এম.দি.এল.না শাবা পি. ১৭এগী মঙাশুবা স্তীল্থ ফ্রিগেৎ ঙসি জহাজ অসিবু 'তরাগিরি' হায়না মমিং থোনবীখিবা শ্রীমতি চরু সিংহ, প্রেজিদেন্ত এন.দব্ল্যু.দব্ল্যু.এ. (নোংচুপ রিজন)না লোঞ্চ তৌখ্রে। গৃহ মন্ত্রালয়, ভারত সরকারনা সেপ্তেম্বর ১১, ২০২২বু স্তেৎ মোর্নিং হায়না লাউথোকখিবা নোতিফিকেসন তুং ইল্লদুনা, থৌরম অদু তেক্নিকেল লোঞ্চ অমখক ওইনা পাঙথোকখি, থৌরম অসি ইথৎ-ইপোমগী মতুং ইনবনা মরম ওইদুনা লেপখিবা মতম হোংবসু ওইথোকখিদে। ভাইস এদমিরেল অজেন্দ্রা বহাদুর সিংহ, গ্লেগ ওফিসর কম্মান্দিং-ইন-চীফ, ৱেস্তর্ন নেভেল কম্মান্দনা অথোইবা মীথুংলেন, ভি.এদিএম কিরন দেশ্মুখ কন্ত্রোল্লর ৱারশিপ প্রদক্সন অমসুং এক্যুজিসন, অতোপ্পা ইন্দিয়ন নেভীগী মকোক থোংবা ওফিসরশিং, অমসুং এম.ও.দি.সু লোঞ্চ সেরিমোনী অদুবু মীৎয়েং তাখিবা মরুওইবা মীওইশিং ওইখি।

ৱারশিপ দিজাইন ব্যুরো (দব্ল্যু.দি.বি.) অমসুং এম.দি.এল. কাংবুশিংনা মমাংদসু কয়ারক হন্না মায় পাক্না কনভেন্সনেল লোঞ্চ পাঙথোকখিবগা লোইননা মখোয়গী হৈশিংবশিং উৎখি অমসুং অতোপ্পা পোন্তুন এসিস্তেদ লোঞ্চ অমা নীংথিজবগা লোইননা পাঙথোকখি। লোঞ্চ অদুগী মতুংদা, 'তরাগিরি'না মাগী সিস্তর শিপ অনি এম.দি.এল.দা মখোয়বু ইন্দিয়ন নেভীদা খুৎশিন্ননবা আউৎফিত্তিং এক্তিবিতীগীদমক জোইন তৌগনি।

এম.দি.এল. অমসুং জি.আর.এস.ই.দা পি. ১৭এ. ফ্রিগেৎ তরেৎসু শাবগী তোঙান-তোঙানবা তাংকক্তা লৈরি। লমদম অসিদা য়াম্না লুবা স্তীল্থ ফ্রিগেৎকুম্বা ফ্রন্তলাইন জহাজশিং শাবা হৌরকপসিনা লৈবাক অসিবু জহাজ শাবগী কাংলুপতা অৱাংবা মফম অমা কনবা ঙম্লগনি। মসিনা শেন্মিৎলোন্দা চাউখৎপা, ভারতকী শিপয়ার্দতা, মখোয়গী সব কন্ত্রেক্তরদা অমসুং এন্সিলরী ইন্দস্ত্রীদা থবক পীবা ঙম্লকপদা খুদোংচাবা পীরগনি। মখা তানা, প্রোজেক্ত ১৭এগী ওর্দরগী ৭৫%দি এম.এস.এম.ই.শিং য়াওনা লমদমসিগী ফার্মশিংদা পীগনি, অসুম্না লৈবাক অসিনা 'আত্ম নির্ভর ভারত' ফংনবা তাল্লিবা অসিদা হেন্না মথৌ হাপ্লগনি।

থৌরম অদুদা ৱা ঙাংলদুনা ভাইস এদমিরেল অজেন্দ্রা বহাদুর সিংহ, এফ.ও.সি.-আই.এন.-সি., ৱেস্তর্ন নেভেল কম্মান্দনা মজাগোন দোক শিপবিল্দর লিমিতেদ, ৱারশিপ দিজাইন ব্যুরো অমসুং অতোপ্পা নেভেল তীমশিঙ্গু লৈবাক অসিনা লালগী জহাজ শাবদা ইরোমদোম লেপচনবা হোৎনরিবা মঙলান অসিবু মঙফাওনহনবদা অচৌবা থৌদাং লৌবগীদমক শিংথাখি। মহাক্না মখা তারদুনা হায়না হায়খি মদুদি 'তরাগিরি' অসিনা আই.এন.গী ফোর্ততা মসিনা শমুদ্র ইমাইদা হেক থোকপগা অহেনবা অমা হাপচল্লগনি।

***************