ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ
ଅକ୍ଟୋବର ୧ ରୁ ୩୧ତାରିଖ ପର୍ଯ୍ୟନ୍ତ ମାସେ ବ୍ୟାପି ସମଗ୍ର ଦେଶରେ ସ୍ୱଚ୍ଛ ଭାରତ ୨.୦ ସଂକ୍ରାନ୍ତରେ ଘୋଷଣା କରିଛନ୍ତି ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର
ସଚେତନତା ସୃଷ୍ଟି କରିବା, ଲୋକଙ୍କୁ ଏକତ୍ରିତ କରିବା ଏବଂ ଭାରତକୁ ପରିଷ୍କାର କରିବାରେ ସେମାନଙ୍କର ଅଂଶଗ୍ରହଣକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ୧ ଅକ୍ଟୋବରରେ ପ୍ରୟାଗରାଜରୁ “ସ୍ୱଚ୍ଛ ଭାରତ ୨.୦” ଆରମ୍ଭ ହେବ: ଶ୍ରୀ ଅନୁରାଗ ଠାକୁର
Posted On:
29 SEP 2022 7:07PM by PIB Bhubaneshwar
କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଏକ ଟୁଇଟ୍ କରି ଘୋଷଣା କରିଛନ୍ତି ଯେ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରଣାଳୟର ଯୁବ ବ୍ୟାପାର ବିଭାଗ (ଭାରତ ସରକାର) ୧ ଅକ୍ଟୋବର ୨୦୨୨ ରୁ ମାସେ ବ୍ୟାପି ସମଗ୍ର ଦେଶରେ ସ୍ୱଚ୍ଛ ଭାରତ ୨.୦ ଆରମ୍ଭ କରିବ ।
ଏକ ଭିଡିଓ ବାର୍ତ୍ତାରେ ଶ୍ରୀ ଅନୁରାଗ ଠାକୁର କହିଛନ୍ତି ଯେ ତାଙ୍କ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ପଞ୍ଚ ପ୍ରଣ (ପାଞ୍ଚଟି ସଂକଳ୍ପ) ବିଷୟରେ କହିଥିଲେ । ସେଥି ମଧ୍ୟରୁ ଗୋଟିଏ ହେଉଛି ବିକଶିତ ଭାରତର ଲକ୍ଷ୍ୟ, ଯେଉଁଥିରେ ସ୍ୱଚ୍ଛତା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ତେଣୁ ସ୍ୱଚ୍ଛ ଭାରତ ୨.୦ ଆମର ପ୍ରାଥମିକତା ଅଟେ ।
ଶ୍ରୀ ଠାକୁର ଆହୁରି ସୂଚନା ଦେଇଛନ୍ତି ଯେ ପ୍ରଧାନମନ୍ତ୍ରୀଙ୍କ ଦର୍ଶନ ଅନୁଯାୟୀ ନେହେରୁ ଯୁବ କେନ୍ଦ୍ର ସଂଗଠନ (ଏନ୍ୱାଇକେଏସ୍) ଅନୁବନ୍ଧିତ ଯୁବ କ୍ଲବ ଏବଂ ଜାତୀୟ ସେବା ଯୋଜନା ଅନୁବନ୍ଧିତ ସଂଗଠନ ମାଧ୍ୟମରେ ଦେଶର ୭୪୪ ଜିଲ୍ଲାର ୬ ଲକ୍ଷ ଗ୍ରାମରେ ସ୍ୱଚ୍ଛ ଭାରତ ୨.୦ କାର୍ଯ୍ୟକ୍ରମ ଆୟୋଜନ କରାଯାଉଛି ।
ଶ୍ରୀ ଠାକୁର ସୂଚନା ଦେଇଛନ୍ତି ଯେ ସଚେତନତା ସୃଷ୍ଟି କରିବା, ଲୋକଙ୍କୁ ଏକତ୍ରିତ କରିବା ଏବଂ ଭାରତକୁ ପରିଷ୍କାର କରିବାରେ ସେମାନଙ୍କର ଅଂଶଗ୍ରହଣକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ଅକ୍ଟୋବର ୧, ୨୦୨୨ ରେ ପ୍ରୟାଗରାଜରୁ “ସ୍ୱଚ୍ଛ ଭାରତ ୨.୦” ଆରମ୍ଭ ହେବ । ଏହି ପଦକ୍ଷେପରେ, ବିଭିନ୍ନ ଅଞ୍ଚଳ, ଭାଷା ଏବଂ ପୃଷ୍ଠଭୂମିରୁ ଆସିଥିବା ଲୋକମାନେ ଏକତ୍ର କାର୍ଯ୍ୟ କରିବେ ଏବଂ ସ୍ୱେଚ୍ଛାକୃତ ଭିତ୍ତିରେ ଏହି ଲୋକମାନଙ୍କ ଦ୍ୱାରା ବର୍ଜ୍ୟବସ୍ତୁ ନିଷ୍କାସିତ କରାଯିବ ।
ଶ୍ରୀ ଠାକୁର ଆହୁରି କହିଛନ୍ତି ଯେ ସ୍ୱଚ୍ଛ ଭାରତ ୨.୦ କେବଳ ଏକ କାର୍ଯ୍ୟକ୍ରମ ନୁହେଁ ବରଂ ଲୋକଙ୍କୁ ସ୍ୱଚ୍ଛତାର ଗୁରୁତ୍ୱ ବୁଝାଇବା ପାଇଁ ଏକ ପ୍ରୟାସ । ଏହା ଦେଶର ଖୁସି ସୂଚକାଙ୍କରେ ମଧ୍ୟ ସହାୟକ ହେବ । ଯୁବ ବ୍ୟାପାର ବିଭାଗ ଏହି ଅଭିଯାନକୁ ଦେଶର ଲୋକମାନଙ୍କ ଦ୍ୱାରା ପରିଚାଳିତ ସବୁଠାରୁ ବଡ ସ୍ୱଚ୍ଛତା ଅଭିଯାନ କରିବାକୁ ଚେଷ୍ଟା କରୁଛି ।
କେନ୍ଦ୍ର ମନ୍ତ୍ରୀ ଆହୁରି ସୂଚନା ଦେଇଛନ୍ତି ଯେ ଗତ ବର୍ଷ ୭୫ ଲକ୍ଷ କିଲୋଗ୍ରାମ ପ୍ଲାଷ୍ଟିକ ବର୍ଜ୍ୟବସ୍ତୁ ନିଷ୍କାସନ ଲକ୍ଷ୍ୟ ହାସଲ କରାଯାଇ ନାହିଁ ବରଂ ଏହାକୁ ମଧ୍ୟ ଅତିକ୍ରମ କରାଯାଇଛି । ଗତ ବର୍ଷର ସ୍ୱଚ୍ଛ ଭାରତ ଅଭିଯାନର ସଫଳତା ପରେ ଚଳିତ ବର୍ଷ ଯୁବ ବ୍ୟାପାର ବିଭାଗ ୧ କୋଟି କିଲୋଗ୍ରାମ ପ୍ଲାଷ୍ଟିକ ବର୍ଜ୍ୟବସ୍ତୁ ସଂଗ୍ରହ ଏବଂ ବିଘଟନ କରିବାର ଲକ୍ଷ୍ୟ ସ୍ଥିର କରିଛି । ସ୍ୱଚ୍ଛ ଭାରତ ୨.୦ ରେ ଭାଗ ନେବାକୁ ଶ୍ରୀ ଠାକୁର ସମସ୍ତଙ୍କୁ ନିବେଦନ କରିଛନ୍ତି ଏବଂ ପରସ୍ପରକୁ ଦାୟିତ୍ୱବାନ ନାଗରିକ ଭାବରେ ପ୍ରେରଣା ଦେବାପାଇଁ ଆଗେଇ ଆସିବାକୁ କହିଛନ୍ତି ।
ସ୍ୱଚ୍ଛ ଭାରତ କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ୧ ଅକ୍ଟୋବରରୁ ୩୧ ଅକ୍ଟୋବର ୨୦୨୨ ପର୍ଯ୍ୟନ୍ତ ଦେଶର ସମସ୍ତ ଜିଲ୍ଲାରେ ସର୍ବସାଧାରଣ ସ୍ଥାନ ଏବଂ ଘର ସଫା କରିବା, ସମାଜର ସମସ୍ତ ବର୍ଗ, ପଞ୍ଚାୟତି ରାଜ ଅନୁଷ୍ଠାନ ଏବଂ ଅଣ-ସରକାରୀ ସଂଗଠନ ସହିତ ଜଡିତ ହେବା, ସଚେତନତା ସୃଷ୍ଟି କରିବା ଏବଂ ସେମାନଙ୍କ ପରିବେଶକୁ ପରିଷ୍କାର ଏବଂ ବର୍ଜ୍ୟବସ୍ତୁ ମୁକ୍ତ ରଖି ନାଗରିକମାନେ ଗର୍ବ ଅନୁଭବ କରିବା । ଏହି ଅଭିଯାନ ସହିତ “ସ୍ୱଚ୍ଛ କାଳ : ଅମୃତ କାଳ” ର ମନ୍ତ୍ର ପ୍ରଦାନ କରିବ ଏବଂ ଜନ ଭାଗିଦାରୀ ମାଧ୍ୟମରେ ଏହି କାର୍ଯ୍ୟକ୍ରମକୁ ଏକ ଲୋକ ଆନ୍ଦୋଳନରେ ପରିଣତ କରିବ ।
HS
(Release ID: 1863542)
Visitor Counter : 137