সেপ্তেম্বর ১৭তগী হৌরগা ওক্তোবর ২, ২০২২ ফাওবা প্রধান মন্ত্রী শ্রী নরেন্দ্র মোদীদা পীরকপা মমল য়াম্লবা অমসুং নিংশিংনিঙাই ওইরবা মেমেন্তোশিং অমসুং খুদোলপোৎশিং ই-ওক্সন তৌবগী মরিশুবা ইদিসন কলচর মিনিস্ত্রিনা পাংথোক্লগনি।

পাংথোক্কদৌরিবা নিলাম লাউবা অদুগী মতাংদা কলচর, তুরিজম অমসুং দোনরগী য়ুনিয়ন মিনিস্তর শ্রী জি.কিসন রেদ্দিনা মেদিয়াদা পাউদমখ্রে। মেদিয়াগা উনবা থৌরম অদুদা কলচর অমসুং পর্লিয়ামেন্তরি এফেয়ার্সকী রাজ্য মন্ত্রী শ্রী অর্জুন রাম মেগৱাল অমসুং কলচর অমসুং এক্সতর্নেল এফেয়ার্সকী রাজ্য মন্ত্রী শ্রীমতি মিনাকাসি লেখিশু শরুক য়াখি।

থৌরম অদুদা কলচর, তুরিজম অমসুং দোনরগী য়ুনিয়ন মিনিস্তর শ্রী জি.কিসন রেদ্দিনা হায়খি ২০১৯দা হায়রিবা পোৎলমশিং অসি ওপন বিদ্দিংদা মীয়ামদা নিলাম লাউখি। মতম অদুদা অহানবা তাঙ্কক্তা খুদোলপোৎ ১৮০৫ নিলাম লাউখি অমসুং অনিশুবা তাঙ্কক্তা খুদোলপোৎ ২৭৭২ নিলাম লাউখি। ২০২১দশু সেপ্তেম্বরদা ই-ওক্সন পাংথোক্তুনা ঐখোয়না পোৎলম ১৩৪৮ নিলাম লাউখি। চহি অসিগী ওইনা মেমোন্তো অমসুং খুদোলপোৎ ১২০০ রোম নিলাম লাউরে। হায়রিবা পোৎলমশিং অদু নিউ দিল্লিদা লৈবা নেসনেল গেল্লরি ওফ মোদর্ন আর্ততা থম্লে। হায়রিবা পোৎলমশিং অদু ৱেবসাইত্তা য়েংবা য়াগনি।

য়ুনিয়ন মিনিস্তরনা হায়খি নিলাম লাউগদৌরিবা মেমোন্তোশিং অদুগী মনুংদা অয়েকপা লাইশিং, মুর্তিশিং, হেন্দিক্রাফশিং অমসুং ফোক আর্তিফেকশিং য়াওরি। খুদোলপোৎ ওইনা পীরকপা পোৎলমশিং অদুগী মনুংদা অঙ্গাভাস্ত্রমশিং, সালশিং, কোকয়েৎশিং, থাং কয়া য়াওরি। অতোপ্পা খুদোলপোৎশিংগী মনুংদা অয়োধ্যগী শ্রী রাম মন্দির অমসুং বরানসিগী কাসি-বিশ্বনাথ লাইশঙগী নমুনাশিং য়াওরি। ঐখোয়না পোৎলমশিং অসিদা শান্নবগী নিংশিং খুদোলপোৎশিং য়াওরি। কম্মনৱেল্থ গেমস ২০২২, দিফলেম্পিক্স ২০২২ অমসুং থোমাস চেম্পিয়নশিপ ২০২২দা ভারতকী শান্নরোয়শিংনা ফজবা মশান্নশিং উৎতুনা পুৱারিদা মফম অমা কনখি অমসুং মেদল য়াম্না ফংখি। নিলাম লাউবা অদুদা তিমশিং অমসুং মাইপাক্লবা শান্নরোয়শিংনা খুদোল ওইনা পীরকপা পোৎলমশিং য়াওরি। হন্দক্কী নিলাম লাউবা অসিদা অনৌবা স্পোর্তস মেমোরেবিল্লা ২৫ য়াওরি।

য়ুনিয়ন মিনিস্তর জি.কে রেদ্দিনা হায়খি লৈবাক অসিগী থৱায় ওইরিবা গঙ্গা তুরেল কন্নবা নামামি গঙ্গেগীদমক মহাক্না ফংলকপা খুদোলপোৎশিং নিলাম লাউনবা ৱারেপ লৌবা ভারতকী অহানবা প্রধান মন্ত্রী শ্রী নরেন্দ্র মোদীনা ওইরে। অফবা থবক্কী মতেং পাংনবগীদমক মী খুদিংমক নিলাম লাউবা অসি শরুক য়ানবা ঐনা হায়জরি।

শ্রী অর্জুন রাম মেগৱালনা হায়খি মমাঙগী নিলাম লাউবদা রাজ্য খুদিংমক্কী মীওইশিং থৱায় য়াওনা শরুক য়াখি। প্রধান মন্ত্রী শ্রী নরেন্দ্র মোদীদা পীরকপা মমল য়াম্লবা পোৎলমশিং চহি অসিগী ওইনা নিলাম লাউবা অসিদা মীয়াম শরুক য়াবীয়ূ।

প্রধান মন্ত্রীদা পীরকপা তোঙান-তোঙানবা খুদোলপোৎশিংগী কান্নবা অমসুং ই-ওক্সন্দা নিলাম লাউদুনা মীয়াম্না কমদৌনা নামামি গঙ্গেগীদমক মতেং পাংবগে হায়বগী মতাংদা শ্রীমতি মিনাকাসি লেখিনা পাউদমখি।

থৌরম অদু হেন্না নুংঙাইনবা, মীয়ামগী গাইদেদ তুরশিং অমসুং না তাবগী শক্তি ৱাৎলবা মীওইশিংগীদমক সাইন লেঙ্গোইজগী তুর থৌরাং তৌরে। মীৎ উদ্রবশিংগীদমক ব্রাইলদা কেতেলোগ পীগনি। পোৎলমশিং অদু মীয়াম্না সেপ্তেম্বর ১৭দগী ওক্তোবর ২ ফাওবা লেম্না য়েংবা য়াগনি। নিলাম লাউবদগী ফংলকপা শেনফমশিং অদু গঙ্গা তুরেল শেমগৎনবা থবকশিংদা শীজিন্নগনি।

মসিগী লিঙ্ক অসিদা চঙলগা মীয়াম্না ই-ওক্সন অসি শরুক য়াবা য়াগনি- https://pmmementos.gov.in

*****