ঙসি সাইন্স অমসুং তেক্নোলোজিগী রাজ্য মন্ত্রী(মনিংতম্বা); আর্থ সাইন্সেসকী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন ২০২২গী ৱেব পোর্তেল (http://www.pmawards.gov.in) ওফিসিএল ওইনা হাংদোকখ্রে।

থৌরম অদু পর্সোনেল মিনিস্ত্রিগী এদমিনিস্ত্রেতিপ রিফোর্মস এন্দ পব্লিক গ্রিভান্সেস দিপার্তমেন্তনা শীন্দুনা নিউ দিল্লিগী সাদর পতেল ভাবন্দা পাংথোকখি। হায়ব্রিকী মওংদা পাংথোকখিবা হৌদোকপা থৌরম অদুদা ভারতকী রাজ্য ২৮ অমসুং য়ু.তি ৮গী প্রিন্সিপাল সেক্রতরিশিং(এ আর)/(আই.তি) অমসুং দি.সিশিং/দি.এমশিং অমসুং ২০২০ বেতচগী এসিস্তেন্ত সেক্রেতরিশিং শরুক য়াখি।

পি.এম এৱার্দ ৱেব পোর্তেলদা রেজিস্তার তৌবা ওক্তোবর ৩, ২০২২দগী হৌরগনি অমসুং এপ্লিকেসনশিং পীশিনবা ওক্তোবর ৩, ২০২২দগী নবেম্বর ২৮, ২০২২ ফাওবা য়াগনি।

থৌরম অদুদা দোক্তর জিতেন্দ্র সিংহনা হায়খি প্রধান মন্ত্রী নরেন্দ্র মোদীগী লমজিং মখাদা, ইং ২০১৪দগী প্রাইম মিনিস্তরস এক্সলেন্স এৱার্দকী কন্সেপ অমসুং ফোর্মেত্তা অওনবা কয়া লৈরে। স্কিম অসিগী পান্দমদি অফবা মওংদা চাংদম্নবা, অনৌবা থবক পায়খৎপা অমসুং খ্বাইদগী ফবা থবকশিং পাংথোকপা পুক্নিং থৌগৎপনি।

পি.এম এৱার্দ, ২০২২দা য়াওরিবশিংদি: (১)ত্রোফি, (২) ইসক্রোল অমসুং (৩) লুপা লাখ ২০ নি। শেনফম অসি মীয়ামগী য়াইফনবা থবক পাংথোক্নবগীদমক দিস্ত্রিক/ওর্গনাইজেসন্না শীজিন্নগনি। 

মনা অসি পীনবা মতম অসি এপ্রিল ১, ২০২০দগী সেপ্তেম্বর ৩০, ২০২২ ফাওবা খন্নগনি। প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন ২০২২গী অপুনবা মনা অসি ৬নি।

থৌরাং অসিগী মখাদা মনা পীনবগীদমক অফবা লৈঙাক, মাইপাক্না থবকশিং পাংথোকপা অমসুং মনুং হুঞ্জিনবা মফমশিং য়ৌশিনবা অমসুং পাংথোকফম থোকপা থবকশিং পান্দম ফংবা ঙম্বদা য়ুম্ফম ওইগনি হায়না মিনিস্তরনা ফোঙদোকখি।  

দোক্তর জিতেন্দ্রনা হায়খি সিবিল সর্বিসেস নুমিৎ, ২০২২দা প্রধান মন্ত্রী নরেন্দ্র মোদীনা মহাক্কী ৱারোলদা খ্বাইদগী তোল্লবশিংদা ফংফম থোকপা খুদোংচাবশিং ফংহন্নবা অফবা লৈঙাক অমা লৈহন্নবা অখনবা পাউতাক পীখি। ঐখোয়না অফবা লৈঙাক লৈহল্লবা মতমদা, তোল্লবশিং শক্তি পীবা হায়বা লৈবাক্কী পান্দম অদু ঐখোয়না ফংবা ঙমগনি। ঐখোয়দা অনৌবা থৌনা পীনবা অমসুং অনৌবা ৱারেপশিং লৌনবা সিবিল সর্বিসেস নুমিৎ অসি খুদোংচাবা অমা ওইরে। অনৌবা থৌনাগা লোয়ন্না ঐখোয়না অনৌবা ওফিসারশিং লোইনগদবনি। জিলা অমগী অখন্নবা ওন্ত্রেপ্রেনিউয়রশিং নত্ত্রগা অকক্নবা হিরম অমদা থৱায় য়াওনা থবক তৌরিবশিং কৌদুনা মখোয়না পাংথোক্লিবা খ্বাইদগী ফবা থবকশিংগী মতাংদা ৱারি লিহনগদবনি অমসুং মদু মতৌ তমগদবনি।

প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন ২০২২গী চাংদম্নবা মতমদা স্কিম অসিদা শরুক য়ারিবা জিলা খুদিংমক মখোয়গী থবকশিং উৎনবগী খুদোংচাবা অমা ফংগনি হায়বগী থাজবা থম্লি।

প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন ২০২২গী ওইনা মখাগী হিরমশিং অসিদা থবক ফজনা পাংথোকপা সিবিল সর্ভেন্তশিংদা ইকায়খুম্নবা উৎকনি: (ক)হর ঘর জাল য়োজনাগী মখাদা অফবা ঈশিং ফংহনবা, (খ) হেল্থ এন্দ ৱেলনেস সেন্তরশিংগী খুৎথাংদা শ্বাস্থ ভারতকী থবক ফগৎহনবা, (গ) সমাগ্রা শিক্ষা অভিয়ানগী মখাদা মগুন লৈবা শিক্ষা মীওই খুদিংমক ফংহনবা, (ঘ) এস্পিরেসনেল দিস্ত্রিক প্রোগ্রামগী মখাদা পুম্নমক চাউখৎনবা থবক পায়খৎপা অসিনি।

প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন ২০২২গী নোমিনেসনশিং পীশিনবা য়াবা কাংলুপশিং অদুদি : মথক্কী পারা অসিদা পল্লিবা স্কিম (ক), (খ),(গ)গী মনাগীদমক দিস্ত্রিকশিংদা পায়খৎপা থবকশিং অমসুং স্কিম (ঘ) অসি এস্পিরেসনেল দিস্ত্রিক খক্তগী ওইগনি।

পি.এম এৱার্দ ২০২২গী মনা পীনবা খন্নবা অসি লাইন মিনিস্ত্রিশিং/দিপার্তমেন্তশিংগা ৱা তান্নগনি। মরী লৈনবা লাইন মিনিস্ত্রিশিং/দিপার্তমেন্তশিংনা পীবা হোঙদোক হোংজিন য়াবা পেরামিতরশিং অমসুং মান্নবা পেরামিতরশিং খন্নগনি। ইন্নোবেসন কেতেগোরিগী মনা অসি অনৌবা থবক/স্কিম/প্রোজেক পায়খৎপদা য়ুম্ফম ওইরগা খন্নগনি।

ইভালুএসনগী থবকশিং অসিদা য়াওগনি (১) স্কৃন্নিং কম্মিতিনা(অহানবা অমসুং অনিশুবা তাঙ্কক্কী)জিলাশিং/ওর্গনাইজেসনশিং খন্দোক্কনি, (২) এক্সপার্ত কম্মিতিনা ইভালুএসন তৌগনি অমসুং (৩) ইম্পৱার কম্মিতি। মনাগীদমক ইম্পৱার কম্মিতিনা লাউথোক্নবা প্রধান মন্ত্রীগী অয়াবা লৌগনি।

******