কোর্পোরেৎ এফিয়র্স মন্ত্রালয়
এম.সি.এ.না "অপীকপা কম্পেনীশিংগী" পেদ অপ কেপিতেলগী থ্রেশোল্দ নৌনা শেমদোক্লে
খ্বাইদগী নৌনা শেমদোকপা অসিনা লল্লোন ইতীক্তা হেন্না লায়থোকহল্লগনি অমসুং "অপীকপা কম্পেনীশিং"দা লৈবাক ঙাকপা ঙাক্তবগী পোৎলুম হন্থহল্লগনি
Posted On:
16 SEP 2022 8:01AM by PIB Imphal
কোর্পোরেত এফিয়র্স মন্ত্রালয় (এম.সি.এ.)না হৌখিবা মতম খরসিদা লল্লোন ইতীক লায়থোকহন্নবা অমসুং কোর্পোরেতশিংদা হেন্না লায়থোকহন্নবগী মায়কৈদা খোঙথাং কয়া লৌখৎখ্রে। হায়রিবশিং অসিদা কম্পেনীজ এক্ত, ২০১৩ অমসুং দি এল.এল.পি. এক্ত, ২০০৮কী তোঙান-তোঙানবা প্রোভিজনশিংবু দিক্রিমিনেলাইজেসন তৌবা, স্তার্ত অপশিংদা ফাস্ত ত্রেক পুনশিনবা হেল্লকপা, ৱান পার্সন কম্পেনী (ও.পি.সি.)গী ইঙ্কোর্পোরেসন্দা ইন্সেন্তিব পীবা অসিনচিংবশিংনি। মমাংদা, কম্পেনীজ এক্ত, ২০১৩গী মতুং ইন্না "অপীকপা কম্পনীশিং" হায়বসিগী ৱাহন্থোক অসি মখোয়গী পেদ অপ কেপিতেলগী থ্রেশোল্দশিংবু "লুপা লাখ ৫০দগী হেন্দবা" হায়রম্বদগী "লুপা করোর ২দগী হেন্দবা" অমসুং তর্নওভরনা "লুপা করোর ২দগী হেন্দবা" হায়রম্বদগী "লুপা করোর ২০দগী হেন্দবা" হায়না ওন্থোকখি। হায়রিবা ৱাহন্থোক অসি হৌজিক্তি মখা তানা মখোয়গী পেদ অপ কেপিতেলগী থ্রেশোল্দ অসি "লুপা করোর ২দগী হেন্দবা" হায়বদগী "লুপা করোর ৪দগী হেন্দবা" অমসুং তর্নওভরনা "লুপা করোর ২০দগী হেন্দবা" হায়রম্বদগী "লুপা করোর ৪০দগী হেন্দবা" হায়না ওন্থোক্লে।
অপীকপা কম্পেনীশিং অসিনা মীওই লাখ লাখকী ওন্ত্রপ্রিন্যুরেল এস্পিরেসন অমসুং ইন্নোবেসন কেপেবিলিতীশিং তাক্লি অমসুং চাউখৎপা অমসুং থবক পীবদা অদুক্কী মতীক চাউনা থৌদাং লৌরি। লৈঙাক অসিনা মতম চুপ্পদা আইন কায়দনা চৎচবা কম্পেনীশিংগী লল্লোন ইতীক্কী ফিভম চানবগীদমক হায়রিবা কম্পেনীশিং অসিনা থেংনরিবা ঙাকপা ঙাক্তবগী পোৎলুমশিং হন্থহনবা য়াওনা খোঙথাং কয়া অমা লৌখৎলি।
অপীকপা কম্পেনীশিংগী নৌনা শেমদোক্লবা ৱাহন্থোক অসিনা কমপ্লাইন্স বর্দন হন্থহনবদগী ফংবা কান্নবা খরা মখাদা পীরিঃ
- ফাইনান্সীল স্তেৎমেন্তকী শরুক অমা ওইনা কেস ফ্লো স্তেৎমেন্ত শেম্বগী তঙাইফদবা লৈত্রে।
- এব্রিদজ এনুএল রিতর্ন শেম্বা অমসুং ফাইল তৌবগী খুদোংচাবা।
- ওদিতর হোংবগী তঙাইফদবা লৈত্রে।
- অপীকপা কম্পেনী অমগী ওদিতর অমনা ইন্তর্নেল ফাইনান্সিএল কন্ত্রোলশিংগী এদিক্বেসী রিপোর্ত পীবগী অমসুং ওদিতরগী রিপোর্ততা মসিগী ওপ্রেতিং ইফেক্তিবনেস পীবগী তঙাইফদবা লৈত্রে।
- চহি অমদা বোর্দ মীতিং অনিখক্তমক ফম্বা।
- কম্পেনীগী এনুএল রিতর্ন অসি কম্পেনী সেক্রেতরীনা খুৎয়েক পীবা য়াগনি, নৎত্রগা কম্পেনী সেক্রেতরী লৈতবা তারগনা কম্পেনী অদুগী দিরেক্তরনা পীবা য়ারগনি।
- অপীকপা কম্পেনীশিংগী পেনালতী হন্থবা।
মরী লৈনাব কোর্পোরেত এফিয়র্স মন্ত্রালয়না থোকপা নোতিফিকেসন সি মখাগী মন্ত্রালয়গী ৱেবসাইৎ অসিদা ফংবীগনিঃ
https://www.mca.gov.in/bin/dms/getdocument?mds=tiMs9IFJ8xuPm%252B%252Foxc6fUw%253D%253D&type=open
নোতিফিকেসন অসিবু য়েংনবগীদমক মফম অসিদা নম্বীয়ুঃ অপীকপা কম্পেনীশিংগী নোতিফিকেসন
***************
(Release ID: 1859789)
Visitor Counter : 170