ইকাইখুম্নজরিবা জল শক্তিগী মন্ত্রী শ্রী গজেন্দ্র সিংহ শেখাৱত, ইকাইখুম্নজরিবা মন্ত্রী মিস লিয়া ৱর্মেলিন, দেনমার্ককী এনভাইরোন্মেন্ত মন্ত্রী অমসুং ইকাইখুম্নজরিবা মন্ত্রী মিস্তর ফ্লেম্মিং মোল্লর মোর্তেন্সন, দেনমার্ককী দিবেলপমেন্ত কো-ওপরেসন মন্ত্রীনা ভারতকী দেলিগেসনশিংগা লোইননা দেনমার্ককী কোপেনহেগন্দা সেপ্তেম্বর ১২, ২০২২দা পাঙথোকপা  ইন্তর্নেসনেল ৱাতর এসোসিএসন (আই.দব্ল্যু.এ.) ৱার্ল্দ ৱাতর কংগ্রেস অমসুং একজিবিসন ২০২২দা হৌদোকখ্রে।

ভারত সরকারগী ইন্তর্দিসিপ্লিনরী কাংবু অমা অতল ইন্নোভেসন মিসন (এ.আই.এম.), নিতি আয়োগ, জল শক্তি মন্ত্রালয় অমসুং নেসনেল মিসন ফোর ক্লিন গঙ্গা (এন.এম.সি.জি.), ইন্তর্নেসনেল এজেন্সী অমা ওইরিবা ইন্নোভেসন সেন্তর দেনমার্ক (আই.সি.দি.কে.) অমসুং ইন্দিয়ন ইন্সতিত্যুৎ ওব তেক্নোলোজী বোম্বে (আই.আই.তি.বি.)গা লোইননা অর্বান ৱেস্তৱাতর মেনেজমেন্তগী মতাংদা ৱাইৎপেপর অমা পুথোক্নবা শেমখি।

ৱেস্তৱাতর মেনেজমেন্তকী মতাংদা লৈবা স্তেকহোল্দরশিংগী ৱারোলশিং খন্নরদুনা হায়রিবা ৱাইৎপেপর অসিনা মপুং ওইনা ভারত্তা হৌজিক লৈরিবা ফত্তবা ঈশিং ত্রিৎ তৌবগী ফিভম অমসুং তুংদা লৈবা য়াগদবা ত্রিৎমেন্তকী স্ত্রকচরশিং, কো-ক্রিএসন অমসুং কোলাবোরেসনশিংবু অপুনবা ওইনা পুথোক্লি।

এম-নিতি আয়োগ, আই.সি.দি.কে., এন.সি.এম.জি. অমসুং আই.আই.তি. বোম্বেদগী এক্সপর্তশিংনা খোমজিল্লদুনা ৱাইৎপেপর অসিনা মখা তানা মায় পাকপগী ৱারীশিং, ফত্তবা ঈশিং ত্রিৎমেন্ত তৌবগী তঙাইফদবা, হেন্না ফগৎহনবা য়াবগী মওং অমসুং হৌজিক লৈরিবা ইনফ্রাস্ত্রকচর অমসুং তেক্নোলোজীশিং হেন্না ফগৎহনবা, মীয়াম শরুক য়াহন্নবগী লম্বী, শেন্থং অমসুং কো-ফাইনান্সিং ওপ্সনশিং, খোঙজেল য়াঙনা দেতা খোমগৎপা য়ানবা স্মার্ত তেক্নোলোজীশিং অমসুং ত্রেনিং অমসুং স্তেকহোল্দর এপেক্স বোদীশিংগী থোংদা দিসেমিনেসন অমসুং কেপাসিতী বিল্দিং তৌদুনা ভারত্তা অর্বান ৱেস্তৱাতর ত্রিৎমেন্ত হেন্না কান্নবা হেলহন্নবা মেথদশিং ফগৎনবা হোৎনরি।

হায়রিবা ৱাইৎপেপর অসি গ্রীন হায়দ্রোজেন, রিন্যুএবল এনর্জী অমসুং ফত্তবা ঈশিং মেনেজমেন্তকী মতাংদা ভারত অমসুং দেনমার্ক অনিগী অইবা গ্রীন স্ত্রেতেজিক পার্তনর্শিপকী ফলনি।

হৌদোকপগী থৌরম অদুদা ৱা ঙাংলদুনা, ভারত সরকারগী জল শক্তি মন্ত্রী, শ্রী গজেন্দ্র সিংহনা হায়খি মদুদি "মপুং ওইনা ঈশিং য়েংশিনবগী মরুওইবা খঙলদুনা ঐখোয়গী প্রধান মন্ত্রী শ্রী নরেন্দ্র মোদীনা ঈশিংগা মরী লৈনবা থবক কয়া অমা শাতিন অমগী মখাদা জল শকতি হায়বা মন্ত্রালয় অমা ২০১৯দা শেমখ্রে। মসিনা ভারত্তা ঈশিং য়েংশিন্নবগীদমক অহেনবা মপাঙ্গল অমসুং মরীক চুম্বা মশক অমা ওইরে অমসুং ঐখোয়না ২০২৪ ফাওবদা ঈশিংগী সেক্তরদা য়ু.এস. $ ১৪০ বিলিয়নদগী হেন্না থাদনবা ৱারেপ লৌরে। লৈঙাক্তগী অচৌবা ইনভেস্তমেন্তকা লোইননা, ঐখোয়না কম্ম্যুনিতী সেন্ত্রিক ওইবা লম্বী অমা লৌখৎলে মসিদা য়ামদ্রবদা ফন্দগী ১০%দি কম্ম্যুনিতিনা মপু ওইজবা অমসুং শরুক য়ানবগীদমক মখোয়না খায়গৎনগনি।"

মসিগী মরক্তা, ভারতকী অর্বান ৱেস্তৱাতরগী ফিভমগী মতাংদা লৈরিবা ৱাইৎপেপর অসিবু নৈনরদুনা শ্রী অভিনাশ মিশ্রা, এদভাইজর, ৱাতর ভর্তিকেল, নিতি আয়োগনা হায়খি মদুদি "হায়রিবা ৱাইৎপেপর অসি ভারতকী অর্বান ৱেস্তৱাতর সেক্তরগী মরীক চুম্লবা পাউদম্নি। অদুমওইনমক, মসি মালেম পুম্বগী ওইনসু চৎলি। ভারতকী অরিবা লৌশিংনা হায়রি মদুদি 'মালেম অসি ইমুং অমত্তনি', মসিনা মীওইবনা শেম্বা ঙমখৈগী ৱাংমদা মান্নবা খুদোংচাদবশিং থেংননবা হোৎনগদবনি হায়রি। অপুনবা মালেমগী ওইবা ৱাখল্লোন কয়ানা অমসুং লোকেল এক্সনশিং অসি খুদোংচাদবশিং কোকহন্নবগীদমক স্ত্রেতেজিক মোদেল ওইগদবনি, নৎত্রগনা অর্বান ৱেস্তৱাতর মেনেজমেন্তকী খুদোংচাবা অমা ওইগদবনি। শহরশিং অসিনা স্মার্ত ওইখৎলক্লিবমখৈ, ঈশিংবু মনীংদা থম্বা য়ারোই।"

ইন্দো-দেনিশ বাইলেতরেল গ্রীন স্ত্রেতেজিক পার্তনর্শিপকী শরুক অমা ওইনা, অতল ইন্নোভেসন মিসন (এ.আই.এম.), নিতি আয়োগনা দেনমার্ককী ইম্বেসিগী য়ুনিৎ অমা ওইরিবা ইন্নোভেসন সেন্তর দেনমার্ক (আই.সি.দি.কে.) অমসুং দেনমার্ক তেক্নিকেল য়ুনিভর্সিতী (দি.তি.য়ু.) দিজাইননা মমাংদা এ.আই.এম.-আই.সি.দি.কে. ৱাতর ইন্নোভেসন চেলেঞ্জ অমা ভারত্তা প্লান তৌদুনা চলাইখ্রে। হায়রিবা চেলেঞ্জশিং অসি ভারত্তগী আই.দব্ল্যু.এ. অমসুং দেনমার্ক তেক্নিকেল য়ুনিভর্সিতীনা য়ুম্বু ওইদুনা পাঙথোক্কদবা মালেমগী ওইবা নেক্স জেনরেসন ৱাতর এক্সন প্রোগ্রামদা ভারতকী মহুৎ শিন্দুনা শরুক য়ারুবা ঙমগদবা অফবা ইন্নোভেতরশিং মশক খঙদোক্নবা হৌদোকখিবনি।

এ.আই.এম.না একাদেমিক পার্তনরশিং – আই.আই.তি. দিল্লী., আই.আই.তি. বোম্বে, অমসুং ইন্তর্নেসনেল সেন্তর ফোর ক্লিয়র ৱাতর আই.আই.তি. মদ্রাসতা পুশিনখ্রে অমসুং ইনক্যুবেতর পার্তনরশিং ওইনা  এ.আই.সি.- সঙ্গম অমসুং এ.আই.সি. এফ.আই.এস.ই.না কাংবু অসিবু লমজিংগনি। ভারতকী সমশ্যাশিংদা থবক পায়খৎলিবা কাংবুশিংবুনা ৱাতর এক্সপর্তশিংগী মতীক চাবা পেনেল অমনা চেকশিন্না শেন্নরি।

মসিগী মতুংদা, দেনিশ ইম্বেসীনা অতল ইন্নোভেসন মিসন, নিতি আয়োগকী মখাদা  এ.আই.এম.-আই.সি.দি.কে. ২.০ ৱাতর ইন্নোভেসন চেলেঞ্জ পাঙথোকখি।

নেক্স জেনরেসন ৱাতর এক্সন (এন.জি.দব্ল্যু.এ.) অসি অন্তর্জাতিগী ওইবা থৌরাং অমনি, মসিদা মকোক থোংবা য়ুনিভর্সিতীশিং অমসুং ইন্নোবেসন হবশিংদা লৈরিবা নহাশিংবু লৌখৎতুনা আই.দব্ল্যু.এ. ৱার্ল্দ ৱাতর কংগ্রেস অমসুং একজিবিসন ২০২২গী মমাং, মতুং অমসুং মরক্তা শরুক য়াহনগনি।

***************