাইল কংগ্রেসকী (আই.এম.সি. ২০২২) তরুকশুবা ইদিসনগা লোয়ননা প্রধান মন্ত্রী শ্রী নরেন্দ্র মোদীনা হৌদোক্তুনা ওক্তোবর ১দা পাঙথোকখ্রে। রিলাইএন্স ইন্দস্ত্রিজদগী শ্রী মুকেস অম্বানি, ভারতি এন্তরপ্রাইজেজদগী শ্রী সুনিল ভারতি মিত্তল, অদিত্য বিরলা গ্রুপ্তগী শ্রী কুমার মঙ্গলমনচিংবা ইন্দস্ত্রী ভেতেরনশিং, অমসুং অতৈ মীথুং কয়ানা হৌদোকপগী থৌরম অদু শরুক য়াখি। থৌরমদুদা লৈবাক্কী থাক্তা ৫জি হৌদোকপা, একজিবিসন, অমসুং মহৈ মশিং তম্বা, হকশেল, ৱর্ক সেফ্তী, স্মার্ত এগ্রিকলচরদা ৫জিগী তোঙান তোঙানব শীজিন্নফমশিং মায়খুম হাংদোকপনচিংবা থৌরমশিং য়াওখি।
আই.এম.সি. ২০২২ হৌদোকপগী থৌরম মতুংদা, স্তেত আই.তি. মন্ত্রীশিংগী দিজিতেল ইন্দিয়া কন্ফরেন্স কম্ম্যুনিকেসন্স, ইলেক্ত্রোনিক্স এন্দ ইন্ফোর্মেসন তেক্নোলোজী অমসুং রেলৱেজকী মন্ত্রী শ্রী অস্বিনী বৈষ্ণবনা থৌরম মপু ওইদুনা অমদি ইলেক্ত্রোনিক্স এন্দ ইন্ফোর্মেসন তেক্নোলোজী অমসুং স্কিল দিভেলপমেন্ত এন্দ ওন্ত্রপ্রিন্যুরসিপকী রাজ্য মন্ত্রী, শ্রী রাজীব চন্দ্রসেখর অমসুং কম্ম্যুনিকেসন্সকী রাজ্য মন্ত্রী, শ্রী দেবুসিন্হ চৌহান অমদি অন্ধ্র প্রদেশ, অসাম, বিহার, মধ্য প্রদেশ, গুজরাত, গোৱা, মনিপুর, উত্তরাখন্দ, তেলঙ্গনা, মিজোরম, সিক্মিম অমসুং পুদুচেরী হায়রিবা স্তেত অমসুং য়ু.তি. ১২গী আই.তি. মন্ত্রীশিংনা শরুক য়াদুনা পাঙথোকখি। থৌরম অদুদা স্তেত অমসুং য়ু.তি. পুম্নমক্তগী আই.তি. সেক্রেতরীশিং অমসুং ওফিসরশিং অমদি মঅতী অমদি দোৎকী মকোক থোংবা ওফিসরশিংসু শরুক য়াখি।
তরাম্না ওকপগী ৱারোল অমদি ৱাহৌদোক পীরদুনা মৈতী সেক্রেতরী শ্রী অল্কেস কুমার শর্মনা লাইচৎ মনুংদা দিজিতেল ইন্দিয়ানা কমদৌনা রেজিলিএন্স উৎখিবগে হায়বগী মতাঙদা পাউদমখি। স্তেত অমদি য়ু.তি.শিংনা পুন্সি হিংবদা কোমহন্নবা অমদি লল্লোন ইতিক তৌবদা লায়হন্নবগীদমক শীজিন্নবা য়ারবা মা স্কীম, মেরী পেহচান, দিজিতেল ভাসিনি, অমসুং পি.এল.আই.নচিংবা খ্বাইদগী নৌবা থৌরাংশিংগী মরমদা মহাক্না পাউদমখি। মহাক্না চৎলিবা দিকেদ অসিবু ভারতকী তেকএদ ওইহন্নবগীদমক হোৎনবা য়াবা হোৎননবা ৱাফম থমখি।
শ্রী দেবুসিন্হ চৌহান্না, মহাক্কী ৱারোলদা, ঙসি ভারত্তা ৫জি হৌদোকপা অসি পুৱারী ওইহৌরগদবা নুমিৎ অমনি হায়বা ৱাফম থমখি। আর.ও.দব্লিউ. পর্মিসন লৌবদা চঙবা মতমসু থা ৩দগী নুমিৎ ৬নিদা হন্থহল্লে হায়না মহাক্না পাউদমখি।
শ্রী রাজীব চন্দ্রসেখরনা চাওখৎনবগী হান্না পানরুদবা মওংগী খুদোংচাবা অমা তাদুনা লৈরে অমদি মালেম অসিনা ভারতপু মরুওইনা ইলেক্ত্রোনিক সেক্তরদা থাজবা য়াবা সপ্লাই চেনগী খোঙবু ওইনা লৌনরি হায়বা ৱাফম থমখি। সপ্লাই চেনগী লমদা দিজিতেল দিভাইস, দিজিতেল দেতা, দীপ তেক্নোলোজীশিং, অমসুং অচৌবা দাইভর্সিফিকেসনগী মরমদসু পনখি। স্তেত অমসুং য়ু.তি. পুম্নমক্না তীম ইন্দিয়া ওইনা কম্পেনীশিংগী পুক্নিং চিংশিন্নবা পি.এ.আই. স্কীম শীজিন্নন, তিয়র ২/৩ ময়োল্লমশিংদা স্তার্তঅপ কল্চর পুননবা খুজিল থৌরাং য়াৎপা, জিতিজন সেন্ত্রিক অমসুং বিজিনেস সেন্ত্রিক সর্ভিসশিং স্তেন্দরদাইজ তৌননবা ইন্দিয়া স্তেক সোলুসন্স অমসুং মসি শীজিন্নদুনা শেম্বা দিজিতেল প্লেৎফোর্মশিং শীজিন্নবা মথৌ তাই হায়বা ৱাফম থমখি।
শ্রী অস্বিনি বৈষ্ণবনা মহাক্কী ৱারোলদা, কেন্দ্র অমসুং স্তেত লৈঙাকশিং পুন্না পায়খৎলিবা তীম দিজিতেল ইন্দিয়ানা নহা অমসুং মীওই বিলিয়ন ১.৩গী মঙলান মঙফাওনহন্নবা ৱাফম থমখি। থবক পীবা হেনগৎহনবা, ২০২৬ ফাওবদা দোলর ত্রিলিয়ন ১গী দিজিতেল ইকনমী অমসুং দিজিতেল থবক করোর ১গী পান্দম য়ৌবা ঙম্নবরোমদা মীৎয়েৎ থম্নবা ৱাফমসু মহাক্না ফোঙদোকখি। তেলিকোম বিল অমসুং দিজিতেল দেতা প্রোতেক্সন বিলনচিংবা অনৌবা পোলিসীশিংগী মরমদা স্তেতশিংদা মখোয়গী কান্নরবা সজেসনশিং থম্লক্নবা পুক্নিং থৌগৎখি।
মতুংদা, স্তেত/ য়ু.তি.শিংগী আই.তি. মন্ত্রীশিংনা মখোয় মখোয়গী স্তেতশিংদা দিজিতেল ইন্দিয়াগী মখাদা পায়খৎলিবা কন্নেক্তিভিতী, ইলেক্ত্রোনিক মেনুফেকচরিং, ই-গভর্নেন্সকী খোঙজেলশিংগী মরমদা পাউদম্নখি। মখোয়না কন্নেক্তিভিতী, এন.আই.ই.এল.আই.তি., সি.দি.এ.সি., এস.তি.পি.আই.নচিংবগী অহেনবা সেন্তর হাংদোকপা, মচিন তুমখৎলক্লিবা হীরমশিংদা সি.ও.ই. হাংদোকপা অমসুং খুজিল থৌরাং য়াৎপদা থেংনরিবা খুদোংচাদবশিংসু পুথোক্তুনা খন্নখি।
ৱারোইশিন্দা, এম.ই.আই.তি.না দিজিতেল ইন্দিয়া অমসুং মসিবু লৈবাকসিগী কাচিন কোয়া থুংনা য়ৌহনবদা কন্নেক্তিভিতী য়াম্না মরুওই হায়না ফোঙদোকখি। লাক্কদৌরিবা নুমিৎ ৫০০গী মনুংদা তৱার ২৫,০০০ য়ুংননবা লুপা করোর ৩৬,০০০ কাইথোকপদা অয়াবা পীখ্রে হায়না মহাক্না লাউথোকখি। তৱার য়ুংফমশিং স্তেতশিং / চীফ সেক্রেতরীশিংগা তানরগা শেমখিবনি। স্তেতশিংনা লিস্ত অসি মখা তানা য়েংদুনা খন্নবা য়াগনি। পুম্নমক কোনশিল্লবা মওংদা বি.এস.এন.এল. হিঙ্গৎহন্নবগীদমক লুপা করোর লাখ ১.৬৪ শীজিন্নগনি অমদি মদু থা ১৮গী মনুংদা রোল আউত তৌগনি হায়নসু মহাক্না লাউথোকখি। মসিদগী দিজাইন ইন ইন্দিয়া অমসুং মেক ইন ইন্দিয়ানা চাউনা কান্নবা ফংগনি। মহাক্না স্তেত অমসুং য়ু.তি. পুম্নমকপু পি.এম. গতি শক্তিদা খুৎলৈ থুনা য়াওশিল্লকপগীদমক্তসু নুংঙাইবা ফোঙদোকখি। ফাইবর নেৎৱর্ক কম্মন পোর্তেল অমদা থমদুনা স্তেত অমসুং য়ু.তি.শিংদা লেআউত দ্রিভন ইনফ্রাস্ত্রকচর প্রোজেক্ত অমসুং দিজিতেল ত্রান্সফোর্মেসন প্রোজেক্তশিং থৌরাং তৌবদা মতেং ওইহনগনি হায়না মহাক্না লাউথোকখি। খুজিল থৌরাং য়াৎপগা মরী লৈনবা ৱাফমশিং স্তেতশিংগা তানরগা পায়খৎলি অমদি পায়খৎখিগনি হায়না মহাক্না পাউদমখি। স্তেতশিংদা কেপিতেল এক্সপেন্দিচরগী লুপা করোর ২০০০গী ওইগদবা অখন্নবা তেংবাংসু পীরি হায়না মহাক্না পাউদমখি। মহাক্না স্তেতশিংদা ইচঙ থৌনা থবক পায়খত্তুনা বিজিনেসশিংগী পুক্নিং চিংশিন্নবগীদমক বিজিনেস ফ্রেন্দলী পোলিসীশিং শেম্নবা পুক্নিং থৌগৎখি। সবকা সাথ অমসুং সবকা বিকাস হায়বা খোল্লাউগী মতাঙদা পল্লদুনা, অচৌবা অমদি অপীকপা স্তেত অমসুং য়ু.তি. পুম্নমক্তগী দিজিতেল ইন্দিয়াবু হেন্না ৱাংবা থাক অমদা থাঙ্গৎনবা অমদি আত্মনিরভর ভারত অমসুং ত্রিলিয়ন দোলর দিজিতেল ইকনমীগী মঙলান মঙফাওনহন্নবগী খোঙফম য়াম্না মরুওই হায়বা ৱাফমসু মহাক্না থমখি।
***
(Release ID: 1864755)
Visitor Counter : 120