মন্ত্রীমন্দল

অফবা সোলার পি.ভি মোদুলশিং গিগা ৱাত(জি দব্লিউ) স্কেলদা পুথোকপা ঙম্নবা ‘নেসনেল প্রোগ্রাম ওন হায় ইফিসিয়েন্সি সোলার পি.ভি মোদুলস’গী প্রদক্সন লিঙ্ক ইন্সেন্তিপ স্কিম মন্ত্রীমন্দলনা য়াবা পীরে


Posted On: 21 SEP 2022 3:45PM by PIB Imphal

অফবা সোলার পি.ভি মোদুলশিং গিগা ৱাত(জি দব্লিউ) স্কেলদা পুথোকপা ঙম্নবগীদমক লুপা কোতি ১৯,৫০০গী শেনফম অমা কাইথোক্তুনা ‘নেসনেল প্রোগ্রাম ওন হায় ইফিসিয়েন্সি সোলার পি.ভি মোদুলস’গী প্রদক্সন লিঙ্ক ইন্সেন্তিপ স্কিম(ত্রাঞ্চ ২) পায়খৎনবা নিউ অমসুং রিনিউএবল ইনর্জি মিনিস্ত্রিনা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।  

অফবা মখলগী সোলার পি.ভি মোদুলশিং পুথোক্নবা নেসনেল প্রোগ্রাম অসিগী পান্দমদি ভারত্তা অৱাংবা থাক্কী সোলার পি.ভি মোদুলশিং শানবা মফম অমা শেমগৎপনি অমসুং মসিনা রিনিউএবল ইনর্জিগী লমদা মপান্দগী পুশিল্লকপগী মখা পোনবা অদু হন্থহনবা ঙমগনি। থৌরাং অসিনা অত্মানির্ভর ভারতগী থবক মপাঙ্গল কনখৎহনগনি অমসুং থবক ফংহনবা ঙমগনি।

সোলার পি.ভি শাগদৌরিবা কম্পেনিশিং অদু অরোন-অথুপ লৈতবা থৌরাং অমগী মখাদা খনগনি। লৈবাক মনুংগী কৈথেলশিংদা অফবা সোলার পি.ভি মোদুলশিং য়োন্নবা সোলার পি.ভি শাবা প্লান্তশিং থবক হৌরবা মতুংদা চহি ৫গী ওইনা পি.এল.আই য়েন্থোক্কনি।

মখাগীশিং অসি স্কিমদগী ফংগনি হায়না থাজরিবা কান্নবশিংনি:

  1. চাউরাক্না চহি অমদা মেগা ৱাত ৬৫,০০০গী সোলার পি.ভি মোদুলশিং পুথোক্কনি হায়না পানরি।
  2. স্কিম অসিদা হকথেংন্না লুপা কোতি ৯৪,০০০ রোম থাদগনি।
  3. ই.ভি.এ, সোলার গ্লাস অমসুং বেকশিৎ অসিনচিংবা বেলেন্স ওফ মেতরিএলশিং পুথোকপা ঙমগনি।
  4. হকথেংন্না মীওই ১,৯৫,০০০ রোম অমসুং নাকোইন্না মীওই ৭,৮০,০০০ রোম থবক পীবা ঙমগনি।
  5. লুপা কোতি লাখ ১.৩৭গী পোৎ-চৈ মপান্দগী পুশিল্লকপদগী মহুৎশীনবা ঙমগনি

অফবা সোলার পি.ভি মোদুলশিং পুথোকপা ঙম্নবা রিছর্স অমসুং দিবলপমেন্তগী থবক হেনগৎহনগনি।

*****



(Release ID: 1861184) Visitor Counter : 164