ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଅଯୋଧ୍ୟାରେ ଲତା ମଙ୍ଗେସନର ଛକକୁ ଜାତି ଉଦେଶ୍ୟରେ ଉତ୍ସର୍ଗ କରିବା ଅବସରରେ ଭିଡିଓ ବାର୍ତ୍ତା ଜରିଆରେ ସମବେତ ଜନତାଙ୍କୁ ଉଦବୋଧନ ଦେଇଛନ୍ତି ।

ସମେବତ ଜନତାଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ ପ୍ରତ୍ୟେକ ଭାରତୀୟଙ୍କ ସ୍ନେହ ଓ ସମ୍ମାନର ମୂର୍ତ୍ତିମନ୍ତ ପ୍ରତୀକ ଲତା ଦିଦିଙ୍କ ଜନ୍ମ ଦିବସକୁ ପାଳନ କରିଛନ୍ତି । ସେ ମଧ୍ୟ ନବରାତ୍ରିର ତୃତୀୟ ଦିବସ ଯେଉଁଠି ମା’ ଚନ୍ଦ୍ରଘଣ୍ଟାଙ୍କୁ ଆରାଧନା କରାଯାଏ ତାହା ପାଳନ କରିଛନ୍ତି ।

ପ୍ରଧାନମନ୍ତ୍ରୀ କହିଥିଲେ ଯେ ଯେତେବେଳେ ପୁରୁଷ ବା ନାରୀ ନିର୍ବିଶେଷରେ ଜଣେ ଅନ୍ୱେଷଣକାରୀ କୁଛ୍ର ସାଧନା ବଳରେ ତା’ର ଦିବ୍ୟ ସ୍ୱର ପ୍ରାପ୍ତି ଅନୁଭୂତି ହୁଏ ତାହା ମା’ ଚନ୍ଦ୍ରଘଣ୍ଟାଙ୍କ କରୁଣାରୁ ହୋଇଥାଏ । “ଲତା ଜୀ ମା’ ସରସ୍ୱତୀଙ୍କ ସେହିପରି ଜଣେ ଆଶାର୍ଥୀ ଯିଏ ନିଜର ଦିବ୍ୟ ସ୍ୱର ବଳରେ ଜଗତକୁ ସ୍ତବ୍ଧ କରି ଦେଇଥିଲେ । ଲତାଜୀ ସାଧନା କଲେ ଓ ଆମେ ସମସ୍ତେ ବରପ୍ରାପ୍ତ ହେଲୁ” ବୋଲି ପ୍ରଧାନମନ୍ତ୍ରୀ ମତବ୍ୟକ୍ତ କରିଥିଲେ । ଶ୍ରୀ ମୋଦୀ କହିଥିଲେ ଯେ ଅଯୋଧ୍ୟାର ଲତା ମଙ୍ଗେସକର ଚୌକାରେ ସ୍ଥାପିତ ବୃହତ ବୀଣା ସଂଗୀତ ସାଧନାର ପ୍ରତୀକ ହେବ । ଛକ ପରିସରରେ ଥିବା ହ୍ରଦର ଜଳସ୍ରୋତରେ ମାର୍ବଲ ତିଆରି ୯୨ଟି ଧଳା କଇଁ ଫୁଲ ଲତାଜୀଙ୍କ ଜୀବନକାଳକୁ ଦର୍ଶାଉଛି ବୋଲି ଶ୍ରୀ ମୋଦୀ କହିଥିଲେ ।

ପ୍ରଧାନମନ୍ତ୍ରୀ ଉତ୍ତର ପ୍ରଦେଶ ସରକାର ଓ ଅଯୋଧ୍ୟା ବିକାଶ କର୍ତ୍ତୃପକ୍ଷଙ୍କୁ ଏପରି ଅଭିନବ ଉଦ୍ୟମ ନିମନ୍ତେ ଅଭିନନ୍ଦନ ଜଣାଇବା ସହ ସମଗ୍ର ଦେଶବାସୀଙ୍କ ପକ୍ଷରୁ ଲତାଜୀଙ୍କୁ ହାର୍ଦ୍ଦିକ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । “ମୁଁ ଭଗବାନ ଶ୍ରୀରାମଙ୍କୁ ପ୍ରାର୍ଥନା କରୁଛି ଯେ, ଲତାଜୀଙ୍କ ଠାରୁ ଆମେ ଯେଉଁ ଆଶୀର୍ବାଦ ଲାଭ କରୁଛୁ । ତାଙ୍କ ମଧୁର ସଂଗୀତରେ ସ୍ୱର ଦ୍ୱାରା ତାହା ଭାବୀ ପିଢ଼ି ଉପରେ ପ୍ରଭାବ ବିସ୍ତାର କରୁ” ବୋଲି ସେ କହିଥିଲେ ।

ଲତା ଦିଦିଙ୍କ ଜନ୍ମ ଦିବସ ଅନେକ ଭାବନାତ୍ମକ ଓ ସ୍ନେହଭରା ସ୍ମୃତିକୁ ମନେପକାଇ ପ୍ରଧାନମନ୍ତ୍ରୀ କହିଥିଲେ ଯେ, ସେ ଯେତେବେଳେ ତାଙ୍କ ସହ କଥା ହୋଇଛନ୍ତି ଲତା ଦିଦିଙ୍କ ପରିଚିତ ସ୍ୱରର ମଧୁରତା ତାଙ୍କୁ ଅବିଭୂତ କରିଛି । ପ୍ରଧାନମନ୍ତ୍ରୀ ମନେ ପକାଇ କହିଥିଲେ ଯେ “ଦିଦି ଅନେକ ଥର ମତେ କହିଛନ୍ତି ଯେ ମଣିଷ ତା’ ବୟସ ଦ୍ୱାରା ପରିଚିତ ହୁଏ ନାହିଁ, ତା’ର କାର୍ଯ୍ୟ ଦ୍ୱାରା ପରିଚିତ ହୁଏ । ଯିଏ ଦେଶ ପାଇଁ ଯେତେ ଅଧିକ କରିଛି, ସେ ସେତେ ମହାନ ।” ଶ୍ରୀ ମୋଦୀ ଆହୁରି କହିଥିଲେ ଯେ “ମୋର ବିଶ୍ୱାସ ଯେ ଲତା ଅଯୋଧ୍ୟାର ଲତା ମଙ୍ଗେସକର ଛକ ଓ ତାଙ୍କ ସହ ରହିଥିବା ସବୁ ସ୍ମୃତି ଆମକୁ ଦେଶ ପ୍ରତି ନିଜର କର୍ତ୍ତବ୍ୟ ସମ୍ପାଦନ ପାଇଁ ସମର୍ଥ କରିବ ।”

ରାମ ମନ୍ଦିର ଭୂମି ପୂଜନ ଅଯୋଧ୍ୟାରେ ହେବା ପରେ ପ୍ରଧାନମନ୍ତ୍ରୀ ଲତା ଦିଦିଙ୍କ ଠାରୁ ଏକ କଲ୍ ପାଇଥିବା ସ୍ମୃତିଚାଣ କରି ଲତା ଦିଦି ଏ ପରି ଘଟଣାକ୍ରମ ନେଇ କିପରି ସନ୍ତୋଷ ପ୍ରକଟ କରିଥିଲେ ତାହା କହିଥିଲେ । ପ୍ରଧାନମନ୍ତ୍ରୀ, ଲତା ଦିଦିଙ୍କ ଦ୍ୱାରା ବୋଲା ହୋଇଥିବା ଏକ ସଂଗୀତ “ମନ କୀ ଅଯୋଧ୍ୟା ତବତକ ସୁନୀ, ଜବତକ ରାମ ନା ଆୟେ”କୁ ମନେ ପକାଇ ଅଯୋଧ୍ୟାରେ ଭବ୍ୟ ମନ୍ଦିରକୁ ପ୍ରଭୁ ଶ୍ରୀରାମଙ୍କ ଆଗମନ ଖୁବଶୀଘ୍ର ହେଉଛି ବୋଲି କହିଥିଲେ । ଲତା ଦିଦି ଯେ କୋଟି କୋଟି ଜନତାଙ୍କ ହୃଦୟରେ ରାମଙ୍କୁ ବସାଇ ପାରିଥିଲେ । ସେ ଏବେ ସବୁଦିନ ନିମନ୍ତେ ଅଯୋଧ୍ୟାର ପବିତ୍ର ନଗରି ସହ ଯୋଇ ହୋଇଯାଇଛନ୍ତି ବୋଲି ଶ୍ରୀ ମୋଦୀ କହିଥିଲେ । ରାମଚରିତ ମାନସରୁ ଉଦ୍ଧାର କରି ପ୍ରଧାନମନ୍ତ୍ରୀ ଗାଇଥିଲେ- “ରାମତେ ଅଧିକ, ରାମ କରେ ଦାଶା, ଯାହାର ଅର୍ଥ ହେଲା ଭଗବାନ ରାମଙ୍କ ଭକ୍ତମାନେ ଭଗବାନଙ୍କ ଆସିବା ଆଗରୁ ପହଂଚିଯାଇଛନ୍ତି । ସେ ଦୃଷ୍ଟିରୁ ଭବ୍ୟ ମନ୍ଦିର ନିର୍ମାଣ କାର୍ଯ୍ୟ ଶେଷ ହେବା ଆଗରୁ ଲତା ମଙ୍ଗେସକର ଛକ ତାଙ୍କ ସ୍ମୃତିରେ ତିଆରି ହୋଇସାରିଛି ।

ଅଯୋଧ୍ୟାର ଗର୍ବିତ ଐତିହ୍ୟ ପ୍ରତିଷ୍ଠା ଓ ନଗରୀ ବିକାଶର ନୂତନ ସୂର୍ଯ୍ୟାଲୋକ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଭଗବାନ ରାମ ହେଉଛନ୍ତି ଆମ ସଭ୍ୟତାର ପ୍ରତୀକ ଓ ଆମ ନୈତିକତା, ମୂଲ୍ୟବୋଧ, ମର୍ଯ୍ୟାଦା ଓ କର୍ତ୍ତବ୍ୟର ମୂର୍ତ୍ତିମନ୍ତ ଆଦର୍ଶ । “ଅଯୋଧ୍ୟାରୁ ରାମେଶ୍ୱରମ ପର୍ଯ୍ୟନ୍ତ ପ୍ରଭୁ ଶ୍ରୀରାମ ଭାରତର ପ୍ରତ୍ୟେକ ଧୂଳିକଣାରେ ବିରାଜମାନ” ବୋଲି ଶ୍ରୀ ମୋଦୀ କହିଥିଲେ । ପ୍ରଭୁ ଶ୍ରୀରାମଙ୍କ ଆଶୀର୍ବାଦରୁ ଯେଉଁ ଦ୍ରୁତ ଗତିରେ ମନ୍ଦିର ନିର୍ମାଣ କାର୍ଯ୍ୟ ଚାଲିଛି, ତାହା ଦେଖି ସମଗ୍ର ଦେଶ ଚକିତ ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ ଖୁସିର ସହ କହିଥିଲେ ଯେ, ଲତା ମଙ୍ଗେସକର ଛକର ବିକାଶସ୍ଥଳୀ ଅଯୋଧ୍ୟାର ଅନେକ ସାଂସ୍କୃତିକ ଦୃଷ୍ଟିରୁ ଗୁରୁତ୍ୱ ବହନ କରୁଥିବା ସ୍ଥାନକୁ ସଂଯୋଗ କରୁଛି । ଏହି ଛକ ସରଜୁ ନଦୀର ପବିତ୍ର ଜଳଧାରା ନିକଟ ରାମକି ପଇଡ଼ି ଠାରେ ଅବସ୍ଥିତ । ଏଭଳି ସ୍ଥାନରେ ଛକର ନାମକରଣ ଲତା ଦିଦିଙ୍କ ନାମରେ ହେବା ଠାରୁ ଆଉ ଅଧିକ କ’ଣ ହୋଇପାରି ଥାଆନ୍ତା ବୋଲି ପ୍ରଧାନମନ୍ତ୍ରୀ କହିଥିଲେ । ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଅଯୋଧ୍ୟା ସହ ପ୍ରଭୁ ରାମଙ୍କ ସାଦୃଶ୍ୟତା ଟାଣି ପ୍ରଧାନମନ୍ତ୍ରୀ ଲତା ଦିଦିଙ୍କ ସଂଗୀତ ଆମ ବିବେକକୁ ଭଗବାନ ରାମଙ୍କ ସହ ବିଲୀନ କରି ଦେଇଛି ବୋଲି କହିଥିଲେ ।

ଶ୍ରୀରାମଚନ୍ଦ୍ର ଜୀଙ୍କ କୃପାରୁ ଭଜମନ, ହରନ ଭବଭୟ ଦରୁ ନାମ’ ମାନସମନ୍ତ୍ର ହେଉ ବା ମୀରାବାଈଙ୍କ ପାୟୋଜୀ ମୈନେ ରାମ ରତନ ଧନ୍ ପାୟୋ ବା ବାପୁଙ୍କ ପ୍ରିୟ ‘ବୈଷ୍ଣୋବ ଜନ’ ମଧୁର ମୂର୍ଚ୍ଛନା ‘ତୁମ ଆଶା ବିଶ୍ୱାସ ହମାରେ ରାମ’ ହେଉ ସବୁ ଜନମାନସକୁ ଆଚ୍ଛାଦିତ କରି ରଖିଛି । ଲତାଜୀଙ୍କ ଅନେକ ସଂଗୀତ ଜରିଆରେ ଅନେକ ଦେଶବାସୀ ଭଗବାନ ରାମଙ୍କ ସ୍ଥିତି ଅନୁଭବ କରିଛନ୍ତି । “ଆମେ ଭଗବାନ ରାମଙ୍କ ଅଲୌକିକ ସଂଗୀତରେ ମୂର୍ଚ୍ଛନା ଲତା ଦିଦିଙ୍କ ଦିବ୍ୟ ସ୍ୱର ଜରିଆରେ ଅନୁଭବ କରୁ” ବୋଲି ପ୍ରଧାନମନ୍ତ୍ରୀ କହିଥିଲେ ।

ଭାରତମାତାଙ୍କ ବିଶାଳତା ଆମ ସାମ୍ନାରେ ଆମେ ଲତା ଦିଦିଙ୍କ ବନେ୍ଦ ମାତରମ୍ ଖୁସି ଅନୁଭବ କରୁ । “ଲତା ଦିଦି ଯେପରି ନାଗରିକ କର୍ତ୍ତବ୍ୟ ପ୍ରତି ସବୁବେଳେ ସଚେତନ ଥିଲେ, ସେହିପରି ଅଯୋଧ୍ୟାକୁ ଆସୁଥିବା ଜନସାଧାରଣଙ୍କୁ ଏହି ଛକ ସେମାନଙ୍କ କର୍ତ୍ତବ୍ୟବୋଧ ତୁଲାଇବାକୁ ଉତ୍ସାହିତ କରିବ” ବୋଲି ପ୍ରଧାନମନ୍ତ୍ରୀ କହିଥିଲେ । ଏହି ଛକ, ଏହି ବୀଣା ଅଯୋଧ୍ୟାର ବିକାଶ ଓ ଏହାର ଉତ୍ସାହ ବୃଦ୍ଧି କରିବ । ଲତା ଦିଦିଙ୍କ ନାମରେ ନାମିତ ଏହି ଛକ ବିଶ୍ୱରେ କଳା ସହ ସଂଶ୍ଳିଷ୍ଟ ବ୍ୟକ୍ତିମାନଙ୍କୁ ପ୍ରେରଣା ଦେବ । ବିଶ୍ୱର କୋଣ ଅନୁକୋଣକୁ ଭାରତୀୟ କଳା ଓ ସଂସ୍କୃତିର ବାର୍ତ୍ତା ଦେବା ପାଇଁ ଜନସାଧାରଣଙ୍କୁ ଏହା ଉତ୍ସହିତ କରିବା ସହ ଆଧୁନିକତା ସତ୍ତ୍ୱେ ନିଜର ମୂଳ ସହ ଯୋଡ଼ି ରଖିବାକୁ ପ୍ରେରଣା ଦେବ । ଭାରତୀୟ କଳା ଓ ସଂସ୍କୃତିର ବାର୍ତ୍ତା ବିଶ୍ୱର କୋଣ ଅନୁକୋଣେ ପହଂଚିବା ଆମର କର୍ତ୍ତବ୍ୟ ବୋଲି ଶ୍ରୀ ମୋଦୀ କହିଥିଲେ ।

ଶେଷରେ ପ୍ରଧାନମନ୍ତ୍ରୀ ଆମ ପରବର୍ତ୍ତୀ ପିଢ଼ି ଯେପରି ଆମର ସହଶ୍ର ବର୍ଷର ଐତିହ୍ୟକୁ ନେଇ ଗର୍ବ କରିବେ ସେଥିପାଇଁ ସେମାନଙ୍କୁ ସେ ଦାୟିତ୍ୱ ଦେବାକୁ ଜନସାଧାରଣଙ୍କୁ ନିବେଦନ କରିଥିଲେ । “ଯୁଗ ଯୁଗ ଧରି ଲତା ଦିଦିଙ୍କ ସ୍ୱର ଦେଶର ପ୍ରତ୍ୟେକ ଧୂଳିକଣାରେ ଯୋଡ଼ି ହୋଇ ରହିବ” ବୋଲି ସେ କହିଥିଲେ ।

SM/MB